ثنيان مظلوم يا سياف

البارت الثامن عشر؛

بعد خروج ثنيان من المستشفى.......
أذان الفجر.... الديره...
مشي يلبس ثوبه ساكت ماوده يتكلم بشي ابداً... ناظر ل سياف إلى طلع من الغرفه ووراه سلطان مفتح عين ومسكر عين.... تقدم لهم سعود ونطق بهدوء؛ يلا..... هز ثنيان راسه بتفهم ومشى ورا سعود وسياف وسلطان معهم..... وصلو المسجد وكانو ف الصف الأول وناظرو الجد سياف وابو ثنيان وجسار بجانبهم..... جلس سلطان بعد ما خلصو صلاه ينتظر ثنيان وسياف إلى يصلون السنه...... خلص الشباب وجلس ثنيان وبجانبه الأيمن سعود والأيسر سلطان وسياف رفع سعود يدينه يقرا ومسح على نفسه وعلى الشباب معه...... طلعو كلهم من المسجد رايحين مع بعض ل العزبه..... ما افطرو ولا يبون يرجعون البيت..... زواج الريم قرب وحاله بيت الجد كلها مشتطه....
....................................
العزبه...
مثل كل يوم يروحون فيه العزبه.... سياف إلى يشوف الإبل ويأخذ فيهم لفه على الديره.... ثنيان إلى يذبح الذبائح ويسلخ ل أهل الديره وأهله... صاحب التحلطم سلطان يزرع الأرض وحلطمته واصله آخر الدنيا.... سعود المشرف عليهم وإلى يشارك معهم ب الضرب ...... دخلت سياره العم وسيم ووراه سيارتين...وقف العم وسيم سيارته وطل راسه من السياره ونطق؛ ياسعود...
لف سعود نظره ل الشخص الى يناديه وابتسم بفرح وتقدم له؛ ياهلا وسهلا بك ف أراضي المطلق أرحب تراحيب المطر والرعود أرحب ياعم وسيم والله انها الساعه المباركه جيتك عندنا يجعلها بذمتي أن المكان توه ينور... ضحكت وعد ونطقت؛ مابقى شي تقوله يبه...
العم وسيم؛ يازين الكلام منه والله...... العم وسيم نزل من سيارته ونزل وراه عياله ونطق؛المكان منور بأهله ياسعود الجساري.... حضن سعود العم وسيم وباس راسه..... جاء سلطان بعد ما غسل يدينه ونطق؛  توها تنور من الظلام ياعمي... وسع سعود عيونه بصدمه من كلامه وأنه المقصود فيه... ضم العم وسيم سلطان وضربه علي كتفه؛ أعقب تقول ل عمك ظلام افا ياسلطان... ضحك سلطان من قلبه وأشر على سعود؛ياعمي مخليني اكرف فذي الأرض....
سعود؛ الا ياعمي منهم الرجال الي معك... العم وسيم أشر على أكبر عياله؛ هذا ولدي ملهم... وذولا ذياب وذيب.... وهذاك تعرفه مايحتاج اعرف عنه... يقصد أيهم....
سعود؛ يامرحبا بكم... صافح الشباب يد سعود وسلطان..... كسر الأجواء الجميلة بينهم صراخ أحمد إلى يركض ووراه ناقه....
أحمد بصراخ؛ انفداك خذهاا عنيي...... سياف إلى كان يمشي الإبل وصادف أحمد بطريقه لكن أحمد مايتوب ودايم قالط عند ناقه سلطان إلى تشوفه وتركض وراه صرخ بصوته عشان أحمد يسمعه؛ والله والله ما اجيك وانا قايل لك لا تروح لها.....
أحمد والدموع بعيونه من الناقه الكبيره إلى تركض وراه لمح سلطان من بين مجموعه رجال ونطق؛ تكفى تكفى ياسلطان....
سلطان؛ اخو ثنيان صدز والله لا اجيك..... ركض سلطان ورا ناقته عشان يوقفه وبعد محاولات كثيره وقفت الناقه وتحلف أحمد أنه يذبحها بزواجه.... صرخ بوجهه سلطان إلى كاتم بقلبه من زمان؛ والله وبالله وتالله لو أشوفك مقرب لها احطك ذبيحه انا.... ابك انت ماتفهم كم مره قايل لك السموح لا تقرب لها يابني انت آدمي زينا عندك عقل ولا لا...؟
كشر أحمد من كلام سلطان وناظر سعود... أشر سعود له يسكت وتكلم هو؛ اعرف وش بتقول مايحترمك..؟ ماحترمني انا الله يهديك...
ضحك العم وسيم وعياله معه ونطق ذيب؛ الله يعينك عليهم.... العم وسيم؛ الا وينه ثنيان..؟
جاء ثنيان على كلام العم وسيم الأخير مشمر يدينه والشماغ على كتوفه والدم كله مالي ثوبه الأبيض.... ضحك العم وسيم على شكله الفوضوي ونطق أحمد؛ الطيب عند ذكره يقلط...
تقدم العم وسيم وحضن ثنيان فز ثنيان ونطق؛ ياعمي ثوبي فيه دم... العم وسيم؛ فداك والله....
وعد إلى كانت بسياره وتشوف كل شي بحكم انهم قدامهم ونطقت؛ يوه ساعتين يسلمون على بعض وكل شوي ينط واحد جديد....
هديل؛ مين هو الجديد.. اشرت على الشباب واحد واحد... هذاك سعود عمهم وإلى جنبه ولد خالته أحمد وذاك ثنيان وهذاك سياف وسلطان... والباقي ابوك واخوانك...؟
سكتت وعد بعد ما دخل العم وسيم السياره وتحرك الشباب كل واحد ل سيارته.........مشي الشباب كل واحد ب سيارته بعد ماقال سعود لهم يسكرون العزبه لأنهم طولو فيها اليوم...
..................... بعد مده قصيره دخلو الديره.....
دخلت سيارات الشباب ووراها سياره العم وسيم وعياله.... وصلو بيت الجد سياف وكان ينتظرهم الجد وعياله بعد ماعلمه سعود أن العم وسيم وصل ديرتهم....
نزل الكل من السيارات ونطق الجد سياف بفرحه؛ ياهلا وسهلا بكم ياهلا ومرحبا ياوسيم يارفيق الدرب....
العم وسيم؛ يبقيك الله ياسياف...
تنحنح ثنيان ونطق ل أيهم الواقف بجانب أمه وخواته وزوجت اخوه.... أيهم الطريق من هنا...
أشر ثنيان على الباب الخلفي وهز راسه بتفهم... ناظر أمه ونطق؛ يمه ادخلو من هنا...
دخلت هديل وبناتها.......
عند الحريم....
الجدال والريم وهواشهم الدايم وإلى زاد من قرب العرس....
دخلت هديل ونطقت الجده أمنه بحب؛ ياتوه ينور البيت والديره انشهد توه يومي يزين ياهديلِ
جلست الجده أمنه وهديل وأم ثنيان وأم صقر بجانب بعض وراحو البنات ل جلستهم إلى جهزوها ف الحوش..
تربعت سوير وصفقت بيديها وقالت؛ اسمعو عاد طيحو الحياء وذخو الميانه نبي نعيش...
ضحك الكل عليها ونطقت العمه الريم بقهر؛ ماتعرفين تسكتين.... سفهتها سوير ونطقت؛ يلا ياحلوين
تكلمت عهود؛ اسمي عهود وعمري ٣٤ وعندي بنت.... الريم  الثانيه؛ يازينتس...
عهد تكتفت ونطقت؛ اسمي عهد وعمري ٢٧ محاميه مادري وش فكر ابوي يوم سماني زيها....
تنهدت الجدال ونطقت؛ نفس عمر ثنيان وتخصصه... غمزت سوير؛ خلاص لقينا زوجته....
ضحك الكل عليها ونطقت وعد؛ مايحتاج اعرف عن نفسي قد جيتكم...
عهد بفهاوهه؛ من ذا ثنيان..؟
الجدال؛ اخوي الكبير.......... عهد؛ شفناه احنا.....
ضربت وعد جبهتها ونطقت؛ إلى ثوبه دمم....عهد؛ اهاا....... اخذتهم السوالف شوي..... بعد مده... حلف الجد سياف على العم وسيم ينامون عندهم بعد إصرار الجد سياف... كان ترتيبهم العم وسيم والجد سياف وجسار ومحمد والشباب ببيت جسار الى كانت جنب بيت الجد ومايفصله الا جدار.. الحريم كانو ببيت الجد سياف............
.....................................................
بعد نوم الكل...... نام الشياب ف الحوش والشباب ف المجلس... همس ثنيان إلى كان يستنى الشياب ينامون؛ عيال..
نطق ذيب وذياب مع بعض؛ صاحيين..... ضربهم ملهم على رأسهم؛ اسكتو فضحتونا....
قام الكل الا سلطان النايم وتنهد ثنيان بعجز منه؛ هيه سيفو اسحبه معي..... هز سياف رأسه بتفهم وهم يعرفون سلطان وتحلطمه إذا عرف انهم راحو ل خالد وهو نايم.... مسكه سياف من رجلينه وثنيان من كتوفه وشالوه وطلعو ووراهم أيهم..... فز الجد سياف من لمح ظل أشخاص يمشون وصرخ؛ ابك منهو انتم....... طاحت قلوب الشباب ببطونهم وفك ثنيان سلطان إلى طاح على ابو ثنيان محمد فز ابو ثنيان من سلطان.... وهرب ثنيان لداخل المجلس والعيال وراه يركضون... تألم سلطان من الطيحه وناظر ابوه إلى يناظره وعيونه شرارة ما مداه يتكلم الا يستقبل ضربه جده على راسه وطاح مغمى عليه..... عند الشباب الى يشوفهم يقول شافو لهم جن وعفاريت... كان كل واحد فيهم بجهه خايف ويمثل النوم همس سعود من أدرك انهم حطو سلطان معهم؛ سلطان ياتيوس...
دخل الجد سياف المجلس والظلام دامس فيه سكر الباب وراه...... رجع عند  سلطان ونطق؛ علامك انت هاج عنهم بعير انت..؟
سلطان إلى مو عارف كيف جاء اصلاً ومو عارف وش يقول لجده.... تنهد الجد ونطق أمسي جناب ابوك ياسليط........ ماصدق على الله يقول له جده ينسدح وينام... عدل جلسته ونام بجانب ابوه المعطيه قفاه..... ضحك ثنيان.... ونطق أيهم بصدمه؛ كيف رميته........ ثنيان ياشيخ من قوه الخرعه رميته..... سياف فطس ضحك ونطق؛ طاح على ابوي المسكين....
سعود؛ الله يعينه على ما ابتلاه.......... بعد كلامهم الأخير نام الكل بهدوء.....
.......................................................................
الصباح بيت الجد..... باقي اسبوع على زواج أحمد والريم....
كان الأمهات نايمين بحكم ان بعدين يروحون السوق الديره  لأن البنات مارضيو سوق الديره يبون أسواق الرياض الكبيره.....
الجدال والريم يجهزون الجلسه الخارجيه...... العمه الريم وسوير وعهود يجهزون الفطور....
بعد مده جهز الفطور..... وجلس البنات ف الجلسه....
وعد بحماس؛ يوه كلنا بنروح مع بعض يونسسس.....
الريم؛ اي والله يجنن....
عهود؛ كلو وانتم ساكتين....... سمعو صوت صراخ من بيت جسار وكان واضح لهم....
ضحكت سوير؛ مايبطل عاداته.....
الجدال؛ مسكين سلطان..... عهد بصدمه؛ يقومهم كذا....؟
الريم؛ يوه ماشفتي شي انتي......
وعد؛ يارأسييي.......
.....................................
بيت جسار....
ابو ثنيان إلى كان مشتط وبقوه.... دخل المجلس وبيده عكاز ابوه وضربه على الباب بقوه وصرخ؛ قمم لا بارك إلله فيك قمم...... فز ملهم وأيهم بخوف (شباب المدن وش يعرفهم بخروع الديره وقومتها).... ناظر سعود آلى طلع من الحمام ونطق.... قمنا قمنا....
مشي ابو ثنيان وسلطان إلى نايم معهم للحين ماتحرك..... أخذ العكاز وضربه على بطنه.....
تأوه سلطان بألم من الضربه إلى جته وبقوه..... ناظر ابوه بصمت وقام.....
قام العيال كلهم بعد محاولات كثير وهمس سلطان ل سعود؛ انا اقول نرجع الرياض ابرك...
ضحك سعود بخفه؛ واضح هبدككك...
سلطان؛ وبطني كمان....
تنحنح ابو ثنيان ونطق؛ اليوم تاخذون الحريم السوق يخلصون الباقي.... ثم تروحون العزبه وتبنو المخيم حواليها......
مسك ثنيان راسه بصدمه؛ يبه بدري...
ابو ثنيان بحده؛ لا بدري ولا شي المخيم ويجهز....
ثنيان؛ سم...سم...
الكل انقهر من ابو ثنيان ياخذون الحريم السوق والمخيم...؟ كثيره عليهم.......
توجه سلطان ل بيت الجد بعد رساله الجدال له أنه يأخذ فطورهم....
دق الباب مرتين وفتحت له الجدال...... مدت له الفطور واخذه بهدوء منها.... انصدمت الجدال كيف ياخذ منها بدون حلطمه ومناقرته المعتاده..... راحت بعد ما أخذه ونطقت؛ سوير الحقييي.....
نطت سوير وجلست جنبها؛ وي علامتس....
الجدال؛ سليط سليط....
طاح قلب سوير؛ شبلاههه.... الجدال؛ اخذ مني الفطور بدون هواش...... يمه قلبي قلبي....
ضربتها سوير على ضهرها؛ احسب صاير له شي......
الريم بضحك؛ تقول لك سلطان ماهاوش على الفطور ومادقق فيه.....
شهقت سوير؛ بذمتس...؟
الجدال؛ وربي صادقه................ عهود؛ ليه يعصب....؟
الريم؛ هو مايعصب ياختي هو يتحلطم على اتفه شي يتحلطم وإذا جاء وقت بطنه يدقق بكل شي مايبه ناقص...
عهود؛ لا مدام كذا ما الومها تنجلط...
......................................................................
بعد وقت..... الباب الخلفي لبيت الجد ومتصل ببيت جسار.... سوير سعود  يتهاوشون بصوت عالي....
تخصرت سوير وقالت؛ لا ياشيخ وشذا...؟
سعود؛ اوه سوير وراك بالعه راديو... اقول لك ثنيان ياخذكم وحنا نجهز المخيم ابك ماا تفهمين....
سوير؛ وليه ثنيان ماهو انت ولا غيره..؟
سعود؛ ياخي شتبين انتي هاه.... ناسيه انه تعبان....؟
سوير؛ حتى لو ثنيان مانبيه.....
سعود؛ والله يا سوير لا اوصل لبوتس خليتس ساكته ابرك لتس....
الجدال؛ اوه عمي سعود طلع العرق خلاص اهربو.... ابتسم سعود؛ حيها الجدال حيها.....
ضمته الجدال بحب؛ يحيك يارب..... شسالفه.....
سعود أشر على سوير؛ والله ذي فاقعه مرارتي ماتبغى ثنيان ياخذكم معه.....
الجدال؛ افا الا ثنيان خير............ سوير بزعل؛ خلاص انت وهي....... راحت سوير للبنات تعلمهم وضحك سعود عليها؛ زعلت نراضيها....؟
الجدال؛ ماعليك منها خلها ترضى من نفسها........
..............................
خرج البنات من البيت وناظرو ب ثنيان إلى كان بسياره سياف الجيب يكلم بجواله.....
ركبت  العمه الريم بجانب ثنيان...والجدال وسوير وعهود ب الوسط واخر شي وعد وعهد....
ثنيان إلى يكلم للحين؛ العصر خلصوه ماعليك.....
خالد؛ مهبول وش يخلصون....
ثنيان؛ ياتيس ياغبي... مو هو كبير..؟..... خالد؛ ايه...؟
ثنيان؛ أجل ياخي افهم....
خالد؛ خلاص متى جاي....
تنهد ثنيان بصبر؛ على ربك اليوم الثاني وماخلصت....... ضحك خالد بقوه منه ومقصد ثنيان البنات مارح يخلصون الا بكره لأنهم رايحين الرياض.....
سكر ثنيان من خالد الا يصدمه سلطان إلى ضرب بوري وراه.... طل ثنيان راسه من الشباك.... صرخ سلطان؛ وراك وراك....
ضحك ثنيان منه وحرك...... العمه الريم؛ سلطان بجي...؟
ثنيان؛ ماسمعتي وراك وراك......
سوير بزعل؛ ايه الله يديمكم.............. أسرع من جنبهم سلطان والشيلات من سيارته عاليه....
الجدال؛ مايترك عاداته ابد...... ثنيان؛ اي والله
الريم؛ تكفى ياولد عمي شغل لنا اصاله..... كشر ثنيان من اسم المغني وهو مايحب يسمعها أبدا لكن لخاطر الريم فقط...؛ ابشري يابنت عمي....
شبك ثنيان البلوتوث على جوال الريم وشغلت... ماعرفتك.......
وغنت معها والبنات كلهم انسجمو وغنو..... تنهد ثنيان بصبر وهو مايحب ياخذهم السوق ومايحب اجوائهم.... جت برأسه فكره وضحك يتخيل ردت فعل سلطان عليها....؛
.........................................
يعد ساعتين.....
سلطان بصراخ؛ وينه ياثور...... ثنيان إلى كان فاتح سبيكر ويمشي على الموقع.... رد بصراخ؛ فبطني قالط....
سلطان؛ جعله الماغص.... ثنيان؛ يمغصك...
تنهدت الجدال ونطقت؛ ياخواتي متعودين كل يوم كذا..... ضحكت عهود على علاقتهم....
بعد هواش ثنيان وسلطان وصلو للموقع المحدد........ نزل الكل وكان ثنيان صاد عن البنات..... جاء سلطان وتحركو كلهم يمشون الشباب قدام والبنات وراهم ب مسافه..... وصلو واحد من المحلات و خلو البنات داخلها... مشي ثنيان وسلطان ينتظرونهم عند المقهى الموجود هناك.....
......................................