ثنيان مظلوم يا سياف

البارت الرابع عشر؛

ثنيان ببحه صوت؛ وينهم ياسعود.....؟
سعود بورطه؛ اليوم جو لنا ضيوف.....
ثنيان؛ ومنهم...؟
سعود؛ ثنيان ترقد ترقد..... ياكثر اسالتك......
غمض عيونه بهدوء ونام بتعب............ تنهد سعود بضيق كيف يعلمه عن السالفه...؟
دق سلطان على  سعود ونطق بسرعه؛ كيفه بخير..؟ يوجعه شي...؟ اكل شي..؟ نايم ولا صاحي..؟
سعود؛ سلم يامسلم......
سلطان؛ السلام عليكم... ثنيان وينه..؟
سعود؛ توه نام.... تنهد سعود ونطق؛ سلطان....
سلطان بحزن؛ أندري إلى تمر به ماهو سهل....
سعود غمض عيونه ونطق؛ كيف أعلمه....
سكت سلطان مايعرف وش يقول......ضايعين ومشتتين.... خايفين يعلمونه ويرجع المستشفى وخايفين يخبون عنه ويدري ويعاتبهم......
............................................................
..............................................
الرياض..... بيت ابو سعد.....
طلع نايف من غرفته يجر شنطته وراه ..... شافته أمه وصرخت؛ وين يا نايففف...
ناظرها نايف بهدوء ونطق؛ أخذت بيت وحدي..... مع السلامه مشي متوجهه بيطلع لكن استوقفه كلام سعد؛ قول انك رايح ورا الرخمه... انت منجدك ماهو اخوك وتركض وراه...؟
نايف بنفس الهدوء؛ انت اخوي الكبير هو اخوي الصغير حتى لو انه من ابوي....؟
اَم سعد بسخريه؛ ابوك مايعترف فيه.......،
انقهر نايف من كلام امه مشي طالع وهو كاره البيت وكل شي فيه......؛
...............................................................
........................................
عرف خالد أن ثنيان صحي من الغيبوبه وأصر يزوره هو وحمد..........
في المستشفى.........
خالد ضرب ثنيان على كتفه ونطق ببكي؛ كل تبن ياشيخ ماترتاح الا يوم تدخل هنا.......؟
هز راسه حمد ب موافقه له ونطق؛ وكل تراب كمان.....
سعود مصدوم منهم ومن خالد تحديداً؛ ولد دموعك ذي صدز ولا تمساح.....
ضحك خالد ونطق؛ مو وقتك انت توكل على الله....
ضحك ثنيان بخفه منهم ونطق؛ حال الدنيا ياخلودي.......
وسع عيونه حمد بصدمه؛ لااا دامه يحارش بخير... ابك انت معك سبعين روح مو سبع بس......؟
ضربه سعود على راسه ؛ ورع اذكر ربك....
أشر بيده على حمد واليد الثانيه على خصره ونطق خالد؛ إذا مت ولا جاك شي هو ضربك عين...
وسع عيونه حمد وناظر ثنيان؛ لا مايجي له شي ماشاءالله تبارك الله بس تف تف.....
شمق له سعود؛ يعني ذحينه هو بخير......؟
ضحك ثنيان منهم وتوجع؛ ياخي اسكتو لا تضحكوني.......
دخلت الممرضه الفلبينه وتخصرت؛ انتا يجلس كتير....؟
خالد؛ شحشرك انتي وخشمك المدعوس....؟
الممرضه؛ بابا روح روح خل أشوف هدا مريض يتألم......؟
خالد؛ هاه شوفيه حصان......
حمد ناظر ثنيان ؛ جاك شي منه هو أعطاك وحده.......
فحصت الممرضه ثنيان وشيكت على الأجهزه ونطقت؛ انت مافي يسكت انت سوى ازعاج حق مريض.....
سعود؛ كفو والله اعطيهم......
خالد؛ اختي توكلي على الله بس........
شمقت له الممرضه ومشيت......... ناظرها خالد بقهر؛ ابك تشمق لي... جعل عيونك القلع يارب......
مسكه حمد ونطق؛ امشي امشي طولنا..... وناظر سعود وكمل كلامه؛ مع السلامه انتبه لك....
..................................................................
بيت الجد سياف.........
عصب ابو ثنيان وماقدر يتحمل أكثر؛يبه دامه مايعرف خل نزوره..؟
الجد سياف؛ وش بيدي يامحمد...
ابو ثنيان؛ انت لك الكلمه سعود وش له...؟
سكت الجد سياف مايدري مين يسمع.... يسمع سعود..؟ ولا يسمع محمد...؟ كلهم عندهم الحق..
.................................................................
الرياض......
نايف........
فتح باب البيت وتوجهه لصاله....... حط شنطته وأخذ جواله يدق علي اخوه.....
تأخر سليمان ب الرد توقع نايف أن الجوال صامت ..... دق مرتين وثلاث  وأربع وسليمان مايرد
خاف نايف عليه وركض يطلع من بيته متوجهه عند شقه سليمان...................
وصل نايف بعد ساعه..........
دق نايف الباب بقوه وبصراخ؛ سليمان ولدددد.....سليمان ياخوك افتح.....
نايف؛ سليمامنن افتححح...... يازققق افتححح.....
خرج واحد من الجيران من بيته وبعصبيه؛ ياخوي احترم الناس شوي.....
ناظره نايف ونطق اسف حقك علي......
سليمان إلى كان نايم ومو عارف وين ربي حطه....... صحى من نومه على دق الباب بقوه استغرب مين يجيه الحين اخذ جواله يشوف الساعه وكانت... ٨:٣٠ العشاء  انصدم من الاتصالات إلى جته من نايف وفز يفتح الباب........... فتح الباب وناظر نايف بورطه وخوف منه؛ ن... نايف
نايف بحده؛ وش كنت تسوي...؟
حك راسه بغباء؛ كنت نايم....
دخل نايف البيت وسحب سليمان من شعره..........
سليمان بوجع ؛ اه فك شعري.....
نايف؛ اربيك كم مره دقيت..؟ انت بشر انت....؟
سليمان؛ شدخل البشر الحين...؟
نايف؛ امش جهز اغراضك.....
سليمان بصدمه؛ مسرعع خلصت كل شي....؟
تكتف نايف ونطق؛ مو قايل لك أخذت بيت...؟ ومو قايل لك انها قريبه كذبني بعد...؟
حك راسه؛ نسيت ياخوي.....
نايف؛ اخلص علي هيا.......
مشى سليمان يجهز أغراضه ويأخذ كل شي موجود فيها ....... راح نايف عند مكتب الإيجارات ودفع آخر إيجار للشهر ذا وبلغهم انه طالع...................
رجع نايف الشقه وانصدم من شنط اخوه.....
نايف؛ ولد انت هاج ....
ضحك سليمان؛ شدعوه كلها خمس شنط.......
نايف سحب شنطتين ونطق؛ ياخوك أخذت شنطه و صغيره بعد.....
ضحك سليمان على كلامه وتوجهو طالعين من الشقه..............
...........................................................................
...........................................
المستشفى.......
سأل عن غرفه ثنيان بن محمد.... ودلوه عليها........ مشي هو وأهله وهواجيسه مسيطرة عليه.......
وصل عند الغرفه رقم؛ ٥٣....ناظر الباب ثم ناظر إلى معه زفر بقلق بالغ...
خايف من ردت فعله إذا عرف انهم جو....... فتح الباب ودخل وخلفه ابوه وأمه.......
.............................
ثنيان إلى ياكل مغصوب من سلطان وسعود ...............
سلطان؛ يلا يلا يابابا كل....
ثنيان بنرفزه؛ اذلف ماودي.....
شهق سلطان؛ لالا يابابا كل....
سعود ؛ كل جعلك بمغص كل....
ناظره ثنيان ببراءة ونطق؛ سعودي يرضيك انمغص....
أعصابه انهارت بعد سلطان من طريقه وجلس مكانه اخذ الملعقه بيده وحشرها بفم ثنيان......
...............................
درعم عليهم ابو ثنيان والباقي ...
شهقت الجده أمنه وأخذ العكاز وضربته برأس سعود؛ وخرررر عنههههه.....
انصدم سعود من الضربه ولف راسه تجاه أمه وانصدم أكثر يوم شافهم موجودين كلهم.........
حك مكان الضربه وناظر محمد بحده؛ علمك وقوله......؟
ابو ثنيان؛ وشهو يابو سياف....؟
سكت سعود ماوده يتكلم وهو مو قايل ل ثنيان بعد.......تقدمت الجدال من ثنيان وضمته.....
شد ثنيان عليها ونطق؛ ياخوك بخير......
مرت دقائق والجدال حاضنه ثنيان ابتعدت عنه وصدت ماتبي تبكي وتعاتبه كلها ملامه عليه......
السبب...؟ مجهول.... يمكن مايسمع الكلام...؟ يمكن مايهتم ل غيره...؟ يمكن انه طريح فراش...؟ يمكن غيبوبة الشهرين ونص....؟
( البعض يقول ليه ولد عمها وتحضنه وتقرب منه ف البارتات الاوله وللحين..؟ بنت عمه لكن اخته من الرضاعه...... رضعته لمياء إلى هي أم سياف معهم ويكون اخوهم)
تحمدت ام ثنيان له بسلامه......
ثنيان بهدوء؛ يسلمك ربي....تكلم ابو ثنيان بتوتر؛ م.. مكان قصدي للحد ذا ياثنيان الشيطان شاطر ودخل فينا يابوك.... مر طيف ابتسامة على مبسم ثنيان وصد برأسه...... وش يفيد الكلام عقب الأفعال...؟ سكت ثواني ثم نطق؛ الأب والأم يبقون نفىس هم بس وش شفت منك غير الهبد يابو ثنيان....؟ حزت بخاطر ابو ثنيان لكن ما بين ذا الشي قام متوجه طالع ولا كانه سمع شي مشي معه الكل ودهم يبقون وجودهم يروحون لكن وش بيدهم...؟  بقى بس سلطان وسعود...... تنهد سعود كيف يعلمه... ووين...و اي طريقه يزف له الخبر...
نطق ثنيان والضيق محتويه ؛ لا قادر أعاتب ولا قادر ألوم.... أنا رهين الصمت لاضاق صدري ياسعود.....
مسك سعود راسه ونطق؛ دخيل الله لاتصعب علي........ استغرب ثنيان كلامه وجلس يحلله برأسه........ جسار إلى كان تاكي بجسمه على الباب وسمع كلام ثنيان نطق؛ الخاطر ماهو طربان يابن ضارب......؟
استفهامات كبيرة برأس ثنيان........ ربط مواضيع ومواضيع كثيره بس راحت كل الاساله من عقله عند كلام سعود  إلى نطق؛ ون كان أبن ضارب...؟ وش حركتك له...؟
هز راسه بنفي؛ ماله خلاف ياسعود هد أعصابك......
سعود؛ أهديها وابليس هنا...؟
ثنيان؛ وشو ضارب..؟
أشر على ثنيان ونطق بسخريه؛ ضارب ابوك ياثنيان......
ناظرو ثنيان كلهم.... خاف سلطان من هدوء ثنيان الغريب عنهم وناظر ل عمه جسار؛ طلبتك ياعم أن عندي خاطر عندك تروح تكفى ياعم......
جسار بهدوء؛ رايح ياسلطان رايح....... ثنيان تذكر ياولدي انت ولد ضارب مانت ولد محمد وتبقى ولد قاتل ياثنيان.......؟
مشي جسار...... تارك كلامه يدور ويدور بعقل ثنيان....؟ انصدم سعود من كلامه وكيف قاتل..؟ وحتى لو قاتل كيف يرميه كذا بارد مبرد...؟
ناظر فيهم بشرود؛ سعود...... وش يقول ياسعود.... ياسلطان... كذبه ياخوك كذبه..... سمعتم....... ولا فيني بلا....... ضرب راسه مره ومرتين وثلاث وأربع.... مسكه سلطان والدموع ب محاجره ناظر فيه بستحقار ونطق؛ سليط تبكي...؟شسببك..؟ ذحينه انا ابكي ماهو انت ياخوك........
مسك الابره الموصوله من المحلول ل عرق يده اليمين وسحبها بقوه ناظر الدم إلى ينزف من يده بهدوء صرخ سعود؛ انهبلت انت...؟
ثنيان؛ وإلى يسمع كلام جسار يصير عاقل....؟
سعود؛ اجلس لابارك الله فيك وفيه اجلس بحاكيك.....؟
ثنيان بعتاب؛ وش تحاكي ياسعود اثاريك تدري ب الخافي وتصمل الخاطر مكسور وطرى الجرح القديم ساير لاتحسب ساكت واتبوسم ناسي مخطي ياعم.... القلب شايل حقود وكلام وين يهذري به من جلوس...؟ خلني امشي بطر...... ما خلص كلامه الا واصابع سعود الخمس ترن بوجهه (أعطاه كف) ؛ شهر وتدخل الثمانيه وعشرين وعقلك عقل ورع....؟
ثنيان بقهر؛ طالت اليد ياسعود..... ماعليك ملام تعودنا على الضرب....
سلطان ساكت ويتأملهم بهدوء وده يصارخ ويقول اعتقوه ياعالم مو كافي إلى صابه وإلى متخبي له...؟ ماودكم ترحمون إلى ف الارض من بشر.. َ؟
لكن وين وسلطان وين.... خايف خايف يقول شي ويسمع كلام وخايف يسكت ويزيد كلام ب الحالتين.... تمنى أن سياف موجود وتمنى هزاع يكون موجود...... سياف الكبير ويفهم ويعرف يتصرف  وهزاع العاقل والشجاع منهم لكن هو خايف وكثير خايف من ردت فعل ثنيان...... وخايف من سعود............
جلس ثنيان على السرير وعقله مو قادر يستوعب الأشياء الي صارت له..... سعود أكله الندم ندم انه ضربه وندم انه ماقال له قبل جسار وفهمه بهدوء.............نطق ثنيان بعد مده طويله من الصمت؛ بطلع ياسعود......
لف له سعود ونطق؛ وين تطلع..؟
ثنيان بقهر؛ ماودي اجلس هنا خلاص....
سلطان ؛ طسه تطس جنيك انثبر مكانك تشوف حالتك انت......؟
سعود؛ لا انهبلت...... ورع ماصدقنا تطلع من الغيبوبه وودك تخرج...؟
ضرب صدره بقهر؛ تكفى ياسعود تكفى لا تحرقني أكثر.......
تنهد سعود بقله حيله كيف يطلعه وتوه يصحى خايف عليه وعلى صحته..... تذكر أنه ماخذ شقه ف الرياض ومجهز له أشغال تبعده عن الديره ونطق؛ أجل اسمع دبرت لنا أمور ف الرياض منها نروح هناك نجلس ومنها نبتعد عن الديره.....
ابتسم ثنيان بهدوء؛ آخر عمري اطلع من ديرتي لكن وش بيدي...؟
سعود بحده؛ تروح ولا تتعفن هنا.....؟
مسح ثنيان على وجهه بحرقه؛ نروح ليه لا......
ناظرهم سلطان بهدوء؛ وانا...؟
وسع سعود عيونه؛ وانت وش...؟
سلطان؛ بجي ماخلي ثنيان وحده......
ابتسم ثنيان وحضنه من الجنب ونطق؛ رجلي على رجله ياسعود.......
تورط سعود كيف ياخذ سلطان معهم ووش العذر إلى بيقوله دام ثنيان عشان السالفه ذي بس سلطان يعرف علاقتهم ببعض كيف سلطان مايترك ثنيان ولا ثنيان يترك سلطان صدع راسه من التفكير ونطق؛ خلاص خلاص امشي لا بارك الله فيك.........
أشر على سلطان ونطق؛ تروح تجيب له لبس يلبسه وتجي بموتره واغراضه وانا بروح اخلص أوراقه واتفاهم مع الدكتور...........
هز سلطان راسه وطلع متوجه البيت يسوي إلى قال له سعود......
وطلع سعود عند الدكتور ويفهمه سالفه ثنيان وكيف أنه ضروري يبعد عن الديره..... تفهم الدكتور الوضع وهز راسه بحزن عليه ونطق؛ بعطيك رقم خويي ف الرياض تشوف وضعه كل ثلاث ايام ونتطمن عليه......
طبطب سعود على كتفه ونطق بشكر؛ مشكور والله ماتقصر ياخوي.....
ابتسم الدكتور؛ ولو واجبي........
................................................................................
.....................................
وصل سلطان بيت الجد ونزل من سيارته وتوجهه ل داخل.........
فتح الباب خايف ابوه يشوفه ويدبسه ف البيت ركض متوجهه ل غرفه سعود وأخذ ثلاث شنط   وحط فيها كل أغراض ثنيان..... واغراضه واغراض سعود إلى هي شماغات وغتر وثياب وعقالات وعطور وساعات والملابس الثانيه ..... أخذ كل الدولاب معه مابقى الا أغراض سياف.... أخذ مفتاح سياره ثنيان وجواله ومشى طالع من البيت ويسحب معه الشنط بس للأسف شافته سوير ونطقت بخوف؛ سلطان وين...... مسكها سلطان وحط يده على فمها يعطيه بخوف أن أحد يسمعه وينكشفو؛ اص اص مابروح مكان.....
تكتف سوير وتكلمت بس يد سلطان بفمها........ ضحك سلطان بهدوء وابعد يده ونطقت؛ والعفش ذا...؟
هز سلطان راسه؛ بعدين بعدين اعلمك......... مشي سلطان بسرعه وفتح باب سياره ثنيان ورمي الشنط فيها....
سياره ثنيان ربع....
(معرف كيف اشرحها لكم لكن تعرفون سيارات الأمن العام هي نفسها بضبط)
ناظر سلطان سيارته وتورط كيف يخلها ويروح بسياره ثنيان وهناك يتورط كيف يطلع وماعنده سياره حك راسه من الخلف ومشى متوجهه بيت خالد...... وصل بيت خالد ودق الباب.....
انتظر خمس دقائق ودق مره ثانيه بقوه..... فتح الباب خالد وانخرع من سلطان ونطق بخوف؛ وشبكككك وش بهههه ثنيان.....
سلطان ضربه بخفه؛ اسكت اسكت مابه شي........
خالد؛ أجل...
سلطان؛ اسمع السالفه طويله عريضه ادري ثنيان بيكبها عندك بس يلا.....
خالد؛ انطق الله ياخذك قلبي طاح....
سلطان؛ بروح الرياض وباخذ ثنيان معي بس المشكله بروح ب سيارته وسيارتي هنا وتعرف البلشه كيف......
خالد؛ المطلوب مني....
سلطان؛ المطلوب منك تخلي المفتاح معك وبدق عليك تجي فيها......
ضرب خالد صدره ونطق؛ احتزمممم اجيك ليه لا....
ضحك سلطان وضربه على كتفه بخفه ونطق وهو ماشي؛ كفو ولدنا.....
رجع سلطان البيت وركب سياره ثنيان ومشى متوجهه ل المستشفى.........
...........................................................
دق علي سعود وخبره انه طلع من البيت وماخذ كل أغراضهم وجاي بسياره ثنيان وتارك سيارته عند خالد........ توجهه سعود عند ثنيان وساعده يقوم وطلع من الغرفه بتصريح من الدكتور........ ساعد سعود ثنيان يجلس بمكان الراكب وتوجه هو لمكان السائق وحرك سيارته....... شافهم سلطان وحرك وراهم طالعين من ديره الضباب إلى متوجهين ل الرياض تبعد عنه ثلاث ساعات ونص..............
........................................................................
وش بيصير ف الايام الجايه.....؟ وكيف اتعامل معها.........؟
حيلي انهد من الحين وكيف بعدين.......؟ اخاف يعاتبون سعود.....؟
بس كيف ابوي ضارب.....؟ ليه خبو عني.....؟
وليه الاستحقار بعيونهم والشفقه......؟ وينه سياف ليه مو معهم.....؟
مو معقوله إلى يصير.....؟ جدتي ليه تقول حرقوني بضارب وهم يقولون قاتل.....؟
وش السبب انه يصير قاتل....؟ ابو صويلح له دخل.......؟
....................................................................
الاساله ذي برأس ثنيان يبي جواب لها سند راسه على الزجاج بقله حيله مشتت من كل الجهات.... ناظر سعود بحزن وقهر كيف يقدر يتحمل كل ذا..... مر من جنبهم سلطان مسرع وصوت الشيلات عاليه من عنده وسع سعود عيونه بصدمه من الروقان إلى فيه وهم طايحين ب مصيبه لا تحسد عليها دق عليه يبيه يخفف السرعه ويطفي الشيله......
بسياره ثنيان..... طفش سلطان وهو مايحب جو الحزن ابد شخص يحب وناسه وضحك وجو شيلات وطرب ورقص قرر يزيد سرعته ويسمع شيله يحبها ثنيان يبي يطلع من حزنه وينسيه حتى لو دقائق....... رفع صوت المسجل على الجزء؛
عزتي للمفارق كل ما لاح بارق...
في الهواجس غارق يا عرب مايلام...
من غدا في محله مبطى منه خله...
كان صابته خله يسهر وماينام....
ضحك بقوه يوم شاف جواله وسعود يتصل عليه رد عليه وضحكته سابقه صرخ سعود؛ انجنيتتتتت انتتتت......
سلطان؛ ياخي انت حزين خليك شوي متفائل اعطي حياتك شوي سماجه ......
سعود؛ والله والله اذا مانقصت الشيله لا اصدمك......
سلطان؛ لا لا ياسعود لاتنسى ماهي سيارتي سيارت ثنيان عيب عليك.....
ضحك ثنيان من سلطان إلى يحاول يغير جوه وهو يحب يحب سلطان وكثير دايم اذا زعلان ومتضايق يعرف سلطان كيف يطلعه من ضيقته وزعله...... ضحك سعود من ضحكت ثنيان وصرخ سلطان؛ اهيبب عليك ياشيخ توك تهاوش امداك هاه. َ..؟
سعود؛ اسكت لا اتوطي فيك......
ثنيان؛ سلطان قرب وارمي جوالي......
وسع سعود عيونه كيف يرمي جوال..... حرك سلطان إلى كان يشمي في الخط اليسار وحول لليمين قرب من سياره عمه سعود ونزل الزجاج وضحك على وجه سعود المخطوف نزل ثنيان الزجاج ورمي سلطان الجوال وحرك بسرعه..... مسك ثنيان الجوال وضحك عليه.... سعود وجهه مخطوف كيف قدر وماخاف يطيح الجوال ولا يصدم........ شبك ثنيان جواله على المسجل يبي ينطرب شوي من ضيقته وشغل اغنيه ليالي نجد مامثلك ليالي..... لمحمد عبده
ليالي نجد مامثلك ليالي.....
غلاك اول وزاد الحب غالي.....
ليالي نجد مامثلك ليالي.....
غلاك اول وزاد الحب غالي......
ليالي نجد للمحبوب طيبي....
امانه نور عيني ياليالي......
................................................................................
ناظر سعود ونطق؛ ودك الورع يسبق.....
هز سعود راسه ب لا وزاد سرعته...... سبق سعود سلطان إلى كان مفهي ويسمع الشيله..... وصحي على سياره سعود إلى مرت بسرعه من جنبه وضحك وزاد سرعته يجاريه.......
.........................................................................
مر اليل ومر وقت الطلعه إلى مفروض تكون كلها هم وهواجس لكن سلطان غير الجو ب سماجته وسماجه ثنيان معه وقدر يغير جو ثنيان الحزين....... بس وش مخبيه لهم الرياض والايام الجايه.......؟

كلمه حلوه منكم لو سمحتم........