الهجينه ♡ ( جارى تعديل السرد من عامي الى فصحى)

الهجينه ♥

صباح الخير يارب تفضلوا دايماً بخير 😍

انا ممكن ماليش تواصل أوي معاكم هنا مع الناس اللي بتابعني على الواتباد بس والله انا بس مابحبش زحمه كتير وكل شويه انزل اعتذار أو كده بس محتاجه اتكلم معاكم شويه ياحبايبي لو تسمحولي ، كتابه الروايه دي أولاً والله انا ماباخدش منها جنيه ومحدش بيكتب عموما على السوشيال ميديا بياخد منها فلوس انا بكتبها هوايه عموما لأن الكتابه انا بلاقي نفسي فيها بس للأسف بيجيلي كومنتات سلبيه جدا بحاول اتغاضى عنها بس كترها بيخليني افقد الشغف حقيقي أولهم دي بتأخر الروايه علشان التشويق والتهديد بأن دي اخر روايه هتبعيها ليا
بسبب التأخير وأني مش ملتزمه وحاجات كتير طيب تعالي كده ياقمر اقولك على حاجه اولا انا زوجه وام لأطفال وعندي مشاغلي ورغم كده بحاول انزل الروايه لأن زي ما قولتلكم ده شغفي البارت لما بينزل ما بيقلش ياقمر عن 10 الاف كلمه عارفه يعني اي 10 الاف كلمه يعني بمقام خمس فصول لو نزلت كل يوم ٢٠٠٠ كلمه بس انا بحب اني اطول البارت عشان تستمتعي بي واكنك بتشوفي حلقه كامله البارت اللي بتقرأيه في نص ساعه وحياه ربنا اللي أغلى من كل شىء انا بكتبه في اسبوع وبعيد عليه اكتر من مره عشان ينزلك بالشكل ده فبلاش نقلل من مجهود حد أرجوكي

تاني شىء ماهي هي الروايه مطوله بصراحه بوخت لما عمار مات ، هو ليه مكملتيش من انتهاء البارت اللي فات ومجبتيش سيره عمار، هو الروايه كده فيها رغي كتير وحشو على الفاضي، هي الروايه هتخلص أمتى، من الاخر كل اللي بيتكلم بيسيب احداث البارت اللي حقيقي اخد مني كتير وعايزين عمار عايش ، في الحقيقه روايه الهجينه مش زي اي روايه خالص انا كتبتها قبل كده حقيقي مش مجرد اتنين حبوا بعض وهوب اتجوزوا ويلا خلاص روايه تحفه الهجينه كانت ناقله فكريه وفكري نضج فيها جدا ، الروايه مطوله اه ياقلبي مطوله علشان لسه فيها أحداث كتير جايه ومرتبه افكار ومعلومات حلوه اوي نستفاد منها كلنا ، البارت ما بدأش بأخر حته من الجزء اللي فات لسه ياقمر اكيد هتيجي دورها ، جزء عمار ده مهم جدا عشان لسه هينقلنا لحته تانيه خالص البارت اللي فات انا عرفتك حياه كل واحد فيهم اللي هما ابطال الروايه الأساسيين عايشين فين وازاي طول العشر سنين اللي فاتت زواج ساره من يزن تم ازاي كل حاجه واحده واحده فأرجو من كل شخص بلاش كومنتات سلبيه واحباط لأن ده حقيقي كلام بيوجع كتير وبيخليني افقد الشغف ومش هقدر اطلع احسن ما عندي واللي فات كوم واللي جاي كوم تاني صدقيني بس الصبر مش اكتر

اسفه اخر حاجه ياحبايبي ابطال روايه الجميله والوحش وحب خارج ارادتي ادوارهم انتهت خلاص يعني مش هيظهروا تاني بعد كده هنركز على ابطال روايتنا الأصليه وشكرا لكل حد دايما بيشجعني انتوا على راسي والله ♥