ثنيان مظلوم يا سياف

البارت الثالث عشر؛

تعبت أجبر الخاطر وانا خاطري مكسور..... وإداري مشاعر عالم ماتداريني.....
اجامل واخبي واتصنع واعيش الدور..... على اني قوي وانا اللي فيني مكفيني.....
يحسبوني يوم ابتسم دايماً مسرور....مايدرون في دمع حبسته ورا عيني....
......................................................................
.............................................
حاط ثنيان ورا ضهره وفاتح يدينه يمنع اخوه عنه ونطق بحرقه؛ ماهو ثنيان يامحمد....
ابو ثنيان بحده؛ وخرر ياسعود...
هز راسه بنفي؛ لا..
ابو ثنيان بصراخ؛ سعودددد وخرررر تدافععع عننن واطييي...
ثنيان بقهر؛ ماهو سواياي يبه والل...... قاطعه ابو ثنيان بصراخ؛ لاتحلف حرام عليك يا****
صرخ ثنيان؛ ليههه تصدقهممم ليههه ليههه ماتسألنيييي...
دخل الجد سياف بعكازه ونطق بحده؛ خل نشوف العلم يامحمد...
انجن ابو ثنيان هنا وبصراخ نطق؛ وشوو يبههه وش تشوف وش تقول للعرب يبه..
الجد سياف بحده؛ ولدي يامحمد واعرفه ماهو ثنيان يساوي فعايل الدشير...
ابو ثنيان؛ يبه الله يحفظك لنا لا تدافع عنه....
دف ابو ثنيان سعود ومسك ثنيان من كتفه وسحبه معه للمجلس......
مشي ثنيان مع ابوه بعجز وقهر مايقدر يهواش ابوه ويقول له شي غير يمشي معه وينتظر إلى يجيه.....
صرخ سعود؛ يبهههه يذبحهه والله يذبحهه....
جلس الجد سياف عاجز مع ولده محمد...سياف وسلطان مصدومين من كلام ابو صويلح ومن ابوهم إلى صدق كل شي وجاء ل ثنيان...
صرخت ام ثنيان ومشيت متوجهه للمجلس وهي تشوف محمد يسحب ثنيان معه ويقفل الباب....
ام ثنيان؛ افتح يامحمد افتح لاتضربه يامحمد.... يامحمد افتححح....
عند ثنيان...
واقف يناظر ابوه والضرب إلى يجيه بدون ما يصد عن الضربات....
ابو ثنيان؛ اربيك من جديد ياثنيان اربيك يا*****
.... حاول الكل يوقفون ابو ثنيان ويفتح الباب لكن بدون فايده.... راح الأمل انه يفتح لهم الباب وخاف الكل من الهدوء إلى صار فجأة....... فتح ابو ثنيان الباب وناظر ب أمه إلى تقدمت له وضربته على صدره؛ والله يامحمد والله لو يصير شي بحفيدي لا أشوف وجهك ببيتي....
مشت تاركته وصرخت ب كل مستوى صوت عندها؛ ثنياننننننن...... ركض سعود والباقي معه يشوفون ثنيان وانصدمو من منظره........
كان واقف جسد بدون روح يناظر فيهم ويبتسم... ثوبه تقطع من الضرب إلى جاه وجروحه وإلى انفتحت من جديد.....
تقدم له سعود والدموع بعيونه؛ ثنيان....
لازال يناظر فيه ومبتسم؛ سعود..........طاح ثنيان مغمى عليه وصرخت الجده أمنه؛ ياسعودد ودهه الحق ولد اخوك ياسعود...
انفجع سعود من طيحت ثنيان وحاول يشيله....تقدم سياف بتردد كبير منهم وشايل ثنيان مع سعود..... ركض هزاع يشغل سيارته.... ركب سعود ف الوسط بجانب ثنيان هزاع يسوق وسياف في مكان الراكب.......
بقى سلطان خايف ويرجف شافته سوير وركضت له ودخلته الغرفه عندهم....
الريم بشهق؛ سلطان ياسلطان قول وشبه...
ناظرها سلطان خايف على ثنيان مسك شعره وشد عليه وبدأ يضرب راسه بقوه يستجمع الأحداث إلى صارت فجأه ونطق بتلعثم؛ ابو.. ابو صويلح.. هو يقول.. ايه هو هو... لا ثنيان ما... مستحيل ثنيان مظلوم...
مسكته الجدال ونطقت بخوف وبكى؛ سلطان ياخوي وقول ياخوي وش فيكممم...
حضن سلطان اخته وبكى معها مو قادر يستجمع نفسه وكل شي صار فجأه لهم....
بعد دقائق قليله هدي سلطان ونطق؛ كنا نتقهوي بدكه الشياب مع ابوي وجدي... قال ثنيان بروح البقاله اجيب اغراض البيت... مرت  ساعه ونص وثنيان ما جاء.... جاء لنا ابو صويلح ويصارخ ويقول؛ ي ال مطلق الفضيحه لكم... استغربنا كلنا وش يقول وقام جدي يَقول له استهدي بالله وش فضيحته.. وقال أبو صويلح ولدك يغازل بنات الناس  ويروج وفعايل دشير ياكبير مطلق... كلنا عصبنا من كلامه قال سعود له مو ثنيان إلى يسوي كذا وابو صويلح يعانده ويقول أجل ليه ماهو معكم الحين ونص الايام مايفتح المحل ولا يشيك على الحلال وابوي صدقه وانجن جاء ثنيان وابوي شافه وقال له امشي البيت مشينا كلنا والكل يتهامس ويتكلم عنه...... بس والله والله م يسوي شي والله اعرفه اعرفه واضح من وجهه كان الصدمه واضح ماهو ثنيان ياناس والله مايسوي شي.....
نطقت سوير بحسره؛ حسبي الله ونعم الوكيل عليك يابو صويلح ياخراب البيوت....
الريم؛ واخوي يصدق كل شي يقوله ليه ليه مايتكلم ويشوف مين الصد...
قاطعتها الجدال بقهر وبكى؛ ابوي ياعمه ابوي لا تقولين عنه كذا والله مايسمعك لو ايش......
سلطان؛ ثنيان بينتهي خلاص...
.............................................
عند الشباب..........
وصلو المستشفى وركضو حاملين ثنيان بين يدينهم صرخ سعود؛ الحقونااااا ثنيان بيموت.....
تقدم له ممرضين ومعهم سرير نقل حطو ثنيان فيه وركضو لي الطوارئ......... وقف الشباب قدام الباب الزجاجى مسك سعود راسه من حس بصداع كبير اجتاحه وناظر سياف وهزاع ثم نزل نظره ل الأرض ونطق بحرقه؛ ثلاثين مره يدخل المستشفى تتوقعون يقوم.....
ناظره هزاع ونطق؛ مستحيل جسمه ضعف.... َ
سياف؛ ماهو ثنيان إلى يضعف ياهزاع......
تقدم  له سعود ومسكه من ياقه ثوبه؛ ماهو مستحيل ياسياف ماهو مستحيل دام ابوك يجلده كل دقيقه وساعه....
استغرب من وجودهم هنا وتوجهه لهم ونطق؛ هزاع يابوي علامكم....
ناظروه كلهم ونطق سعود؛ جسار....
جسار؛ سعود وشبه ثوبك...
صد سعود بنظره عن اخوه ونطق؛ محمد جلد ثنيان وطاح علينا....
جسار؛ منهو..؟ محمد وليه ياسعود يجلده وش مهبب بعد....
سعود؛ مو مهبب شي ياجسار مو مهبب كله من ابو صويلح.....
استغرب أكثر من كلامه وناظر ولده هزاع؛ العلم ياهزاع.......
هزاع؛ يبه ماعرف شي إلى اعرفه عمي محمد جلد ثنيان....
الصبر عنده راح ونطق بحده؛ اهرج ياسعود...
سعود؛ سلامتك ثنيان راح البقاله وتأخر علينا جاء ابو صويلح لا بارك الله فيه وعبا رأس محمد كلام وتعرف محمد وش أطباعه.....
جسار؛ حدد وش كلامه.....؟
سعود؛ داشر... يغازل بنات الناس.... مروج..... يرحم امك اعتقني من اسالتك.....
عصب جسار من كلام ابو صويلح وتوجه طالع من المستشفى بكبره.............
سياف؛ ألحق ابوك ياهزاع......
هز راسه بلآ؛ خله يعرف وش يسوي ماهو اصغر عيالي...
...................................
...................................
بيت الجد.....
الجده أمنه بعد ماعرفت السالفه كلها والكلام.........
الجده أمنه بعتاب؛ تشك بتربيتك يامحمد....
ابو ثنيان ساكت ويناظر الجدار بهدوء....
الجد أمنه؛ محمد اكلمك يا أمي ناظرني.....
ناظرها محمد ونطقت الجده؛ تشك فيه تشك بحفيدي....
بيتكلم ابو ثنيان لكن سبقه الجد سياف ونطق بحرقه؛ إلى سويته غلط يامحمد كله غلط تشك ب ثنيان يامحمد ثنيان بكرك وحفيد الأول للعائله تشكك فيه وتربيته ليه ليه كل يوم تسمع كلام ابو صويلح ليه محد يشكي منه غيره روح واسمع كلامهم عن ولدك يشهدون الصغار قبل الكبار له وعلى رجولته وشهامته ليه يابوك تسمع كلام مناور يامحمد ليه......؟
ابو ثنيان؛ ماهو بكرى يبه ماهو بكرى......
سكت الكل مصدوم من كلامه واعترافه إلى نصهم يعرفون عنه والنص الثاني جاهل السالفه بكبرها......
نطق الجد سياف؛  اخوك يامحمد عزه وعز أمانته.....
ابو ثنيان بحده؛ يبه وشو أعز يبه ....
دخل جسار على كلامهم الأخير وصرخ بقهر؛ ضاربببب وش بيقول وشو يامحمد...
سكت محمد وناظر جسار بهدوء.......
سوير؛ اصبرو وشو ضارب شدخله وشدخل أمانته يبه..؟
الريم بسخريه؛ قولو أن ثنيان ولده..؟ اعترفو خلاص ليه تخبون عنا وعنه...؟ وش شعوره لو عرف..؟
ام ثنيان بصراخ؛ لاااا مو ولده مَو ولده ولدي ثنيان ولدي ولدي.......
مشي سلطان خارج من البيت وتارك أهله..... مصدوم... مقهور... مجروح..... مخذول..... كلها فيه مشاعره متناقضه وجداً....
ثنيان مو اخوه...؟ ولد عمه...؟
ليه محد قال لهم..؟ وش سالفت عمه ضارب..؟
وش شعور ثنيان لو عرف..؟  ثنيان بيتركه لو عرف...؟
وين يروح الحين..؟ وكيف ثنيان الان..؟
برأسه اسأله يبي لها اجوبه مين يجاوب عنها..؟
........................................................
....................................
(الرياض......)
يحوس بغرفته ويدور بين الأغراض..... رن جواله واخذه من مخباه ورد على المتصل؛ أرحب عدد قطرات المطر والسحابه....
ضحك نايف؛ البقى البقى الا وينك..؟
سليمان؛ بشقتي وين يعني....؟
نايف؛ أجل قلطني جايك.....
سليمان؛ افا البيت بيتك.....
سكر من اخوه وناظر شقته المحوسه كلها فوق وتحت وحك راسه بورطه؛ بنقتل اليوم شكلي.....
تحرك بسرعه ورتب إلى يقدر عليه...........
بعد ساعه....
دق الباب وفتح وناظر اخوه بابتسامه؛ أرحب ياروح قلبي ورجعانه أرحب....
حضنه نايف وشد عليه؛ ابقيه يارب....
وخر عنه سليمان ونطق؛ وش جايب تكفى قول اكل....
ضحك نايف ودخل الشقه ونطق؛ ماتتصبر انت..؟
سكر سليمان الباب ونطق؛ جوعاننننن....
نايف؛ ياهو خلآص سكر فمك وتعال........
فتح نايف الكيس ومد ل اخوه سنتدوتش....... سليمان؛ الله شورما القصيم....
نايف؛ خذ بس....
أخذها سليمان وسم الله واكل هو وأخوه....... بعد دقائق نطق نايف؛ كيف الدوام معك....؟
ناطره سليمان بهدوء؛ تمام....
نايف؛ وكيف الشقه والايجار..؟
رد عليه؛ الحمدلله ماشيه اموري.....
نايف؛ والجيران ما ازعجوك..؟
سليمان؛ ماتعرفت على احد....
نايف؛ بسكن هنا....
وسع سليمان عيونه؛ وين بشقه ذي...؟
هز راسه بلآ؛ أخذت بيت قريبه من دوامك وحولت دوامي للمركز إلى هنا ما اقوى اخليك وحدك....
سليمان؛ بس ابوي بيرفض....
نايف؛ مانحن بزران العشر سنوات عشان نسأله وناخذ شوره طردك من البيت..؟ انطرد معك ما اخليك تجلس وحدك لا شريك لك ولا ونيس عندك....
سليمان؛ أندري بس الرياض كبيره اهج......قاطعه نايف؛ سليمان قلت لك ما اخليك وحدك أنطردت انطرد معك يعاملونك غريب اعاملك قريب... إذا رحت عنك بعدين قول الرياض كبيره تطير وين خاطرك فيه لكني جنبك واخوك وعضيدك وسندك ما اخليك......
دمعت عيون سليمان من كلام نايف هو ماينكر تعامله احيانا معه بارد ويقهر بس عنده حنيه لو تتوزع على أهالي الرياض كفتهم كلهم وازود.... رفع نظره له ورماه ب قارورة المويا؛ ماقلت عشان تبكي يازق.....
مسح عيونه ونطق؛ كلامك كثير ياخوك كثير على والله كثير.......
.............................
......................
المستشفى.......
طلع الدكتور والغضب معتريه..... ناظر سعود ونطق؛ وش تقربون له.؟
نطق سعود بخوف؛ عمه انا عمه وذولا إخوانه...... يادكتور فيه شي..؟
طالعه الدكتور بنظرات غريبه استنكرها سعود ونطق؛ المريض دخل غيبوبه مانعرف متى يصحى منهآ......
ذهول كبير على ملامحهم الخبر اصدمهم وبقوه...... سعود بتلعثم؛ لح لحظه كيف... كيف غيبوبه....
هز الدكتور رأسه؛ للأسف تلقى ضربات ورا بعض ادا الى نزيف داخلي له وذي مو اول مره تحصل أكثر من مره يصير له نزيف لكن محد منتبه له ولا هو منتبه على نفسه....؟ يغمى عليه ويطيح عليكم ماتفحصونه ليه..؟
سعود؛ يادكتور وش الي نعرف عنه ذا محد يعرفه الا ربه........
الدكتور؛ تمام انت عمه روح وخلص أوراقه.....
هز راسه بتفهم وناظر للشباب.... سياف متلطم وعيونه محمره ونطق سعود؛ علم ابوك ياسياف علمه..... مشي تاركهم وحدهم محتارين كيف يعلومونهم............
عند سلطان........
وقف سيارته بعيد عن الديره وعن الناس كلهم ( البر)....
يهوجس هواجيس مالها حدود... رن جواله وناظر الاسم وتنهد بصبر رد على الاتصال....
هزاع؛ سلطان...
همهم سلطان له؛ همم
هزاع؛ وينك....
وش يقول وعن وش يبدأ سكت مايدري وش يتكلم عنه.....
هزاع؛ ثنيان دخل غيبوبه.....
كأن احد كب عليه مويا بارده الصدمات ورا بعض تنزل عليه... يصدق كلام ابوه ولا يكذبه محتار وكثيراً والحين ينزف خبر ان اخوه دخل غيبوبه...؟ نطق بهدوء؛ تمام....
سكر بوجه هزاع ورمي جواله على يساره وصرخ يطلع إلى بخاطره من ضيقه؛ ليهههههههههه....
ليههههه ياربببب والله حرامممممم حرامممممممم إلىىى يصيرررر حرامممممم....
............................... .....................
..............................
الديره.....)
يدق الباب واعصابه مايقدر يمسكها...... جاه خبر غيبوبته والسبب شائعه من شخص تكرهه كل الديره...؟
فتح صويلح الباب واستغرب منظر جسار أمامه؛ أرحب يابو صقر عسى ماشر..؟
جسار؛ الشر ابوك ووجه وينه ياولد..؟
صويلح؛ معليش يابو صقر احترم دامك عند بيته....
جسار؛ صويلح والله ان ماتنادي ابوك لا اوريك العجب.......
جاء ابو صويلح على صراخ جسار وولده.......؛  ياجسار اقلط اقلط....
دخل جسار البيت وهو كاره كل شي.................
جسار؛ دليلك أن ثنيان داشر.....يامناور..؟
ضحك مناور؛ وش دليله الله يهديك......
جسار؛ لا تجنني يامناور قول دام النفس طيبه.....
مناور؛ ابد الدليل آخر اليالي يرجع البيوت ونص الايام مايفتح المحل.....
جسار؛ وانت منهو عشان تراقبه....؟ راقب ولدك يامناور راقبه هو......
صويلح قمط العافيه من دقه ب الكلام له ونظراته...........
كمل جسار كلامه؛ ثنيان دخل بغيبوبه الله واعلم متى يصحى لكن والله ثم والله يامناور لا احطك ب المحاكم وافضحك انت وولدك...........
قمط مناور هنا هو وولده...... أكبر الدشير ف الديره ومروجين مخدرات.......
................................................
قبل وقت....... بيت الجد.......
دخل سياف ونطق بقهر؛ رضيت يبه رضيت عانى ولدك دخل بغيبوبه........
ابو ثنيان؛ وش غيبوبته ياولد.....
سياف؛ جاه نزيف داخلي....
الجده أمنه بخوف؛ حلفتك بالله ياسياف.......
سياف بغبنه؛ والله ياجده والله...
ام ثنيان؛ حسبي الله عليك يامحمد وش سويت ف الولد......
جسار؛ لا اكيد في غلط.....
الجدال؛ وشو غلطه ياعم يقول لك دخل غيبوبه........
الجد سياف ناظر ولده محمد ونطق؛ مآني راضي عنك يامحمد لو يصير به شي....
مشي جسار معصب ومصدوم من حاله ثنيان وتوجيهه ل ابو صويلح...........
..........................................
...............................
عند سلطان....
ضاق صدره زياده وأخذ جواله ودق على اخوه سياف.........
رد سياف عليه ونطق بخوف؛ ولد وينك فيه...؟
سلطان؛ في البر تعال.....
سياف؛ تمام جايك.......
بعد ساعتين ونص وصل سياف ل مكان سلطان..... وقف سيارته بجانب سيارت اخوه ونزل منها
جلس بيمين سلطان ولم رجلينه لصدره ونطق؛ دريت....
تنهد سلطان بضيق؛ ايه....
بعد دقائق من الهدوء نطق سلطان؛ سياف......
سياف ؛ لبيه...
سلطان؛ لبيت ف منى.... ثنيان....
سياف؛ وش فيه..؟
سلطان؛ ماهو خوك ياسياف.......
وسع عيونه ولف راسه لسلطان.؛ولد وش هرجك...؟
سلطان؛ ابوي يقول ماهو بكرى.... بكر ضارب....!
سياف؛ وشو ضارب منهو ذا...... ضارب عمك.....
سلطان؛ اي عمي....
مسك سياف راسه بصدمه؛ لا إله إلا الله لا إله إلا الله...... وش ذا اليوم المخيس...
سلطان؛ ياسياف خذني على ضيقتي وداويني ياخوي شعوري بشع تعبت والله تعبت....
حضن سياف سلطان وشد عليه ونطق؛ ماتشيل وحدك ياخوك ماتشيل وحدك كلنا ضايق صدورنا ماهي ب أخبار تنفرح بها.......
سلطان؛ ذا شعورنا يا سياف وش شعوره هو وش شعوره......
سياف؛ ادعي له يقوم بسلامه ادعي ياخوك.......
..........................................................................................
...................................................
عرف سعود أن ثنيان ولد ضارب...... وصرخ بوجه اخوانه؛ تخبون عنا ليه وش تحسون به انتم وش ياخي بشر انتم....أمانته ورميتم بها وش شعوره الحينه ياحسرتي على ثنيان بس ياحسرتي عليه تضربه يامحمد وتخلي عيالك تفرق بينه وبينهم لاتحسب محد يلاحظك ليه ليه يامحمد تسوي كذا وش فيه وش شفت وش دريت يامحمد وش يفرق عن ولدك وولد اخوك..؟
ابو ثنيان؛ سعود لاتدخل......
سعود؛ الا بدخل ونص أشوفك تعامله كذا واسكت لا والله ما اسكت....ثم ناظر ابوه؛ وانت يبه ماهو حفيدك وماهو ولد ضارب مو دايم تقول ضارب عزيز على وضارب احب عيالي ليه يبه تدري وما تمنع ليه يبه وين حنيتك..... ناظر أمه وكمل؛ وانتي يمه مو حرام الى تسونه فيه مو حرام يصبح ويمسي بضرب وساكتين ليه يمه ليه......جسار وانت وش عذرك عنه...؟ الحين ارتحتو يوم انه مترقد ف المستشفى....؟ رضيتو خاطركم يا آل مطلق ارتحتووو........؟
والله لو عرف ثنيان لا يترككم ويهج يامحمد بيهج عنك........
عصب ابو ثنيان؛ يخسي ويعقب.....
سعود؛ لا لا ماعد لك  كلمه عنه الان دامه مو ولدك قول بتضربه وتغصبه يجلس عندك بعد..؟
تراه كبر وسك العشرين ماعده بزر الأربع سنوات عندك يوم تتحكم به......تخصصه وحرمته منه وش تبي أكثر من ذا يامحمد..... حلمه يصير محامي وحرمته منه.... ياويلك عند ربك ياويلك.....
.........................................
...................................
وش بيصير بعد اليوم ذا....؟ وش بيكون رد ثنيان.......؟ وش شعور واحساسه.....؟
بيجلس معهم ولا بيروح......؟ بيعاتبهم ولا بيسامح.......؟ والأهم بيقوم من غيبوبته ولا بيموت...؟
سليمان وكلام نايف له.....؟ سياف وشعوره بيتغير ولا...؟ جسار وتهديده ل ابو صويلح....؟
.........................................................................
بعد مرور شهرين ونص........
ثنيان لازال على حاله....... رتب سعود أمور واشغال ل ثنيان برا الديره وتحديداً ف الرياض ينوي يبعده عن أهله وعن اهل الديره كلها......
ابو ثنيان محمد الندم لعب فيه لعب ندم على كل كلمه قالها ل ثنيان وعلى كل جلد جلده.....
كلمه اخوه ضارب تدور بداخله  مو راضيه تطلع منه؛ (ثنيان امانه عندكم يامحمد خذه ولدك لأحد يدري انه ولدي يامحمد لأحد يدري).......
ف المستشفى.......
كل يوم يكشف عن حالته عمه جسار ويراقبه اول ب اول صح انه تقاعد بس أصر انه يمسك حاله ثنيان........
ف غرفه ثنيان كان الممرض يتفقد الأجهزه........... رن الجهاز ارتفاع نبضات القلب عند ثنيان.... دليل على قومته...... ركض الممرض يعلم الدكاتره وعمه جسار.......
ركض الكل يشوفون حاله ثنيان......
يحاول يفتح عيونه بس صداع كبير اجتاحه..... غمض عيونه بقوه من الصداع وناظره الدكتور سمير ونطق؛ ثنيان ياولدي تسمعني.....؟
يسمع كل شي بس مو قادر يتكلم ومو قادر يتحرك الوجع كل ثانيه يزيد حاول كثير يفتح عيونه مو قادر أبداً بعد محاولات كثريه وبعد ما انهد حيله مسك راسه ب معنى يوجعني.... نزل يده بتعب كبير وكان روحه طلعت........
جسار؛ راسه يوجعه عطوه مضاد يخفف عنه شوي......
الدكتور سمير؛ بس ياجسار ممنوع نعطيه شي وتوه صحي......
جسار؛ لا يادكتور عطيه مايصير شي له........
بعد إصرار كبير من جسار اعطو ثنيان مضاد يخفف وجع راسه..............
.............................................
في بيت الجد سياف........
عرف الكل ان ثنيان صحي من الغيبوبه......
وصار خلاف بينهم وبين سعود........
ابو ثنيان ؛ سعود...
سعود بحده؛ قلت لك محد يروح له.... ماتستحون انتم....؟ تبون تموتونه وتوه يعيش... حسو شوي بس ياخي حسو......
الجده أمنه؛ يا أمي ياسعود بشوفه ياسعود لا تعاند......
سعود بأصرار؛ اصلاً باخذه الرياض مايجلس هنا ابد.......
الجد سياف؛ سعود استخفيت انت.....؟
سعود؛ لا يبه اتركه هنا ليه...؟ أخذه يريح خاطره ونفسه..........
ابو ثنيان بحده؛ مالك شغل فيه خلك بنفسك.....
سعود؛ نشوف يامحمد......
.............................................................

اسفه على التأخير واتمنى تعجبكم البارت ذا..... انتبهو لنفسكم ❤️❤️