ثنيان مظلوم يا سياف

البارت الخامس؛

.....يوم زواج بنت ابو صويلح...... بيت الجد وتحديدا في المطبخ.. 
الجدال بتهديد؛ سليطين والله لا أقول لي ابوي... سلطان مطنش كلام اخته وأخذ من الكيكه ويأكل؛ ههاي وش بتسوي ما سمعتس.؟ الجدال بقهر؛ ياخي انت وش ماتحس حس شويتين على الأقل... سلطان مكمل اكل؛ قال ايش قال حس حبيبي الأحاسيس ماخذها سيافوه مب عندي ذي... الجدال رافعه يدينها وماسكه الملعقه وتدعي... يارب تسعد سياف سعد ليوم الدين يارب..... راح سلطان وهو ياخذ كيكه ثانيه وهرب.....
ثنيان بعصبيه؛ ولد ذي فنيلتي..... سعود ويسحب في الفنيلهه.. ياورع حقتي شوف العلامه.. . سياف بطفش منهم؛ ياخي خذ لك اي وحده ياثنيان تحط عقلك بعقل حمار ليه.؟
شهق سعود وناضر الإخوان؛ وين احترام العم فيكم ها وينه.. دخل سلطان عليهم ولسا ياكل كيكته إلى سرقها من الجدال؛ ياليل انت  ذليت أم امي في ذي الكلمه...خرج هزاع من الحمام (يكرم القارئ) وهو إلى ماخذ  فنيله ثنيان؛ ياريت عم والله ياريت... ناضروه الكل وسع ثنيان عيونه وركض لي هزاع؛ ياخسيس فنيلتي ليه معكككككككك؛ انخرع هزاع منه وركض للحوش وقال؛ شعرف امي انها لك.... الجده أمنه تتقهوي في الحوش في سلامه الله وأمانه... إلا هزاع ناط ورا ضهرها؛ ياجده في وجهككك.. شرقت الجده من هزاع إلى فجعها ونطقت؛ ولد علامك تراكض الناس تسلم اول... هزاع بورطه؛ السلام عليكم ثنيان بيهفني  عانيه وراي....ناضرت الجده لي تاشيره هزاع وشافت ثنيان يركض ومعه مركوع... انفجعت الجده مره ثانيه ولفت لي هزاع؛ ولد جاي تحتمي من الثور الهائج انا بحتمي من نفسي عنه..... وراحت وتركت هزاع بصدمته منها وقال بينه وبين نفسه؛ حتى انتي تخافي منه عز الله طرت.... ناضره ثنيان بضحك؛ وين المنقذ.؟
............
.............
هزاع بتبرير؛ اسمع اول شي ماعرفت انها لك اخذتها على الماشي وبعدين مانبي نتأخر عمى لا يمحطنا بي المركوع إلى معك وثاني شي الناس لا يشوفون وجهي مكور ثنيان تكفى........
سكتت ثنيان شوي وثم قال؛ الحين بسكت عنك لكن حسابك بعدين امشي يالله قدامي
..........
سعود بضحك؛ ياخي هويزع ذا حفله كل عزيمه كذا.... سلطان بتأكيد لي كلامه.؛ مايرتاح الا اذا تفقع.... بذي الحظات خرج سياف من الحمام (يكرم القارئ)؛ عن نفسي خلصت قبلكم... طارت عيون سعود وسلطان وبنفس الوقت؛ اهيب عليك امداك تخلص... ناضرهم سياف وهو يعدل شماغه..؛ ساعه على هواش ثنيان وهزاع وساعه على حشكم ساعتين امداني أنام واصحى...
دخل ثنيان على كلامه الأخير وقال؛ كيس نوم صدز... أخذ ثنيان منشفته وطار لي الحمام قبل سعود وسلطان يسون عليه زحمه... طارت عيونهم مره ثانيه وقال سعود؛ هيه وين وين انا الكبير ضروري اجهز قبلكم.. دفه سلطان وبصوت عالي؛ وخررر انا بعده اخوي انت شحشر راسك..؟
دخل هزاع وبطفش؛ كل واحد فيكم معه غرفه صح.؟ اي صح أجل وش فيكم على غرفته..؟ أشر على سعود.... هو الحق فيها دامها له...سعود هز راسه؛ اي اي حقتي وحلالي.. ناضره سياف وبسخريه؛ أذكرك من الي قال غرفتي لكم كلكم وحلفت محد ينام في غرفته عم سعود..؟
لحظه إدراك مرت علي سعود ونطق؛ مين انا..؟ متى قلت اخس تكذب عمك ها..؟  سلطان جالس عند باب الحمام يستنى اخوه وبصدمه منه ؛ ابك تجحد عيني عينك احلف بس احلف..؟
ضحك هزاع؛ اسمعك التسجيل ولا لا..؟ ضحك سعود على محاصرتهم له؛ ابد حلالكم معي هيههيهي
.......
انتهى العيال من التجهيز توجه الكل لي خيمه ابو تركي لعرس ولده عدا سياف عشان يوصل الحريم  لبيت ابو صويلح......
......... بعد ساعه......
وصل نايف وإخوانه ديره الضباب بعد طريق دام اربع ساعات بحكم ان الديره بعيده شوي عن المدينه....
سليمان بتساؤل؛ الحين وين نريح..؟ ناضره نايف ونطق؛ كلمني هزاع أن في عزيمه ويبينا نيجي... ثريا بحماس وصفقت يدينها.؛ الله الله على الأخبار الزينه الله
طالعتها الجود بستغراب؛ ليه كل ذا الحماس..؟ ردت عليها ثريا بي الحماس نفسه.؛ ابد بشوف كشخه البنات ياييي
تمتمت الجود بي استغفر من حماس اختها إلى فى نضرها شي عادي... حرك نايف سيارته لبيت الجد بعد ماقال له هزاع يجون البيت... استأذن هزاع جده يرجع البيت وأخذ سلطان معه...
بيت الجد....
سليمان؛ ابك ذولا هجو..؟ ضحك نايف؛ لا اصبر شوي سليمان بصدمه اخفاها ونطق بينه وبين نفسه؛ دامك تتضحك اجيبك كل يوم هنا اي والله....
وصل هزاع وسلطان اول ما شافو البنات قريب إخوانهم صدو بوجههم عنهم وقالو؛ السلام عليكم تو نورت الديره... استغرب سليمان من صد العيال وجههم... انتبه نايف لصدهم ورد السلام عليهم وقال؛ الاهل معي اسفه ماقلت لك من اول يا هزاع... نطق سلطان وهو لازال صاد؛ ابد البيت بيتهم حياكم... فتح باب البيت ودخل يقول لي أمه وجدته.... سلطان؛ يمه جوكم ضيوف... أم ثنيان؛ منهم..؟ سلطان..؛ أهل نايف يمه.. راح سلطان بعد ماقال لي أمه ذا الكلام وطلع عند العيال وقال؛ يانايف خل اهلك يقلطون داخل.. ابتسم سليمان لهم لي احترامهم معهم؛ هز رأسه نايف وقال؛ ابشر ياسلطان.. ولف رأسه وهمس لي خواته؛ ادخلو داخل محدن غريب عنكن( ملاحظة؛ سليمان اول مره يجي مع اخوه لكن الجود وثريا أكثر من مره يجون معه وتعرفو على أهل سلطان) هزو رأسهم بتفهم ودخلو لي البيت واستقبلتهم العمه سوير توه نور توه نور البيت ياهلا فيكم وركضت تحضنهم.. ابتسمو البنات لها وردو عليها الترحيب؛ البيت منور بي أهلها...
.........
ناضر سلطان بي سليمان وهو أول مره يشوفه وقال مستغرب ذا الشخص من؛ من ضيفنا الجديد.. ابتسم نايف وناضر اخوه ثم ناضر سلطان؛ ذا ياطويل العمر والسلامه اخوي سليمان
تقدم سلطان ومد يده يصافح سليمان؛ ارحب والله في السليمان.. ابتسم سليمان من ابتسامة سلطان؛ البقى يا... ابتسم بعدها بي فشله وقال؛ ماعرف اسمك... نطق سلطان؛ معك اخوك سلطان... ضحك هزاع وقال؛ غدينا خير غدينا خير سليطين وسليمانو نفس بعض ف يا احبابي ارمو الهيبه وخلكم مهابل سلطان الرسميه ذي مب حقك حطها لي سياف. ههههه
انفجر سلطان ضحك؛ ياخي نضبط علاقه محترمه شوي بعيد عن المصايب
ناضره سليمان وهو ارتاح نفسيا لي سلطان وهزاع ارتاح نفسيا لي الديره كلها حس انهم ناس فعلاً تحب وتنحب بوسع خاطر....
.........
.........
عند البنات....
الجدال بصراخ؛ ريمو وجع يوجعك قولي امين وينه مافيييي.. الريم مغطيه على أذان ثريا من صراخ الجدال؛ جعل الوجع فيتس شعرفني عانيه قدامتس وين طار مدري عنتس... ثريا بضحك عليهم؛ خلاص اعطيك حقي لا تموتي علينا نبيك ترا... درعمت سوير عليهم وصارخت؛ اجهزوووووووو بسرعهههه ترا سياف نقلي في رأسه بيض اجهزوووووووو
غطو البنات كلهم آذانهم من صراخها الحاد؛ تكلمت الجدال وهي تعرف عصبيه أخوها.؛ يمهه اخلصوو لا يحطنا احسن مفطح لهم...
خلصو البنات من التجهيزات وكانت فساتينهم.... (طبعا الجدال والريم ذكرت فساتينهم في البارت الرابع)
العمه سوير؛ فستان اسود طويل ماسك من الخصر بي اكمام منفوشه مزينه بي ورود شعرها الين خلف خصرها حاطته فير ميكب شوي ثقيل
الجود؛ فستان حرير زيتي طويل ماسك من الخصر بدون اكمام شعرها وسط حاطته ويفي وميكب خفيف
ثريا؛ فستان ازرق ميدي ماسك على جسمها من الصدر في فتحه شوي كبيره شعرها الين نحرها وحاطته استريت ميكب ناعم ........
.......كلمت الجدال أخوها سياف يمر عليهم وياخذهم.... بعد مده بسيطه مرهم سياف بسيارته الجيب... عشان تكفي الحريم...علمت الجدال البنات وامها وعماتها بي ان سياف برا يستنى
توجهه الكل لي سياف بعد ما اخذو عباياتهم....
.........
وصلو حريم ال مطلق لبيت ام صويلح بعد ما تأكد سياف انهم دخلو حرك سيارته لي جهه العيال..... عند العيال...
سعود بسخرية؛ شعندهم طقوم الفناجين..؟ ناضره سلطان وبنفس السخرية؛ قال فناجين قال
إلى مانقدر نشوفه الا بمجهر منهو تقول كانه بابا سنفور من قصره ويتمسخر على راسنا..؟
( سعود مب طويل مره ولا قصير مره طوله ١٧٨ اما العيال طولهم ف ١٨٠ وفوق عشان كذا سلطان قال بابا سنفور لأنه جنبهم سنفور وهم عمالقه) سعود ناضره وبنفس السخريه ؛ شذنبي إذا إلى قدامي غول..؟ وسع سلطان عيونه ونطق؛ اهيب عليك حاسدنا على طولنا اهيب صدز..
ضحك سليمان إلى كان جنبهم بس مايشارك ابدا ناضره سلطان وكمل عليه؛ وانت اهرج معنا مغير مخمم فمك..! ضحك سليمان بقوه؛ ياخي هههه انت بس  تذب ههههههه ضحك سلطان من ضحكت سليمان وقال؛ لا تضحك لا تضحك كأنك حمار يناهق... انفجر سعود ضحك؛ اسلممم حول عليك ياسليمان...
في ذي اللحظات وصل سياف وتوجهه نحو الشباب ونطق؛ السلا عليكم.. رد الكل السلام عليه
ثم ناضر سليمان بستغراب وقال؛ السموحه اخوي اول مره أشوفك من انت..؟ نط سلطان وحضن سليمان من الجنب وبمزح؛ ذا يا سيفو صدقي الصدوق سليمان بن عبدالله آل فيصل
ابتسم سياف ومد يده يصافح سليمان؛ ارحب يا السليمان انت اخو الضابط نايف صح.؟
هز راسه سليمان بموافقة؛ اي اخوه.... جا لهم ثنيان يركض ويحاول يجمع أنفاسه بصعوبة؛ هيه امشو نعرض.. هز الكل راسه بتفهم لطلبه وتوجهو نحو الرجال الي يعرضون العرض النجدي
..... أخذ ثنيان سيفين  من السيوف إلى كانت مع الحامل ومد لي سياف واحد وبدو العرضه بصوت الفرقه الكبير......
.. لابكت نجد العذيه تهل دموعنا..
.. بالهنادي قاصرين شوارب قومها..
.. صعبه أفعالنا لا بغاها غيرنا..
.. وكلمه التوحيد حنا عمار رسومها..
.. والجزيره كلها مدبين قرومها..
واستمر صوت الفرقه بترديد الاغنيه.... انتهو من العرضه افترق كل واحد في جهه...
شخص ١؛ متأكد ارميه..؟
صويلح؛ اي اي ارميه..
شخص ٢؛ اي واحد فيهم..؟
صويلح؛ ذاك الي لابس ثوب ابيض وغتره زرقاء..
شخص ١؛ تمام
راح الأشخاص الي تكلم معهم صويلح ابن ابو صويلح مناور؛ توجه صويلح لي خالد وجلس جنبه وقال؛ وين خالد الايام ذي.. خالد بكره؛ ابد موجود.. طنشه خالد وكمل ارتشاف قهوته
بذي اللحظات...
كان الأشخاص يراقبون الشخص المجهول إلى أشر عليه صويلح... ابتسم الشخص ١ وأردف موجه كلامه لي خويه؛ جاهزه.. خويه؛ ابد اصوب..؟.. بنفس ابتسامته ونطق؛ اي صوب...
سلطان  مع سليمان وضحك وسوالف وحش في بعض الرجال
حمد وسعود يتقهون وهم يناضرون رقص ثنيان مع نايف.... سياف مع هزاع في السياره يدورون على شي.....
المكان يعمه أصوات الرجال والأغاني والسوالف.... سكت الكل بعد صراخ نايف الي هزهم وصوت طلق رصاص...
.... نايف  بقلق على ثنيان؛ ثنيان تسمعني.. وبصراخ ثنيان...
ثنيان إلى كان لاف ضهره لجهه الأشخاص ويرقص ومب حول احد غير نايف سكن من الطلقه إلى جته بكتفه والثانيه إلى جت على بطنه..؛ ثنيان يحاول مايفقد وعيه؛ ابد بخير شفن.... ماخلص ثنيان كلامه الا فقد وعيه صرخ الكل يوم شافو ثنيان طريح الأرض وراسه على يد نايف... سياف ركض يوم شاف الرجال ملتمين على شكل دائره وما يشوف مين الي
تصاوب... صرخ سعود بفجع؛ ثنياننننننننننننن لااااااااا دف سياف الرجال الي مشكلين دائره على ثنيان وبصراخ نفس سعود؛ وخروووووو وخروووووو.. ابتعد الكل عن طريق سياف.. شال سياف اخوه مع سعود وانطلقو الا السياره.. محركين على المستشفى.....

.......
عند البنات قبل وقت من الآن.....
بعد وصول ال مطلق لبيت ام صويلح استقبلتهم ام صويلح..
ام صويلح؛ ياهلا ياهلا تو منور البيت ارحبو يا آل مطلق جعلها ترحب مليون...ابتسمت الجده أمنه واردفت؛ منور بي أهلها ياحبيبتي... الجدال بصدمه و بهمس لي الريم؛ هيه بنت ذي علامها اليوم..؟
الريم مب أقل صدمه من الجدال؛. معرف احس صقعت بي الجدار يمه منها... كانت سوير قريبه منهم وضحكت بصوت عالي؛ التفت الكل لها وتفشلت سوير وبفشله؛ معليش بس تذكرت موقف لي الريم؛ ثريا بهمس؛ بترقع زادت الطين بله لاحول بس... كتمت الجدال ضحكتها وحولت نضرها لي الطقاقه إلى تطق؛
ويلو ام العروسه... الله يتمم هناكي
ويل ليله سعيده... والحبايب معاكي.....
ورددو وراها الطقاقات الباقين... شاش رأس الجدال وسحبت الريم معها وراحت ترقص...
فعلا الجدال والريم غطو الكل بي رقصهم.. كان انضار الكل عليهم...
وحده من الحريم؛ ماشاءالله بنت مين ذي...وأشرت على الجدال
سوير؛ ذي بنت محمد آل مطلق ؛... ذكرت ربها ثاني مره على الجمال وقالت؛ كم عمرها..؟
ضحكت سوير وقالت؛ ذي عمرها ٢٠ بس مب حق زواج رفله درجه أوله.. ناضرت فيها الحرمه بوسع عيون وقالت.. خلاص خلاص... كتمت سوير ضحكتها بصعوبه وزفرت بعدها؛ يوه لو تدري ياجدلو وش الي صار ههههه
ركض طفل صغير ودخل بيت ام صويلح وقال؛ يام ثنيان يام ثنيان... استغربت ام ثنيان بطفل إلى يصارخ بسمها وراحت له... أم ثنيان بي استغراب؛ انا أم ثنيان.. الطفل؛ ثنيان ولدتس تصاوب... أم ثنيان كان أحد كب عليها مويا بارده من صدمتها ماقدرت تتكلم وطاحت على الأرض.. سمعته الجدال وركضت تمسكه.. وبعصبيه؛ ورع تحاكي صدز.. الطفل بخوف منها؛ اي اي صدز تصوب وثوبه دم.. صاحت الجادال بكل صوت أوتي لها؛ ثنيانننننن لاااا وينهههه ياورعععع.... بكى الطفل وببراءة؛ خذوه خذوه..... ركضت الجدال تاخد عبايتها وخرجت برا البيت ركضت الريم معها وسوير... أم ثنيان بعد طيحتها قومتها العمه آيات والجده ولبسو عبايتهم وطلعو وراهم... توقف العرس هنا بعد خبر ان ثنيان تصاوب..
............
المستشفى.. الطوارئ...
سياف متلطم بشماغه وجالس على الأرض لف نضره نحو أهله إلى جالسين في الكراسي وإلى واقفين وزفر بقوه وبضيق؛ ليته فيني ولا فيك ياعضيدي....
خرج الدكتور بعد مده ٣ ساعات تقريبا.... شافه ابو ثنيان وبخوف على ولده وركض نحوه؛ دكتور بشر يادكتور... ابتسم الدكتور ونطق؛ الحمد لله على سلامته بس باقي تأثير البنج عليه...
فز سياف وركض لي الدكتور؛ امنتك بالله صادق.. الدكتور؛ اي اخوي لما يصحى بنحطه في غرفه عاديه... راح الدكتور يخلص اشغاله.... حس سياف أن الحياه رجعت له ثم لف على سلطان وحضنه وانهار بكى...؛ سلطان ياسلطان توقعتتتت افقدههه ياسلطان... ضاق صدر سلطان أكثر يوم شاف دموع اخوه وشد على حضنه وبهمس؛ عايش ياخوك عايش.....

انستا 5illz511 انتبهو لنفسكم حياتي ولا تتعبون في امان الله ورعايته يارب ❣️❣️