ثنيان مظلوم يا سياف

البارت العشرون؛

على العصريه راجعين وأخلاقهم واصل لخشمهم بسبب سعود ... جا لهم حمد وياريت ماجا لهم... حمد؛ الله البطوط هنا..... صرخ سعود بوجهه؛ حمد فارق ابرك لك.... حمد؛ شدعوه يابو شليويح وش وراك تنافخ..... انجن سعود على حمد وبدأ يصرخ فيه ويهاوش والشباب يحاولون فيه يركد ... وحمد مصدوم منه ومن كلامه.... حزت بخاطر حمد وهو دايم ما يسمع منه إلا الطيب.... مشي تاركه يهاوش للحين والسبب مجهول له....... ثنيان بهدوء؛ وش صابك.....؟... سعود؛ وش..... سياف؛ تصارخ عليه.... تنهد سعود ومشى بهدوء.....
............................................
محد يعرف وش صاب هزاع... جابو له شيخ يقرأ عليه لكن صدمهم يوم نطق؛ مافيه شي الولد..... مشي الشيخ بعد القراءه المستمره على هزاع وإلى كانت حوالي ساعتين.... الجد سياف؛ كيف مابه شي.... وليه يصرخ عليه دامه متعافي.... جلس جسار وعياله كل واحد فيهم جايب له جلطه ومشاكل أكثر من الى قبلها... مسك رأسه ونطق؛ معرف يبه معرف...
المصايب علينا كل يوم تزيد... دخل عليهم صقر واستغرب منهم ونطق؛ السلام عليكم...
ناظره الجد سياف ونطق؛ يامرحبا ب الصقير... بأس صقر رأس جده وعمه وابوه واستغرب منه ابوه وكيف اليوم جاي ويسولف مع جده طبيعي مو مثل عواده.... ابتسم لا شعورياً وكأن أمله بصقر بدأ يرجع................. بعد مده دخل الشباب كلهم ورا بعض وسلطان معهم... سكت صقر عن السوالف مع جده وقام يسلم على العيال واحد واحد وكلهم مصدومين منه وخصوصًا ثنيان إلى كان على خلاف معه..... صقر؛ والله اني اسف ياعيال عمي السموحه والعذر منكم كنت جاهل وداشر .... ثنيان؛ ماعليك ياولد العم انت ولد عمنا ومنا وفينا والماضي مانذكره كلنا نغلط ونتغير...... انجلط سلطان ورا بعض صقر يسولف مع جده ويعتذر منهم وثنيان إلى عذره بسرعه.... عكس سياف وكثير.... سياف إلى مو مصدق صقر ابدأ وكأنه يخطط لمصيبه جديده على رأس ثنيان.... ما ارتاح له ولا حب كلامه وطريقته الغريبه...... وسعود الشك انزرع فيه زرع... وانصدم من ثنيان إلى نسي كل شي سواه صقر ورضى بسرعه هو غبي ولا يستغبي عليهم..؟
..............................................................................
مجتمعين كلهم ف الحوش ويسولفون بهدوء...
دخلت عليهم الجدال وصراخها مالي البيت........ والسبب محارشه سلطان لها....
الجدال؛ يبه شوفه وش يقول عني...... سلطان؛ شدعوه وانا الصادق....
ابو ثنيان؛ وش قال..؟
الجدال؛ يقول عني معصقله.... ماعندي جثه....
سعود منسدح على رجلين أمه؛ وهو صادق.... ضربته الجده على جبهته ونطقت؛ على تبن ياسعود... تألم سعود من الضربه؛ اه يمه وش قلت انا..... سلطان؛ ياجده والله حرام تضربينه على الحق.... ابو ثنيان؛ انت وراك ماتحب السكوت..... ثنيان بتدخل؛ هو الى يجلس هنا يحب يسكت لا والله بالع راديو على إلى وراثه من قبل.... الجد سياف بصدمه؛ يعنني وارثك الهروج ياسلوقي.... ثنيان؛ الاعتراف بالحق جميل.... ضحك سلطان من قلبه ونطق مع اخوه؛ والله ياجدي كلنا مشافيح كلام والمقصود معروف..... انجلط الجد سياف من أحفاده وقام رايح غرفته يريح.....تاركهم يسولفون ويتناقرون...
..................................................
العاصمه موسكو_روسيا....
جالس بأحد المقاهي وبيدينه قهوته.... واليد الثانيه جواله.. رفع رأسه ل اخوه وكح بقوه من منظره..... نتكلم عن نايف إلى غصبه اخوه الأصغر يجي معه روسيا  متربع على الكرسي ومكتف يدينه....... الزي السعودي يروح مع كل سعودي لأي مكان وهذا نايف الثوب الأبيض والشماغ الأحمر ومتلطم فيه وعاقد حواجبه... مركز نظره على سليمان إلى بنظره سخيف وجدا على لبسه القصير...وعادي الوضع عنده.... تكلم سليمان ؛ ليه متلطم ...
نايف إلى ينتظر من اول عشان ينفجر ب اخوه؛ انت تستهبل كيف جالس بين ذولا البشر ولا وين ياشيخ ماعندهم ستر ولا شي وحده مفعوصه تمشي قدامك وسيقانها كلها طالعه عمود والله انت كيف مرتاح ..... ضحك سليمان على اخوه؛ صد واسكت......
...........................................................
العرس قرب والشباب للحين محد فيهم اخذ له ثوب...... متزاحمين كلهم عند الخياط اربشوه كلهم من الصراخ عليه... إلى يقول ( دوري يا شاهر _الحق يا شاهر _ _ عرض ثوبي ياشاهر _ابيه  يا شاهر بسرعه يجهز)..... سعود..ثنيان.. سياف.. سلطان..صقر.. أحمد.. مصعب.. نمر.. خالد.. حمد..قالبين المحل ديوانية..
صرخ بوجهم شاهر إلى يقيس نمر؛ خلاص عاد مسختوها مره...... سعود بأس راسه؛ انفداك عجل... شاهر بتعب؛ والله احاول بس اركدو شوي.... وقفو كلهم بجنب بعض كأنهم قصب السكر من طولهم.... انتهى منهم شاهر وشكروه على جهوده معهم.... طالعين كلهم يمشون مع بعض نطق حمد؛ عود حمد...؟
سعود؛ وشعر ثنيان....
أحمد وخالد  ؛ كشته وجو اليل والبر....
سياف ؛ وقهوة مصعب....
نمر؛ وسوالف توسع الصدر......
مصعب؛ وسخافه سلطعوني ........ رفع سلطان يدينه ونطق؛ الا يجعل سلطعون يقرصك ونتفتك........ صقر بتأييد؛ امين يارب امين...
بقق عيونه على سلطان  ثم ناظر ثنيان ونطق؛ هيه ربي اخوك الرخمه لا ادعسه....
نطق ثنيان بتهديد؛ جرب بس....... سياف؛ والله لا تندعس قبله......... شهق مصعب بصدمه منهم وناظر سعود؛ عيال اخوانك مايحترمون....
رفع سعود اكتافه؛ عمهم ضربوه الجدار ماعندي غير صقير يحترمني..... صقر؛ اقول لا تحلم بس......
سعود؛ هيا شوفت عينك.....
ضحك الكل على كلام سعود وصقر.... وتوجهو يركب كل واحد سيارته الا سياف وصقر ركبو مع بعض.....
..............................................
وش اجمل من ليالي الشتاء وشبت نار ولمه الاحباب.... تعالي ضحكاتهم وسوالفهم... ..... بدأ حمد يدق العود... وبدا يقول؛
أشوف اليوم مثل الأمس وباكر الله اعلم به.... واشوف الحال تعبانه من أجلك والدموع أمطار...
حياتي كلها أحزان وضياع وانتي السبه... حياتي من يواسيها ومشاكل والهموم كبار...
......... تعالت اصوات الشباب معه وهم يكملون..........
مدام العين سهرانه وأجل هالقلب وش ذنبه... تروح بعمر الايام وهو عايش على التذكار....
غريبه منك القسوه واخذتي خافقي لعبه... إلا ياقلبك القاسي الا قلبك الغدار....
..........................
صرخ نمر؛ ياهه ياباه صوته يفتح النفس....
مصعب؛ اقول اهجد صوتى ازين.....
سلطان؛ قصدك نشاز......؟.... ناظره مصعب بنص عين؛ والله وجهك النشاز....
أحمد ؛ اسكت انت وياه....
سعود؛ ثنيان اسلم..
ناظره ثنيان ونطق؛
......................
مشكلة غلطتك ماتقبل أنصاف الحلول...
والمصيبه لك معزه وتقدير وغلا...
والعذر في بعض الأحيان مايلقى قبول...
في وسع صدرٍ تحمل زعل لين امتلأ...
لا تزعلني وتحكم على اني زعول...
وانت تدري مستحيل ازعل الا من بلا...
...................................
صقر؛ صح لسانك...
ثنيان؛ صح بدنك...
نمر؛ اكتشفت شي......... سياف؛ خله لك...
نمر؛ افاع افاعع.......... ضحك حمد ونطق؛ قول ....... نمر؛ خالد وحمد عيال خاله... وسعودي واحمدي برضو عيال خاله... والسموجين الثلاثه اخوان وولد عمهم صقر.... الجديد ياطولين العمر مصعب ونمر مجحفلين من القائمه...... خالد رمي عليه نعاله؛ انت غبي..؟
مصعب؛ الله يخلف عليك يا ام نمر...بس جد يعني كلكم أهل....
هز سعود رأسه باسف؛ انتم شاربين شيء...؟
ضرب نمر يدينه ببعض؛ وين ياحظي مير ذا يخليك تأكل... وأشار على مصعب..... شهق مصعب بصدمه؛ كذوب وربي كذوب الكذب يجري بعروقه....
ثنيان؛ تراك نفسه..... سلطان؛ ويقول ماهم أهل....
نمر؛ تصدقون ودي افحط.... حمد؛ هو انت تعرف تسوق اول...؟
ثنيان؛ حدك بيتك... ضحك نمر عليه ونطق؛ افا يابو محمد ماهقيت توقف ضدي....
ثنيان؛ ذا الصدق والله.... سعود؛ نمر وراك ماتسكت...
خالد كرر كلامه قبل يجون ؛ سوالف تفتح النفس... " مصعب؛ ياعمي تسدك انت ونفسيتك كلها....نمر؛ ايه ايه تجمعتم على لقيتو ماحد يوقف معي قلتم استغلال المسكين هذا...
سلطان؛ الا سكين....حمد؛ ابك انت وحدك تطرحنا كلنا تقول كانك ناقه ترافس الناس....   نطق سياف ؛ أحمد من كثر ما انرفس فصعته وقصرته......
أحمد؛ سود الله وجهك....... ثنيان؛ ياخوي والله صادق ليه تدعي عليه.... سلطان؛ وفوق قصره نحفه كانه ملعقه..... أحمد؛ والله الشرها مو عليكم الشرهه على سعود المخنز ذا المفروض يهبدك انت وياه على قله الادب.... وينك ياخالتي ماعرفتي تربى لا أحفاد ولا عيال حسرتي عليش ياوخلتي.....
وسع سعود عيونه؛ وانا اخو محمد وجسار....... قرقع قلب أحمد من الخوف وركض يبتعد عن سعود آلى جنونه تجمعت عليه..... ضحك سياف بقوه على أحمد..... تسدح على فخذ اخوه سلطان ونطق؛ يعينه ربي....
ثنيان؛ وش يفكه الحين....
سلطان؛ الموت...
خالد؛ غريبين والله....
صقر؛اقول نمر وراك للحين عازب....
نمر؛ النصيب ياصقر النصيب....
سلطان؛ انت منجدك شايب مين ياخذه....؟
نمر؛ أعقب توني شباب.....
ثنيان؛ اي واضح...
قام سياف يصب لهم قهوة قبل تبدأ سالفه جديدة........ ونطق؛ حميد عودك..؟
خالد؛ تعب الجد عطاكم وحده وسكت.....
رفع حواجبه بصدمه من خالد؛ اوريك انا......
واقف على بابكم ولهان مسير... أسأل على الي سأل محبوبي يا صغير....
واقف على بابكم ولهان مسير.... أسأل على الي سأل محبوبي ياصغير....
يومين مرو على.... مرو على..... سنتين أو أكثر...
ماقدرت يامنيتي عن شوفك اصبر...
............
مر اليل وأجواء الشتاء وعود حمد إلى ماوقف دقيقه وحده مابين اغنيه واغنيه وإلقاء ثنيان للشعر والقصايد المختلفة..... وهواش خالد ونمر وحلطمه سلطان فوق سياف مصعب الهادي مع صقر وسعود وأحمد المتخاصمين......
.................
مرت الآيام....وجاء اليوم الموعود..... زواج الريم واحمد....
مواصلين من أمس.... سعود... سياف... سلطان... ثنيان... صقر.... تراكم عليهم الشغل ويادوب انتهو من النص فقط... الساعه الان 1:30-ضهرًا.... صرخ سعود على صقر إلى كان متساهل بشغله وهو حار يبي  الفكه من الشغل؛ ياتبن اذبح زين لا احطك مكانه..... صقر؛ خلاص ياخي خلاص...... ترك صقر وتوجه ل سلطان إلى كان فوق السلم يركب المصابيح وسياف مثبته.... صرخ عليهم ب المثل؛ وراكم متهاونين..... استغرب سياف منه ولف نظره على عمه إلى مايعتبره عم أصلًا؛ وشو..؟
سعود؛ اخلص بسرعه...... وانت يا سليط ساعه يابوي...... سلطان بعصبيه من الشمس إلى احرقته حرق والصداع إلى جاه؛ ياتيس ياتبن ياحمار يازق يا وش باقي اقول لها لك هاه..؟ تشوف اركب وراك ما تنطم وتجي تسويها عني ولا ماغير تمشي هناك وهناك وتسمعنا صوتك....بقق سعود عيونه بصدمه منه وتقليله له.... توجه له وضرب السلم برجله؛ ياقليل الأدب عمك لو نسيت عمك ياحمار عمك...... مشي تاركهم مقهور يدور ثنيان إلى ماشافه من اول....
سأل نمر إلى كان ينقل كراتين المويا ؛ شفت ثنيان.... هز راسه بلا؛ ماشفته من نص ساعه...
لف جسمه بيروح لكن وقف من شاف سيارته تتقدم لهم....نزل ثنيان من سيارته وبيده ثوب نمر؛ نمر ثوبك جاهز.... نفض نمر يدينه من الشغل وتقدم له ياخذه منه؛ مشكور يابو محمد مشكور...
خبط ثنيان على كتفه اليسار ونطق؛ العفو يانمر..... ثم لف ل سعود؛ أخذت ثيابنا من شاهر ومع الطريق قلت اخذ حق العشير معنا..... هز سعود راسه ب ايه ومشى يكمل شغله......
مشي ثنيان ل إخوانه ومع مشيه لهم نزل سلطان من السلم يمسح عرق جبينه بتعب وصداع... تقدم ثنيان يفك ثوبه المربوط على خصره يعدله له ثم مسك شماغه المربوط على اكتافه يعصبه على راسه  ويشد عليه ونطق؛ ريح لك شويتين انا اكمل الباقي... هز راسه بهدوء وكله حب وأمتنان ل اخوه إلى يدقق فكل شي ويهتم ل راحتهم..... توجه يريح شوي وينام ف سياره ثنيان...... تكلم سياف بعد ما راح سلطان وهو ملاحظ تعب ملامحه؛ فيك شي..؟
ثنيان؛ لا..... سياف؛ متأكد..... ثنيان؛ ايه.. كم باقي......تنهد سياف؛ شوفه عينك نمر ينقل الكراتين وصقر يذبح الذبايح ويساعدونه خالد ومصعب  وتونا مخلصين الأنوار....
هز راسه مع كلام اخوه ونطق هو الآخر؛ والثياب وجبتها باقي نجهز التمور والقهوه ونوزعها على المخيمات.............
.................................................
الساعه 5:47 المغرب....
درعم عليهم بقوه ابو ثنيان وبصراخ سمعه كل الديره؛ يا السرابيت للحين متبطحين.... قم قامت عليك جنازتك... فز الشباب بخوف منه ومن دخوله وكل واحد فيهم فيه نوم أكثر من الثاني.. ساعتين... وش تسوي لهم ولا شي من تعبهم وسهرهم......... وتبدأ مضاربات الشباب وصياحهم على بعض.... نتركهم شوي ونروح ل الجد سياف إلى هاوش ولده محمد علي صراخه ودعوته عليهم؛ مايملي عينك شي انت... مير من أمس يكدون فعرس اختك ومنهدين ماتبهيم يرتاحون
ساعتين انت..... ابو ثنيان؛ يبه الناس بدت تجي وهم نايمين..... الجد سياف؛ خلهم انت شعليك بهم هاه... لا فات الفوت ماينفع الصوت يامحمد... ارفق عليهم شويه...
.... ونرجع لشباب...
صرخ بوجه اخوه؛ تكفى والله بس اليوم....
ثنيان؛ اقول على شحم كل مره تقول كذا....
سلطان؛ بذمتك والله اليوم... تكفى ياعزوتي....
تنهد ثنيان ومد ل سلطان العقال...... سياف يبخ العطر على نفسه وعلى سعود معه؛ ضحك عليك بكلمه..... مد ثنيان يده ياخذ العطر منه؛ لا تكثر تراه غالي.....
سياف؛ يرخص لي ماعليك..... سعود؛ الا أغلى منك....
ناظر اخوه بصدمه ونطق؛ وبعدين يجي يقول ليه ماتحترم عمك...... ثنيان؛ خله خله...... رمي سلطان عليهم علبه الساعه ونطق؛ اعجلو ..... أنتهى الشباب من نفسهم بسرعه ومشو طالعين ب أناقة..... ثيابهم السوداء وغترهم البيضاء المزخرفه ب الون الأسود مطرز على كل غترة اسم.. سلطان.... سياف... ثنيان... اما عن سعود... فهو اخو العروسه البشت الأسود والشماغ الحمراء والثوب الأبيض...  جسار دخل البيت على وقفتهم الأخير ووراه صقر.... تقدم يمشي مع إخوانه إلى كل واحد منهم لابس بشت والجد سياف زيهم.....
طالعين للمخيم الرجالي يستقبلون الضيوف والمعازيم................... أخيراً وصل الجميع بسياراتهم ونزل الكل منها جايبين عمال يقدمون الضيافه للجميع وكان سعادة سلطان لا توصف لأنه دايم يقهوي المجلس كله ولا يجلس..... ناظرو أحمد صاحب البشت الأبيض نازل من سيارته..... ضحك سلطان؛ اوه ياعريس مزيون.... وغمز له....
أحمد؛ استحيت والله.... اقول أثقل بس.... تقدم يسلم عليهم كلهم وتوجهو للمخيم........
بعد مده قصيره اجتمع الضيوف عند مخيم ال مطلق وأتت الفرقه الغنائية..........
بدأت الأغاني الصاخبه والعروض والعب الكثير........
رن جوال ثنيان ورد عليه من ابتعد عن المخيم.....
؛ السلام عليكم...
ثنيان؛ وعليكم السلام ورحمة الله وبركاته....
؛ ثنيان بن ضارب ال مطلق...
ثنيان بستغراب من الرقم؛ من انت....
؛ماعليك تعرفني مع الوقت... ابوك ضارب عايش انكان ودك تقابله......
ثنيان بحده؛ اقوول خلك رجال وقل من انت لا تراوغ.....
؛ وشوله المراوغه ياولد ضارب اقولك ابوك حي يرزق تقول اراوغك افا عليك بس.....
انصدم ثنيان من الشخص هذا وقفل المكالمه على طول..... ناظر الرقم لدقائق طويله يحاول ينسى سالفه ابوه لكن كل شوي يذكرونه فيها دعى ربه يعينه على ما ابتلاه..... صحي على صراخ سياف له؛ ولددد....
ثنيان؛ وشو....... سياف؛ وش العلم ساعه انابح لك........
ثنيان؛ ولا شي امشي امشي.......استغرب سياف من اخوه ومشى وراه بدون كلمه
....................................................