ثنيان مظلوم يا سياف

البارت الثاني عشر؛

بعد وصولهم للديره..... السوق....
وقف هزاع شاص سياف عند محل الجد ووقف وراهم العم وسيم... نزل سياف زجاج السياره ونطق ؛ ياسليط....
طلع سلطان من المحل وتقدم ل سياره اخوه وتكى على الباب؛ سم..
خبط سياف على كتفه ونطق؛ معنا ضيوف الحقنا انت وثنيان.....
سلطان؛ وراك مادقيت....
سياف؛ دقيت محد يرد......
هزاع؛ تسولف انت وهو والرجال ورانا....... حرك هزاع السياره تارك سلطان يهاوش.....
سلطان؛ ثور انت قول قبل تمشي.........
دخل سلطان المحل وقال ل ثنيان أن عندهم ضيوف.....
بنفس الوقت سياره العم وسيم...
وعد؛ الله اسواقهم تجنن....
ضحك أيهم؛ ذا الى عجبك....
نطق العم وسيم بستغراب؛ هاه ذا ليه وقف....
ناظر الكل ب سلطان إلى طلع من المحل ونطقت هديل؛ وذا من...
العم وسيم؛ ياحرمه من قال لك اني اعلم فيهم.....
وعد؛ يبه تحسبك قوقل...
ضحك الكل على كلام وعد وحرك العم وسيم بعد ما هزاع تحرك.......
.....................
بيت الجد...
سوير بتهديد؛ وقسم بالله لا اهفتس بخمس ....
الريم؛ يمه خفت منتس....
سوير؛ ريمو اذلفي.....
الريم رمت الصينيه على اختها وركضت ل غرفه سعود....
سعود إلى كان منسدح فى غرفته بتعب فز يوم نطت الريم ورا ضهره.....
الريم؛ سعود ياخوي فوجهك...
مسك سعود بطنه بألم ونطق؛ علامك انتي هاه.... حول نظره ل سوير بصدمه رفع يده اليمين ل وجه سوير والثانيه يحمى فيها الريم؛ سوير نزليه ياسوير.....
سوير إلى بيدينها قدر الضغط الكبير؛والله لا اكسر فيه رأسها.....
سعود؛ بوجه سعودك خلاص...
نزلت سوير القدر ونطقت؛ لعيون سعود انزله....
ضحكت الريم؛ خفيفه.....
رفعته سوير مره ثانيه وشهق سعود يوم رمته عليهم........
سمعت الجده أمنه أصوات طالعه من غرفه سعود وتنهدت بتعب منهم...... قامت تشوف وش الى يصير...... انصدمت من منظر عيالها قدامها....
سعود ماسك شعر سوير ويهاوش والريم سانده سعود بيد وماسكه شعر كتف سوير بيد (تخيلو الشكل....)
الجده أمنه بصراخ؛ وكسر يكسرك انت وياها فكو اختكم.....
فك سعود سوير وناظر أمه؛ يمه بنتك ذي بذبحها لتس....
لفت سوير ل امها ودموعها ف محاجرها؛ يمه ماسويت له شي....
سعود بحده؛ ايه والضغط إلى مرمى على من سببه...
الجده أمنه؛ خلاص بس صدعتو فيني امشي ياسوير معي....... مشت سوير طالعه من غرفه سعود وبيدينها القدر......
جلس سعود بألم والريم تساعده......
الريم؛ يوجعك...
ابتسم سعود؛ شوي بس......
...............................................
وصل سياف وهزاع بيت جدهم....
وقف العم وسيم ونزل من سيارته ......
فتح الباب سياف ودخل صحون الذبايح..... كلم اهله أن في ضيوف برا.....
طلع الجد سياف وولده محمد يستقبلون ضيفهم.
الجد سياف ؛ ارحب يابو جواد ارحب...
ابتسم العم وسيم؛ ابقيه يارب....
ابو ثنيان ؛ اقلط يابوجواد....
مشي متجه نحو سيارته وعلم أهله ينزلون... نزلت هديل وبناتها وعد ولدها أيهم... دخل الجد سياف ومحمد للمجلس ووراهم العم وسيم....
ناظر أيهم هزاع ونطق؛ وين باب الحريم...
هزاع؛  امشو شوي على يساركم باب الحريم....
جلس العم وسيم وولده ودخل سياف عليهم وبدأ يقهوي اما هزاع راح بيت ابوه يعلمه عن الضيوف.....
............
بنفس الوقت....
دخلت هديل ووعد على وصف هزاع لهم وقابلو الجده أمنه؛.... الجده أمنه؛ يالله تحييهم...
هديل؛ الله يحيك وشلونك يا امنه...
الجده أمنه؛ بخير الحمد لله .... أم ثنيان؛  ادخلو حياكم...
قبل يدخلو المجلس طلع سعود  فوجههم صد سعود وجهه بسرعه وصقع ب الباب؛ تغطي ياخاله...
الجده أمنه؛ ابك سعود. ..
تغطت هديل وجهها ونطقت؛ تغطيت ياولدي... مسك سعود راسه بالم ومشى ل المجلس...
دخلت هديل ووعد المجلس وجلسو وبجانبهم الجده أمنه قهوتهم ام ثنيان وجلست معهم...
هديل؛ ذا  سعود...
الجده أمنه؛ ايه سعود..
هديل ماشاءالله صار رجال....
اخذو سوالف عن أحوالهم وغيرها.............
وصل ثنيان وسلطان والعم جسار بنفس الوقت للبيت  وتوجهو ل المجلس.......
دخل ثنيان ووراه سلطان وسلمو على العم وسيم وايهم جلس ثنيان بجانب ابوه وعمه جسار .....وسلطان بجنب أيهم وهزاع ...
ناظر ابو وسيم ب ثنيان واشر  ونطق؛ ذا ثنيان..... وثم ناظر سلطان واشر عليه؛وذاَ سلطان....
الجد سياف؛ ايه ايه....
العم وسيم؛ وين هو ولد ضارب...؟
احتدت ملامح ابو ثنيان؛ ماعنده ولد ياوسيم....
كل مايجيب احد اسم عمه ضارب يشك انهم يخفون عنه شي...حاول فيهم يقولون له بس محد راضي يقول.... ناظر عمه سعود إلى من اول يناظر فيه وتنهد بضيق وصد عنه....
سعود إلى يناظر في ثنيان الواضح من وجهه الضيقه اول م يذكرون اسم ضارب..... حاول سعود مع ثنيان والعيال ف جسار ومحمد يقولون لهم ليه يخفون عنهمم وليه ابوه يصد وجهه بحزن على اسم ولده ضارب وليه أمه تكرر جملة (احرقوني ف ضارب)....
سكت العم وسيم من وجهه محمد له........
............................
....  ٩:٢٣ اليل... في البر..
جالسين كلهم بجانب بعض...
نطق أيهم؛ تخصصكم وش.؟
رد عليه حمد؛ ابد طال عمرك معاك محامي...
ثم رد عليه سياف؛ مدرب فروسيه وسلطان بعد...
نطق ثنيان بضيق؛ كنت بصير محامي بس أقدار...
مصعب؛ مهندس..
هز راسه خالد  يمين ويسار واشر عليهم؛ كلهم كلهم عندهم تخصصات حلوه الا انا متنقع هنا...
ضحك أيهم مصدوم من تخصصاتهم.... وناظر سعود إلى ماقال تخصصه  وسأل مستغرب؛ وانت وشو؟
ابتسم ثنيان؛ كان لواء....
أيهم؛ كان..؟ ليه والحين....
همس سلطان؛ ياكثر اسالتك ياشيخ... ورفع صوته؛ تصاوب ومنعوه انه يكمل فهمت الحين.....
هز ايهه راسه ب ايه......
وصل هزاع عندهم ورفع صوت سماعه سيارته...
عديت في مرقب غنى بركنه حمام....
وأثر الحمامه تهيض القلب بلحونها....
سلام إلى تبون اللعب مني سلام...
وأثنى التحيه اللي يستحقونهااا.....
سلام للي تبون اللعب مني سلام.
وأثنى التحيه للي يستحقونهااا...
من لامني في الهواء ومردوعات الوشام....
جعل النصايب على قبرها يرزونها....
..............................
...  نزل من سيارته وبدأ يضرب رجله في الأرض ويرفع يدينه في السماء ويمايل جسمه مع السامري
ضحك الكل عليه وصف ثنيان وحمد وخالد معه  وبدو يضربون ارجلهم معه ويميلون جسمهم.... جلسو بعد انتهاء السامري وضحك سعود؛ مروق الأخ...
مصعب إلى كان عند النار يجيب دله القهوه وصب لي هزاع؛ سم..
ابتسم هزاع ونطق؛ مع قهوت مصعب ختمت الروقان.......
سياف؛ ياحميد وين عودك..؟
هز راسه وراح سيارته يجيب العود حقه....... ناظره أيهم ونطق؛ تعرف تدق. َ..؟
ناظره حمد وابتسم؛ افا عليك اعرف ونص....
تكلم سلطان بسرعه؛ ورع ثنيان بعدها شعر تمام. وهز راسه ياكد على كلامه؛ تمام...
رماه سياف بفنجان القهوه؛ أصغر عيالك هو..؟...
صفقهم سعود على رأسهم؛ اسكت انت وياه.... ناظر حمد ونطق؛ بوحميد اسلم....
هز راسه بهدوء وبدأ يطربهم
اغاني...
.............................
لوعرفتك لوعرفتك..
ياحبيب العمر بدري...
والتقينا والتقينا...
في ليالينا الخوالي...
العذاب إلى جري لي..
ماجري لي ماجري لي...
ضاع عمري ضاع عمري....
قبل لا اعثر عليك....
............................
مسك مصعب قلبه ونطق؛ كلنا عزابين ياخي ارحمنا.....
هزاع إلى يفصفص ورمي عليه حبه؛ ماهو وقت جفافك تقلع بس....
مصعب؛ ياسعود ولد اخوك مايحترم.....
هز رأسه يمين ويسار بأسف ونطق؛ مايحترمني انا عشان يحترمك....
أيهم نزل جواله بعد ماصور كل شي من بدايه رقص العيال مع هزاع الين غناء حمد؛ ليه مانتم بنفس العمر...؟
خالد بسخرية؛ ياخي انت عجيب تقارن شباب في شيبان عجيب أمرك والله....
كمل معه ثنيان بسخريه ايي والله
وكمل معهم مصعب بسخريه؛ ترا محد شايب غير سعود....؟
وسع عيونه بصدمه؛ احلف احلف أكبر منك بثلاث اسكت بس.....
أيهم؛ كم عمركم..؟
همس سياف ل سلطان إلى جنبه.؛ياكثر اسالته صدز....
مصعب؛ ٣٠... وأشر على سعود؛ وذا الشايب ٣٣......
حمد؛ تراك زيه ثلاثيني اهجد....
هزاع؛ وانت ياخوي شهرين وداخل معهم الثلاثين....
خالد؛ هاه من قال تراه بزر أمه....
صفقه حمد؛ وزغه وش علمك...
صفقه خالد ونطق؛ لا نسيت إلى ينام مع أمه عشان يخاف الجن..؟
سحبه حمد على جنب وتصافق هو وخالد.............. أيهم مصدوم منهم ومن أفعالهم وكلامهم............ سلطان؛ ماعلينا عيال خالة ويتفاهمون ثنيان جر الصوت....
عقد حواجبه من سلطان إلى يحن من اول عليه؛ مابقول وشتبي ياخي....
هزاع؛ عشان خاطري ياثنيان.....
ناظره وابتسم؛ لخاطرك تكرم مدن....
بقق عيونه سلطان وكتف يدينه؛ كل تراب وانا اخوك ماتقول لي مثله...
ضحك سياف؛ انت يدعس خاطرك ولا يوجعه ضميره.....
سعود؛وش يقول ثنيان....
ثنيان؛
خبرتوا حدن يبكي على واحد يبكيه...
وخبرتوا حدن مسجون مايبغي افراجه...
احبه ولا ابغضته على شي يسويه...
ولازالت أرباب الرجا فيه منعاجه...
عسى منزل ظمه حقوق الوسم تسقيه...
وتضحك له الدنيا وهو يضحك حجاجه...
(شاعر المليون؛ محمد بن فطيس المري)
......................................................................................................
اسفه لأن البارت قصير بس ذي الأيام فعلاً تعبانه مع تغير الجو..... حسابي الانستا ضيعت البريد الإلكتروني حقه اسفه لكل شخص ماقدرت ارد عليه فيه......
انتبهو أنفسكم ودعتكم الله ❣️❣️😌