ثنيان مظلوم يا سياف

البارت العاشر؛

ضاق صدري من الدنيا واكتفيت...
اعذروني ماعد اثق في احد....
مآني أكثر شخص في الدنيا وفيت...
لكني أكثر من تجامل وانخذل....
....................
بعد ما عرف الكل ب سالفه سعود...
الجده أمنه حاضنه سعود وتبكي عليه؛ اهه ياوجع قلبي عليك ياسعود... .
الجد سياف؛ الولد بخير قدامك يأمره استهدي بالله...
الجده أمنه؛ جرحي مابرى عقب ضارب يوجعوني ب سعود حسبى الله ونعم الوكيل بس...
ساكت بحضن أمه ويناضر فيهم ثم حَول نضره لي ثنيان.... ماهو معهم يهوجس بهواجيسه وذا المعروف عن ثنيان تجيه حاله ويهوجس ومايكون صوب احد....
الثنائي المرح( هزاع _سلطان) صادين وجههم عن عمهم واكتافهم تهتز دليل على ضحكهم المكتوم شافهم ابو ثنيان وبصراخ؛ اعقبببب تتبوسم انت وهو وعمك طريح فراش..؟
ناضر الكل لهم بستغراب.. إلا سعود صاد عنهم وكاتم ضحكته معهم....
سلطان؛ وشفيك يبه ماضحكنا عليه...
هزاع بموافقة؛ اي اي ياعم..
ابو ثنيان ؛ والله ان شفتكم تضحكون اني اضرب ذا العكاز على راسكم.... تنهد ابو صقر جسار وهز راسه بحزن؛ خلهم خلهم الشره ماهي عليهم الشرهه على المترقد هنا.... لف ابو ثنيان راسه بعد كلام اخوه وشاف سعود صاد ويضحك.... توسعت عيونه منه؛ ابك صدز الشرهه ماهي عليكم...
رن جوال سياف وشاف المتصل اخته الجدال؛ يبه الجدال من اول تدق على...
ابو ثنيان؛ رد عليها أجل...
رد سياف عليها وأعطى الجوال ابوه... بصراخ الجدال؛ وصمخخخ ياسيفووو ادقق عليتس من ساعه...
ابعد ابو ثنيان الجوال من أذنه و بحده؛ اقصري صوتس يابنت..
ضحكت بورطه؛ يبه ماعليك من صوتى وينه سعودي...
مد ابو ثنيان الجوال ل سعود عشان يكلمها.. أخذه سعود ونطق؛ جدالي...
الجدال؛ سعودي..الحمد لله على السلامه..
سعود؛ يسلمتس الله..
أخذت ريم الجوال من الجدال ونطقت ببكي؛ سع.. سعود انت بخير....
صارخت سوير جنبهم؛ سعودددد انتتتت عايششش...
رفع يدينه ونطق؛ يارب انك تنزل العقل عليها يارب.. شبلاتس انتي تصارخين هاه خليتس مثل ريم...
سوير بدموع؛ لا لا حصان دامه يهاوش...
ريم؛ ابكك اذكري ربتس..
ضحك سعود على كلامهم وانتهى بعد توصيات خواته ينتبه على نفسه.....
تكلم جسار ومرر نضره بين العيال؛ محد بيجلس عند سعود اليوم انا بجلس معه..
سياف؛ ليه ياعم..؟
جسار؛ والله اني داري فيكم بتهربونه مثل ماهربتو هزاع وثنيان...
ضحك ثنيان ونطق؛ لا ماعليك سعود مين يقدر يهربه...
جسار؛ انا قلت كلامي وخلاص..
الجد سياف؛ اسمع الكلام انت وياه ويلا قدامي الناس راحت وانتم جالسين....
راح الكل بعد كلام الجد سياف وبقى بس العم جسار.....
ضرب جسار كتف سعود بخفه؛ علامك انت...
تنهد سعود بضيق؛ وش فيني.. .
جسار؛ وجهك ضايق....
سعود؛ تدري وش الي مضايقني..؟
قطب حواجبه ونطق؛ الجواب ياسعود....
سعود؛ ضارب ياجسار...
جسار بحده؛  لا تجيب طاريه على لسانك....
صرخ سعود؛ ليههه كل ماجيت احاكي فيه تقول اسكتت ياسعود.. وش الي تخفونه عني....
صرخ جسار معه؛ لا تتكلم فيه وانت ماتعرف شي عنه....
سعود بغبنه؛ ودي اعرف طيب....
جسار؛ ماهو من حقك تعرف....
صد بوجهه عن اخوه كاره أفعاله.. اسأله برأسه يبي لها جواب بس محد راضي يجاوب عليها...
وش سبب موته...؟
ليه سمعته بين الناس طايحه..؟
ليه كل ما اجيب طواريه يعصبون..؟
ليه يكرهونه...؟
اخ ياربي والله عجزت معهم.....
................
..............
الرياض...القسم.....
يشوف ملف القضايا إلى تسببها المجرمين وصار مسؤول عنها..... لفت انتباهه احد اسماء المجرمين...
قطب حواجبه بستغراب من الأسم... وأخذ جواله دق على خويه............
............
جالس ورا البيت بعد ما اخذ جلد وهواش من جده سياف وعمه محمد.... اهتز جواله دليل وصول اتصال له أخذه من مخباه ورد على المتصل؛ ارحب يانايف...
نايف؛ البقى...
هزاع؛ وين يارجال طسيت ومحد درى عنك...
ضحك بخفه ورد عليه؛ تعرف أشغال وكذا....
هزاع؛ اي ضابط نعذرك.....
نايف؛ الا بسألك عندك اخ اسمه صقر..؟
قطب حواجبه بستغراب؛ ايه اخوي الكبير ليه..؟
ضحك بورطه؛ اها لا بس أسألك... هو عندكم صح...؟
هزاع؛ لا والله  تبغاه في شي...؟
نايف؛ لا لا....... سولفو شوي وسكر نايف اتصاله من هزاع.......
نايف بستغراب؛ غريبه ال مطلق كل الرجال يشهدون على أفعالهم الطيبه... ناضر الاسم... صقر بن جسار ال مطلق... وكمل كلامه؛ لا يارجال يمكن مو هو مشبه شكلي.... قفل الملف إلى استلمه وزفر بتعب وناضر ساعه يدة وكانت تشير الا العاشره والنصف مساءً ...
...........
عند هزاع.....
مسح وجهه بتوتر ونطق؛ الله يستر وش مهبب بعد...
نادا عليه سياف ؛ ياولد...
رفع رأسه له وضحك؛ علامك...
سياف إلى كان فوق الجدار جالس وبيده فراش ولحاف هزاع...رمى عليه الفراش  ونطق؛ خذ لا تموت علينا برد....
مسكه هزاع وضحك؛ ماتقصر يابو متعب.....
سلطان شاف اخوه جالس في امان الله وماهو منتبه له ودفه من فوق الجدار....
طاح سياف فوق هزاع  بعد دفه سلطان له ومسك ضهره بألم؛ الله ياخذ عدوك ياتبن.....
رفع  سلطان نفسه فوق الطوبه وبين شوي من راسه عشان لا يمسكه سياف ونطق بضحك؛ يا انها كانت قويه....
هزاع بألم من طيحه سياف عليه ورمى نعاله على سلطان؛ ياوسخ رأسي....
شهق سلطان؛ شدخلني ابو كرش إلى طاح فوق راسك....
شهق سياف معه ورماه في نعاله؛ كل العضلات ذي كرشه.....
هزاع بطفش منهم؛ إسكتو بالله يكفى عمي محمد تيجي انت وياه....
سلطان بضحك؛ القمم ياسياف نام معه برا وانا بنام في الغرفة .......
استوعب سياف انه برا البيت الباب مقفل والمفتاح مع ابوه؛ ياحمار والله ما امشيها لك.....
ضحك سلطان عليه ومشى رايح غرفه سعود ينام.....
ناضر سياف وهزاع بعضهم ونطق سياف؛ اجلس بس .....
جلس سياف وهزاع معه ونطق هزاع؛ دق علي نايف يسأل عن صقر...
ناضره سياف؛ وش مسوي ذا...
تسدح هزاع وحط راسه على فخذ سياف ويده فوق عيونه؛ مادري تعبت معه.....
...
غرفه سعود  ...
.. يتقلب مب جايه النوم ناضر سلطان إلى كان نايم على بطنه ونطق؛ كيس نوم صدز......
اخذ فراشه ومخدته وراح عند العيال رمى الفراش عليهم ونط من فوق الجدار وطاح على هزاع المسكين......
فز هزاع من الشخص الي توطي في بطنه وناضره بصدمه وسياف مب أقل منه صدمه....
ثنيان إلى كان متلطم بشماغه وجالس فوق بطن هزاع؛ كنت نايم...
هزاع بألم؛ قم... قم... بطني ياكلب...
سياف؛ ثنيان قم عنه...
قام ثنيان من فوق هزاع وجلس وانسدح جنبهم... هزاع للحين مصدوم منه وماسك بطنه بألم؛ يعني عمي وجلدني وسياف وطاح فوقي والحين ذا التريله....
ضحك سياف على حظ هزاع ونطق؛ من زود الحب...
هزاع بألم؛ امحق حب والله......
.............
نرجع عند نايف......
دخل البيت بعد ما وقف سيارته واستغرب من وجود سياره ابوه في الحوش....
ناضر الأشخاص الجالسين في الصاله ونطق؛ السلام عليكم....
رد عليه الكل السلام ونطقت ام سعد؛ تعال يانايف تعال.....
راح نايف وجلس جنب أمه  ونطق؛ طولتم المره ذي....
ابو سعد؛ كلها خمس شهور يبه وين طولت...؟
ناضر نايف سعد ثم ناضر ابوه؛ متى راجع..؟
ابو سعد؛ اسبوعين وراجع ....
تكلمت ام سعد؛ كيف الدوام معك .....
تنهد نايف؛ الحمدلله...؟ ..
ضحك سعد بسخريه؛ سمعت يبه ولا ماسمعت...
ابو سعد بستغراب؛ وش سمعت عنه..؟
سعد؛ سليمان صار طيار يبه....
ابو سعد ؛ صدق الكلام ذا يا سليمان.....
ام سعد بحقد؛ ليه طيار اشتغل مع ابوك احسن...
سليمان؛ اي يبه... ناضر ام سعد ونطق؛ دخلت تخصص طيران وابوي موافق ليه تدخلين..؟
عصب ابو سعد  ونطق بصراخ؛ احترم نفسك ياكلبب...
نايف بهدوء؛ وش قال هاه..؟
وسعت ام سعد عيونها ونطقت؛ نايف انت معه...؟
هز نايف راسه بموافقه على كلام أمه؛ اي معه....
الجود ماقدرت تتحمل أكثر وتكلمت؛ كلنا ندري انه اخونا من الاب....
ثريا كملت معها؛ وأمي ماهي امه...
ناضرهم نايف بصدمه وكيف قدرو يتكلمون قدام سليمان.....
سعد؛ توكم تدرون انتي وهي...
سليمان ساكت وقلبه يحترق من كلامهم له... ماقدر يتحمل أكثر وقف طالع من البيت....
صرخ نايف فيهم؛ حتىى لووو مو امكم إلى جابته هوو اخوكمم من ابوكمم... وناضر ابوه بحرقه؛ حرام الي تسويه يبه فيه والله حراممممم... مشى ورا سليمان يبي يلحقه...
ضربت أم سعد فخذها ونطقت؛ وش سوا فيه وش سوا...
.....................
....................
كان يمشى وراه بسيارته الين وقف بمكان مافيه احد... شافه ينزل من سيارته وصرخ بي أعلى صوت له..طاح بعد صراخه يضرب صدره بقهر وبكى..... طفى سيارته وركض ل اخوه ومسكه يحاول يهديه...
نايف؛ سليمان تكفى ياخوك لاتسوي كذا....
سليمان لازال يضرب صدره وصرخ؛ ليههه يااا نايفففف ليههه وششش سويتتتت مالييي ذنبببب والله مالييي ذنبببب.......
نايف؛ هدي ياخوك هدي...
سليمان؛ انتتتتت مو اخوي مرادك تتغير عني مثلهمم....
نايف ضم سليمان ؛ والله ما اتغير والله لاتقول كذا ياسليمان لاتقول ياخوك.....
سليمان بغبنه؛ تمنيت اسمعها من سعد تمنيته يقول تعال ياخوك....
شد نايف على سليمان يبي يخبيه بين ضلوعه بنضره سليمان صغير على أنه يتحمل كل ذا الأشياء......
.....................
الفجر بيت الجد......
دخل ابو ثنيان غرفه سعود يشوف العيال قامو ل الصلاه أو لا....... ابتسم بفرح يوم شاف الغرفه فاضيه ومافيها احد ونطق؛ الحمدلله يارب.....
طلع من الغرفه على صوت ابوه يناديه  عشان يلحقون الصفوف الاوله في المسجد......
الجد سياف؛ أسرع يامحمد....
ابو ثنيان؛ جيت يبه جيب
توجهو طالعين من البيت للمسجد.... انتهى الكل من الصلاه وبقى شيبان ألديره منهم إلى بيدينه القرآن ومنه الى يستغفر ومنهم إلى جالسين مع بعض يهرجون......
رجع الجد سياف وابو ثنيان البيت.... توسعت عيونهم من منضر العيال.....
سياف منسدح على فراشه وهزاع نايم فوق فخذه ثنيان نايم على التراب ورجلين هزاع فوق بطنه ( تخيلو الشكل بس)..........
جنون العالم كله فراس ابو ثنيان اخذ عكاز ابوه بعد ما جلسه فوق الطوبه.... ضرب سياف على كتفه بقوه وهزاع على بطنه وثنيان على رجله.... فزو الثلاثه بخوف وألم من الضرب ما امدهم يستوعبون شيء وابو ثنيان معطيهم ضربات ثانيه وبصراخ؛ عفاريت تنفربك انت وياه قم قامت قيامتك نايم ورا البيت وش بيقولو الناس عنا هاه.....؟
ثنيان ماسك راسه بألم؛ قمنا قمنا...
دخل الجد سياف وابو ثنيان والعيال وراهم بالعفش حقهم.......
صلى العيال صلاة الفجر ودخلو الغرفه بينامون... درعم عليهم ابو ثنيان وبيده الخيزرانه ونطق؛ قم انت وياه من قال لكم تنخمدون هاه....
هزاع؛ ياعم جلد وجلدتنا وطرده وطرتنا وش بغيت أكثر....
ضربه ابو ثنيان على قفاه؛ وصمخ يصمخك ياهويزع خمم فمك ابرك لك.....
سياف؛ يبه وش بغيت...؟
ابو ثنيان؛ كل واحد يطس يشوف رزق ربه اليوم.....
ثنيان بقهر؛ يبه تو الناس وين نطس....
سياف راسه صدع من ابوه؛ خلاص يبه ارحمنا نبي ننخمد....
هزاع طفش من عمه وركض بيطلع من الغرفه... ضربه ابو ثنيان على راسه وبصراخ؛ وينننن ذالففف هاه....؟
جت أَم ثنيان على صراخ زوجها ونطقت بستغراب؛ وش فيك يامحمد....
ناضرها هزاع ونطق بسرعه؛ عميمه زوجتس يضربنا....
شهقت ام ثنيان ودفت زوجها عشان تدخل الغرفه؛ وخر يامحمد وخر.....
دخلت الغرفه ومسكت هزاع من يده وحطته ورا ضهرها وكملت كلامها؛ صبح خير يامحمد وراك تضرب فيهم.....
ابو ثنيان بتهديد؛ وخري يأمره كلامي معهم.....
ام ثنيان؛ تخسي تقرب منهم.....
توسعت عيون ابو ثنيان؛ انا يا لمياء تخسيني....
ام ثنيان؛ ايه..
ابو ثنيان؛ ما انخلق للحين إلى يخسيني....
مسكت ام ثنيان يد هزاع ماشيه جهه ابو ثنيان ودفته شوي... كان بعيد شوي عن الباب من دفت زوجته له...
ركض سياف وثنيان أول م امهم مشت ل ابوهم..... وطلعو وهزاع وراهم......
توسعت عيونه ونطق؛ والله ما امشيها لك يالمياء.....
(طبعاً قايله لكم في البارت الثاني كيف شكل بيت الجد وان ثلاث أدوار فوق بعضها بس غرفه سعود ماكانت من ضمن الغرف لأن غرفته في الحوش........)
...............
بعد ما طلعو من بيت الجد ركضو ل بيت عمهم جسار.......
فتح هزاع باب البيت وتوجه هو والعيال للمجلس....
ثنيان؛ تعبت خلاص....
هزاع؛ يوه الضربات أكثرها في بطني.....
سياف؛ يعيال وين سليط....
ثنيان انسدح وغطى عيونه بيدينه؛ تلقيه نايم...
سياف هز راسه بمواقفه؛ صادز.....
مهتمو ل سلطان يعرفون انه مايقوم من مكانه حتى لو صار انفجار.......
...............................
اسفه لأن البارت قصير حاولت اكتب كثير بس ذا الى قدرت عليه.....
اتركو تعليق حلو ونجمه......
stq555k روايه كنت لك طول العمر روحو لها....
ودعتكم الله حبايبي ❣️❣️