Unicode
သူတို့အတန်းထဲကသူတွေ တစ်ယောက်နဲ့တစ်ယောက် ပိုပြီးရင်းနှီးသွားကြလေပြီ။ သန်ဘက်ခါဆိုရင်Mid term ဖြေရတော့မည်မို့ စာအတူတူလုပ်ကြ၊ တစ်ယောက်နဲ့ တစ်ယောက် စာမေး၊ စာဆို လိုက်နှင့် အလုပ်ရှုပ်နေကြသည်။ ဆရာတွေကလည်း နှစ်လယ်အတွက် အပြတ်ဖြတ်သင့်ပြီဖြစ်သည့် သင်ခန်းစာတွေအကုန် ပြီးသွားပြီမလို့ တစ်ပတ်ကို Self study လုပ်ဖို့ အချိန်ပေးထားသည်။ ကျောင်းကတော့ ဆက်တက်နေရပေမဲ့ စောဆင်းပေးသည်။ အတန်းထဲတွင်တော့ ခါတိုင်းလို ဆူညံပူညံသိပ်မရှိ၊ စာခပ်တိုးတိုးရွတ်နေသံတွေက စုပေါင်းသွားကာ တစ်တန်းလုံး ပြည့်နှက်နေလျက်ရှိသည်။ Mid term မဖြေရသေးခင် Mid term ပြီးရင် ဆင်နွှဲမည့် အစီအစဥ်တွေကို တက်ကြွသူတို့အဖွဲ့ဖြစ်သည့် Mingyu၊ Seungkwan နဲ့ Hoshi တို့က လှုံ့ဆော်ကြော်ငြာကြသည်။ ထုံးစံအတိုင်း Seokmin က ဦးစွာထောက်ခံသည်။သည်ရက်တွေထဲ Joshua ဘက်က အနည်းငယ် ငြိမ်ကျသွားသော်လည်း Seokmin ကတော့ ပုံမှန်သာ။ Joshua နဲ့ ခါတိုင်းလိုတော့ ဖက်လှဲတကင်းဆက်ဆံပေါင်းသင်းခြင်း မပြုတော့သော်လည်း စကားစမြည်တော့ သွားပြောလေ့ရှိပါသည်။ Seokmin ၏ အတွေးက ပကတိအေးချမ်းသည်၊ ဖြူစင်သည်။ Joshua ကို သူငယ်ချင်းလိုပဲ သဘောထားကြောင်း သူ့လိပ်ပြာသူလုံသည်။ သို့ရာ ခင်မင်ကျွမ်းဝင်ခဲ့ရသူမို့ မနာကျင်စေချင်တာ သူ့စေတနာပါ။ ချစ်မေတ္တာ၏ သဘောတရားကို သူမသိပေမဲ့ သူငယ်ချင်းသံယောဇဥ်ကိုတော့ သူလေးစားပါသည်။ အခုတလော ငြိမ်ကုတ်နေသည့် Joshua ကို အပြစ်မတင်ချင်ပေမဲ့ Joshua ရဲ့ အပြုအမူတွေက သူ့ကိုလူဆိုးဖြစ်သွားစေသည်ဟု Seokmin တစ်ဖက်စောင်းနင်း တွေးမိသည်။
Joshua နဲ့သူ အကြောင်းပြချက်ကောင်းကောင်းမရှိဘဲ ကွေကွင်းနေရသည်။ သည်အခြေအနေကို သူ့ဘက်ကတော့ လျစ်လျူရှု၍ နေနိုင်ပေမဲ့ Joshua ဘက်ကိုတော့ ထည့်မစဥ်းစားချင်တော့။ သူရွေးချယ်သွားခဲ့သည့်လမ်းပဲဟု အသည်းမာမာနဲ့ပဲ ဆုံးဖြတ်ချက်ချခဲ့သည်။သူမတတ်နိုင်...
စိတ်ထဲရှိသည့်အတိုင်း ရိုးသားစွာအဖြေပေးလိုက်ခြင်းအပေါ် လူတွေက လက်မခံနိုင်ကြပေဘူးလား။ ချစ်ခြင်းမေတ္တာအတွက် သူ့ခံယူချက်တွေကို ဖိနိုပ်ပစ်လိုက်ရမှာလား။ လူတွေ စံသတ်မှတ်ထားတဲ့အချစ်က အပြန်အလှန်သက်ရောက်မှုလား။ Joshua နဲ့ သူ့ကြားမှာ ဘယ်အရာက လွဲချော်သွားလဲ မသိပေမဲ့ သူငယ်ချင်းဆက်နွှယ်မှုကိုတော့ Seokmin သတိရမိပါသည်။
YOU ARE READING
"DANCIN' On to Your Heartbeat"
Romanceမင်းရဲ့ရင်ခုန်သံစည်းချက်အတိုင်း ငါက ကခုန်မယ်။ သည်ခံစားချက်တွေက မင်းပါးချိုင့်ပါးပါးအောက်မှာ စီးဝင်သွားတာမျိုး။ Yoon Jeonghan ငါတို့နှစ်ယောက် ရင်ခုန်သံတေးသွားတွေမှာ စီးချက်ညီညီ ဖြတ်သန်းကြည့်ရအောင်။ "မင်းနဲ့ပတ်သတ်ရင်"ဆိုတဲ့ စကားစုတွေကို ငါသိပ်သဘ...