[Unicode]
ဗိုက်ဝသွားပြီ ကျေးဇူး
တကယ်တမ်း ရှီဖျင်းပြခန်းတွင် အထပ်နှစ်ထပ်ရှိသော်လည်း တည်ဆောက်ပုံမှာ အင်မတန်ထူးဆန်းလေ၏ ။
ပုံမှန်အားဖြင့် သို့နှယ် နှစ်ထပ်ဆိုင်ခန်းများတွင် ပထမထပ်မှာ အမှန်တကယ် ဈေးရောင်းသည့်ဆိုင်ဖြစ်ပြီး ဒုတိယထပ်သည်တော့ လူနေအိမ် သို့မဟုတ် သိုလှောင်ခန်းဖြစ်သည် ။ အကယ်၍ အလွန် စေ့စေ့စပ်စပ်ရှိသောသူဖြစ်ပါက ဧည့်သည်များအတွက် ကျော့ရှင်းသောဧည့်ခန်းတစ်ခန်းအဖြစ် ပြောင်းလဲလိုက်မည်ပေ ။
သို့သော် ရှီဖျင်းပြခန်းကမူ ထိုသို့မဟုတ်ပါချေ ။
ဒုတိယထပ်ကို.....စားသောက်ရန်အတွက် အဓိကထား အသုံးပြုလေသည် ။
အဘယ်ကြောင့် 'အဓိက'ဟု သုံးရသည်လဲ ? အကြောင်းမှာ ၎င်းသည် ရုက္ခဗေဒပန်းဥယျာဉ်အသေးစားနှင့်လည်း တူနေသေးသောကြောင့်ပင်--
အခန်း၏အနောက်မြောက်ဘက်ထောင့်ရှိ နံရံကိုမှီလျက် ပေါက်ရောက်နေသော သစ်ပင်တစ်ပင်ရှိနေ၏ ။ အပင်အမျိုးအစားကို ခွဲခြား၍မရဘဲ သေပြီလား ၊ ရှင်နေသေးသည်လားကိုလည်း ပြောနိုင်ရန် ခက်ခဲလှသည် ။ အပင်မှာ လုံးဝဥဿုံ အရွက်များကင်းမဲ့နေလျက် အခန်းမျက်နှာကြက်ကို ထိသည်ဆိုရုံလောက်သာမြင့်မားသည် ။ ၎င်း၏အကိုင်းအခက်များမှာ နံရံတစ်လျှောက် ခွဲဖြာဖြန့်ကျက်နေလျက် ။
သစ်ကိုင်းတစ်ခုမှ တွဲလောင်းကျနေသော ငှက်လှောင်ချိုင့်အလွတ်တစ်ခုလည်း ရှိနေသေး၏ ။
အပင်၏အောက်ခြေတွင်တော့ လူလုပ်မြေသားတစ်ခုရှိနေပြီး ရေအိုင်တိမ်တိမ်ထဲတွင် ကူးခတ်နေသည့် လိပ်ကလေးနှစ်ကောင် ရှိနေသည် ။ ထိုမှတစ်ပါး ကျောက်တုံးကျောက်ခဲများ ၊ လတ်ဆတ်သော ပန်းပွင့်များနှင့် အပင်များက နေရာအနှံ့ ပြည့်နှက်နေသည့်အပြင် အသိုက်များလည်း ရှိနေလေရာ မည်သည့်သတ္တဝါများက ထိုထဲတွင်နေထိုင်ကြောင်း မသိရချေ ။
သစ်ပင်ပန်းမာန်များကြား၌ စားသောက်ရန်အတွက် လေးထောင့်ပုံစားပွဲတစ်ခုချထားပြီး ၎င်းမှာအတော်လေး.....လိုက်လျောညီထွေမရှိ ဖြစ်နေ၏ ။
YOU ARE READING
မြေအောက်လောကစီရင်သူ 『ဖန့်ကွမ်း』〘မြန်မာဘာသာပြန်〙
SpiritualTitle : PanGuan ( 判官 ) Author : MuSuLi ( 木苏里 ) Status : 117 chapters + 6 extras Genre : Action, Adventure, Horror, Mystery, Romance, Supernatural This is just a fan translation work . I do not own this story .