ثنيان مظلوم يا سياف

البارت الخامس والثلاثون؛

قفل جواله وحطه داخل مخباه وثم لف رأسه ل سعود.. غمز سعود له وفهم ثنيان عليه.. أنحنى بجسمه ل مستوى ابو صويلح ونطق بهدوء ماشر على صويلح؛ أندري إنه غالي عليك من نفسك.. لأجل كذا نلعب به قليل..
وسع ابو صويلح عيونه ونطق؛ تكفى طالبك يا ثنيان لا تمسه.. انفداك لا تدخله بيننا..
ابتسم ثنيان وعدل جسمه ونطق؛ أجل ذاكر وشو بيننا... مشى ثنيان ل صويلح وسحبه من ياقه ثوبه يمشى وراه.. خرج من المجلس تحت صراخ ابو صويلح له إنه يفكه ويأخذ ظلمه منه.. جلس سعود قدام ابو صويلح ونطق بضحكه؛ هوب هوب يا مناور.. لاتحسب ١٦ سنه بتروح سرداحي مرداحي.. توك ماشفت شيء..
لف ابو صويلح راسه له وهو يدري انه سبب كل شيء ونطق بحده؛ إني داري إنه أنت..
ميل سعود راسه شوي ونطق بهدوء؛ مير نهيان فاقد لك.. ودك تحكى له المثل..
سمع ابو صويلح صرخه ولده من خارج المجلس وتقطع قلبه عليه.. هو السبب بكل شيء ليه يأخذ العذاب عنه.. رفع رأسه ل سعود ونطق؛ تكفى يا سعود مابقى الا أنت.. ولد أخوك لا يتهور..
تربع سعود وحط يدينه فوق أكتاف ابو صويلح ونطق؛ أفا اركد شوي.. مابقى الا القليل..
انتهى سعود من كلامه وسمع صرخه ثانيه من صويلح..
بنفس الوقت..
بعد ما أخرجه من المجلس مشى معه ل مسافه قريبه منه لأجل يسمع الصراخ.. قرب من أذن صويلح وهمس؛ مانيب بماذيك لأنه مالك ذنب ببوك الا انك ولده..ودي أنه يعترف بكل شيء ونسري بعدها..
لف راسه له وأكمل؛ صيح شوي لأجل يحس بذنب..
ماصدق صويلح أن ذا ثنيان إلى يشوفه من شهر.. كان نفس شخصيته القديمه وإلى ماتحب تأذي أحد.. لكن ملامحه وشكله متغير جداً..كان متوقع أنه قصي وصار جلمود..
صارخ صويلح على طلب ثنيان منه.. وسكت ثواني وبعدها صارخ الصرخه الثانيه..
ناظر ل ثنيان وهو يشمر أكمامه ويمد يده يفتح له ازارير ثوبه الأوله.. ويقطع شوي من ثوبه ونطق؛ لأجل يصدق أبوك..
مشى ثنيان للمجلس وناظر ابو صويلح إلى صرخ اول ما دخل؛ ثنياننن.. أنا أنا السبب بكل شيء أنا..
قاطعه ثنيان ينطق ويحسب ب أصابع يده؛ أول شيء يا مناور.. الحقد ذا كله لوشو وثاني شيء مقهور منه لوشو.. ثالث شيء تقتله لوشو .. رابع شيء تغدر ب خويك لوشو.. خامس شيء تراكض ورا عياله لوشو..
عندك إجابه عليهم كلهم يا مناور ولا لسانك بلعه شيطانك.. دامه ضميرك شغال لولدك
عيال غيرك ماهم بشر مثله يا مناور ..
نزل راسه ابو صويلح ونطق سعود بهدوء؛ لا فات الفوت ماينفع التحسر يا مناور..
ثنيان؛ سهل الأمور علينا وعلى الرجال الى برا..
مارد ابو صويلح عليهم وتنرفز سعود منه ونطق؛ أنطق لا أروح أكمل عليه.. رفع رأسه بسرعه تجاهه وهو يدري انه جني ومصروع أكثر من عيال إخوانه كلهم.. ناظر ل ثنيان ونطق بعد ثواني؛ مابه سبب كافي..
سعود بقهر ؛ إيه لأن أنت بعيد عن الإنسانيه. .
ثنيان؛ ماينفع الكذب والنفاق الان يا مناور ..الرساله إلى بدارك وشهي..
شحب وجه ابو صويلح وبدأ يتعرق من خاف أنه شافها أو قرأ الرسالة كامله.. ناظر سعود ل ثنيان وكشر ملامحه..وثم نطق؛ وشهي يا مناور..
مارد ابو صويلح متوتر وماقدر يخفى التوتر عنه.. تنرفز سعود عكس ثنيان إلى كان هادي ونطق بحده ؛ قول الصدق يا مناور.. يكفى السنين الأوليه والأخيره.. عيش باقي عمرك تايب..
مارد عليهم ولا رفع رأسه لهم.. جلس ثنيان قدام ابو صويلح ونطق بهدوء؛ مثل ماجبت الباقي أجيب كلام الورقه يا مناور..
وقف ثنيان ومشى ل برا المجلس ولحقه سعود بعد ما سمع ابو صويلح كلمتين لعبت به بعد ثنيان..
طلع من عنده لأنه ماهو مهتم الآن به.. طلع من عنده واثق أنه بيعترف بكل شيء.. الأهم عنده الان أهل ال خليفه إلى يحومون عليهم..
وقف قبل يفتح الباب ولف راسه ل سعود ونطق؛ إنتبه..
هز سعود رأسه وفتح ثنيان الباب.. مشى من جهه اليمين مكمل طريقه ل محل الجد سياف.. ومشى سعود من الجهه اليسار ل بيتهم..
ناظر الأشخاص لهم ومشى واحد ورا سعود واثنين ورا ثنيان...
وصل ثنيان محل الجد سياف وفتح باب المحل ودخله وسكر وراه.. مشى بسرعه لأحد الأدراج الموجوده داخل المحل وفتحها.. ناظر ل السلاح الموجود فيه وأخذه يفحصه.. عد الرصاصات إلى فيه وكانت ١٠ رصاصات.. تنهد بضيق ورفع جزء من ثوبه وثبت الحامل بساقه وشد عليه بقوه وحط السلاح فيه.. نزل ثوبه لأجل مايبان أن معه سلاح.. أخذ جواله من مخباه ورسل رساله ثانيه ل نهيان.. به سلاح تحت كرتون السيوف خذه..
رد عليه نهيان بنفس الثانيه.. وأنت..
ثنيان.. لا تخاف معي وأحد..
نهيان.. تمام أنتبه لك..
سكر جواله وحطه ب مخباه.. مشى للباب ومسك مقبضه لأجل يفتح.. من بعد كلام العم وسيم أنهم قاتلين ابوهم قدام بيته مايهمهم أنهم يقتلونهم قدام العربان.. ماخذين الأسلحة للحطيه والحذر منهم.. فتح الباب ولف يسكره ومشى متوجهه للمحل حق ابوهم..
...
بيت ابو صويلح..
ركض من بعد ما سمع صوت الباب يتسكر ل ولده صويلح إلى منسدح على الأرض يهوجس ب ثنيان وتصرفه معه.. جلس بجانبه ونطق بخوف من شاف شكله؛ أوجعك..
مارد عليه صويلح وكرر ابوه السؤال؛ أوجعك يا صويلح..
لف له ونطق بهدوء غريب عليه؛ كان سألته قبل تسألني يا يبه..
أستغرب ابو صويلح كلامه ونطق بعدم فهم؛ وشو تقصد..
صويلح؛ أقصد ثنيان.. قام صويلح من سدحته وفك رباط ابوه وأكمل ؛ هقيتك مسوي الكثير ..لكن ماهقيتك قاتل..
مشى صويلح ل غرفته وسكر الباب.. هو صح خائب أمله ببوه لكن مثل الأن ما خاب به.. ماتوقع يوصل للمرحله ذي.. ماتوقعه يوصل للقتل والغدر بحق غيره..
أما ابو صويلح بدأ يخاف من ثنيان.. دامه درى عن الرساله الباقى مكشوف له..
...
جالس فوق الكرسي يهوجس.. مادري أن قلبه بيوجعه كثير.. مادري أن أبو صويلح لو قال له بنفسه هو بيتألم.. متألم ولا رف له جفن يوم قال له العم وسيم.. لكن ابو صويلح أحياء شعور غريب له.. مسك قلبه من بدأ يحس بنغز قوي.. بدأ يختنق شوي شوي.. فتح اول زرار من ثوبه يحاول ياخذ نفس.. مد يده داخل مخبأه ومالقى جهازه.. مد ل المخبأ الثاني ومالقى الجهاز فيه.. بدأت الرؤيه عنده ضبابيه..رفع نهيان جسمه من الأرض وهو كان خلف الطاوله يدور عن رصاصات ثانيه مخفيه تحت الكراتين أو الأدراج.. وسع عيونه بصدمه من شاف اخوه ممسك بقلبه ومنحنى بجسمه يحاول يتنفس.. ركض له ومسكه ينطق؛ ثنيان تكفى وش صايبك..
اشر ثنيان بصعوبه على رقبته وفهم عليه نهيان أنه مخنوق.. التفت يمين يسار يدور له عن كيس بلاستيكي لأجل يتنفس منه.. ترك أخوه وركض يدور عن كيس أو أي شيء يساعده على التنفس.. لقى كيس أخيراً وركض ل ثنيان..رفعه ل حضنه ومسك راسه من الخلف ومرر الكيس ل نص وجهه لأجل يقدر يتنفس ونطق؛ شهيق زفير يا ثنيان.. بدأ ياخذ نفس من الكيس مع كلام اخوه وقدر ينظم تنفسه..  بدأ يتنفس بشكل تدريجي واشر بيده ب معنى خلاص.. تركه نهيان بعد ما تأكد انه قدر يتنفس ..  ثنيان إلى كان بين الحياه والموت دقائق معدودة.. انقذه اخوه نهيان..
ناظر له ب استغراب ونطق  ثنيان يجاوب على سؤاله بهدوء وببحه صوت؛ حاله تجيي.. تجيني لا ضقت كثير.. كان معي جهاز لكن مادري وين حطيته..
جلس على الأرض متربع وأخذ نفس بقوه.. خاف يفقده وهو يكره الفقد كيف لا من شخص تعزه..
مسح على شعره من التوتر والقلق إلى صابه من كم دقيقه بس..
وثم نطق بعد ثواني؛ لقيت رصاصات جديده.. تكفيك وتكفيني..
هز راسه له بهدوء؛ خلها لك انت وسعود..
نهيان؛ وانت..
ثنيان؛ معي..
حس نهيان انه يكذب عليه لكن مشاها له.. رن جوال ثنيان والمتصل سعود ونطق؛ كل شيء تمام..
ثنيان؛ تمام..
استنكر سعود نبره صوته ونطق؛ وش به صوتك..
ثنيان؛ وش به..
سعود؛ بك شيء صايبك شيء..
ثنيان؛ لا مابه شيء..
سعود بقلق ؛ ثنيان..
ثنيان؛ ياسعود والله مابي شيء..
سعود؛ تمام إنتبه لك.. والدلخ إلى معك..
ابتسم ثنيان من كلمته على نهيان وحمد ربه أنه ماسمع ولا كان مسوي لهم قصيده عن الاحترام...
سكر ثنيان يرمي جواله بحضنه ويشد على عيونه بيدينه من حس ب صداع .. ونطق نهيان؛ نكمل أيامنا عادي..
ثنيان بهدوء؛ مع الحذر..
...
مصعب إلى كان جاي من بيته ل محل ضارب.. ناظر الأشخاص الواقفين قريب المحل ونظراتهم غريبه... مشى لهم ونطق بشك ؛ السلام عليكم يا رجال..
ناظره الشخص الأول بنظرات وبعدها نطق؛ وعليكم السلام..
استغرب مصعب من نظراته ومن الثاني إلى مارد عليه ونطق ياشر على باب المحل؛ ودكم بشيء ولا شيء..
مارد عليه الرجال الأول ونطق الثاني بعد مده؛ به رجال اسمهم ثنيان بن ضارب ونهيان بن ضارب.. تعرفهم انت..
رفع رأسه ل فوق ونزله بعد ما تأكد شكه ونطق؛ اها.. اجل تقول عيال ضارب.. هز الشخص الثاني راسه ونطق مصعب؛ إيه وش ودك منه.. به شيء معين ولا..
الشخص الأول؛ به أشياء كثيرة..
مصعب؛ عسى على الخدمه بس..
الشخص الأول؛ لا مانبيها منك..
الشخص الثاني؛ نبيها منهم هم..
مصعب؛ اجل استأذن انا.. مشى مصعب وهو يدري ان ماعندهم أعداء دق باب المحل المقفول وانتظر ثواني ونطق نهيان ؛ من..
مصعب بهمس؛ افتح يا ورع..
فتح نهيان الباب ل مصعب ودخل مصعب ونطق؛ ياعيال الرجال الى واقفين برا وش وضع أهلهم..
اشر ثنيان يجلس جنبه وجلس مصعب ونطق؛ ذولا ناس ماتخاف ربها.. تحوم حولنا بس..
مصعب؛ انتم مسوين شيء ولا شيء..
نهيان؛ منجدك انت وين المشاكل ووين إحنا..
مصعب ب مزاح؛ انت شكاك بك مره.. هو مسكين ماله حدود لها..
وسع عيونه بصدمه منه ونطق؛ انا ياظالم انا..
مصعب؛ لا انا
نهيان؛ ايه والله انت ولا نسيت وش سويت عند البنك..
مصعب؛ يامسلم استرني كما سترك ربك..
نهيان؛ هيا البخ ولاعاد تلايط مره ثانيه..
مصعب؛ من يلايط معك انت..
ثنيان؛ خلاص انت وياه راسي مصدع..
نهيان بقلق؛ ودك ب حبه..
هز راسه ب لا وسكت نهيان..
...
بيت الجد سياف..
تناظر له بهدوء وصمت وهو يدور بين الأدراج ويأخذ سلاحه ويعبيه رصاص ويثبته على ساقه.. نزلت انظارها يوم لف عليها والتقت عيونهم.. تنهد سعود منها عيال إخوانه خط أحمر عنده وهي بعد خط أحمر..
مشى للخارج وناظر نغم بنت أخته الريم ونطق بابتسامه؛ نغمي يانغمي.. شال نغم وباس خدودها وتركها من نطقت الريم ومعها زبادي؛ تكفى خلها عنك..
سعود بضحكه؛ واضح انها متعبتس..
قلبت عيونها ونطقت؛ وشو متعبتني إلا مطلعه عيوني..
ضحك سعود يتقدم منها ويطبط على ضهرها ومشى طالع من البيت.. فتح باب البيت وناظر الشخص الى بمسافة قصيره جالس ويدخن.. تنحنح سعود يقفل الباب وراه والتفت له الشخص..
مشى متوجه ل السوق وعلى طريقه ثنيان إلى جاي ومعه نهيان..كمل سعود طريقه ل السوق وكمل الإخوان طريقهم إلى البيت..
وصل الإثنين البيت وفتح نهيان الباب ودخل ودخل وراه الثاني.. مشى ثنيان للمجلس بدون لا يلتفت ل أحد.. أما نهيان إلى كان نص مقفل الباب وسلم على عمته الريم.. على كلامه وسلامه طلعت من غرفتها ليلى زوجت سعود وصد بسرعه وصقع راسه ب الباب إلى كان نص مقفول انصدمت ليلى منه ورجعت غرفتها تدعي عليه وعلى سعود معه..
نطقت الريم بعد ماتذكرت موقف سعود إلى شبه موقفه تماماً؛ مابه أحد خلاص راحت..
مسك راسه متألم من الصقعه وقفل الباب ودخل المجلس بدون لا يكمل كلامه.. نزل يده من راسه بعد ما ناظر اخوه إلى يعيد التسجيل الصوتي ويوقف عند جزء..
سعود إلى تعدو له قبل سنين منهم يا ثنيان ماهم هم إلى طعنوه..
رفع رأسه لي اخوه إلى سأل؛ ليه موقف عنده..
رد عليه بعد ما ربط الحبال إلى برأسه؛ سعود طاعنينه من قبل خمس سنوات ناس.. وتركي بن عمك مدري خالك كان منهم..
جلس جنب ثنيان ونطق؛ يعني تركي متفق معهم ..
رفع اكتافه ب مدري ونطق؛ سعود كان مسوي عداوه مع وأحد بس الى جو له يمكن أربع أو خمس.. ظنتي إيه..
أخذ نهيان جواله من مخباه ودخل على محادثات تركي إلى كانت آخر رساله لهم عام 202‪3
..
تدري ب أحد إسمه شهيب بن عبد الرحمن آل خليفه..
أو أشخاص من أهله..
قفل جواله وناظر ل أخوه إلى وقف مره ثانيه عند جزء.. ١٧ طلقه ظلم جت له.. قتلوه ومايدرون أن قاتل ولدهم معهم..
نطق نهيان متفاعل؛ نعلمهم أن مناور قاتل ولدهم.. بلاه يركضون ورانا مثل البعير..
هز راسه ب لا ونطق؛ يصدقونك.. لا انت وشو لهم ولد القاتل لا يسمعون لك ولا يتكلمون معك.. ودنا بدليل كبير لهم..
نهيان؛ التس
قاطعه ثنيان يقول؛ التسجيل ولا شيء ياخوك.. كلام فاضي عندهم لازم شيء يكون من يده من كتابته..
نهيان إلى تذكر الرساله ونطق يصفق يده؛ الرساله..
هز راسه ب ايه؛ صح عليك..
حك راسه ب فهاوه ونطق؛ وكيف نجيب الرساله وانا محرق بيته..
ثنيان؛ انت محرق نص البيت صح.  الباقي لا..
تنح نهيان ثواني ونطق؛ كيف دريت..
ثنيان؛ ماهو اليوم رحت بيته.. هز راسه ب ايه وأكمل؛ فيه جزء من البيت من جوا ماهوب بمجدد
حك راسه مره ثانيه ونطق ثنيان بقله صبر؛ ابك انت بك قمله..
ضحك بخفيف ونطق؛ مواصل..
ثنيان؛ عز الله افلحت.. ساعه اهرج وانت تحكك بك نوم.. قم قم تنوم وبكره تعين خير..
ابتسم ل اخوه ب براءه وقام يفرش فراشه ويفسخ ثوبه وينام.. تنهد ثنيان يهوجس ب الرساله وكل شيء يطري عليه الأيام ذي.. الهموم وراه وراه والمصايب والمشاكل متعلقه فيه.. من هو صغير من هو مولود ومايتهني ب حياته.. راسه مصدع من قبل والحين زاد صداعه أكثر من الهواجس.. معروف عنه أنه كثير الهواجس وبنص السالفه والكلام معك يهوجس.. لا عقله يرتاح ولا نفسه ترتاح.. بدأ يسمع صفير خفيف وتذكر أيامه إلى بسجن.. توتر وخاف وغطا أذنيه بيده لف راسه يمين ويسار مايشوف احد غيره وغير نهيان إلى دخل بنومه.. زاد الصفير عن قبل وبدأ هو يتعرق ذكر ربه وقرأ سوره وآيات من القرآن وهدي شوي.. مشى بسرعه يفرش الفراش بجانب اخوه ويفسخ ثوبه يتلحف وينام جنبه.. الساعه ٣:٣ دقائق العصر الحين من ينام..
نهيان مواصل من اليوم الأول وثنيان من التوتر والخوف دخل ب فراشه ونام..
..
سعود.. سوق ألديره..
ناظر حمدان  يوقف قدام محل أبوه ونطق؛ ياولد..
لف له حمدان ونطق؛ اشوا أنك جيت.. أسمع الشيخ يزهم لك..
أستغرب سعود من الشيخ إلى مرسل حمدان يكلمه ونطق يهز راسه؛ زهم الشيخ ملبى.. مشى حمدان يكمل يومه وتنهد سعود بتعب من بعد بيت الشيخ عن محل أبوه وهو جاي مشى ومشى يتوجه ل بيت الشيخ جميل..
مرت الدقائق ووصل سعود عند بيت الشيخ.. دق الباب وإلى صار مع ثنيان صار معه.. جاوبت ورد من ورا الباب؛ من..
سعود؛ الشيخ موجود..
زفرت ورد بطفش منهم ونطقت؛ إيه موجود دقائق وامشى على يمينك..
انتظر سعود دقيقة واحده وفتح الباب بعدها.. قليل صبر وأكره شيء عنده الانتظار.. مشى على وصفها وهو صاد بوجهه عن البيت.. دخل المجلس وناظر الشيخ جميل ونطق؛ سلام عليكم.. دخل بعد كلامه بدون لا ينتظر كلام الشيخ جميل.. جلس على يساره وصب له الشيخ قهوه بعد ما رد السلام ونطق الشيخ؛ قبل ساعه مزهم ثنيان يا سعود..
هز سعود راسه ب ايه ونطق؛ ادري..
الشيخ؛ مير تدري وشو حكينا..
سعود؛ ايه..
الشيخ؛  يا سعود انت تدري بطبع أولاد أخوك ضارب.. يشهد الله على أني خايف عليهم لا أكثر ولا أقل ياسعود..
هز راسه وأكمل الشيخ؛ مير أهل المقتول يحومون حولكم الأيام ذي.. والله يستر لا يقتلونهم..
أبتسم سعود من فهم مغزى كلامه ونطق؛ لا تخاف يا شيخ ولا تهم شيء.. بعدك ماتدري ب ثنيان وأخوه.. لا حطوك برأسهم الله يعينك.. يتفوقون على مناور ب الكره والحقد.. وأنت شايف بعيونك نهيان وش سواته وثنيان للحين هاجد..
أبتسم الشيخ معه ونطق؛ أندري أنهم أشبال ضارب لكن الحذر واجبه ياسعود..
سعود؛ ياشيخ الله يهديك الحذر أكيد ولا به توصيه خاصه منك.. أنت خلك بمكانك وناظر كيف عياله ياخذون حق أبوهم وحقهم ..
قام سعود من مكانه وأكمل؛ استأذن أنا يا شيخ وراي أمور كثيرة..
الشيخ؛ روح ياسعود الله يحفظك أنت وعيال أخوك..
مشى سعود بعد كلامه وهو وأثق وكثير من نهيان وثنيان..
..
آخر اليل..
فتح عيونه على أخوه إلى يهزه بشويش ويهمس؛ ثنيان قم قمه..
جلس ثنيان من نومته وحك عيونه ونطق بهمس؛ وش قومك أنت..
نهيان؛ به شوشره ورا..
نزل يدينه ب استغراب ونطق؛ شوشره وشو..
نهيان؛ مادري قم نشوف..
قام ثنيان من فراشه وناظر سلاحه إلى مثبت ب ساقه وساق أخوه مافكوه يوم نامو ومشى ياخذ ثوبه ويلبسه ويأخذ خنجر من تحت فراش سلطان .. ناظر ل نهيان إلى من أول لبس وياشر بعيونه يتقدم قبله.. تنهد منه ومشى ل الأماَم وفتح الباب بخفه ونهيان وراه مأخذ خنجر من تحت فراش سلطان إلى يحطون فيه الخناجر .. أخرج نص جسمه وبعدها اخرج جسمه كله من الباب و  نهيان خلفه.. ذكر ربه ومشى ل خلف المجلس وقف من سمع نص الكلام ووقف أخوه بيده توسعت عيونه من نطق الشخص ب كلامه ورجع بجسمه ل الجدار وسحب نهيان معه ساعدهم الظلام انهم يتخبون عنه .. مر الشخص من قدامهم بدون لا يشوفهم أو يلمح لهم طيف.. التفت نهيان ل أخوه بصدمه وناظر عيونه المفتوحه على مصارعها وهمس؛ وش السالفه..
أشر ثنيان له يسكت ومشى بخفه ل ورا المجلس طل برأسه وما شاف أحد وثم لف ل أخوه ونطق بهمس؛ والله أنهم شخصين وين راح الثاني.. أستغرب نهيان ونطق؛ وش سمعت..
دف ثنيان نهيان لأجل يمشى ومشى معه.. ناظر الشخص إلى دخل المطبخ ومشى ثنيان وراه بسرعه ومشى معه نهيان..صرخ نهيان من إطلاق النار إلى صاب جنب أرجل ثنيان بضبط.. انفجع من صرخه أخوه أكثر من الرصاصه إلى صابت الأرض جنبه.. مسك أخوه بسرعه وسحبه ل جنب جدار غرفه سعود وإلى شافه اول شيء.. كان المقصد يدخلها لكن تذكر أن سعود متزوج.. يناظر حول المكان والسطح يحاول يلقى المصوب عليهم.. رصاصه ثانيه مرت قريب من أذن نهيان ومسك أذنه من صوتها ناظر ل أخوه وثم ناظر الشخص الى صوبها وهو ماهو قادر يشوف شيء من الظلام ولأنهم جنب الجدار ما ساعده أبدا يصوب بدقه.. سحب السلاح من رجله وعشقه لأجل يصوب على الشخص وخرج سعود من غرفته بصدمه من الصوت وصرخ بوجهه ثنيان؛ أدخل لا تطلع..
صفق سعود الباب بسرعه بدون وعي منه.. وأطلق ثنيان الرصاصه الأوله على الشخص إلى يصوب عليهم.. صابت رصاصه كتف الشخص ذاك وصارخ بألم منها.. طلع الشخص الثاني من المطبخ يركض وصرخ ثنيان؛ وراه وراه.. ركض نهيان وراه لكن صابته رصاصه برجله من شخص ثالث وطاح على طوله منها ون بألم من الرصاصه ..و انصدم ثنيان وخرج سعود من غرفته حامل معه سلاحه وناظر ل ثنيان إلى يركض ل اخوه نهيان والدم محاوطه .. هرب الأشخاص من بيت الجد سياف.. وحمل ثنيان اخوه نهيان على ضهره يمشى بخطواته ل الباب.. ركض سعود معه وفتح الباب له وركض ل سيارته يفتح الباب له.. حط ثنيان نهيان ب الخلف وناظر ل ملامحه المتألمه بسرعه وثم نطق ل سعود؛ اجلس هنا وعطني المفتاح.. أخرج سعود المفتاح له بدون أي نقاش لأن الحاله ماتسمح أبدا انه يناقشه.. ركب بسرعه سياره سعود ودعس بنزين يخرج من الديره ل أقرب مستشفى عندهم..
ناظر سعود البيت بصدمه وهم ماهو فاهم شيء إلا أنه قام مفجوع من صوت الرصاص وصراخ ثنيان عليه اول ما خرج والحين نهيان المتصاوب.. شم ريحه حريق من بيتهم وركض ل داخله يناظر المطبخ إلى النار تخرج من شباكه.. ركض ياخذ طفاية الحريق الموجوده جنب باب المجلس وفتحها يركض بها لأجل يخمد النار المندلعه داخله.. بعد مده.. قدر سعود يخمد النار وجلس بعجز.. ناظر اخته الريم وسوير وليلى إلى يطلون برأسهم من غرفته ومشى يسحب رجوله لهم.. دخل غرفته ونطقت كل واحده منهم بسرعه الريم؛ صابك شيء..
سوير؛ وينهم العيال..
ليلى وش صار..
جلس سعود على السرير ونطق؛ مادري وشهي السالفه الا أني سمعت صوت طلق ناري وخرجت اشوف ثنيان على الجدار يصرخ على ادخل وبعدها نهيان متصاوب برجله ويون منها..
وش صاير وشو مسوين مادري يا ناس..
..
سياره سعود.. داعس على البنزين ولو وده طار.. يسوق بسرعه كبيره خائف على اخوه يلوم نفسه أنه السبب ب إلى صار له.. ناظر المستشفى إلى قرب منه.. ودعس أكثر يحاول يوصل بسرعه وصل المستشفى ووقف السياره ونزل منها فتح الباب الخلفي ولف بجسمه ينطق؛ نهيان..
ناظر له نهيان ومسك أكتافه لأجل يحمله.. مسك فخذين اخوه وركض بسرعه ل داخل المستشفى وصرخ؛ تكفون أخوي ساعدوه..
ركض له الممرضين ومعهم سرير حط أخوه فوق السرير وركض الممرضين ل داخل غرفه العمليات.. إلى يشوفه ويشوف حالته ينصدم وش به ذا.. لكنه يخاف يخاف لو أن الرصاصه صايبه عظمه ويكون مشلول بسببه جلس من حس بوجع قوي ب قلبه.. مسك جانب الأيسر..رفع رأسه ل الدكتور إلى تقدم منه ونطق؛ أخوي فيك شيء..
ما إنتبه ل ملامح وجهه ونطق ياشر بيده اليسار؛ لالا..
انصدم من التغيير إلى صار له ونطق بسرعه؛ ثنيان..
استغرب ثنيان منه ونطق بوجع؛ منهو انت..
حسين؛ أنا حسين..
تذكره بعد ثواني من التفكير ونطق حسين يمسك كتفه؛ قوم معي لازم نفحصك..
وقف ثنيان ونطق؛ لا يا حسين مابه شيء..
حسين ب إصرار؛ إلا به شيء على قولك.. أنت مريض قلب ولازم افحصك..
ثنيان؛ تكفى ياحسين خلها بعدين..
حسين؛ وشوله تعيي..
ثنيان؛ اخوي الصغير مصاب وجايبه هنا..
حسين بصدمه؛ سلطان.. متى تصاوب..
هز راسه ب لا ونطق؛ ماهوب ب سلطان.. نهيان..
حسين؛ داخل توه ولا..
هز راسه ب ايه واكمل حسين؛ أجل تعال افحصك وترجع.. تنهد منه ومشى معه بعجز..
بعد مده..
منزل راسه من كلامه وارتفاع نبره صوته عليه وصدمته؛ قلبك تعبان..مهمل نفسك أنت م تاخذ ادويتك صح.. تدخن اي والله انك تدخن..ثنيان ارفع راسك وجاوب..
رفع رأسه وحك حاجبه بورطه ونطق حسين؛ ادويتك وين..
ثنيان؛ مادري..
حسين؛ تدخن..
سكت ثنيان شوي ونطق؛ ايه..
انصدم حسين أكثر من تصريحه ونطق؛ وليه..
نزل راسه مره ثانيه ونطق؛ ظرف قوي..
تكتف حسين ونطق؛ وشهو الظرف ذا.. والله لو انك داخل سجن يعطونك ادويتك..
رفع رأسه على كلمته ونطق؛ ماعطوني يا حسين..
سكت حسين بصدمه كبيره ونطق بعد دقائق؛ وش قلت..
ثنيان؛ كنت مسجون خمس سنين ومحد رضي يعطيني شيء..
مسك حسين راسه يحاول يستوعب من أن كلامه اجرحه وثم نطق؛ ثنيان..
ميل شفايفه من تعابير وجهه إلى تغيرت ونطق؛ لا تقول شيء يا حسين..
هز حسين راسه ونطق؛ مايقول شيء ولا كأن سمعت اصلآ.. اوصف لك ادويه وتاخذها..
هز راسه ب لا ونطق؛ وشو إلى يفرق الخمس عن الان.. ماعاد تفرق شيء يا حسين..
حسين بحده؛ الا يفرق ونص.. ربي لطف عليك خمس سنين وقلبك يصارع.. الحين تأخذ الدواء وتشربه والتدخين ذا تبعد عنه..
مارد عليه ثنيان يناظر له بهدوء وبعدها نطق من رن جواله؛ العذر منك..
مشى يطلع من غرفه الفحص ويطلع من المستشفى بكبره.. رد على جواله والمتصل سعود ونطق؛ هلا..
سعود؛ كيف نهيان..
ثنيان؛ مادري للحين داخل..
سعود؛ وش صاير هنا..
تنهد ثنيان ونطق؛ قومني نهيان يقول به شوشره ورا المجلس قمت معه ورحت اشوف وش يصير.. وسمعت كلام بين شخصين وبعدها سحبت نهيان ل الجدار ومر الشخص ذاك قدامنا ودخل المطبخ لحقته وصابت رصاصه الأرض قريب من رجلي سحبت نهيان ورحت جنب جدار غرفتك وصابت رصاصه ثانيه قريب نهيان.. أخذت سلاحي وصوبت على الشخص الى يصوب تجاهنا.. صوبته والشخص إلى دخل المطبخ خرج منه وقلت ل نهيان رح ووراه وطلع لنا واحد ماندري من وين طلع وصار إلى صار..
سعود ب استغرب؛ وش الى سمعته..
اخذ نفس طويل وزفره ينطق؛ أنا بدخل المجلس وبقتله هو وأخوه وأنت رح المطبخ وأحرقه..
سعود؛ أيا يا ابن******* أنت وياه..
ثنيان؛ كيف الحال عندكم..
سعود؛ أحرق المطبخ ال ******* عندك وستر ربي علينا وقدرت أخمد الحريق..
ثنيان؛ إنتبه لك ول أهل البيت معك.. بقفل الحينه..
سعود؛ فمان الله..قفل جواله يدخله ب مخباه ويتنهد من أعماق قلبه.. استغفر ربه ومشى ل داخل المستشفى يوقف جنب باب العمليات ينتظر خروج أخوه ويدعى ربه له..
بعد ساعه ونص.. ناظر الممرضين يدفون نهيان إلى نايم فوق السرير.. ومشى وراهم يدخل الغرفه العاديه ونطق الدكتور بعدها؛ الحمدلله على سلامته أولا.. ثانياً الرصاص كانت قريبه جدآ من العظم لكن ربك ستر وقدرنا نطلعها من رجله.. شكر ثنيان الدكتور وجلس جنب أخوه يحمد ربه..
..