ثنيان مظلوم يا سياف

البارت الثاني والثلاثون؛

سكت ثواني بسيطه وأكمل بعدها؛ ثنيان لاتحسب اهاوشك من كرهي لك.. اهاوشك لأجل ترجع وتشوف منهم معك..
دخل سلطان على كلامه الأخير  بعد ما سكتت سوير وناظر ل ثنيان بنظرات عتاب..
ناظر له ثنيان وبعدها صد ل الشباك يرمي سجارته ونطق بعد تنهيده؛ إلى عشته وشفته يا خواني ماهو سهل النسيان.. يومين غريبه على.. يومين مانيب به.. مناور أرحم من السجن ..
تلوموني لأجل تغيري.. والسنين الطويلة ماترحم.. انا خايف أنطعن من جدد.. الجروح الأوله ما تلحمت.. ثم لف بجسمه وناظر ل نهيان؛ أنا مقهور وفرحان لأجله..متضايق منه وعذار له.. اهوجس وشو جرى به.. انا مقهور ل سيافف وفرحان لهه مقهور من سجنه وفعله وفرحان بسجنه... ناظر ل سلطان إلى وراه وأكمل بعدها يناظر ل نهيان؛ متضايق من هزاع وحاط له ألف عذر وعذر ..و أهوجس ب أبوي وش إلى جرى له لأجل يتركني ويتركك..
سكت بعد كلامه يمشى ل ضارب الصغير.. يشيله ويتعدي إخوانه يمشى ل جهه السطوح.. يصعد السلالم.. ويجلس على الأرض وضارب الصغير جنبه..
تنهد سلطان وناظر ل نهيان إلى مسكر عيونه ونطق؛ قصيت..
نهيان؛ أجل ندادي.. نداديه بالكلام..
سلطان؛ ثنيان ماتغير.. باقي روحه موجوده.. ماسمعت وش قال.. مقهور وفرحان ومتضايق وعذار ويهوجس.. راضى لهم وماهو راضى.. يطيب يا نهيان مع الوقت..
تنهد نهيان يمشى ل فراشه ينام.. وسلطان زيه..
... بعد اسبوع..
الضهر..
قدام محل ابوه يناظر له...اكثر من ثلاثين سنه ما انفتح.. تنهد يمد يده للقفل ويفتحه.. فتح الباب وتردد يدخل لكنه دخل ناظر ل الغبار إلى يعمه.. البشوت المعلقه والغبار عليها.. السيوف المعروضه.. دفتر الحساب على الطاوله.. الكرسي وفوقه فنجان قهوه.. وصوره معلقه ل الشخصين فيها تنهد بعمق من الأغراض الباقيه على حالها ولكن الغبار مكسيها.. مشى ل الطاوله وناظر ل الفلوس الموجوده داخلها.. مسك دفتر الحساب وناظر الأسماء المسجله ومنهم ابو صويلح.. انصدم من الدين الكبير عليه.. وبدأ يهوجيس.. للحين مادفعه.. وشوله ابوي يدينه ذا المبلغ.. لأجل كذا دمر حياته.. وش قصتهم الإثنين ذولا..
ناظر ل نهيان إلى دخل ونطق وهو يناظر ل المكان؛ دخلت محل الذهب وبه قطع كثيره.. ودخلت محل القماش وكل شيء على مكانه.. هز راسه يوري اخوه الدفتر.. قرب نهيان منه ولصق كتفه بكتف ثنيان يناظر ل الدفتر.. انصدم من الدين إلى على ابو صويلح وناظر ل ثنيان بصدمه؛ ١٤٥ ألف ريال..
هز راسه له ونطق؛ وراه شيء ابو صويلح....تكلم نهيان يناظر ل الصوره المعلقه والشخصين الموجودين فيها لمح الصوره ذي ببيت ابو صويلح قبل يحرقه واشر عليها ونطق؛ ذيه الصوره.. قرب نهيان من الصوره ياخذها ويمسحها بكم ثوبه الأبيض.. ناظر ل وجه مألوف له ولف راسه ل ثنيان إلى تقدم منه وثم ناظر ل الصوره مره ثانيه.. الشبه بينهم كبير.. شبه ماهو طبيعي.. نفس الملامح العيون الأنف الحاجب الفم والشعر.. الفرق الوحيد اللحيه.. لحيه صاحب الصوره كثيفه.. أما لحيه ثنيان خفيفه.. ونطق؛ ذا ابونا..
قدم راسه ل الصوره يناظر ابوه ل اول مره بحياته.. ماعمره شافه ولا عمره لمح له صوره قديمه.. مسح نهيان على الجهه الثانيه وكان شخص ذو ملامح ناعسه.. جاء بباله انه ابو صويلح لكن ابو صويلح مقرود وش يجيب وجه ذا الرجال له.. ولف راسه ل اخوه و نطقو بنفس الوقت؛ تهقى ابو صويلح..
هز كل واحد منهم راسه ب لا وأخذ ثنيان الصوره معه ونطق؛ أمشى نجهز... مشى نهيان ونطق؛ تنظف بثوبك..
لف له ثنيان وأكمل؛ اقصد ماتلبس بنطال ..
ثنيان؛ اشوفك رجعت لهم.. هز راسه ب لا ونطق؛ لالا ماعليك أنسى اني قلت لك..
هز راسه معه ومشى ل السياره ياخذ منها الأغراض إلى يحتاجها ل التنظيف..
رفع كل واحد منهم ثوبه وربطه على خصره.. وتلطمو الإثنين من كميه الغبار إلى بيمسحوها.. بدأ ثنيان يشيل الاغراض من المحل ويحطها داخل حوض سياره سلطان.. مثل الكراسي والبشوت والسيوف والصور..أما نهيان بدأ يكنس الغبار بعد ماشال ثنيان كل شيء.. كل ذا تحت نظرات ابو صويلح إلى محله قدام محل ضارب...
...
بعد ساعتين..
خلص الإخوان من التنظيف وجلس ثنيان بتعب على الأرض ونطق؛ تعرف بو مناحي..
التفت له نهيان ونطق؛ إيه..
ثنيان؛ روح له وقل ثنيان وده شاهيك.. هز راسه له ومشى ل محل ابو مناحي..
محلات الديره كلها جنب بعض سوق قديم شعبي.. بينهم فقط كم دقيقة.. وصل نهيان ل محل ابو مناحي وناظر الاسم المكتوب فوق.. شاهي بو مناحي..دخل المحل وناظر ل ابو مناحي ونطق ب إبتسامه؛ بو مناحي..
رفع نظره له ونطق بفرحه ل وجوده؛ حيه نهيان حيه تو المحل ينور والله.. ابتسم نهيان من كلامه ونطق؛ العلم موصل منه.. ثنيان وده شاهيك..
دمعت عيون ابو مناحي ومسحها ناطق؛ حي ذا الكلام وحي من قاله.. رجع الغايب بعد طوله غيابه..
هز راسه له ونطق؛ افا ياعمي تبكي... ابو مناحي؛ ابكي ياولدي فرحه له.. الديره ظلمته والشيخ مابيده حيله لأجله..
نهيان بضيق؛ ماعليه ياعمي هو رجع ويدري كيف يسكتهم.. إلا سوى من يدينك إثنين شاهي كرك..
ابو مناحي؛ تكرمم انت وأخوك.. احلى شاي ابو مناحي لكم..
ضحك على كلامه وجلس ينتظر ابو مناحي يجهز طلبهم.... انتهى ابو مناحي من الشاهي ومده ل نهيان.. شكره نهيان ومشى طالع من المحل.. على طريقه ناظر ل مجموعه أشخاص غريبه عليه أو ماشافهم ب حياته ب الديره.. يناظرون محل ضارب.. ناظر ل ثنيان إلى متكي يناظر الصوره.. دخل المحل ونطق ب استغراب وهو يعطيه شاهيه؛ تعرفهم..
لف له ثنيان ونطق مستغرب؛ منهم... اشر ب راسه ل الوراء وطل ثنيان راسه ل خلف اخوه ناظر الأشخاص الواقفين يناظرون له وفز يرحب فيهم؛ ارحبو يا رجال..
رد عليه الشباب ؛ الله يبيقك..
ملهم؛ الحمدلله على سلامتك يا ثنيان..
ثنيان؛ الله يسلمك من كل شر..
ذيب؛ أخيراً انفتح المحل.. ونطق ذياب معه؛ الفضول يا ثنيان كان كبير..
ثنيان؛ اقلطو..
هز ملهم راسه له ب لا ونطق؛ انت الى اقلط معنا.. ابوي وده يهرج معك..
هز ثنيان راسه معه ونطق؛ اقفل المحل واجيكم..
ملهم؛ تدله.. يلا سلام..
لف ثنيان ل نهيان المستغرب ونطق؛ وراك كذا..
نهيان؛ تعرفهم..
ثنيان؛ عيال العم وسيم.. صفق نهيان يدينه ونطق؛ عياله.. احسب عنده بس ذاك المرجوج..
ثنيان؛ من..
نهيان؛ أيهم..
سكت ثنيان يأخذ الشاي حقه من فوق الطاوله واشر برأسه ل نهيان يطلع.. طلع نهيان من المحل واقفله ثنيان..
مشى الإثنين ل بيت العم وسيم..نهيان يدل الطريق اما ثنيان مايدله..
...
بيت الجد سياف..
صارخ سلطان بوجه ضارب الصغير؛كسرتههه..
لف له ضاربة الصغير يطلع لسانه له وركض يهربون عنه... لحقه سلطان يصارخ عليه؛ ورعع وقفف حسبي الله عليك انتت وابوكك..
نزلت سوير من السطح بعد ماشافت كل شيء سواه نهيان وثنيان بحكم طول بيتهم وصرخت مع سلطان؛ سليطططط وقففففف..
وقف سلطان يلف لها وصارخ معها؛ شتبيننننن انتييييي..
سوير بنفس الصراخ؛ جعلككك السلايقققق.. ليههه تصارخخ عليههه..
سلطان؛ وانتييي شحشرتسسس هاههه..
خرج سعود من غرفته يصرخ معهم؛ والله والله اننن مااا سكتت انتتت وهيييي لا اجييي اهفكممم بخمسس..
لف سلطان له ونطق وهو  يتقدم له؛ سعود ثمان وعشرين ساعه متنقع داخل قوقعتك.. أبك ورعك ماتدري وين طاس..
سعود؛ ورعي ولا ورعك.. ذيب ماينخاف به..
دخل سلطان يده بجيب سعود وطلع محفظته.. وركض بها ل المجلس.. دخل المجلس وسكر الباب وراه وسعود يصارخ ويركض وراه يدقق الباب؛افتححححح يا زقققققق..والله
والله تأخذ ريال واحد اذبحكككك..
سلطان؛ ولدككك مكسررر جوالييي..
سعود؛ وانا شدخلني به..
سلطان؛ هو ورعك..
سعود؛ سليط افتح لا اكسره فوقك..
اخذ سلطان من محفظته ٧٠٠ ريال وحطها ب مخباه.. فتح الباب ونطق بتهديد؛ أن تبيها وخر....ابعد سعود عن الباب ورفع يدينه فوق ناظر سلطان ل ضارب الصغير إلى ماسك جواله المكسور ويضحك له.. رمي المحفظه بوجه سعود وركض ل ضارب الصغير ياخذ جواله منه وركض يفتح باب البيت قبل سعود يفترسه... وسع سعود عيونه من الفلوس الى أخذها  سلطان وركض وراه يحاول يمسكه.. بس مالحق لأنه ركض ل جهه السوق..
مشى سعود يسحب أذن ضارب الصغير ونطق؛ وش سويت له..
مسك ضارب الصغير يد ابوه بوجع يحاول يفكه من أذنه ونطق؛ هو.. هو سبني..
سعود؛ وش قال لك..
ضارب الصغير؛ يتسول انا بنت..
سعود؛ إيه انت بنت وش بها يعني.. تروح تكسر جواله ليه..
ضارب الصغير؛ خلاص أحر مره.. ماسويها..
فك سعود يده من أذنه ونطق؛ تحترمه تفهم..هز ضارب الصغير راسه ونطق سعود يتلفت يمين يسار؛ وينه ثنيان ونهيان..
تكلمت سوير إلى جايبه بيدينها فنجان قهوة؛ راحو يفتحون محلات ابوهم..
وسع سعود عيونه ونطق؛ محلات ضارب.. من وين لهم المفاتيح..
رفعت سوير اكتافها ونطقت؛ شفت ثنيان يدخل غرفه المرحومه ويطلع منها..
كشر ملامحه يحاول يتذكر أن أمه عندها اغراض ل ضارب.. مشى يدخل غرفته ويغير ثوبه ونطق يناظر ليلى؛ العيال طالعين..هزت ليلي رأسها له وأخذ له ثوب بني غامق بدون شماغ ولا غتره.. نقل أغراضه من ثوبه الأول ل ثوبه الثاني ومشى ياخذ جواله من فوق الكمدينه.. ناظر ل ضارب الصغير ونطق؛ تخاوي.. هز ضارب الصغير راسه ومسك يد ابوه ومشى طالعين من البيت ل السوق...
...
بيت العم وسيم.. وصل ثنيان ودق الباب.. انفتح الباب ودخل ثنيان ونهيان خلفه.. ناظر ل ألعم وسيم  إلى نطق؛ على يساركم يا عيالي.. هز ثنيان راسه ومشى على وصفه.. دخل الإثنين المجلس وجلسو فيه.. ينتظرون..دخل العم وسيم وبيده صينية ضيافه.. أخذ الدله بيصب لهم لكن فز نهيان ياخذها منه.. ونطق العم وسيم؛ والله ما تصبها.. نهيان؛ افا ياعمي لا تحلف هاتها عنك.. تكلم ثنيان بعدها؛ الصغير يقوم بواجبه ياعمي.. ناظر العم وسيم ل ثنيان ونطق؛ وشوله الكلام ذا ياولد ضارب.. انتم بحسبه عيالي يا ثنيان..
اخذ نهيان الدله منه وصب له فنجان قهوه ونطق ضاحك؛ كفو يا ثنيان..
التفت له العم وسيم وناظره له بطرف عين؛ أجل لهي كلام..الله يصلحك بس.. اخذ منه الفنجان وصب ل ثنيان بعدها لكن رفض وسع عيونه بصدمه وهمس؛ وشوله..
ثنيان؛ اشربها انت.. جلس نهيان جنب ثنيان ساكت.. ناظر العم وسيم لهم ونطق؛ انا ياعالي قلت ل ملهم يزهم لكم.. مير رقمك الأولى يا ثنيان مقفول.. وذا المروح ماعندي رقمه.. نزل راسه يضحك على كلامه له ونطق؛ افا ياعمي انا مروح.. ماقلت لي اعطيك هو..
العم وسيم؛ ماعلينا يا نهيان.. ثنيان..
ناظر له ساكت ونطق العم وسيم يقول له نفس الكلام الى قاله ل ابوه؛ مير لك اسبوع ونص طالع من السجن ولا يا ثنيان..
هز راسه له يستمع.. وأكمل؛ ومير مناور قد له خمس سنين يهرج بك..
تكلم ثنيان؛ ١٦ سنه يا عم.. يهرج ولا يمل..
العم وسيم بهدوء؛ وانت راضى عنه..
سكت ثنيان مارد عليه ونطق العم وسيم بعد دقائق ؛ راضى عنه ولالا يا ولد ضارب..
ثنيان بهدوء؛ دامه مصدق كذبه خله.. أنا أدري بنفسي..
العم وسيم؛ مايهمك قوله.. هز ثنيان راسه ب لا ونطق؛ كلام وطال له.. هواش وتهاوش له.. أفعال وانفعلت له.. وش بقى يا عم..
العم وسيم؛ رد الصاع صاعين..
ثنيان؛ ماهي طباعي..
اشر العم وسيم على نهيان ونطق؛ هو غير عنك.. فعل وقول.. رد له الصاع ثلاث أضعاف.. وهو ماذيه نص أذيتك..
ناظر ل نهيان وثم ناظر ل العم وسيم؛ همي شيء واحد..
هز راسه العم وسيم به وأكمل ثنيان؛ الديره تمشي وراه وهي تدري انه منافقي..
ابتسم العم وسيم له ونطق؛؛ لأنهم شافوه.. استغرب ثنيان ونهيان من كلامه وأكمل العم وسيم؛ شافو ضارب ياذيه يا عيالي.... ضحك ثنيان له ونطق؛ اذيه وش قدها ياعم..
العم وسيم؛ ضارب يا ولدي كان رفيق واخو وسند له.. لكن عقبها تركه مناور.. عقب ما ابوك تزوج امك وهي ل مناور..
استغرب نهيان ونطق؛ كيف ياعمي له..
ثنيان؛ يعني مخطوبين ولا وشو..
العم وسيم؛ كان معروف من هم صغار مناور ل هاجر وهاجر ل مناور..الا ابوك أخذها طرق عن خشومهم كلهم..
ومن ذيك الأيام مناور حاقد عليه..
ضحك الأخوان مع بعض ونطق نهيان؛ ماهو عذر لأجل يحقد عليه.. به شيء كبير ياعم ماندري به..
هز العم وسيم  راسه له ونطق؛ مناور حقود يا نهيان.. حقود وحقده كبير.. إلى صار ما أثر ل ضارب وتماسك به..قال زيك يا ثنيان.. قال ماهي طباعي الغدير به.. لاهو راضى أنا مانيب براضى..
نزل ثنيان راسه ونطق؛ لأجل وشو الكل ينفر منه..
فهم العم وسيم وش يقصد ونطق؛ لأجل انه قاتل..... وسع عيونه ثنيان بصدمه ونهيان ماهو أقل منه ونطقو مع بعض؛ وشو..
هز العم  وسيم راسه ونطق؛ بس ماهو القاتل يا عياله.. القاتل مناور والساتر ابوكم..
انلحس مخه ونطق؛ ياعم لا تهرج ب الغاز..
تنهد العم وسيم ونطق؛ به رجال من ديره بعيده.. مسوي مشاكل مع مناور.. تالي اليل أسرى مناور والرجال عند بيت واحد من أهالي الديره .. بيته مهجوره محد يمر بها.. تمشكل الرجال ذا يا عيالي مع مناور.. أخذ مناور خنجره وطعنه.. طعنه أكثر من طعنه.. وتوفي الرجال عقبها.. وإلى ماحسب حسابه مناور أن كل شيء فعله قدام عيون ضارب.. ابوكم كان كاره الكذب ودايم مع الحق.. يكره القاتل ويكره الظلم والظليمه.. كل شخص يكرهه.. ومناور كان يدري ب ابوكم انه يكرهه راح لعنده وترجاه يسكت ولا يقول ل احد عنه.. ابوكم ماتحمل عقبها مناور إلى طايح قدام رجله وستر عليه .. اليوم الثاني لقو الرجال ذاك مقتول وجلسو يبحثون عن قاتله.. الصدمه ماهي هنا ياعيالي الصدمه أن مناور راح ل أهل المقتول يقول لهم ضارب قاتله وهو شايفه بعيونه أمس.. والخنجر إلى طعنه به ببيته.. صدقوه أهل المقتول.. وراحو يدورون عن ابوكم.. لقوه ولقو معه الخنجر إلى قتل به مناور.. ذنب ابوكم انه ستر عليه وسكت عن نفسه.. ماقال انه هو الى قتله ولا فعل له شيء... ومن ذيك الأيام وابوكم متري منه من ديرته..
ضحك ثنيان على كلامه ونطق؛ كاره الظلم والظليمه.. ورأضى ل ظلمه.. انشهد انه رجال..
التفت نهيان له ونطق؛ البخ.... والتفت ل العم وسيم ونطق؛ ياعمي وش ذنبه دام لقو الخنجر عنده وش بيقول..
العم وسيم؛ الصادق وإلى عارف نفسه يقول وربه فوقه.. الظلم يبان ولو بعد حين يا عيالي..
قام ثنيان من مكانه ونطق؛ السموحه منك لكن كلامك مادخل عقلي.. قم يا نهيان ماعاد به مجلس لنا هنا..
قام نهيان معه ونطق العم وسيم؛ اجلس يا ثنيان حكي ما خلص..
التفت له ثنيان ونطق؛ وشهو من كلام..إلى عندك وقلته وإلى عندنا وقلناه..
مشى ثنيان طالع من المجلس ونهيان خلفه.. فتح باب البيت وخرج منه وناظر ل نهيان إلى يسكره ونطق؛ تلقيه ضاق منك..
آخرج ثنيان من مخباه دخانه وأخذ منها سجاره وحده ومد ل نهيان إلى مد يده له يبغى وحده معه اخذ نهيان السجاره وولعها له ثنيان وولع حقته سحب سحبه منها ونطق؛ عقب السنين الطويلة يقول لي ذا الحكي.. وشوله نراكض وراه إلى دريناه كافي يخليني
ضايق طول سنين..
مشى نهيان  وثنيان على يساره ناطق؛ يعني ماعاد ودك تدري ب الباقي..
هز ثنيان رأسه ب لا ونطق؛ إلى جاني يكفي ياخوي..
سكت ثنيان كم دقيقه ونطق بعدها؛ عانيت إلى عانيته..
تنهد نهيان ونطق؛ الاهانه ولا الكذب يا ثنيان أهون لكك..
ثنيان؛ الإهانة.. أهون من الكذب..
هز راسه ب لا ونطق؛ الكذب.. أهون من الاهانه.. عشت مع ال فيصل ب اهانه ياخوك ماتتحمل.. أخذت لي كم فلس ورحت روسيا.. عشت بها أحسن عيشه يا ثنيان.. ناس غريبه بس احتوتني.. ماهم القريب إلى صدني.. دريت اني مانيب بولدهم.. دورت عن ال مطلق ومنهم رجاله ومنهو انت.. وبعد سنين دريت انه هزاع من ال مطلق هو خوي نايف وانت هو اخوي..
تكلم ثنيان بعدها؛ نهيان.. احس ان حياتنا كلها مكتوبه على كتاب.. نفس الحياه ونفس الأشخاص وافعالهم.. اتفاق هو ولا وشو..
تنهد نهيان ونطق يحط يده فوق كتف ثنيان؛ إختلاف بسيط.. انت عندك أهل حفوك.. وأنا عندي أهل مادرو عني.. انت محروق على كذبهم عليك.. وانا محروق علي اهانتهم لي..
ثنيان؛ إهانه وكذب فوقها ذا هو انت.. كذب وسوء المعاملة وظلم ذا هو أنا.. به شبه يا نهيان..
نهيان؛ حياتنا مكتوبه على كتاب صدق..
ثنيان؛ وشهو عنوانه..
نهيان؛ أولاد ضارب..
ضحك ثنيان على العنوان وسكت يحط يده فوق كتف اخوه ويمشي معه ل طريق محل ابوه.. ابتسم نهيان على ضحكته وحمد ربه على ثنيان وتجاوبه معه.. بدأ يسولف شوي شوي عن ماضيه وأفكاره تجاهه.. بدأ يتأقلم معه بشكل واضح.. عكس يوم درى انه اخوه.. صارخ بوجهه وطرده من السجن..
.. قبل أربع سنوات.. يوم سجن ثنيان..
توتر وقلق وخوف كله فيه.. متوتر من كلامه إلى بيقوله وقلق يغلط ومايرتبه وخايف من رده فعله..مسك سعود كتفه وشد عليها ينطق؛ هو اخوك من ابوك وامك.. لا تخاف منه صح عصبي ومتهور بس يحن عليك لادري انك أهله..
هز راسه له ودخل بعد ماقال له العسكري يدخل.. ناظر ل ثنيان إلى جالس ومنزل راسه ل الأرض.. رفع رأسه بعد مانطق نهيان؛ السلام عليكم..
رد عليه السلام؛ وعليكم السلام..
جلس نهيان مقابل كرسيه ونطق؛ كيف الحال..
ثنيان بسخريه؛ حال وسجن وش تتوقعه.. هز راسه ب لا ونطق؛ أنا أسألك أنت.. كيف صحتك..
ثنيان؛ وأنا قلت لك سجن وحال..أدري بها يا سليمان..
توتر نهيان هنا ونطق؛ ثنيان.. إذا جاك نهيان وش تق.... قاطعه ثنيان إلى نطق؛ أرحب فيه وأضيفه على فنجان قهوة.. وش ابقول له.. سليمان أن جاي تستخف فوق عقلي أنا ماشي..
قام ثنيان وقام نهيان معه بسرعه ونطق ثنيان ب إزعاج؛ سليمان وإلى يرحم اهلك فكني من كلامك.. لا يكون انت هو وانا مدري..
نطق نهيان معه بسرعه؛ ايه ايه..
ثنيان بحده ؛ سليمان شارب شيء انت..
نزل راسه ونطق؛ كنت ودي تدري بغير ذا المكان..
ثنيان؛ بربرتك الزياده ولها لهم.. ماعاد به كلام يا ولد ال فيصل.. لف بيمشى وقاطعه نهيان بصراخ؛ ليه ماودك تصدق يا ثنيان..
سكت ثنيان ثواني ولف له ينطق؛ ماهمني أخ ثاني.. أن كأنك نهيان صدق الله يستر عليك ..
انجرح نهيان من كلامه ونطق؛ إلى وقف معك منهو..
ثنيان؛ كلكم سواسية عندي..
نهيان؛ ثن.. قاطعه ثنيان إلى صرخ؛ اطلعععع يا نهيانننن... إذا أنت هو اطلع.. ان كانك رجال وصادق بكلامك اطلع ولا اشوف وجهك عندي.. ماعاد يهمني اخ ولا اب.. أنسى ثنيان وأنسى أن عندك اخ..
مشى ثنيان مع العسكري تحت صراخ نهيان يوقف له.. لكن مارد عليه وسفهه..
انقهر منه نهيان مشى طالع من الغرفه ل سعود إلى ينتظر برا ونطق سعود بعد ماشاف وجهه؛ وش.. قاطعه نهيان ينطق بضيق؛ قلت لي يرحب بك لادري انك أهله.. وإلى شفته وسمعته يقول لي انه ماوده بي..
سعود؛ ثنيان مصدوم الحين يا نهيان..
ابتسم نهيان ونطق؛ الواضح يا سعود اربع سنين أركض وراه ولاهو يمي..
سعود؛ نهيان وشوله ذا الحكي.. مشى نهيان متضايق من رده فعله.. وسعود وراه..
...
وقف ثنيان ووقف معه نهيان من شافو سعود واقف قدام محل ضارب وضارب الصغير معه.. ونطق سعود بعد مالمحهم جايين؛ من وين لك المفتاح..
ناظر ل ثنيان بهدوء ونطق؛ غرفه جدتي..
سعود؛ وش دراك به..
ثنيان؛ معلمتني عنه.. سكت سعود ونطق ثنيان بعدها؛ سؤال ثاني..
هز راسه ب ايه ونطق؛ شفت سليط..
أشر نهيان بيده على مكان سلطان ونطق؛ تقصد ذاك..
ناظر سعود ل مكان تأشير نهيان وشاف سلطان يسولف مع خالد.. مشى له ووقف وراه ونطق؛ السلام عليكم يا رجال..
وسع سلطان عيونه ونطق؛ ذا سعود صح.. هز خالد راسه  ب ايه ورد السلم عليه.. مسك سلطان ثوبه وركض يهرب منه.. لحقه سعود وهو ماسك ثوبه زيه ومشى خالد ل نهيان وثنيان .. ونطق ثنيان ل ضارب الصغير؛ وش سواته..
ضارب الصغير؛ هو ساق..
مافهم ثنيان عليه ونطق؛ ساق.. وشو ساق..
طلع ضارب الصغير من مخباه فلوس ونطق؛ هو اخد حق ابوي فلوس..
ونطق نهيان؛ اها هو سرق من ابوك فلوس.. هز ضارب الصغير راسه ب ايه ونطق خالد؛ السلام عليكم رد السلام يا سامعه..
نهيان وثنيان؛ وعليك والسلام والرحمه..
ونطق نهيان؛ الا وينك اسبوع مختفي..
ضحك خالد ونطق؛ يارجال حمد ماغير اوصله ل الدمام اقول له خذ لك طياره يقول ماوده بها..
نهيان؛ يا شيخ لو مكانك طسيته..نطق خالد؛ مسوي لي جو يعني.. الت ثنيان الشيخ كان وده بك..
ضحك ثنيان بسخريه ونطق؛ علامه الناس كل واحد يقول وده بي.. نطق خالد؛ إلى سمعته قلته لك وبعدها رفع صوته بعد ماشاف محل ابو صويلح يدخل منه زبون ونطق؛ الا يا اولاد ضارب المحل بيرجع لكم.. ناظر له أبو صويلح بعد كلامه..
فهم ثنيان عليه ونطق ب ابتسامه؛ ايه يا ولد تركي راجع لنا أن شاء الله.. أما نهيان مافهم عليهم ولف راسه ل ثنيان يفهمه وهمس له؛ يغيض مناور.. هز راسه ب ايه وناظر ل ضارب الصغير الى يسحب كل ثوب منهم ونطق؛ ودي العب كره..
ونطق خالد بضحكه؛ انت راسك لوحده كره يا ضاربوه..
لف ضارب الصغير له ونطق وهو يمسك راسه؛ وس تقصد..
ضحك خالد عليه ونطق؛ ماقصد سي ماقصد سي..
كشر ضارب الصغير ونطق؛ الا تقصد سي... نطق ثنيان؛ تذب على عيالنا يا خالد انت وراسك..
ونطق نهيان بضحكه؛ ابك شايف طوله كم.. عز الله يشوفك من بعد كيلو..
خالد؛ تستخف انت وراسكم كانه رأس جميله..
انفجر سعود يضحك من خلفه ونطق؛ يارجال وين جميله ووين هم.. جميله ماغيرها حرام عليك..
تكتف خالد ونطق؛ ايه جميله ابك حتى هي رأسها احلى منهم.. خبط سعود على كتفه ونطق؛ الله يقتل عدوك يا شيخ.. وسع خالد عيونه ونطق؛ انت ممنوع تدعي ل احد شايب عايب يدعي بدون لا يفكر..
جاء وراهم سلطان وثوبه نصه مقطوع وانفجر الشباب يضحكون عليه ونطق نهيان؛ لقاء الجبابره يا شباب..
سلطان بسخريه؛ هو ثور وانا الأحمر..
ثنيان؛ اقول سليط رح جب كره نلعب فيها..
هز سلطان راسه له ومشى بدون لا يقول شيء.. ونطق خالد يلف ل  ثنيان ويأخذ ضارب الصغير بيدينه؛ قلنا لك ذا الكوره حقتنا.. بدأ خالد يمسكه من يدينه ونهيان من رجله ويدفونه يمين يسار.. تحت صراخ ضارب الصغير لهم يفكونه.. انصدم سعود منهم ونطق يضرب كل واحد فيهم على قفى راسه؛ ورع انت وياه ولدي فكونه...
ترك خالد ضارب الصغير يلف على سعود ويضربه على قفاه ناطق؛ جعلك إلى مانيب بقايل.. ابك ولدك عايش عايش..
ضحك نهيان وينطق؛ سعود تراك مدلعه واجد..
ثنيان؛ أجل ودك يصبح ويمسي على جلده.. يكفى ابوه من قبله..
خالد؛ طلع رجال يا ثنيان.. ماعليك صحه صحه كانت.. جاء سلطان ومعه الكره ورماها عليهم.. صقعت الكره برأس سعود وصقع راسه ب رأس خالد إلى جنبه.. نطق خالد بوجع منه؛ ابكك ذا جمجمة ولا وشو..
مسك سعود راسه ونطق؛ اذكرر ربكك يا بوو عيون حمراء..
خالد بصدمه؛ انا ابو عيون يا سعود..
نطق ضارب الصغير؛ يبه العب كره.. ناظر له سعود ونطق؛ نلعب ليه لا..
ربط الشباب ثيابهم على خصرهم ورمي سلطان ثوبه على جنب يلعب معهم بسروال وفنيله.. وسع خالد عيونه ونطق؛ شايب عايب تلعب معنا.. قمم فرش سجادتك وادعي ربك دعاويك مستجابه انت.. وسع سعود عيونه معه ونطق؛ ٣٨ يا خالد وينه الشايب..
خالد بطرف عين؛ حتى لو شايب شايب..
شات ضارب الصغير الكره ل ثنيان وشاتها ثنيان بقوه على بطن سلطان إلى كان فاهي وماهو حولهم.. تألم سلطان من الضربه وناظر ل إلى الشباب لكن مادري اي واحد رماها اشر ضارب الصغير على ثنيان وفهم سلطان انه ثنيان إلى شاتها له.. رمي الكره فوق وصفقها برأسه على جهه ثنيان.. صفق ثنيان الكره برأسه على جهه سعود.. وشاتها سعود برجله ل ضارب الصغير.. ضربت الكره على راسه من فوق ومسك راسه بألم منها نطق بعدها ثنيان؛ خليك رجال..
ركض ضارب الصغير ورا الكره واخذها بعد ما دخلت محل ابو صويلح وصارخ ابو صويلح عليه؛ ورع العب بعيد..
خاف ضارب الصغير منه وناظرو الشباب ابو صويلح بحده من صراخه على ضارب الصغير.. تقدم ثنيان من محله ونطق بعد ما أخذ الكره من ضارب الصغير؛ العلم وصلك.. قفل محلك أن ماودك ينهد..
مشى بعد كلامه الأخير وشات الكره ل جهه الشباب.. بدأ الشباب كل واحد منهم يشوتها على الثاني.. وجاء دور ثنيان.. شاتها بكل قوته على جهه محل ابو صويلح صقعت ب الدلل والفناجين إلى موجوده على الرفوف.. رفع ابو صويلح راسه ل ثنيان بصدمه من فعله وابتسم له ثنيان.. لف نهيان ل سعود وابتسم بفرحه.. وناظر ل خالد المصدوم منه..
مشى ثنيان ل محل ابو صويلح واخذ الكره منها.. ورجع ل الشباب.. نطق سلطان بعدها؛ والله انك كفو..
ضحك ثنيان على وجه ابو صويلح المصفوق ونطق؛ توك ماشفت شيء..
بدا كل واحد منهم يلعب بهدوء وضارب الصغير يشارك معهم...
...
بيت الجد سياف..
فوق السطح.. رفعه نفسها فوق الطوبه تناظر كل شخص يمشى بسوق الديره.. وناظرت للشباب إلى من اول تشوف تحركاتهم وتشوف ضحكهم بس ماتسمع وش يقولون.. شافت ثنيان إلى رمي الكره على محل ابوها وانقهرت من فعله بس بنفس الوقت فرحانه له.. تكلمت سوير بعد ماشافت تعابير وجه ليلى؛ زعلتس فعله..
ناظرت لها ليلى وهزت رأسها ب لا ونطقت؛ إلى سواه كثير له.. ذا رد بسيط..
تكتفت سوير ونطقت؛ خابزتس وعاجنتس..على غيري أكذبي
نزلت رأسها ليلى ونطقت بعد ثواني؛ صح ابوي اذاه ودمر حياته.. بس شايب كبر جده ليه يسوي به كذا..
نزلت سوير يدينها وحطتها فوق كتف ليلى ونطقت؛ الأب يبقى اب مهمآ سواه.. انتي تسامحيه إذا فعل لتس شيء لكن ثنيان لا هو ابوه ولا هو عمه وخاله.. واحد من ديرته اذاه ولازم يرد له الأذى..بس ثنيان ماهو كذا.. ياذيه شوي بعدين يهجد.. هو صح متهور وعصبي وجني كلها فيه لكن هادي ويدري متى ينفجر عليك..
سكتت ليلى تناظر ل ثنيان إلى شايل ضارب الصغير فوق أكتافه ويضحك ويلعب معه ويشوت الكره ل الشباب بنفس الوقت.. ولفت ل سوير ونطقت؛ بس يقهر يا سوير..
ناظرت سوير لهم وشربت شاهيها ونطقت؛ لا تنقهرين..دامه للحين هاجد مابه قهر..
...