وحشتوني حقيقي وربنا عالم أنا عانيت قد إيـه عشان اكتب الفصل دة🤩💘💘💘💘💘
|الحلقـة التاسعـة عشـر|
|قِطعة من الفؤاد|
|نــدىٰ|
ـــــــــــــــــــــــــــــــــــــــــــــــــ
|من علامات حسن الخاتمة|
ﺃﻥ ﻳﻤﻮﺕ ﻋﻠﻰ ﻋﺒﺎﺩﺓ، ﻛﺎﻥ ﻳﺼﻠﻲ ﻣﺜلًا ﺃﻭ ﺻﺎﺋﻤًﺎ ﺃﻭ ﺫﺍﻫﺒًﺎ ﺇﻟﻰ ﻣﺤﺎﺿﺮﺓ ﺩﻳﻨﻴﺔ، ﻳﻘﻮﻝ ﺻﻠﻰ ﺍﻟﻠﻪ ﻋﻠﻴﻪ
ﻭﺳﻠﻢ " : ﺇﺫﺍ ﺃﺭﺍﺩ ﺍﻟﻠﻪ ﺑﻌﺒﺪ ﺧﻴﺮًﺍ ﻃﻬﺮﻩ ﻗﺒﻞ ﻣﻮﺗﻪ، ﻗﺎﻟﻮﺍ ﻭﻣﺎ ﻃﻬﻮﺭ ﺍﻟﻌﺒﺪ، ﻗﺎﻝ : ﻋﻤﻞ ﺻﺎﻟﺢ ﻳﻠﻬﻤﻪ ﺇﻳﺎﻩ ﺣﺘﻰ ﻳﻘﺒﻀﻪ ﻋﻠﻴﻪ>
ــــــــــــــــــــــــــــــــــــــــــــــــــ
«وأنتَ مالك!!؟ زعلان ليه أنا نفسي راضي باللي أنا بعمله»
وصل "عاصم" إلى حالة من الجنون لمجرد تخيل أن "فاطم" ستتأذىٰ فصرخ بلا وعي.
«عشان أنا بحب أختك يا "جبريال"، أنا بحب" فاطـم" ومش هسمح ليك أبدًا انك تأذيها»
فتلقىٰ لكمة تلقائيًا على وجهه عقب كلماته، لكمة كانت رد فعل "جبريال" على كلمات "عاصـم" ونتجت عن صدمته الشديدة!! هـم أن يُعنف صديقه أو أن يطلب منه أن ينفي كلماته لكن قبل أن يفعل تلقىٰ لكمـة من الأخير، لكمة كانت مُفاجئة فارتد جسـده عدة خطوات للـخلف علىٰ أثرها واستمع لـصوت "عاصـم" يُصيح بجنونٍ.
«قِلة أدب بقلة أدب بقىٰ، يا تحترم نفسك ونكلم زي أي اتنين عاقلين؛ يا هقل أدبي عليك ونبقىٰ احنا الاتنين مُهزقين»
وصمـت لثوانٍ يلتقط بهم أنفاسه المسلوبة وكاد أن يُكمل حديثه لكن "جبريال" قاطع مُخططه بقوله بصوتٍ غاضب.
«أنتَ واعي للي أنتَ بتقوله!!! لا بجد واخد بالك من كلامك!؟ منين خطبت واحدة قبل كدة ومنين جاي دلوقت تقول بحب أختك!؟ لـو بتقول كدة عشان نحل الموضوع وِدي بجوازكم مثلًا وبتشفق عليا فأنا مستغني عن خدماتك يا "عاصم»
يعتقد أن اعترافه بالـحُب تِجاه أخته ما هو إلا بشفقة عليه!! يعتقد أن عذابه الناتج عن الـحب لمُدة خمسة عشر عامّا مـا هو إلا شفقة!! يا ليتها كانت شفقة... يا ليتها، يُذَكره بأمر خطوبته السابقة والتي ندم عليها أشد الـندم ومازال يفعل فما كان عليـه إلا أن وضـح مُفسرًا.
« أنتَ عارف كويس إن أمي اللي طلبت مني أخطب "سحـر" وعشان أمي كانت مريضة أنا قـررت انفذ ليها طلبها بـس استمرت الخطوبة لمُدة شهر وبس وبعدين أنا فسختها بس مش عشان أنا مرتحتش معاها يا "جبريال" زي ما قولتلك لأ، دة عشان لقيت نفسي مش عارف أبطل أحب أختك وجوازي من "سحـر" كان هيبقىٰ ظلم لنفسي قبل أما يكون ظلم ليها، اعترافي بحبي لأختك دة مش شفقة عليك يا جبريال؛ دة رفـق بقلبي اللي اتعذب لسنين؛ قلبي اللي يوم أما فكـر ينهي عذابه ويتقدم للي اختارهـا اكتشف أنه مكتوب عليه يتعذب طول العمر »
