Unicode
"Wonnu ရား ငါတော်တယ်မလား"
Mingyu က ပွဲစဉ်မပြီးမီ လက်တစ်ကမ်းအလိုမှာ ဒရမ်မာဆန်ဆန် ဂိုးသွင်းသွားတာကြောင့် ဂုဏ်ယူနေမိသည်။ ထို့အပြင် Wonwoo ရဲ့ သဘောကျမှုကိုလည်း သူရယူချင်မိသည်။ Wonwoo ဘက်က ချီးကျူးစကားဖြစ်ဖြစ် ကြားချင်မိတာကြောင့် အနားသွားပြီး စကားတောင်စားလုပ်နေမိသည်။ Wonwoo ကတော့ သူ့အာဘော်အရ ငြိမ်ငြိမ်ကလေးသာနေနေသည်။ လက်မောင်းကိုပါ လှုပ်ယမ်းနေသူက အတင့်ရဲလှစွာ။ Wonwoo ငြိမ်နေလို့ မဖြစ်တော့တာကြောင့် ခေါင်းညိတ်ပြလိုက်ပြီး
"အင်းတော်တယ်"
Mingyu က ဝမ်းသာအားရပြုံးသည်။ ထို့နောက် Wonwoo ဖတ်နေသည့်စာအုပ်အဖုံးကို အမြင်ကတ်ကတ်နဲ့ ပိတ်အုပ်လိုက်တော့ Wonwoo က အံ့ဩသလိုကြည့်သည်။
"ငါ့မျက်လုံးတည့်တည့်ကို ကြည့်ပါအုံး၊ အဲ့စာအုပ်က ဘာမို့လို့လဲ"
Mingyu က စာအုပ်ကို လုသွားသည်။ ပိုင်စိုးပိုင်နက်ဆန်လှသည့် Mingyu ရဲ့ အပြုအမူကြောင့် Wonwoo ရုတ်တရပ် စိတ်ရှုပ်သွားရပေမဲ့ ဒေါသတော့မထွက်မိ။ Mingyu ရဲ့ စကားလုံးတွေဆို မငြင်းပယ်ချင်နေတာ သူ့ကိုယ်သူအသိဆုံး။ Mingyu မျက်ဝန်းကို တည့်တည့်မကြည့်ရဲသည်က ငြို့ယူနိုင်လွန်းသည့် အကြည့်တွေကြောင့်ပင်။ Mingyu မျက်လုံးကို ၅စက္ကန့်ပင်မကြာ တစ်ချက်မျှကြည့်ရင်း "တော်သည်" ဟု တစ်ဖန်ပြောပေးလိုက်သည်။
"မင်းဟာကလည်း အေးတိအေးစက်နဲ့၊ ထားပါ ဒါမင်းပုံစံပဲ။ ငါကလည်း အဲ့ပုံစံကိုပဲ သဘောကျနေရတာဆိုတော့"
Mingyu ရဲ့ အနှောင့်အသွားမလွတ်သည့် စကားကြောင့် Wonwoo စိတ်ထဲ စနိုးစနောင့်ဖြစ်သွားရကာ အောက်ငုံ့နေမိသည်။ Mingyu က Wonwoo ရဲ့ ဝတ္ထုစာအုပ်ကိုယူလိုက်ပြီး နောက်ဆုံးဗလာစာမျက်နှာမှာ တစ်ခုခုရေးလိုက်သည်။ မြန်ဆန်လှသည့် Mingyu ရဲ့ လှုပ်ရှားမှုတွေကြောင့် Wonwoo လိုက်၍မမီတော့။ Wonwoo သူ့စာအုပ်တွေမှာ မတော်တဆပဲဖြစ်ဖြစ်၊ တမင်တကာပဲဖြစ်ဖြစ် ရေးခြစ်ခြင်းကို အရမ်းမုန်းပါသည်။ ထို့ကြောင့် စက္ကန့်ပိုင်းမျှ တွေဝေနေပြီးသည်နှင့် အသိစိတ်ဝင်ကာ
"Mingyu မင်းအဲ့တာ ဘာလုပ်လိုက်တာလဲ"
စိတ်ဆိုးသွားတာကြောင့် လေသံနည်းနည်းကျယ်သွားပေမဲ့ Mingyu ကတော့မမှု၊ ဆက်ရေးနေသည်။ လူတိုင်းက လေ့ကျင့်ရေးခန်း၊ ကန်တင်းနဲ့၊ ဘောလုံးကွင်းမှာပဲ ရှိနေကြတာမလို့ အတန်းထဲ သူတို့နှစ်ဦးတည်းပင်။ သူစာအုပ်ကို ဆွဲလုဖို့ကြိုးစားပေမဲ့ သူ့အပြုအမူကို ကြိုတင်ရိပ်မိသည့် Mingyu က မက်တပ်ထရပ်သည်။ Wonwoo က အရှိန်လွဲသွားတာကြောင့် ပြုတ်ကျတော့မဲ့သဲ့သဲ့မှာ လက်မောင်းစပ်နားကို Mingyu က လှမ်းဆွဲပေးသည်။ ထို့နောက် စာအုပ်ကိုပေးကာ
YOU ARE READING
"DANCIN' On to Your Heartbeat"
Romanceမင်းရဲ့ရင်ခုန်သံစည်းချက်အတိုင်း ငါက ကခုန်မယ်။ သည်ခံစားချက်တွေက မင်းပါးချိုင့်ပါးပါးအောက်မှာ စီးဝင်သွားတာမျိုး။ Yoon Jeonghan ငါတို့နှစ်ယောက် ရင်ခုန်သံတေးသွားတွေမှာ စီးချက်ညီညီ ဖြတ်သန်းကြည့်ရအောင်။ "မင်းနဲ့ပတ်သတ်ရင်"ဆိုတဲ့ စကားစုတွေကို ငါသိပ်သဘ...
