ثنيان مظلوم يا سياف

البارت الرابع؛

والحين.............
والحين وينك ياثنيانو ها وينك... وخر ثنيان الجوال من أذنه من صراخ خالد وقال؛ ابك شفيك ياولد جو لنا رجاجيل ونسيتك... خالد بقهر كبير من ثنيان؛ والله ان ماجيت أن أكفر فيك تفهممم وسكر في وجهه
ثنيان ناضر في إخوانه وهزاع وقال؛ ياعيال خالد يقول تعالو الديوان ... ناضر فيه سياف وقال؛ ابشر نجيه نجيه... انصدمم سعود منه؛ اهيب على وجهك من متى تيجي الديوان ها..؟
سلطان بضحك؛ هههههه تكفى تكفى وجهك يضحك شفيك مصدوم ههههه.
سياف بستغراب؛ ليه عيب اجي.؟.. هزاع بطفش؛ الحين هواش مثل كل يوم.
ما امداه يكمل كلامه الا وسياف وسعود تهاوشو
الجد سياف منسدح ونايم ( طبعا شايب ومن تعبه ينام) ناضر فيه ثنيان وضحك؛ جدي لا لا الناس تتهاوش وهو مترقد هههههههه
ناضروه الكل وقال سعود؛ امشو بس لا نتأخر عليه .... مع طلعتهم كلهم شافو صقر آخو هزاع
سعود ناضره وهو مب متطمن من حالته؛ ولد وين كنت.. طالع فيه وقال؛ تكلميني..؟ سعود بحده.؛ أجل اكلم الجدران إلى وراي اي اكلمك والا ماغير مشاوير آخر الليل ورجعه بعد شهور..؟
صقر بكره؛ ياعم نحترمك مانبي نغلط وبعدين انت ولي أمري..؟. ولا ابوي..؟ لاتحشر نفسك خلك بذا الورع إلى وراك واشر على هزاع...
هزاع بغبنه.؛ ليه مب مالي عينك.؟ ولا لي اني مب زيك..؟
تدخل ثنيان قبل تكبر السالفه؛ هدو ياجماعه خلاص ولد سلطان خذ المفتاح وشغل السياره
رمى المفتاح لسلطان واخده وراح ولحقه سياف وهزاع بقى سعود يناضر في صقر وش رح يسوي؛ ناضر فيهم ثنيان وهم طالعين وحول نضره لي صقر ومسكه من ياقت ثوبه؛ والله والله اذا ماتعدلت لا اوريك نجوم اليل بعز القايله
دفه صقر بصعوبه وهو يتنفس؛ شدخلكم فيني ها شدخلكممممممممممم
عصب ثنيان ودف  صقر على  الأرض وطاح فيه ضرب  وبعصبيه؛ صير رجال مب حرمه احترم على الأقل الشنب إلى فيك ياحيف بس ياحيف
فز سعود وهو يمسك ثنيان وسحبه بقوه من فوق صقر؛ ( ثنيان جسمه عريض وقوى شوي على الباقي) ياولد اذكر الله لا تكفر فيه امشي امشي
قام ثنيان من فوق صقر؛ حسابك بعدين ياكلب

... الديوان...
مصعب بصدمه؛ ابوك يالجحده كل ذا ويجحد  خالد بضحك على شكل مصعب؛ اي والله قال كذا ههههه
مصعب مسك رأسه من الصداع الي جاه؛. ياخي ذا كذاب كذاب كذبه أكبر من كذب ابو صويلح
فطس حمد وخالد ضحك على تشبيه مصعب وقال حمد؛ ياخي تكفى ذا كذبه صغير قدام ابو صويلح نسيتم وش سوا في ثنيان
انهار خالد ضحك وهو يتذكر الموقف إلى صار لي ثنيان؛
(تعريف عن أعمارهم؛ مصعب؛ ٣٠ حمد ٢٩ خالد ٢٧)
قبل ٥ سنوات......
في مجلس الشيخ بديره الضباب.....
ابو صويلح بكذب؛ ايه يابو ثنيان ماتدري وش الي صار..؟
ابو ثنيان بستغراب؛ وش سوا يابو صويلح..!!
ابو صويلح ومكمل كذبه؛ ابد ماغير يكتب علي جدران البيوت ويكب المويا على حواشهم
طارت عيون ابو ثنيان وقال؛ السموحه منكم ياجماعه آخر مره يسويها
قام ابو ثنيان من مجلس الشيخ وتوجه لي بيته وعيونه حمر من قهره
بيت الجد؛ ثنيان نايم في المجلس ومب حول احد ولا عارف وش الي بيجي له
ابو ثنيان بصراخ؛ وينه وينه خافت العمه ريم وقالت؛ منهو منهو الي تبيه ناضر فيها وابتسم؛ ابي صاحب المشاكل من غيره؛ مافهمت العمه ريم وقالت؛ منهو ذا
ابو ثنيان بصراخ من فهاوه اخته؛ ثنيان يابنت  انخرعت الريم وهي تحاول تهدي قلبها؛ نايم في المجلس وراحت من قدامه... توجهه ابو ثنيان لي المجلس ومعه الخيزرانه؛ ثنيان نايم بزوايه المجلس ومتلحف على. نفسه إلا رجولة طالعه؛ اخذ ابو ثنيان الخيزرانه وضرب ارجل ثنيان فيها وبصراخهه إلى هز البيت؛ اعقببببب وانا ولددد ابوي كذا ياثنيان تسويييي ها
فز ثنيان بخوف وألم؛ يبه وش في..؟ ابو ثنيان؛ أجل تأخير آخر الليل تكتب في الجداري ها ما عرفت  اربيك زين اوريك يثنيان وضرب ثنيان في رجله مره ومرتين وثلاث.....
ثنيان ساكت ماقال شي ابد بي العكس يحاول يكتم ضحكته... محد يلومه تعامل ابوه معها غير كل يوم هواش وضرب على اتفه شي بس بيتغير ابوه أو لا..؟
انخرعت ام ثنيان وهي تسمع صراخ زوجها إلى واضح انه يهاوش في احد ركضت لي المجلس انصدمت وهي تشوف ابو ثنيان؛ يجلد ثنيان ضرب بدون رحمه في كل مكان من جسمه ضهره وصدره وارجله واكتفه وانصدمت أكثر يوم شافت ثنيان يضحك وصارخت؛ ولدييييي بتموته يامحمد وجريت له ودفته عن ثنيان وهي تتفحص ثنيان بي عيونها؛ ابتسم ثنيان لي أمه؛ يمه بسيطه يمه؛ انقهر ابو ثنيان محمد من دفت زوجته له وزاده قهر كلام ثنيان وابتسامته؛ اعقببب وانا ولد ابوي تتبوسم أجل  سحب ام ثنيان لمياء لورا ضهره ومسك الخيزرانه مره ثانيه وجلد ثنيان؛ ام ثنيان انهارت هنا وهي تحاول تبعد زوجها عن ولدها.....
بعد ما انجلد ثنيان من ابوه قال له يجلس ورا البيت بدون شي يحميه من الشمس............
نرجع لي وقتنا الحالي.....
وصل ثنيان وإلشباب لي الديوان...وقالو بصوتهم الجمهوري؛ السلام عليكم
ردو عليهم الشباب الباقين السلام.. وجلسو جنب بعض وكان ترتيبهم...
سعود وخالد وهزاع
نمر وسياف و حمد
متعب وسلطان وثنيان وباقي شباب الديره..... قال نمر لسياف؛ وينك ياخي ماتيجي مع شلتك.
ناضر فيه سياف وهو مب مرتاح لي الجلسه ذي بس عشان خالد؛ ابد ياطويل العمر أشغال..
ضحك سعود بقوه والتفت الكل له... انلخم سعود من نضرات سياف له وقال وهو يطالع في خالد؛ يقلع ابليس ابوك صار كذا من جد.؟ خالد بي استغراب واضح فيه بس فهم أن سعود جاب العيد فيهم؛ اي والله جد انا اكذب لا هههههه
ضحك سلطان وبهمس لي ثنيان؛ هيهيهيهي ذا لا يرقع ابد يجيب أعياد ورا بعض
ثنيان بنفس الهمس؛ ياشيخ خله بغى يموت علينا... وثم ناضر حمد وقال؛ ياحميد وين عودك..؟
ابتسم حمد وقال؛ ابد ابشر يابومحمد الحين اجيبه لك.... راح حمد لسيارته وجاب العود إلى فيها ورجع لهم...
التمو كلهم عليه وقال خالد؛ من يغني... نط سعود وقال؛ كلنا يلا واشر على حمد؛ وش تبي من اغنيه... بعد مده قال حمد؛ غنو معي يلا

الزين زود الهموم الثقيله....
منشان خلي سهرنااااا الليالـي....
مشتاق نشوف العيون الكحيله.....
الزين ماضاق ضال ضيله..... ردد معه العيال وبصوت واحد..
الزين زود الهموم الثقيله....
منشان خلي سهرناا الليالي...........
مشتاق نشوف العيون الكحيله.....خلص حمد من العزف على العود وناضر في ثنيان وقال؛ وش يقول أبو محمد ناضر فيه ثنيان ثم ناضر السماء وقال؛ افقدك وانت لاهي عند احبابك
وناسي مين يحبك ويغليك
اذكرني اول اقربلك من اقرابك
وأراضي مبسمك ودوم إداريك
لاشفت دمعتك وسط اهدابك
اهد الدنيا لجل رضاك
لكنك عند غيري تعذر باسبابك
دامك سالي غيري يسليك

بيت الجد...
قالت الجده آمنه؛ يابناتي ترا ام صويلح قالت بكره زواج بنتها.. قالت العمه ريم؛ متى يمه
قالت الجده؛ بكره ياريم بكره.. ما مدا الجده تخلص كلامها الا ريم والجدال نطو لي غرفتهم والعمه سوير معهم؛ الجده انصرعت منهم؛ لابارك الله في عدوك انتي وياها توني قلت بسم الله إلا طرتمم
الجدال وهي تقلب فساتينها؛ هاه ذا حلو..؟ ريم تتفحص الفستان؛ لالا ماش مب جوي طالعتها الجدال من فوق لتحت ونطقت؛ وش جوك ياست..؟ انحشرت سوير بينهم وهي بيدها فساتين
؛ هاه ذا لتس وذا لتس وذا لي... أعطت الريم فستان احمر طويل بدون اكمام ماسك على الجسم من عند الصدر مزين بي لؤلؤ ابيض
وأعطت الجدال فستان كحلي متوسط الطول أكمامه طويله وفيه فتحت ضهر من ورا شوي كبيره ومن عند الخصر مزين بشرايط بيضاء
شهقت الجدال؛ اي والله جبتيها كفو كفو على سويري...قالت الريم بزعل وانا..؟ ناضرت الجدال فيها وقالت؛ ريمو ساعه اختار فستان وانتي ماغير مطلعه عيوني واخر شي مافي شي عجبك اذلفي بس.. سوير قبل يتهاوشو البنات؛ احس اشتقت لي الجود وثريا ابطو مره علينا..
الريم؛ ماشتقت الا لي الجامح شهقت الجدال بقوه؛ ياحماره ليه الا خيل ثنيان ها ها تحبينه وانا مدري
...........
الريم؛ ياخي مب كذا لا اقصد من زمان عنه وبعدين لونه يجذبني حلو؛ سوير؛ صح خيل ثنيان حلو لونه الأسود يجنن وشعره مب خيل هزاع....
الجدال بضحك؛ احاول فيه يغيره يقول؛ قالت وهي تقلد صوت هزاع؛ مابي احب الغيم انتي شحشرك روحي بس
ضحكت سوير على تقليد الجدال لهزاع؛ اي والله انك جبتي صوته...
............
.... .........
ثريا عرفت ان اخوانها رايحين ديره الضباب ونشبت لي نايف يأخذها...... في السياره ...
نايف؛ تبون شي اجيبه من البقاله.. نطت ثريا من المرتبه الأخير وحطت يدها تتكي على التكايه إلى جنب نايف(المسند ذاك عرفتوه ..؟ إلى يكون مابين السواق والراكب )
انااا انااا ابيييي؛ نايف بي انزعاج من اخته؛ سمي وش تبين.. ثريا؛ ابي بطاطس وشوكلت وايسكريم و.. قاطعها سليمان بضحك؛ قولي تبين كل شي.. ناضرته ثريا ثم قالت؛ ابي كل شي..
ضحك نايف؛ تم تم لعيون الثرايا تم...
ابتسمت ثريا بحب لي اخوانها ورجعت مكانها...
.