ثنيان مظلوم يا سياف

البارت الواحد والأربعون :

ونطق؛ غسل وجهك واشرب مويا تمام..
هز ضارب الصغير راسه ب ايه ونط من فوق السرير يدخل الحمام بعد أبوه...أما سعود إلى أخذ السجاد وبدأ يصلي جمع وقصر.. انتهى من صلاته وقام يصفط سجادته ويحطها فوق الكنبه.. ناظر ضارب الصغير إلى خلص من اول وجالس على الكنبه ونطق؛ جوعان..
ضارب الصغير؛ أي..
سعود؛ نقوم الحمير ونطلع نتغدي.. ثوبك داخل الشنطه خذه وبدل.. قام ضارب الصغير وفتح شنطته وناظر الثوب الأسود وأخذه وأخذ له ملابس داخليه.. وقفل الباب وبدأ يلبس.. سعود إلى ابتسم من كبر ولده وصار صاحب العمر الست سنوات.. مشى ل غرفه الشباب إلى جنبه ودخل وناظر نهيان إلى مقلوب رأس على عقل.. وهذال إلى مفسخ ثوبه وفنيلته..
صارخ بقوه؛ قومممم انتتت وياههه..
مارد عليه الشباب وصارخ مره ثانيه؛ ياولد.. هذال نهيان..
مشى عند هذال وسحبه من رجلينه وصفقه على ضهره.. ومشى عند نهيان وشد شعره.. قام هذال بوجع من الضربه وأخذ مخدته ورماها بوجهه ونطق؛ وجع يا مال الوجع..
سعود؛ قم يالله.. الصلاه الجوع الموضوع يا ولد..
حقول هذال بصوت مسموع ونطق؛ تمام تمام..
ولف ل نهيان إلى للحين نايم ونطق؛ ابو طبيع مايجوز عن طبعه.. وشد شعره مره ثانيه وبقوه..
صارخ نهيان بوجع من الضربه وقام بسرعه لأجل يضربه.. أما سعود إلى حط رجله وخرج من غرفتهم ودخل غرفته.. ناظر ل ولده إلى يدخل ملابسه الأوله داخل الشنطه ولف له وضحك.. تقدم سعود ونطق؛ خلصت..
هز راسه ب ايه وأكمل؛ أبدل ونمشي..
مشي سعود وأخذ من الدولاب ثوبه الأسود إلى علقه ولبسه وأخرج من شنطته السديريه البنيه والشال..
لبسهم ولبس الساعه وأخذ العطر وعطر نفسه وولده.. ناظر ضارب الصغير ونطق؛ وانا..
سعود؛ انت وش..
ضارب الصغير؛ وين شالي..
تقدم سعود ل شنطه ضارب الصغير وما لقى شاله.. ناظر السديريه البنيه إلى نفس حقه واخرجها ونطق؛ البس ذي.. الشال ماهو هنا.. نشتري لك تمام..
تقدم ضارب الصغير يلبس السديريه ويهز رأسه ب إيه..
ابتسم سعود ل ولده ومد يده له ومسكها ضارب الصغير ومشى يطلع من الغرفه.. طل برأسه ل غرفه الشباب وناظر ل هذال إلى يصلي ونهيان إلى طلع من الحمام ومنشفته على خصره ونطق؛ بطلع اخذ له شال وأرجع..
هز نهيان راسه ب ايه واشر بيده ب معنى روح.. ضحك سعود ومشى يطلع من الغرفه كلها..
خرج من الباب وخرج ضارب الصغير وراه وقفل الباب بعده.. توجه للمصعد وضغط الزر وانتظر دقائق حتى فتح الباب.. ودخل ودخل ضارب الصغير وراه..
..
سياره سعود..
بعد ما لف نص شوارع حائل.. وقف سيارته أمام المحل إلى مكتوب عليه.. الجون للمستلزمات الرجالية..
نزل من السياره ونزل ضارب معه.. تقدم يدخل المحل وناظر ل الموظف ونطق؛ السلام عليكم..
الموظف؛ وعليكم السلام ورحمة الله وبركاته.. تفضل وش تبي..
اشر سعود على ظارب الصغير ونطق؛ ودي له شال بني..
ناظر الموظف ل ضارب الصغير ونطق؛ ابشر..مشى الموظف ل قسم الشالات وأخذ شال بني صغير.. وقدمه ل سعود ونطق؛ يناسبه..
أخذه سعود من الموظف وعصبه على رأس ضارب الصغير وناظر ل شكله ونطق؛ اي مناسب.. كم سعره..
الموظف؛ ١٢٠.. شبكه ولا كاش..
سعود؛ شبكه..
..
حاسب سعود على الشال ومشى طالع من المحل ونطق؛ ها كيف..
ضارب الصغير :حلو..
سعود؛ الحمدلله.. مسك جواله ودق على نهيان ورد عليه نهيان؛ وينك..
نهيان؛ طالعين الحين..
سعود؛ وش عقبه انت وياه.. كان نمتم ابرك..
نهيان؛ وش أسوي للأخ ذا.. محسب انه رايح عزيمه..
ونطق هذال بضحك؛ جهز مطعم يا بو خلي..
سعود؛ اسكت تكفى..
سكر سعود من نهيان وركب سيارته يختار مطعم لهم..
..
الرياض..
قدام بيت ال فيصل ينتظر وصول مصعب ونمر من الطائف.. مكتف يدينه وتاكي بضهره على السياره.. ناظر السياره إلى وقفت قدامه ونطق منها صاحبها؛ سلام عليكم..
عدل منافي وضعيته ونطق؛ وعليكم السلام..
تركي؛ بغيت شيء ياخوي..
منافي؛ انت من ال فيصل..
تركي؛ وصلت خير..
منافي؛ أبد به علم صغير ودي اقوله لكم..
تركي؛ اقلط حياك...
منافي؛ الله يبقيك.. انتظر الشباب بس..
تركي؛ أجل الباب تدله.. ومشى بعدها... ضحك منافي ونطق بسخريه؛ حتى ورعهم مايدري بعلوم المراجيل.... ومسك جواله يطقطق به.. ناظر للباب إلى أنفتح من بيت ال فيصل ومن لمح بنت لابسه عبايه صد ب أنظاره..
ثريا إلى طلعت من البيت ناظرت منافي إلى معطيها ضهره.. شكت به ومشت الين وقفت خلف ضهره ونطقت؛ لو سمحت..
تنحنح منافي بتوتر ونطق؛ سمي ياختي..
ثريا؛ شفيك جالس هنا..
منافي؛ اريح بس.. ودتس بشيء..
ثريا؛ لا مابي..
ومشتاق تركب سيارتها وتحرك...
منافي بدلع؛ مابي..جعلتس ماتبين انا وش دخلني بتس..... رن جوال منافي وكان المتصل هذال ورد عليه بسرعه ويفضفض؛ تكفى تخيل معي بس إلى بحكيه.. ساعتين مسنتر قدام بيت ال فيصل ل حضره عيون المعرسين وللحين ما جو.. وجاء لي واحد من عيال الفيصل سياره بورش آخر موديل ياولد وأخلاقه وقسم بالله أقل شيء عنها أنها *********.. يقول لي الباب تدله جعلك لا تدل ابوب بيتك ولا بنتهم إلى مدري من أخذ منها الحياء وزرع بها القافه.. شافتني صاد جت تقول.. وبدأ يقلد صوت ثريا.. اخوي شفيك جالس هنا.. يعع ياولد غثوني لا إله إلا الله..
ضحك هذال بصوته ونطق؛ على الأقل احترم نهيان إلى عندي..
منافي بقهر : نهيان أن تسمعني الصراحه أشكرك على هروبك منهم والله..
ضحك نهيان ونطق؛ ماعليك يا منافي ماعليك والله انهم اخس من كذا..
منافي؛ ياهيب لا تسدك الا.. ابك انت صادق بالي تقوله..
نهيان؛ اي بالله..
..
الديره..
داخل سيارته وموقفه خالد إلى تاكي على الباب ونطق
حمد بحده؛ وينهي سيارتك..
خالد؛ تعطلت..
حمد؛ خالد تستهبل على انت..
خالد؛ ياخي تأخذني معك ولا تخليني هنا..
حمد؛ اي بخليك ملزوم بك انا..
أبعد خالد عن باب السياره ونطق؛ دربك خضر..
تمتم حمد ب الإستغفار؛ استغفرالله.. امش بس..
ضحك خالد وركض الجهه الثانيه ينطق؛ أندري والله قلبك ما يسمح لك..
حمد بضحك؛ ولد خالتي من لحمي ودمي..
..
بعد ما أكل الشباب.. موقفين جنب سياراتهم يتكلمون..
سعود؛ وش قول منافي..
نهيان؛ بذمتك تتكاسل تشوف جوالك..
اخذ سعود جواله ب استغراب ونطق؛ وش به..
هذال؛ منافي يرسل كل شيء على القروب..
سعود؛ أي قروب وأي خرابيط.. مابه شيء عندي..
مسك نهيان ضحكته ونطق؛ منافي ما دخلك..
التفت سعود له ونطق؛ لا..
أنفجر الاثنين ضحك على سعود ونطق سعود بحده؛ بلا سنون إن شاء الله.. ليه الضحك هاه..
مسك هذال جواله ودخل على قروبهم إلى ب ( الواتس أب) ودخل على دردشه المجموعه ومد جواله ل سعود.. أخذه سعود وناظر الرسائل إلى من أسر ومنافي ونمر..
كان منافي مصور لهم أنه قدام بيت ال فيصل.. وكاتب؛ انتظر السرابيت يجون وندخل..
وأما أسر إلى مصور نفسه والشباب وهم يراقبون أبو صويلح.. وكاتب؛ حن نراقبه وآل خليفه يراقبونا..
ونمر مصور نفسه ومصعب وهم مجبرين وكاتب؛ على الرياض..
ضحك سعود ونطق؛ نمر ومصعب أكيد متهاوشين..
نهيان بضحك؛ لا.. دق علي حارس الاسطبل يقول الجامح رافسهم..
هذال بصدمه؛ ول.. الجامح من يقرب له..
سعود؛ المهبل ذولا.. إيه الحين نروح ولا..
نهيان؛ أي يلا..
هذال؛ سعود بمشي قدامك وأنت وراي.. وضحك بعدها ينطق؛ وبدخلك القروب..
سعود بسخريه؛ واضح الأخ جاه خرف كبار السن..
نهيان؛ المفروض انت والله ماهو هو..
نطق هذال وهو يركب سيارته؛ شايف كيف..
سعود؛ أقول بس انت وياه.. عطيتكم وجه..
نهيان وهو يركب من الجهه الثانيه؛ تكفى لا عاد تعطي..
ضحك سعود ومشى يركب سيارته.. ربط حزام الأمان وناظر ل ضارب الصغير إلى نايم وحرك بعدها يمشى ورا سياره هذال..
...
نطق حمد بهدوء وهو يمشى خلف أبو صويلح؛ خالد..
همهم له خالد وأكمل حمد كلامه؛ ذي الأيام صاير غريب..
خالد ب استغراب؛ وش بي..
حمد؛ سرحان ومنت على بعضك.. بك شيء..
خالد؛ لا الحمد لله مابه شيء..
حمد؛ به شيء صاير ومكدرك كذا..
تنهد خالد ونطق؛ لا يا حمد مابه شيء أبد..
حمد؛ خالد متأكد يا خوك..
خالد؛ أي.. ونطق بعدها يناظر ابو صويلح إلى وقف فجأة؛ وقف وقف.. ناظر الاثنين البيت المهجور والبناء القديم..
وقف حمد بعدها ب أمتار قليلة من ابو صويلح.. ناظروه ينزل من سيارته ومشى.. ونزل الاثنين من السياره بعده بسرعه.. دخل ابو صويلح البيت ومشى ل الدور الثاني والثالث والشباب وراه يمشون .. دخل غرفه وراح عند أحد الجدار.. وشال طابه منه.. وأخرج من داخله كيس أبيض.. حطه داخل مخباه ورجع الطابه مكانها.. ناظر الشباب كل حركاته ونطق حمد بهمس؛ تهقي..
خالد؛ أي بالله انه مخدرات..
لف ابو صويلح بيمشي ودف خالد حمد بسرعه عنه... ومشى هو يتخبي ورا الجدار إلى كان موجود نصه ونص الثاني مكسور... مشى ابو صويلح ومر من جنب الجدار هذاك بدون لا يلمح خالد.. لأن الظلام يعم الغرفه ومستحيل يشوف أو يلمح شيء منه .. أما حمد إلى مادري وين يروح ناظر برميل كبير مرمى وسط الارضيه ودخل داخله.. گل خالد برأسه يتأكد أن أبو صويلح راح.. ناظر مابه أحد وطلع من ورا الجدار يمشي لمكان حمد.. ونطق بهمس؛ حمد ولد..
مارد عليه حمد ورفع صوته شوي؛ حمد اطلع يا ورع .. ما سمع صوت وبدأ قلبه يرقص من الخوف..
مسك جواله وشغل الفلاش يشوف داخل البرميل.. وناظر البرميل لكن مابه احد.. استغرب وين راح حمد هو شافه يدخل البرميل طاح قلبه وصابته ام الركب من الشخص إلى مسك اكتافه ولف راسه بخوف.. وناظر ل حمد إلى بيده شنطه صغيره ونطق؛ شف..
ونطق بحده؛ وين رحت..
صفقه حمد على راسه ونطق؛ جوالك يا دلخ طاح منك وانت تصور..
خالد بصدمه؛ أسألك بالله..
حمد؛ ماعليك أخذته قبل يشوفه ويشوفني..
خالد؛ أترك الحين منه.. وين تخبيت أنت..
أشر حمد على فتحه صغيره بوسط جدار لكن يقدر يدخل منها شخص ونطق؛ دخلت هناك ولقيت ذي..
رفع يده لوجه خالد لأجل يشوف الشنطه.. خالد؛ أجل نفتحها ب السياره..
هز حمد له ومشى هو وخالد يطلعون من البيت المهجور.. جاهلين إلى يترقبهم من أول.. أيوه هو نفسه إلى دخل البيت وأخذ الكيس الأبيض أبو صويلح ماغيره.. ضحك بسخريه عليهم ومشى يرجع للبيت المهجور طلع ل الدور الأول ودخل غرفه من الغرفات وكان بها دولاب صغير.. فتحه وأخذ الشنطه إلى بدلها ب الشنطه إلى مع حمد.. ونطق بضحك؛ توقعتك يا أولاد سابر وتميم أذكياء.. والله انكم مغير وغدان تحوم على..
..
بعد ما طلع من البيت المهجور.. وهو يدري انهم يراقبونه.. كلم شريكه أو الشخص إلى يقودهم انه يغير مكان الشنطه ذي ويبدلها بشنطه ثانيه.. حرك سيارته ل خلف البيت وبعدها نزل منها ينتظر خروج حمد وخالد..
..
ركب سيارته هو وخالد وأرسل خالد المقطع الفديو إلى صوره ل القروب نفسه ومقطع الفديو إلى مصوره حمد بجوال خالد .. .. وفتح خالد مقطع حمد إلى صوره بجواله.. وكان أبو صويلح وحمد مصوره وهو يطلع من باب الغرفه ويمر من جنب خالد وينزل.. بعد ما نزل ابو صويلح لف حمد الجوال ل المكان الصغير إلى هو به ونطق بهمس؛ مناور الحين طلع من الغرفه ذيك ومعه كيس ابيض مدري وش به لكن أشك انه مخدرات.. ولمح شنطه بنيه صغيره واخذها يصورها ويكمل تصوير؛ ذي لقيتها هنا باخذها معي واشوف وش بها.. وسكت من سمع صوت خالد يناديه وأكمل؛ الدلخ ذا شوي ويموت علي.. مضيع أمه وانا مدري.. وقفل التصوير بعدها..
أما مقطع الفديو الخاص ب خالد.. صوره وهو ب السياره يتلطم ويقلب الكاميرا الاماميه إلى الخلفيه.. ونزل من السياره مع حمد ونطق؛ نحو مناور والحافظ والساتر الله..
صور حمد وهو يمشى قدامه وابو صويلح قدامهم ب أمتار قليله.. وبعدها وهم يطلعون الدرج والدور الأول والثاني.. ووقف عند الدور الثالث ودخل غرفه وهم وقفو يناظرون من الباب ويكمل تصوير.. الين دف حمد وطاح جواله منه بدون قصد..
نطق خالد؛ دليل يا المحامي..
حمد؛ أن شاء الله..
استلم حمد وخالد إشعار من (الواتس اب) وكان نفسه القروب ومقطع فديو مصوره أسر..
فتح خالد المقطع يسمع ضحكات ابو صويلح الساخره.. وناظروه الاثنين يدخل البيت مره ثانيه وأسر وراه بهدوء يمشي.. طلع الدور الأول ودخل الغرفه وأخذ الشنطه وأسر يصوره ويصور كلامه.. بعدها قفل أسر التصوير..
وسع خالد عيونه ونطق؛ ذا فخ منه.. أيا ********* ما عاش من يضحك على ابوي..
ضحك حمد ونطق؛ اهدي يا ولد.. يحسب اننا وغدان على قوله.. مايدري ان معه المحامي حمد بن تميم ال راشد.. إلى ربح كل قضايا يستلمهم.. حطيت جهاز تتبع ب سيارته.. وكلمت أسر يجي ورانا لأجل لو حس علينا يكون حن سبقناه بخطوه ماهو هو..
صفق خالد ب إعجاب ونطق؛ كفو كفو ولد تميم كفو..
حمد؛ كفوك الطيب..
..
الرياض..
وقف مصعب سيارته خلف سياره منافي ونزل الاثنين منها يمشون له.. ضحك مصعب من قلبه ونطق؛ واضح طفش من الانتظار..
نمر؛ تكفى ناظر رجوله وين..
منافي.. إلى طفش من الانتظار فعلآ.. تارك شماغه على وجهه ومرجع المرتبه ومنزلها وحاط رجوله الثنتين فوق الدركسون.. لكن من طولها وصلت ل الزجاج.. طق مصعب الزجاج عليه لكن ما قام منافي.. وطق ثلاث مرات ومابه قوم منه.. ونطق نمر؛ تتوقع يا ولد يقوم..
مصعب لا والله..
مشي يركب سيارته ويوقفها بجانب سياره منافي.. سياره منافي تكون على اليمين وسياره مصعب على اليسار.. وضرب البوري له..
قام منافي بخرعه من صوت البوري.. ومحد يلومه سياره مصعب صوت البوري حقها قوي..
وضحك نمر عليه وياشر له من الجهه الاماميه لأجل ينزل..
ريوس مصعب ب سيارته.. ويوقف خلف سياره منافي.. نزل منافي من سيارته يعدل شماغه ونطق؛ عسى الذبيحه زينه..
مصعب؛ لا تشره لا اصفقك.. شايف الوضع كيف بالله..
مشى منافي يرفع يدينه ل السماء ونطق؛ جعل لكم دبل يارب..
نمر؛ ولك ب المثل يارب... ألتفت له منافي وضحك وطق باب بيت ال فيصل.. وفتح له العامل ونطق منافي؛ عبدالله موجود..
هز العامل راسه له ب ايه ومشى ومشى خلفه الشباب..
ناظر منافي ال فيصل إلى جالسين.. الجد عبدالله وعياله ابو سعد صبري وابو تركي عماد و وابو هيف صالح..وعيالهم سعد ونايف وهيف و الوليد..
رفع يده ورفع الشباب يدهم معه ينطقون بصوت واحد؛ سلام عليكم يا رجال..
رد عليهم ال فيصل ونطق الجد عبدالله؛ حياكم الله بين أرض وبيت ال فيصل اقلطو..
الشباب؛ الله يكثر خيرك..
ابو سعد؛ قم يا نايف قهوي ضيوفنا..
نايف؛ ابشر يبه.. قام نايف وصب القهوه لهم وشربها الشباب..
الجد عبدالله ب استغراب؛ ما قلتم من انتم..
ضحك نمر ؛ معاك أقارب ال مطلق..
عصب الجد عبدالله من طاريهم لكنه نطق ؛ يا مرحبا بكم..
منافي؛ الله يبقيك .. معاك منافي بن فياض ال مطلق..
نمر؛ نمر بن مهاب ال نياب ..
مصعب؛ مصعب بن جاسم آل رعد ..
ال فيصل؛ والنعم بكم..
صالح؛ الا انت يا نمر عمك عبدالعزيز آل نياب.. وولد عمك برق..
هز نمر راسه ب ايه ونطق؛ أي هو..
عماد؛ أجل وش جاب ولد الضاهريه عند ديار الضباب علمي أن ابوك عسيري ..
نمر : رفاقي واحبابي هناك الله يسلمك..
نطق الوليد بهمس ل أخوه هيف وسمعه سعد ونايف؛ شعندهم مكسرين كذا..
سعد؛ واضح صادمين..
هيف؛ احس وراهم مشكله..
تنحنح منافي ونطق ؛ بخصتر الكلام علينا وعليكم يا أهل فيصل..
الجد عبدالله؛ قول..
منافي؛ أهل خليفه وش صلتكم بهم..
توتر الجد عبدالله من سيره أهل خليفه ونطق؛ معارف لنا يا ولد فياض..
وأكمل منافي؛ أندري أن لكم معارف بهم.. لكن ودنا ندري ب العلاقه وش هي يا جد عبدالله..
سكت الجد عبدالله ونطق صالح؛ أنساب..
وتكلم مصعب إلى يسجل الكلام من اول؛ ومن هو المناسب لكم.. انتم ولا هم..
عماد؛ تحقيق يا اولاد الضبابيه..
ضحك نمر ولف برأسه ل منافي وثم نطق؛ أبد الله يطول بعمرك تدري إن ولد اختك ميت..
استغرب كل من ب المجلس ونطق الجد عبدالله ب استغراب؛ من تقصد يا ولد..
نمر وإلى قلب ملامحه من ملامح ضحك إلى جديه؛ أقصد ثنيان بن ضارب.. ولد بنتكم المصونه هاجر..
وأكمل منافي؛ وإلى مقتول من آل خليفه..
وأكمل مصعب معهم؛ مثل مقتل أبوه..
انصفق ال فيصل من الكلام إلى يقولونه.. ثنيان ميت.. وميت قتل.. ووش دراهم أن آل خليفه قاتلين..
نطق صبري؛ وحن وش علمنا بهم..
منافي؛ علمك يا بو سليمان...  ناظره سعد وصبري بحده وعصبيه.. هو تعمد  يذكر سليمان وسط كلامهم لأنه يدري انهم يكرهونه ؛ أنكم من أنساب آل خليفه حلو.. حلو.. وآل خليفه عليهم قضيه الشروع ب القتل ومناور مرفوع عليه قضايا كثيره من طرفنا .. وانتم تعتبرون شركاء لهم..
نطق الجد عبدالله بحده موجهه كلامه ل منافي؛ اقطع الحس والكلام إلى تقوله.. أحترم أهل البيت إلى انت جالس عندهم يا ولد فياض..
وأكمل معه ولده عماد؛ ما حن ب قاتلين ولا شركاء..
نمر بهدوء؛ لكن إلى يقوله مناور غير عن كلامكم.. وتعمد هو الثاني يذكر اسم مناور عندهم..
الجد عبدالله بتوتر وحذر؛ وش قوله..
رفع نمر كتفه السليم ونطق؛ مير أنه يقول شهاب بن عبدالرحمن ال خليفه.. زوج  بنتكم ميلان بنت عبدالله.. محرضته لأجل يقتل ضارب زوج أختها بدافع.. سكت لأجل يكمل مصعب عنه ونطق مصعب؛ الغيره والحقد.. لكن شاء وقدر الله أن يموت أخوه شهيب أخوه المسكين..
وأكمل منافي؛ وعمي ضارب متزوج بنتكم ال***********.. هاجر بنت عبدالله زواج مسيار.. والسبب لأجل الستر عنها من الى انفعل بها وسود وجهك..
ضاقت الدنيا بوجهه.. يذكرون بناته ب أبشع صفاتهم..وتذكر يوم كان ضارب موظف بشركته كان خلوق وطيب وصبور وأمين وأفعاله أفعال رجال ..طلبه يستر على بنته إلى أغتصبها مناور.. ووافق ضارب يتزوجها لاجل يستر عليها بشرط يكون زواج مسيار..
نطق بحزن وضيق مبين عليه؛ زوجتها ضارب لأجل الستر يا اولاد مطلق.. وصرخ صبري على ابوه؛ يبه اسكت لا تقول..
وصرخ معه عماد؛ يبه اختي وش بتقول لها..
وقف صالح وصارخ على إخوانه؛ اسكت انت وياه.. خلهم يدرون ب إلى سواه مناور بنا كلنا..
ولف راسه لهم ونطق يكمل كلام ابوه؛ مناور مغتصب اختي.. ولا أحترم ربه ولا احترمنا ورغم ذا جاء وطلب منا الزواج منها..
ونطق الجد عبدالله؛ لو أنه طلبني ازوجها له زوجتها.. لكنه أغتصبها يا ولد فياض..
وأكمل صالح؛ والحين جاي عندكم يقول لنا صله ب آل خليفه ال************ ذولا... والله والله مالنا بهم علاقه غير انهم متزوجين اختي.. وطلقها ولدهم بعد الزواج ب اربع شهور.. ولا عاد شفنا لهم وجه ولا شيء.. ومناور ذا مكذب عليكم كلكم..
نطق مصعب وهو يقوم من مجلسه؛ دامه مغتصب بنتكم وانتم ثلاث رجال وينهي رجولتك انت وياه..
وقف سعد ونطق بحده؛ احترم نفسك..
ووقف نمر ومنافي ونطق منافي؛ محترمين نفسنا.. هد حالك يا سعد ما جاك الدور انت..
سعد بصراخ؛ تخسي وتعقب يا الخكري..
صارخ منافي معه؛ ماغيرك انت خكري ورخمه.. سليمان أن كان نسيته والله لا اطلع حقه من عيونكم كلكم..
عماد؛ اطلعو من البيت.. الله لا يحي وجيه الناس إلى مثلكم..
نمر؛ لا تحسب بنمشي ونسكت عن حق عمي ضارب وعياله..
منافي؛ والله والله لا نسحبكم بين المحاكم والسجون..
ونطق مصعب؛ تذكرو مصعب بن جاسم ونمر بن مهاب ومنافي بن فياض أن ما حطيناكم بين أربع جدار ما نكون اخوان ثنيان..
ومشى بعدها الشباب طالعين من بيت ال مطلق.. وقفل مصعب التسجيل ورسله ل القروب..
..