ثنيان مظلوم يا سياف

البارت السابع والعشرون؛

ناظر مصعب ل سعود ونطق؛ هيه وراك علينا..
ضحك سعود ونطق؛ أبد اشوف وجهكم وش بيقول..
حمد؛ وش تقول يا سعود.. طبخه ولا اروع..
سعود اكل لقمه ونطق؛ ايه يصير خير يا حميدان.... خلص الشباب من الاكل وأخذ ثنيان الصحن ولم السفره وبدأ يغسل إلى طبخ فيه..
راح مصعب يجهز لهم قهوه من يدينه.. جلس خالد بجانب سلطان وهو بردان.. ونطق؛ آه يا ايامك ياديره..
ضحك نمر ونطق؛ فقدتها..
خالد؛ انشهد لها فقده..
جاء لهم ثنيان بعد ما خلص وجلس جنب نهيان.. نطق حمد؛ عودي..
مصعب وهو جاي بدلته يصب لكل واحد منهم ؛ مانقول لا..
ضحك حمد وقام يجيب عوده من سياره خالد..... أخذ عوده وجلس جنب سعود والعيال عليه مسوين دائره والنار وسطهم.. بدأ يدق عوده ويغني معه..
أسرى مع الهاجس إلى مابعد نامي..
واصور الماضي لنفسي واسليها..
اخالف العمر اراجع سالف أعوامي..
وانوخ اركاب فكري عند داعيها..
من بادي الوقت وهذا طبع الايامي..
عذبات الايام ماتمدي لياليها..
تدفا على جال ضوه بارد عظامي..
والماء يسوق بمعاليقي ويرويها..
...
سياف؛ الله الله يا عازفنا الله..
سلطان؛ الصوت ينسيك همومك..
لف خالد بسرعه ل ثنيان ونطق ثنيان؛ ادري وش بتقول.. ابشر..
ضحك مصعب؛ من كثر ما يطلبك حفظته..
صفق خالد بيدينه وتربع يركز مع قصيده ثنيان.... تنحنح ثنيان ونطق؛
دنياك تمشي على حدرى ومستنه.. لو شفتها يوم تضحك لك وفنانه..
كم واحد ظن فيها واخلفت ظنه..خداعتن ماعليها مزح وميانه...
تشوف فيها الغني مبسوط لكنه.. قاطعه نهيان إلى اكمل معه البيت..
لو قل ماله فقد ربعه وصدقانه..
ورجال يصبر لو الايام ضدنه.. ورجلن ليا ناشته قرقع بقدحانه...
والعز لنفس واجب والحياء سنه.. وانا يديني من الثنتين مليانه..
وسلامتكم..
ضحك خالد با إعجاب؛ والله انك داهيه أجل شاعر ومانعرف عنك...
سعود؛ خلاص عندنا اثنين شاعرين..
ناظره سلطان بطرف عينه؛ تراك منهم اسكت بس..
خبط ثنيان على ضهره بخفه ونطق؛ وحده ثانيه ياخوي.. تنهد نهيان بداخله ونطق؛ لو تقولها لي وانت تعرف.. وثم نطق؛ اقول بيت تقول الثاني انت..
هز ثنيان راسه وبدأ نهيان يقصد؛
نهيان؛ سمعت لي كلمه مدري وين أقصاها..
حزت بصدري وانا ماني بهارجها..
ثنيان؛ لو كل كلمه إلى جتنا تبعناها..
بعنا الثمينه بسعًر ما يخارجها..
نهيان؛ لو مرت السمع ما كنا سمعناها..
ونقفل الراس عنها لا يبرمجها..
ثنيان؛ ومن يم هذا لهذا مانقلناها..
والناس واجد وتلقى من يروجها..
نهيان؛ ومن جابها بين خلق الله ووداها..
لو به مراجل ترى نفسه يسمجها..
ثنيان؛ ومن عامل الناس في سابق خطاياها..
يقعد بداًر خلا ماداج دايجها..
الله حسيبكم يا ظالمين.. ماخفتو ربكم ب الاثنين.. كل كلمه وكل بيت وكل سطر كانت توصف حياتهم.. حياته هو وأخوه.. حياه ثنيان وأخوه نهيان.. مقدر لهم الإثنين يكون لهم نفس الحياه ونفس المعاناه وكلها بسبب شخص واحد وهو معروف وكثير.. ابوهم ضارب.. لا طبعاً.. ابو صويلح.. هو السبب الرئيسي بكل شي يصير لهم الإثنين.. حتى ابوهم ماسلم منه ولا سلم من مشاكله.. عذبه ف حياته واهانه بين ناسه وديرته.. ولحقه الين آخر يوم ف عمره.. وياريت سكت وتعب.. لحق ولده ثنيان.. وعذبه طول شبابه.. والحين نهيان.. ولا نهيان رح يوقفه عند حده.. نشوف الأحداث الأخيرة وش بيسوي فيه..
حس ثنيان أن نهيان فيه شي.. وفضل يسكت..
...
مر الأسبوع بدون أحداث مهمه.. ورجع الشباب دوامتهم... إلا خالد ونهيان إلى جلسو عند ثنيان وإخوانه..
الاسطبل..
سياف يدرب المدربين وسلطان جنبه يناظر لهم.. خالد وسعود يتسابقون على الخيول تحت صراخ سياف لهم يروحون مكان بعيد عنه وعن تدريبه..
نهيان وثنيان جالسين جنب بعض وكل واحد ساكت..
لف ثنيان ل نهيان بعد ما طال سكوته ونطق؛ سليمان..
لف له نهيان ونطق؛ سم..
ثنيان؛ اشوفك ذي الايام ساكت ومتضايق.. وش فيك ياخوك..
تنهد نهيان ونطق؛ انت فاضي اليل..
ثنيان؛ والله شوفت عيونك فاضي طول اليوم لا شغل ولا عمل.. أمر وش بغيت..
نهيان؛ اقول لك إذا صرنا وحدنا..
ثنيان؛ اي براحتك.. سكت العيال..
ونطق نهيان بعد مده؛ تسابق..
ثنيان؛ ليه لا.. قدام..
هز رأسه وهو يضحك.. قام ثنيان يجيب خيله الجامح ونطق؛ ورع سليط..
لف سلطان راسه له ونطق وقدامه متدرب؛ ورع بعينك..
ثنيان؛ وين خيلك ابيه.. اشر سلطان ل مكان ونطق؛ هناك..
هز رأسه ومشى ياخذه.. أخذه ورجع ل نهيان وركبه.. وبدأ يتسابق هو ونهيان..
بعد ساعه..
جاء لهم خالد وكتفه مربوط.. استغرب منه سياف ونطق؛ هيه علامك..
ناظر خالد ل سعود بطرف عين ونطق؛ ذا الشايب إلى جنبي صادمني بخيله.. تقول كانه مرزوق شاف له صيده..
وسع سعود عيونه ونطق؛ انا مرزوق يابو شيلحن..
خالد بصدمه؛ انا ابو شيلحن لا بالله انه انت..
سلطان؛ بوممممم والله انه جابها سعود.. كفو كفو..
سياف؛ افا ياخلدون ابو شيلحن وش حلاته..
خالد وضغطه ارتفع منهم؛ الا لا بارك الله في عدوك.. انا يا ظالم انت وياه اشبهه..تخسون..
ضحك الشباب عليه..
... اليل..
الديره.. بيت الريم..
فتحت الباب ل سعود المتلطم ب شماغه.. ونطقت؛ امي تنتظرك..
ركض سعود بعد ما علمته الريم وين أمه... دخل الغرفه وشاف أمه على الفراش نايمه ومريضه.. ؛ يمه بسم الله عليتس..
ركض سعود ل أمه وباس رأسها ورجولها ونطق؛ يمه وش فيتس..
الجده امنه ويالله تتكلم؛ س.. سعود..
سعود بقلق؛ يمه قولي وش فيتس يمه.. اوديتس المستشفى..
هزت رأسها ب لا؛ ي.. يا.. ولدى ماعاد.. بقي لي.. عمر.. اعيشه يمه.. ثنيان .. أمان.. امانه برقبتك.. يا.. يمه لا تتركه..يا سعود..
بكى سعود ونطق؛ يمه لا تقولين كذا الله يطول بعمرتس أن شاء الله..
الجده أمنه والدموع تنزل مع دموع سعود؛ ليلى.. م.. مالها ذنب يمه.. لا.. تظلم زوجتك..
نطق سعود وهو يبوس يدين أمه؛ ابشري يمه ابشري لكن يمه لا تقولين كذا..
الجده أمنه بابتسامه؛ نهيان.. ول.. ولد اخوك.. ضارب.. دوره يمي.. لم.. عيال اخوك يمه..
سعود؛ يمه لا تقولين كذا لا تحرقيني فيتس يمه..
الجده أمنه؛ نهيان وثنيان.. لا يجي لهم.. شيء يمي..دخلت الريم ومعها كاسه ومويا ل امها وطاحت الكأس من يدها وصارخت؛ يمههههه لاااااااا... ركضت الريم ل امها وحضنت رأسها وتبكي وتصارخ..
غطى سعود عيونه ب شماغه وبكى على امه إلى ماتت بين يدينه..
دخل أحمد بيته واستغرب من الصراخ.. ركض ل الغرفه وانصدم من الرجال إلى جالس وسطها و الريم إلى حاضنه امها وتبكي بحرقه.. مشي لها ونطق؛ الري..
لفت له الريم وهي تبكي وتقول؛ أحمد أحمد امييي امييي ما ماتتتت صح...
انصدم أحمد وراح جنب الريم وحط يدينه برقبه خالته.... انصدم وناظر ل الريم ونطقت؛ تكفى تكفى لا تقول لييي..
حضنها أحمد وهو مصدوم... وسعود يبكي بحرقه على امه....
...
الصباح بيت الريم.. أول أيام العزاء..
بعد ما أخذ سعود أمه ودفنوها.. وعلم الشباب وقال لهم يجون وثنيان معهم لكن لا أحد يقول له إلا يوم يوصلون هو بيقول له.. لكن ثنيان مارضي يروح معهم الا يوم قالو له وفحط بسيارته ل الديره...
عزاء الرجال بيت الجد سياف.. والحريم بيت الريم..
سوير إلى تبكي بقهر على امها.. وتتحسب على ابو صويلح إلى حرمها شوفت امها بآخر أيامها.. الجدال إلى مقهوره نفس قهر سوير وأكثر.. صعب صعب جداً شخص تحبه يزفون لك خبر موته وانت قريب منه والأهم بينكم خلافات..
وصل الشباب الديره خالد ونهيان بسياراتهم وسياف وسلطان بسياره واحده اما ثنيان إلى أول ما قالو له ركب سيارته وطار ديرته.. نزل سلطان وسياف بيت الجد سياف.. وصل ثنيان قبلهم.. ركض ل داخل البيت تحت نظرات أهل ديرته له  راح ل جده ونطق وهو ماهو مصدق؛ جدتي ماتت.. جدتي ماتتتت.. قوللللل..
صد الجد سياف براسه ماوده يشوفه ويحن عليه.. ماوده يضعف قدامه.. نطق ابو ثنيان؛ اطلع برا يا ولد.. انت مانت برجاال تدخله..
ناظر له ثنيان ونطق بضيق؛ بطلع والله بطلع بس جدتي لا تكذب على يابو ثنيان لا تكذب.. قول انه مزح
ناظر له بحده ونطق؛ اطلع انت ماتستحى على وجهك..شايف الناس الى تجي وتروح وتقول مزحه.. أصغر عيالك حن..
الله يا ضيقتك والله على حزنك وقهرك.. فارقك محبوبك.. فارقك أعز ناسك وخيلانك.. مات أطيب القلوب .. راح حسين الناس.. راح مغليك..
صارخ ابو ثنيان عليه وهو يدفه؛ اطلععع لا تشوفككك عيونييييي..
مشى ثنيان بكسر وخذلان وقهر وحزن.. ناظر ل بيت ابوه نظره اخيره.. وركب سيارته..
ركب بسرعه نهيان جنبه ومشى ثنيان بدون لا يقول شي..
ناظر سعود ل ابو ثنيان ونطق؛ انت رخمه.. تدري ليه.. لأنك مصدق عن ولدك إلى ربيته الكذب والظلم.. وفوقها طارده من عزاء أمه الأوله..
جن جنون ابو ثنيان هنا وصارخ على سعود؛ انا رخمه يا إلى مانيب قايل... والله والله لو اليوم ماهو موت امي اني علمتك شغلك..
ضحك سعود عليه ونطق بصراخ؛ محمددددد امييي عايشههه بينننا.. ماماتتتتت..
مشي سعود من بيت ابوه وهو كارهه.. صار يكرهه ويكره يجيه..
...عند ثنيان..
يسوق ودموعه اربع اربع.. نطق نهيان؛ وقف يا ثنيان..
مارد عليه وهو حزينننن.. مسك نهيان الدركسون ولفه على جهه اليمين ورفع الجلنط..
وقفت سياره ثنيان.. ونزل منها... فتح باب السائق وسحب ثنيان منه.. حضنه حضن إلى يقول ادخلك بضلوعي من حياتك...
شد عليه ثنيان وبكى.. بكى على جدته.. بكى على حاله.. بكى على حياته.. بكى على وضعه.. بكى على كل شي يصير له.. ماعاد له قوه يواجه فيها.. ولا عاد له طاقه يتحمل بها.. هدو حيله وحيوله.. كسروه .. وجرحوه.. عذبوه.. وهم يضحكون..
بعد ساعات.. البر..
جالس جنب اخوه إلى حتى ماعرفه..
يطالع السماء بهدوء وضوء الشمس على وجهه..
نطق نهيان؛ ثنيان..
ناظر له ثنيان إلى بكى على كتفه ل ساعات... نهيان؛ فضفض ياخوك..
ناظر له ثنيان ونطق بصوت مبحوح؛ وش الى بقوله يا سليمان..
صرت حاير والله حاير.. كلهم ضدي.. كلهم ما يصدقون إلى يصير لي.. كلهم وقفو معه.. إلى صدقني راح ل رب العالمين..
تنهد نهيان ونطق؛ ابو صويلح صح..
لف له بصدمه ونطق؛ وش عرفك انت..
نهيان؛ لأنه أذاني زيك..
ثنيان وهو مصدوم للحين؛ وكيف..
نهيان بصدمه؛ ثنيان انت ماتدري..
ثنيان؛ وشهو..
نهيان؛ ماتدري ان عندك اخ..
تنهد ثنيان وانسدح مره ثانيه؛الا ادري لكن ماعرف لا اسمه..
نهيان؛ وكيف ماتعرف الا اسمه..
ثنيان بضيق؛ انصرعت من جدك عبدالله.. عصبت منه وقمت.. تصدق مافكرت حتى ب اخوي الصغير مدري الكبير..
ضاق خاطر نهيان وكثير.. يعني حتى ثنيان زيهم.. مستحيل..ونطق؛جرب تدوره..
سكت ثنيان وسكت معه نهيان..
...
مر خمس شهور على وفاه الجده أمنه..
سعود ببيت الريم وليلى معه.. الجدال رجعت بيت الجد غصب عنها وسوير معها...
قامت الريم من مجلسها تسوي الغداء لهم.. وليلى تساعدها..
ثنيان نايم ب المجلس وأحمد معه.. دخل سعود عليهم ونطق بابتسامه؛ الله الله وش ذي الريحه الزينه..
ضحكت ليلى له ونطقت؛ أكله تحبها قلبك..
الريم؛ سعودي تكفى دامك قايم روح جيب خبز من ابو ريناد..
سعود وهو ياخذ جزه من الصحن ؛ ايه ليش لا..
الريم؛ وسحب معك التيوس إلى نايمه..
ضحك سعود واشر على خشمه ومشى للمجلس.. دخل المجلس و صارخ بصوته؛ قوموووو..
فز أحمد بخوف منه ورمي عليه المخده؛ ووجع يا سعود..
سعود وهو يرميها لي ثنيان؛ ولدددد قمممممم..
ثنيان بهدوء؛ سعود والله ماتشوف خير..
سعود؛ اعوذ بالله من الشيطان.. يالله ضهر خير.. مشي سعود بعد ما صحاهم..
...
خالد ونهيان.. طول الخمس أشهر الاوله نهيان قاعد عنده.. وخالد مستانس فيه..
فتح خالد باب البيت وهو جايب لهم اكل ياكلونه..
دخل المجلس وشاف نهيان يلبس ثوبه.. ونطق؛ ابو عقاب..
ضحك له نهيان ونطق؛ أرحب ياخالد..
خالد؛ غسل يدك وتعال كل..
راح نهيان يغسل يده لأجل ياكل معه..
...
لا يضحك ولا يسولف ما يطلع من بيت عمته .. طول يومه يهوجس وساكت.. نقول عنه للحين حزين.. ولا نقول عنه كره دنياه.. ولا وش نقول..
نتكلم عن ثنيان إلى كان فرفوش وضحكته ماتفارقه.. الشخص الفكاهي والسامج.. إلى يسولف وما يسكت الحين ماعاد ينسمع صوته الا نادًر..
يأكل مع سعود وأحمد.. دخلت عليهم الريم.. ومعها دله شاهي ثانيه.. صبت لهم وناظرت ب ثنيان.. ونطقت؛ ثنيان إذا خلصت ابغاك شوي..
هز راسه وهو ياكل بدون لا يتكلم معها..
تنهد سعود منه ومن سلوكه إلى ما صار يعجبه.. بس مايلومه..
خلص أحمد أكله وقام يغسل يدينه ونطق؛ عاد تأخرت على دوامي..
سعود؛ الله معك.. مشي أحمد طالع من البيت رايح المستشفى..
قام ثنيان من السفره ولمها سعود وأخذ الصحون معه وراح المطبخ.. دخل المطبخ وناظر الريم وليلى ياكلون ونطق؛ أحمد راح..
هزت رأسها وهي قايمه؛ أجل بروح عند ثنيان..
سعود وهو يحط الصحون فوق الدولاب؛ شدي حيلك يا وخيتي..
الريم؛ التوفيق ياسعود..
ضحكت ليلى عليهم ونطقت؛ افا إلى يشوفكم يقول ذولا رايحين يحاربون ماهو يتكلمون...
جلس سعود معها ونطق؛ ذا يا ليلوه تيس.. خمس شهور مايتكلم حشى والله لو انه ايش..
ليلي؛ سعود لا تشره ولا تضغط عليه إلى جاه ماهو هين..
تنهد سعود ونطق؛ والله اني داري لكني ماودي يقعد طول عمره كذا.. ودي يقوم ويشوف العالم وش تسوي..
ليلى؛ مع الوقت يا سعود مع الوقت..
قام سعود ونطق؛ اخذت لنا بيت ب الطائف...بنسكن هناك خلاص..
هزت رأسها ب اي ومشى سعود يشوف ثنيان والريم..
بنفس الوقت..
دخلت الريم وناظرت ثنيان إلى منسدح على ضهره وجواله بيده.. وراسه فوق التكايه..
مشت له وجلست جنبها وبدأت تلعب ب شعره الكثيف.. كان يشبه ابوه كثيررر...الوجه والشعر والجسم والطول وحتى الصفات والطبايع... كان فعلاً ولد ضارب بن سياف..
تنهدت ونطقت؛ ثنيان..
تركي جواله فوق بطنه وهمهم لها... ونطقت الريم؛ نتكلم شوي..
هز راسه لها وتعدل ب جلسته.. صار جالس قدامه ومتربع.. نطقت؛ ثنيان ياروحي بتجلس طول أيامك كذا.. مارد عليها ثنيان وهو يسمع لها..
أكملت الريم؛ ادري انك حزين على امي ومتضايق بس ثنيان لو امي موجوده وش بتقول عنك.. بتقول انك ضعيف شخصيه.. ثنيان إلى كان يسولف ويضحك ومايسكت ودايم هواش مع إخوانه وسعود.. وكل يوم يحارشنا داخل المطبخ ليش طبخنا ذاك وسوينا ذاك..
نزل ثنيان راسه بضيق..
وتنهدت الريم وكملت؛ ثنيان إلى مايترك فرض من صلاته الا يصليها ب المستجد.. والآن يا ثنيان وين صرت وكيف.. ثنيان قول وش بخاطرك.. انت متضايق من محمد.. محد يلومك إلى سواه أبدا ماهو قليل..
رفع رأسه لها وعيونه تعبر عن إلى فيه..
تنهدت الريم وهي تمسح على يدينه؛ ماودي تقعد كل يومك كذا ثنيان.. انت تقهريني وتحزني عليك.. لا تخيلي احترق عليك ثنيان.. أمي خلاص وجاها يومها وكلنا بنموت هذا سنه الحياه.. لمتى ياعمتي بتجلس كذا..
ساكت يسمع لها بدون اي كلمه ينطقها ويرد عليها.. سعود إلى كان قدام الباب وسمع كلام الريم من اول.. دخل عليهم بعد ما طال سكوته ونطق؛ اقول ثنيان..
ناظر له ثنيان ونطق سعود بقهر وهو تعب معه كثير طول الخمس الاشهر؛لا تصير نسونجي.. انت رجال والحزن مايجيك دامك رجال.. قم وبدل ثوبك واطلع.. لمتى قاعد هنا هاه.. الريم وراها زوج تهتم فيه ماهي فاضيه لك تواسيك كل يوم.. قم وروح شوف اخوانك وش يسون.. توظف.. عندك شهاده.. عندك رخصه محاماه.. قم توظف.. وش يمنعك الحين...
انقهر ثنيان من كلام سعود إلى جرحها نسبياً ونطق وهو قايم؛ سعود.. لا تحدني على الكلام..
صارخ سعود؛ لا تكلممم تكلممم.. طلععع إلى بقلبككك.. ياحماررر انت ناسييي انككك مريضضض.. لا تضيققق صدرككك بعددد ماجاككك الضيققق زيننن يااا ثنيان..
صرخ مهه ثنيان؛ لاتدخلللل انتتت..
سعود صرخ بأسمه ؛ ثنياننننن... ضرب سعود صدره بضيق ونطق ؛ أمي موصيتني عليك انت ونهيان... ثنيان أن باقي لي عندك معزه وغلاه.. لا تسوي كذا بنفسك.. قم وقف على حيلك وادعس كل واحد منهم ادعس إلى يقول انت مسوي ومسوي وانت بريء.. اضرب ولا تشوف الى قدامك.. وراك سعود ووراك سلطان وسياف.. قممم شف وينه اخوكك نهيان.. اخوك يا بكر ضارب اخوك.. لا تخليه يتعذب زيك.. كافي تعذيب لك لا تخل اخوك يتعذب زيك..
ضاق خاطره وكثير.. صح كلام سعود له.. ماكذب أبدا كل كلمه نطقها صحيحه.. ليه ساكت ل ابو صويلح.. ليه ماقام ودور اخوه.. ليه ليه..
تنهد ثنيان بضيق ونطق؛
خذني ياسعود على ضيقتي وداريني.. ياسعود إلى جاني كفاني..
لا تحسب جالس بين المجالس راضي.. انا يا سعود أناسي هواجيسي..
ابتسم سعود له ونطق بصوت مبحوح؛ والله ماخليك.. ماهو عمك سعود إلى يتركك..
ابتسم ثنيان له ونطق؛ انتظر شوي ابدل واجيك...
هز سعود راسه له وطلع من المجلس والريم معه.... ضربته الريم على ضهره ونطقت؛ والله والله ان ضغطت عليه دفنتك...
وسع سعود عيونه بصدمه منها؛ ابك أكبر منتس يا بنيه.. وبعدين من قال لتس اني غاصبه.. كلمتين وسمعها مني..
قلدته الريم و هي تقول؛ اخوك لا تخليه يتعذب زيك..يكفي تعذيب لك... نعم نعم ياسعود وش شايفه إله تعذيب.. ترا ماحبيت كلامك له..
تنهد سعود ونطق؛ ادري انه يحب إخوانه كلهم حتى نهيان ذا حبه وهو مايعرف أجل لو عرفه..
الريم؛ ادري انه يعيش ويموت لأجل سياف وسلطان والجدال.. بس حتى لو مايعجبني كلام له..
جلس سعود على الأرض ونطق؛ الكبير يا الريم يتحمل إخوانه ومصايبهم..
ضحكت الريم عليه ونطقت؛ ايه عشان كذا انت متحملهم كلهم..
سعود بضحكه؛ والله صادقه كل شي فوق راسي..
كل ذا تحتوي نظرات ليلى الي سمعته يصارخ ب المجلس وخافت منه وطريقه كلامه.. والحين قدامها يضحك ويذب..
...
الديره..
خالد فاتح محله وجنبه نهيان يسولف له.. دخل عليهم ثنيان وسعود.. وانصدم خالد من ثنيان إلى طلع من البيت أخيرا ونطق بفرحه؛ ياجلعهاااااا ترحببببب مليوننننن....
نقز خالد من فوق الرف وحضن ثنيان بقوه ضحك ثنيان على خالد ونطق؛ اركد مانيب بطاير...
نهيان؛ أرحب يا ثنيان أرحب..
ثنيان؛ الله يبقيك ويسلمك..
تكتف سعود ونطق؛ لا ماشاءالله نسيت انت وياه سعود..
ضحك خالد وحضن من جانبه الأيسر ونطق؛ افا سعديان من ينسيك انت..
سعود؛ سعديان بعينك يا مروح... فجأه سمعو صراخ من جوال خالد..
ثنيان بتكشيره؛ ووجع يا حمد..
حمد بصدمه؛ ثنياننننننن..
سعود؛ حمد انت ما تتغير...
هز حمد رأسه ب لا وهو كان داق على خالد كام ويسولف معه؛ لا ياسعديان الا حمدان ماتغير..
سعود؛ ابك عيال من قال لكم تنادوني كذا...
اشر حمد وخالد على نهيان ونطقو مع بعض؛ سليمان إلى قال..
وسع عيونه بصدمه منهم ونطق؛ والله كذابين..
سعود بوجع رأس؛ ماعلينا والتبن إلى يناديني كذا...
جلس الشباب يسولفون تحت نظرات أهل الديره لهم....
اذان العصر..
كان يمشي هو وسعود وضحكهم واصل الين آخر بيت ب الديره.. مر من جنبهم ابو صويلح ووقف يوم ناداه ثنيان.. ونطق؛ اقول ابو صويلح..
ناظر له أبو صويلح بنظرات غريبه ونطق سعود؛ نزل عيونك لا جاك يتكلم..
مارد ابو صويلح وأكمل ثنيان؛ تمشي وتنقل كذبتك إلى صار عليها سبع شهور.. انت ما تستحي على عمرك ذا تكذب..
ابو صويلح؛ وش الى قلته يا ولد ضارب.. ماكذبت بشيء ولا..
ابتسم ثنيان ونطق؛ لا أبد أجل سليمان وش عرفه يابو صويلح..
استغرب ابو صويلح من هو ذا سليمان ونطق؛ من هو ذا السليمان..
اشر ثنيان على نهيان إلى يمشي جنب خالد ويسولف ونطق؛ عانه وراك... لف ابو صويلح ل نهيان وانصدم انه هو الى كان واقف جنب بيت الجد سياف.. ونطق؛ ماهو ذا اخوك نهيان..
ناظر سعود وثنيان.. نهيان بصدمه سليمان ماغيره هو اخو ثنيان لا يكذب.. ونطق سعود بعصبيه؛ اقول مناور كذبك مايمشي علينا..
ضحك ابو صويلح وعرف انهم مايدرون؛ ماتدرون أجل.. ايه يصير خير.. اقول يا ثنيان.. تراه جا بيتك يسأل عنكم..
رص ثنيان على أسنانه ونطق؛ ادري انه جاء..
ابو صويلح؛ أجل ياولد ضارب ليه شادها كذا.. دامك تعرف انه اخوك هدى الأوضاع..
مشي ابو صويلح ولف ثنيان ل سعود ونطق؛ متأكد إلى يقوله صح..
سعود؛ لا تصدقه ذا كاذب... سمعته مره يقول الصدق انت..
هز ثنيان راسه ب لا ومشى هو وسعود ل البيت..
..