ثنيان مظلوم يا سياف

البارت الأربعون؛

ويقول لي أنه ناسي.. وأقول له أنت كاذب..
وتدمع عيونه ويقول؛ مسامح وربي القادر.. أنا المذنب والله المعاقب..
..
, الجدال؛ ضاربوه وين..
ليلى؛ أخذه سعود معه..
الجدال؛ علمي أن سعود مع العيال مسافرين..
سوير؛ إيه توهم جايين وبعدها مشو..
الجدال؛ ماعليه افتحوا الهدايا..
سوير إلى بسرعه فتحت هديتها وأنصدمت من الطقم الكامل من الذهب وناظرت لي الجدال بصدمه؛منجدتس انتي..
ضحكت الريم ونطقت؛ ماصدقت على الله أحد يعطيها هديه..
هزت رأسها الجدال ونطقت؛ إيه لتس..
لفت لهم الطقم ونطقت تأشر على نفسها؛ جدالو أسالتس بالله لي..
الريم:ماشاءالله تبارك الله يجنن..
أنصدمت ليلى من جماله ونطقت؛ حلو والله ..
وناظرت الجدال لها وحولت نظرها بعده ل الريم ونطقت؛ افتحي يام غيم..
فتحت الريم هديتها وكانت طقم ذهب كبير وذهب ل غيم؛ الله ياروحي شكرآ..
الجدال؛ اعجبتس..
الريم؛ مره ماشاءالله..
سوير؛ جدال وراك بلا..
حطت الجدال رجل على رجل ونطقت؛ مير انكم اهلي.. وحبيت اعطيكم شوي بس..
وناظرت عيون ليلى إلى شوي وتطلع من مكانها ونطقت تكمل؛ وبسم الله من عيون العذال.. لا لبستوه تحصنو يا عماتي.. عيون الحريم ما ترحم..
ناظرتها ليلى ونطقت؛ وش قصدك..
الجدال؛ ما قصدي شيء.. غير أشوف عيونتس بغت تطلع.. ودتس مثلهم يا قلبي..
ليلى : لا شكرآ سعود ما يقصر معي..
ضحكت الجدال بقوه ونطقت تحرك يدينها على شكل ليلى؛ سعود عمي.. اقص يدي لو جاب لتس هديه وحده بس.. انتي من مكذب عليتس أننا نحبتس.. تراك عله علينا يا قلبي..
انقهرت ليلى من كلامها وناظرت ل سوير والريم إلى ساكتين وكأنهم يوافقون على كلامها قامت من مجلسها وهي معصبه ومقهوره منهم كلهم ونطقت الجدال تأشر لها ب مع السلامه؛ مجلسن ما يحيتس لا تجلسن به..
..
سعود؛ وين رايح الحين..
نهيان؛ تصدق شيء..
همهم له سعود ونطق نهيان؛ ودي أدخل بيت مناور..
سعود؛ وشو..
نهيان؛ ماهي اول مره أدخله.. نكمل الجميل يا سعود..
سعود؛ وش ودك به..
نهيان؛ الكثير ما لقيت له إجابه.. غير أني انشب لهم واحد واحد..
سكت سعود يناظر به ونطق نيهان؛ ماني مثله صح..
سعود؛ وكيف دريت..
أشر نهيان علي عيونه ونطق؛ نظراتك تدل علي صح كلامي.. بس بقول لك يا سعود دامني حي والله ما يروح حقي وحق ابوي واخوي.. آل مطلق تدمرو خلاص وآل فيصل لهم دورهم وأكثر وآل خليفه والله لا تحرم عنهم حياتهم ومناور وأهل الديره كلهم يا سعود مانيب بساكت لأحد منهم.. هو سامح لكن قلبه مجروح ومكسور وقتلوه رغم الخطايا له.. عن أي سكوت وعن أي إختلاف تفكر به عنا.. والله لو أنه ماهو طيب وعلى قد نياته أنه لا يهد أبو أبوهم كلهم..
ومشى بعدها ساكت..
أما سعود إلى وقف ب مكانه يناظر قفاه وهو يمشى هوجس شوي ومشى بعدها يلحقه..
..
بعد أشهر .. هو بسياره سعود وسعود جنبه ووراهم  .. حمد ب سيارته وخالد معه.. ومصعب ونمر وسلطان وسياف كلهم بسياره واحده..
ينتظرون فقط خروجه من البيت إلى بنائه جدآ مقرف وقديم .. وأخيرا خرج من البيت وحالته حاله.. يمشى يمين يسار وماهو قادر يتوازن ب خطواته يضحك مع نفسه ويسولف وبعدها يعصب ويضرب الهواء.. ناظر له نهيان بسخريه ونطق؛ الله لا يبلانا بس..
ونزل من سياره سعود ونزل الشباب كلهم وراه بسرعه..
ركض نهيان ل أبو صويلح وناظره أبو صويلح بنظرات غريبه ميل راسه ونطق؛ أن .. انت..ثن..ثنيان..
هز راسه نهيان وضحك له ونطق؛ مناور يا مناور ما قلت لك أن ورا ثنيان سند وعضيد.. هذاك الحينه بين يديني..
ولف على خبطه حمد بضهره و مد له الحبل ونطق؛ اربطه جعل يتربط بنار جهنم..
مسك الحبل منه وتقدم مصعب يربطه معه ونطق وهو يشد بكل قوته عليه ونطق ؛الله يمهل ولا يهمل يا نهيان..
نهيان؛ ونعم بالله..
تقدم حمد يمسك ابو صويلح ومشاه معه الين السياره ودخله ونطق؛ ياخالد تعال أنت أنا بجلس معهم وفعلاً تقدم خالد وركب سيارته وركب معه نمر ومصعب وحرك بعدها.. أما نهيان إلى غمز ل سعود وضحك سعود ياخذ جواله ويدق على الضابط فراس.. ناظرو الشباب ل السيارات الشرطه إلى تقدمت لهم بسرعه ونزل منها فراس وبرق.. ونطق سعود بهدوء؛ أخذنا إلى نبغاه..
نهيان؛ إلى داخل لك..
ومشى بعدها سعود ونهيان وسياف وسلطان وحمد..
بسياره سعود.. حمد ونهيان..
وسياره مصعب بها سلطان وسياف..
حمد؛ الحين نقدر نرفع عليه قضيه.. لكن شيء واحد ناقص..
نهيان؛ سالفه عمتي آيات..
حمد؛ سالفه عمتك بتكون شيء إضافي بدون دليل بس زياده عليه الحكم.. مع انه الحين ميت ميت..
ونطق سلطان من الجوال؛ صويلح..
صفق حمد ونطق؛ يا فاهمني.. صويلح الوحيد إلى موجود ألحين في البيت.. ماقدر أقول إنه متورط مع أبوه لأنه مسالم نوعاً ما لكن نثبت عليه التعدي بحق ثنيان أو مشارك ب الاعتداء عليه..
نهيان؛ سهله يا حمد سهله.. دام مناور طايح الباقي وراه..
..
وش صار ب الأشهر الماضية..وش الكلام إلى يقولونه.. وش جاب الشرطه والضباط مع نهيان وسعود.. وش به ابو صويلح وولده..
..
قبل أشهر..
مسك جواله وناظر للموقع إلى مرسل له.. ورسله ل سعود لأجل يروحون له .. وفعلاً مشى سعود على الموقع حتى وصلو واحده من البيوت الكبيره وتعتبر فله.. وحي راقي..
وقف سيارته ونزل الاثنين والمرافق الصغير معهم.. تقدم يطق الباب وما فتح له أحد من الطقه الاوله.. وطق مره ثانيه وثالثه ورابعه حتى أنفتح الباب له..ناظر للعامل ونطق ب استغراب؛ هذا بيت بابا وسيم..
هز العامل راسه ب لا ونطق؛ هدا بابا ملهم بابا وسيم..
وخبط نهيان كتف سعود ونطق؛ قايل لك..
سعود بصدمه؛ بشويش يا تبن.. ولف للعامل ونطق؛ بابا وين الان..
العامل؛ بابا روح شوي ويجي..
نهيان : ادخل انا عادي..
هز راسه ب ايه ودخل نهيان وسعود خلفه ومشو بعد العامل إلى دخلهم المجلس وراح..
نهيان؛ اخاف يجحد راسنا..
سعود؛ العم وسيم ما يجحدك.. دامك جاهل بشيء هو يعلم به يقوله لك..
نهيان؛ شورك وهدايه الله..
سعود بضحكه ؛ رايح تخطب أنت..
نهيان؛ الزواج وين ونهيان وين يا سعود.. همي الوحيد آخذ حقهم منهم كلهم..
سعود؛ كلنا معك..
نهيان؛ وأنتم وش يا سعود.. كنتم له سند وعون من بعد الله ما تركتوه.. إلا سياف وهزاع بهم رجه شوي.. والا أنا جيت متأخر..
سعود؛ كنا فرعون يا نهيان ماهو عون وسند له.. أنت أخوه من الأب والأم جيت متأخر جيت مقدم كلها وأحد..  عرفته من سنين قليلة ونحن نهايه عمر معه عقبها راح لك يا أخوه.. فضلك عني وعنهم وعن الجميع وجاك يطلع إلى بقلبه.. شكالك من هم الدنيا وما فيها وسرد لك قصته بين أربع جدران وهرج ب وجعه من جروحه وندوبه لك.. القريب اوجعه والغريب واساه..
لقي فيك إلى مالقيه بغيرك.. ما اذيته ولا جرحته ولا هنته وقفت معه رغم أنك تدري بنص السالفه حس فيك أمان وحب وسند حقيقي.. رغم اني أنا أتكلم عن نفسي ك سعود شخصياً بعيد عن القرابه إلى بيننا وفيت له ووقفت معه بيوم صدمته ودريه ب الحقيقه ما تركته طول حياته وكنت ظل له وكان ظل لي اتهابد عنه ويتهابد عني ضحيت وضحى هو وكلنا عشنا على واقعنا .. وان تكلمت ك أخ ل أبوه وعم له.. مسؤوليه ولي الأمر تتحول للعم ولا يا نهيان.. والعم لازم يكون مثل الأب حنيه وطيبه وكلام وأفعال وكنت له ذا يا نهيان يشهد الله على أنه كل كلامي صدق ولا هو مجامله لك ولا عشانك أنت أخوه وخايف تنتقم مني مثلهم.. انا ألحين أتكلم بصفتي رفيق درب وعم مسؤول.. لكن عن حب الشباب له كل واحد يجي ويقول هو وش عنده..
سكت نهيان ما قدر يرد عليه وأكمل سعود كلامه؛ أن تحبه وتغليه صدق حب أخوانه الثانين معه.. أندري ب القبه إلى صارت بينك وبين سياف يا نهيان لكن لا تخليها تكبر أكثر.. ثنيان سامحه لأنه اخطي ومابه شخص ما يخطي حتى انت تخطي ب أشياء كثيرة.. كلنا نخطي ونتعلم من الأخطاء.. سامحه يا نهيان وخلك معهم اخوهم مثل ما كان هو اخوهم.. وانت تدري بحب سلطان وسياف عند ثنيان وشهو..وحب خالد وحمد ومصعب ونمر كلهم عنده اخوانه.. كان لهم الأب والأخ.. تدري بقصه خالد ودور ثنيان بها...  ولا تدري ب عقبات حمد والمشاكل إلى وصلته  للمحاماة .. ولا مصعب و نمر.. ما تدري بقصتهم كلهم وش هي.. نسي نفسه وقصته كلها وحياته وساعدهم كلهم وصار لهم اخ واب ورفيق.. أنا يا نهيان كنت داشر أيام العسكريه ولا أقول لك عن الضرب والهواش إلى يجي من محمد ..  بس هو كان قدام وجه المدفع دايم.. كان يقول لي يا سعود أحميك من أبوي أخاف يصيبك شيء.. كنت أحس أحيانا انه عمي مو انا عمه..رغم صغر سنه إلا أنه كان صبور وهادي.. ولكن به تهور وعصبيه..
ماقوي يمسك نفسه أكثر ودمعت عيونه أمام ناظري سعود ونطق سعود ب غصه؛ لا تدمع لك عين دام به رجال بين المجالس تذكر سيرته ب طيبه وأخلاقه.. هذا قدره والمكتب له ب حياته يا نهيان..
ونطق نهيان بعد سكوته ودموعه؛ نذر على لا ارد حقه وحقوقه كلها..
كان سعود بيرد عليه لكن قاطع اتصال من جواله.. أخذ جواله وناظر الإسم وكان سلطان..
رد عليه وصارخ سلطان بصوته؛ جعلها تهب بوجهك يا ذا الأب..
سعود ؛ وش سويت لك..
سلطان؛ المقرود حقك مفقع عيون الغنم..
سعود بصدمه ؛ وشووو.. وينك انت..
سلطان؛ وين يعني ب العزبه..
سعود؛ متى رحت ..
سلطان؛ قبل ساعتين..
سعود؛ ومن معك..
سلطان؛ اسألتك كثيره تدري.. سياف وخالد..
سعود؛ وأنتم ثلاث والورع إلى عندكم مفقع عيون كيف..
سلطان؛ خالد بين الأرض وسياف بين النياق.. أبشرك ذبح ناقته.. وأنا عند الخيم وذا مصروع على ابوه وذبحهم...
سعود؛ خلاص عافيه عليك كلهم... سكت شوي يستوعب ونطق؛ سياف؛ ذبح ناقته..
سلطان؛ اي
سعود؛ خالد وش يسوي بين الأرض..
سلطان؛ يطبخ كبسه حاشي.. وش يسوي يعني يطلع خضروات..
سعود؛ وراكم شيء اي والله..
سلطان؛ أجل خليك ب احساسك.. وشف ولدك كيف مقتلهم..
سكر سلطان المكالمه وأرسل ل سعود مقطع فيديو وضارب الصغير ممسك ب عصا وحاطها داخل عين الغنم..
مسك راسه من قوه الصدمه ومن ضحك ولده ب المقطع والغنم الميت على الأرض.. تقدم نهيان وانصرع من المنظر إلى مصوره الأخ سلطان وكتم ضحكته ينطق؛ ذا ضارب..
سعود؛ مادري من ذا.. اكيد ماهو ولدي..
نهيان؛ مسالم ماشاءالله تبارك الله..
سعود؛ تنكت انت ووجهك..
نهيان؛ يحق لي دامه وجهي ذا..
..
الديره..
مكتف يدينه ويناظر ضارب الصغير إلى قدامه ونطق؛ عاجبك الوضع..
هز ضارب راسه ب ايه وزفر سلطان بطفش منه ونطق يسحبه من ثوبه وياخذه إلى خالد..
وقف وناظر خالد إلى محتاس بين الأرض وثوبه ونطق؛ يا ولد..
لف خالد له وناظر كيف ماسك ضارب الصغير وأشر ب الفأس عليه؛ ذا وش بك معلقه كذا..
رفعه سلطان الين قريب وجهه ونطق؛ ذا ذبح الغنم..
خالد؛ ابوه سعود وابن عمه سليطين لا تنصدم ..
سلطان؛ اقول يا الفلاح اسكت بس..
خالد؛ صح الشرهه ماهي عليك على انا والله.. وكمل ضرب ب الفأس.. ومشى سلطان عند سياف إلى خلص ذبح من ناقته..لكن وقفه السيارات إلى دخلت أراضي عزبه ال مطلق.. وكانت سياره هذال وأسر ومنافي...
رمي ضارب الصغير على الأرض ورفع يدينه الثنتين يرحب بهم؛ يامرحبا تراحيب البدو ب المطر ويا حي ذي الوجيه بين اراضيكم.. وسوا حركه السلاح بيده وأكمل؛ طع طع طع..
وقف هذال السياره ونزل منها يضحك؛ الله يحيك ويبقى الوجه المفقع ذا هنا..
منافي؛ المسكين ليه راميه كذا..
سلطان؛ ماعليكم منه ورع صغير بس..
ضارب الصغير؛ اسكت انت ورع..
سلطان؛ شايفين كيف..
أسر؛ احترمه لأجل يحترمك..
هذال؛ بوس راسه ولحيته ..
منافي؛ وصب له قهوه وقلطه..
سلطان؛ لا سواها لي اسويها له..
هذال :تكفى البخ..
أسر؛ جوعان ماعليك منه..
سلطان؛ إيه واضح الله يهديه ..
ومشى شباب ال مطلق كلهم يجلسون عند الجلسه الخارجيه إلى جهزها سلطان لهم.. وبدأ يقوم بواجب الضيافه لهم..
أما سياف إلى بدأ يجهز الأغراض لأجل يطبخ الناقه جاء له خالد رافع نص ثوبه وبه خضروات.. تركها ب الصينيه ونفض ثوبه من التراب وأخذ الصينيه يحطها فوق الدولاب.. ويفتح الصنبور ويأخذ وحده وحده يغسل..
انتهى من الغسيل وبدأ يقطع ويطبخ كبسه الحاشي مع سياف إلى انتهى من تنضيف الدسم منها..  شغل سياف الغاز وحط القدر فوقها وبدأ رمي البصل والطماطم ومعجون الطماطم والثوم.. وبعدها حط البهارات الخاصه ب اللحم وخمس أكواب مويا.. رمي لحم الناقه وشد على قدر الضغط وجلس جنب خالد علي الأرض..
خالد إلى كان يقطع السلطه خلص منها وقام ياخذ الصينيه إلى بها لحم الناقه ودهنها ب خلطته السريه.. وشالها وحطها داخل الفرن الأرضي..
غسل يده بتعب وجلس جنب سياف ساكت...
سامحه ثنيان وكفله من السجن بس هم بهم حرق للحين داخل قلوبهم.. كانت علاقتهم قويه وصعب يفرق بينهم الردى.. لكن فرقهم الرفيق نفسه.. علاقتهم سطحيه معه كلام الواجب فقط وبعدها الصمت سيد الجلسه بينهم..
..
الطائف..
يركض بخوف من خيل ثنيان إلى صهل بقوه من لمسه له وبدأ يركض خلفه..
مصعب إلى كان جنب خيل سلطان يأكله.. سمع صوت شخص يناديه والتفت يناظر نمر بصدمه يستنجد به ونطق؛ أسمك نمر وأنت طقوعي اي بالله..
نمر وهو للحين يركض؛ تكفى ياذا الوجهه تكفى يا مصعب..
تنهد مصعب يترك إلى بيده ويركض ورا خيل ثنيان.. يحاول يمسك الحبل إلى عليه لكن فشل.. ركض نمر بسرعه وركض وراه خيل ثنيان بسرعه وطاح مصعب على وجهه وهو يحاول يمسكه للمره الثالثه.. تدحرج مصعب على طول الأرض الين ضرب ضهره ب الجدار.. وصارخ بألم وقهر ؛ يا جعل لك كسر ب يدك يا تبن..
دعاء المقهور يستجيب يا جماعه.. تعثرت رجل نمر وطاح على الأرض حاول يقوم مره ثانيه ويهرب لكن رفسه الجامح بقوه.. وصارخ نمر بألم من حس أن كتفه إنكسر..
مشي خيل ثنيان بهدوء بعدها حول الاسطبل.. ونمر إلى يصرخ مكسور ومصعب إلى مرمى على الجدار متألم وخشمه إلى ينزف ..
تقدم العمال بسرعه يركضون لهم ويشيلونهم من على الأرض.. تقرب مصعب من نمر ب مساعده العمال ونطق نمر ب وجع؛ طاري المليون يا ********.. ولا طاري الكسر..
مصعب؛ إلا نعم.. تستاهل يا ذا الوجه النحس جالس أبرك لك من الخيل وش تنكش له أنت.. ودك تركبه نسيت انه الجامح..
نمر؛ داري انه الجامح المجمح.. وصارخ بألم من مسكه العامل بيده الأيسر ونطق يلف وجهه له؛ تكفى يا مدير يدي توجعني..
العامل؛ اوك الحين روح مستشفى..
مصعب؛ وانا معه..
نمر؛ انت وش ودك هاه..
مصعب؛ يسوون لي إشعه جعلك تنشلع اي والله..
نمر بخوف ؛ استغفرالله يا رجال لا تتحقق..
مصعب؛ استغفرالله العظيم واتوب اليه..
نمر؛ اي خلنا احباب..
..
المستشفى.. خرج مصعب من قسم الاشعه ولابس دعام للرقبه وشاش حول أنفه المتورم .. وخرج نمر وهو مجبر اليد.. ناظر الاثنين بعضهم بحده ومشو بطريق مختلف .. كل واحد يلوم الثاني على طيحته..
بعد دقائق..
تكلم نمر ومصعب على يمينه؛ الحل..
مصعب؛ وانا وش علمي..
نمر؛ احسبك فنان علوم ماهيب دعاوى بس..
مصعب؛ لا تخليني اهفك بدعوه تهف روحك..
نمر؛ خلاص بسكت جعل يسكتك مبراق..
مصعب؛ أترك الهرج ودق على العامل يجيب السياره بس..
نمر؛ جوالي طافي شاحنه..
مصعب؛ وانا مخلص النت عندي..
ناظر نمر لي مصعب بطرف عينه ونطق؛ رح عند أي مخلوق واشبك منه نت..
مصعب بنفس النظره؛ وأنت رح عند اي واحد واشحن جوالك..
نمر؛ تحدي يا ولد..
مصعب؛ تحدي ونص..
نمر؛ قدها يا مصعب..
مصعب؛ قدها وقدود..
مشى مصعب بطريق ثاني ومشى نمر بطريق ثاني.. راح مصعب عند مجموعه شباب وطلب منهم يشبكون له نت.. أما نمر إلى مالقى عند شخص واحد شاحن متنقل وفقد الأمل انه يلقى.. رجع بخطاه يتحاشى الأنظار من مصعب إلى شبك له نت وأرسل ل العامل يجيب السياره ونطق؛ أشوف راسك نازل..
نمر؛ محد عنده شاحن..
مصعب : تعال تعال يا نمري تعال..
نمر؛ تخسي يا تبن مانيب نمرك..
مصعب؛ حشى لو صرت كان مت بيومي..
نمر؛ قصر الهرج بس..
..
يلعب ب أصابع يدينه بتوتر.. طال الانتظار وكثير.. لهم فوق الساعه ونص ينتظرون والعم وسيم ما جاء ونطق بعد تردد؛ جحدنا يا سعود..
سعود؛ واضح مشغول وجينا بوقت غلط..
نهيان؛ قم طيب ليه جالس..
سعود؛ اي يلا..
قام سعود وقام معه نهيان بسرعه ومشو طالعين من المجلس وعلى طلعتهم ناظرو العم وسيم إلى دخل بسرعه للبيت ويمشى بخطاه للمجلس.. ونطق بصدمه من شاف سعود ونهيان خارجين من المجلس؛ وين يا رجال..
سعود؛ الواضح ياعمي جيناك بوقت ماهو وقتنا.. العذر منك لكن ورانا أشغال والله..
العم وسيم؛ على ال..
سعود بسرعه قبل يحلف ب الطلاق؛ على الطلاق ب الثلاث ما نجلس أكثر يا عم.. جيناك وانت مشغول والمعذره منك والله.. ومشى سعود ومشى وراه نهيان بهدوء..
ركب سيارته وشغلها وضحك يحرك بعدها؛ تدري ألحين وش سواته..
نهيان؛ وش..
سعود؛ بيقوم الدنيا ويجلسها على العامل المسكين..
نهيان بضحكه؛ خله يتأدب..
سعود؛ وين الوجهه يا بو نهار..
ابتسم إبتسامه عريضه بحب للاسم ونطق؛ حائل يا بعد حيي..
سعود؛ لقو أهل خليفه..
نهيان؛ مرسل سلطان رساله يقول منافي قايل أنهم ساكنين هناك..
سعود؛أجل البيت يابعد حيي وميتي لأجل ملابسك.. وبعدها نفلح ب عروس الشمال يا بو نهار..
سند راسه للكرسي وتنهد يتذكر أن نهار هو الإسم إلى كان ود ثنيان يسميه ولده.. لكن قدر ربي أنه يموت ومايحقق حلمه.. لكن نهيان حب الاسم وما قبل أحد يناديه الا ب اسم المحب ل أخوه.. نهار..
بعد مده طويله لأن بيت العم وسيم بعيده عن بيت نهيان.. وصل سعود ووقف سيارته ونزل ونطق؛ أجيب لك ملابس ولا..
نهيان؛ لا بنزل انا..
هز سعود راسه ومشى نهيان ومشى سعود مع بعض.. فتح سعود الباب ودخل ودخل هو وراه وقفل الباب ناظر للهدوء إلى صاير ومشى سعود يطلع جناحه ونهيان جناحه..
بدأ سعود يدندن ب كلمات محمد بن غرمان " وصل المحبه"
أسرى مع الليل وحداني.. أخفي همومي وأحزاني
من سبته آه عناني.. خلاني اشكي لعذالي..
دخل غرفته وناظر ليلى إلى ماسكه جوالها وخبته بسرعه تحت المخده وناظرته بتوتر وخوف منه.. حس أن بها بلا وبلاها قوي.. لكن تجاهل سالفتها الحين ومشى ل دولابه يسحب الشنطه الثانيه له ويحط ملابسه ويكمل؛
الأمس كنا مثل الاحباب.. نضحك ولا همنا من عاب
واليوم وصل المحبه غاب.. كني أعيش بحلم سالي
يا حسرتي ماني بقربه.. والوقت يمضي وانا حبه..
قاطعته ليلى بربكه؛ وين ولدي..
قلب حال سعود بسرعه ولف لها ونطق؛ ولدتس مثل ماهو ولدي.. لتس أسابيع ما تسألين عنه والان تجين تقولين وينه.. ابشرتس انه مرتاح ولا يسأل عنتس ولا يطري بتس شيء..
ليلى؛ رجع ولدي يا سعود..
ترك سعود الشنطه من يده وتقدم لها.. صدرها مقابل صدره ويده تشد على اكتافها ووجه قريب من وجهها بشكل يوتر ونطق بتهديد؛ لا تحسبين إلى تخفينه عني مانيب كاشفه.. تراني سعود يا ليلى وانتس للحين ما تدرين من هو سعود على حقيقته .. احسن لتس والله إن تبطلين ذي الحركات.. لا يصير لتس شيء ما يسرتس ولا يسر أحد معتس.. ودفها بقوه وكمل ياخذ له ملابس ولي ضارب معه.. طلع من غرفته وناظر ل نهيان إلى مخلص من قبل وشنتطه جنبه ومشو طالعين من البيت متجهين لديره لأجل ياخذون ضارب الصغير ويكملون طريقهم ل الشمال..
..
ليلى..
تحاول تتنفس لكن ماهي قادره.. سعود يخوفها وكثير لكن الشيء إلى هي تبغاه توصله مهمآ كان.. أخذت جوالها من تحت المخده وكملت كلامها مع الشخص المجهول إلى يكلمها.. وهي للحين خايفه من سعود وتهديده إلى تتوقع أقل التوقع انه يذبحها ويرميها للكلاب..
..