ثنيان مظلوم يا سياف

البارت السادس؛

وانا كيف بنسى واحد كان خلي.....
انا صديت مغبون من اقرب الحبايب....
ياكيف اعذره وهو مصدق الزله...
.........
انتقل ثنيان لغرفه عاديه وصار وقت الزيارة.......
ام ثنيان ببكي؛ امي ياثنيان تتوجع مره..؟ ثنيان فوق السرير شبه جالس صدره مكشوف الاجهزه عليه كتفه الأيسر ملفوف بشاش وبطنه برضو... ونطق؛ سلامتس يمه بسيطه
ابو ثنيان؛ آخر الأوجاع يا ثنيان.. يلا يا حرمه مشينا... حزت بخاطر ثنيان الكلمه ذي وكون ابوه إلى نطقها؛ وين يبه تو جيتو... ابو ثنيان متوجهه لي الباب لف نضره نحو ثنيان؛ هاك حصان مافيك شي ليه نجلس.؟ اردفت ام ثنيان؛ ماعليك يمه تتعافى وترجع البيت... قامت ام ثنيان وتوجهت ورا زوجها بحرقه على ولدها...... ناضر ثنيان سعود وسياف وسلطان إلى ساكتين من اول وقال بس استغراب وطقطقه؛ سكنهم في مساكنهم يارب... علامكم انتم اهرجو شوي الناس تقول الحمد لله على السلامة وانتم خامين براطمكم ليه..؟ تقدم له سعود وضربه على راسه وبقهر؛ توك متصاوب وتطقطق ليه قدر خوفنا عنك ياخي وين احساسك..؟ رد ثنيان بضحك وألم من بطنه؛ اصبر لا تضحكني بطني توجعني اه.... ياخي لاتصيرو كذا نفسيات ماعرفكم انا... انطلق سياف ونط فوق سرير ثنيان وحضنه ناسي أصابه بطنه؛ ورعععع خفتتتت افقدككك.. صرخ ثنيان بي الم من نطت اخوه... انخرع سياف من صراخه وابتعد عنه وكمل؛ اسف اسف نسيتتت والله يوجعكك... ابتسم ثنيان وقال؛ لالا ماعليك حول نضره لي سلطان واستغرب أكثر يوم شافه صاد وجهه؛ ورع شفيك صاد..؟ لف سلطان له وعيونه محمره من البكي ونط فوق سياف وثنيان؛ انت حمار وربي حمار... طارت عيون سعود يوم شاف سلطان نط فوقهم. صرخ ثنيان مره ثانيه من الثقل إلى جاه سياف وسلطان فوق حضنه اكيد رح يتوجع... وبصراخ؛ وجعععععع وخروووو عنييييييي... سحب سعود سياف وسلطان وسطرهم بي نعاله وبعصبيه؛ ماتشوفونه عايش ارحمونه ياقوم ارحمو.... بذي للحظات دخل المشرف وقال؛ السموحه انتهى وقت الزياره.. ومشى.... ناضرو الشباب في بعضهم ونطق سياف؛ انا بجلس عنده ... تكلم سعود؛ والله ثم والله انا الي اجلس.... سياف. بي إصرار؛ حلفت قبلك... سعود بتكذيب؛ ياوك تكذب على انت..؟  سلطان قبل يتكلم سياف؛ لا انت ولا هو انا اعرف وش نسوي..
ناضره الكل بي استغرب وثم قال بذكاء.؛ سياف انت روح ورا الباب..  أشر على سعود وقال؛ وانت تبطح تحت السرير لأنك سنفور يجي قدك..  انفجر سياف وثنيان ضحك مسك ثنيان بطنه بوجع من ضحكه؛ يقلع راسك ذا ليه الا هو يتبطح حاقد عليه والله.... سياف؛ اخخخ ياخي فكره والله؛... سعود بزعل؛ افا تهينني قدامهم وين احترام العم بس وينه..؟  سلطان ضحك بسخريه؛ وش عم حبيبي انت عم قدام الناس هنا مافيش.!

.............
بعد تكفيخ سياف لي سلطان وجلس سياف مرافق لي ثنيان اما سعود مثل ماذكر سلطان يتبطح تحت السرير وفعلا تبطح... أما سلطان كان ورا الباب متخبي بحكم ان بنيته شوي صغيره على سياف وثنيان.... دخل المشرف وشاف بس سياف ونطق؛ العفو اخوي انت مرافقه.. ابتسم سياف بغباء؛ ايه انا.... هز المشرف راسه بتفهم وخرج من الغرفه.... طلع سلطان من ورا الباب وانفجر ضحك على حالهم فز سياف يغطي فم اخوه لا يفضحهم؛ ورع اسكت لا نلقم اسكت
غطا سلطان فمه بيده يحاول يكتم ضحكه نط سياف فوق السرير ينسدح جنب ثنيان
ضحك ثنيان ونطق؛ سيافوه ياحياتي انت ودك حنان.؟
سياف؛ ابد دامه منتس عاتي
سلطان بقرف؛ ابلش لاعاد تدلع وبعدين وين رجولتك وينها.؟
سياف طالعه بنص عين؛ آخر واحد يتكلم عن الدلع فاهم..؟
ركز فيهم ثنيان وشاف ان شخص فيهم مب موجود وبي استغرب؛ ولد انت وياه سعود وين طار.؟
سلطان بنفس استغرابه؛ مادري.. وتذكر كلامه لي سعود.. نزل راسه يشوف تحت السرير وكان سعود نايم على قفاه.. رفع نظره وناضر سياف؛ صوره بالله صوره تكفى
نزل سياف راسه وشاف سعود على جهته وفطس ضحكة على شكله ورفع جواله عشان يصوره؛ والله ما اخليه لا امسكها عليه طقطقه... صور سياف سعود ونشره على القروب حقهم .....
ثنيان بفضول؛ وش وش فيه سعود نايم احلف؛... ناظر سلطان وضحك ووراه الصوره؛... انفجر الثلاثي السامج على عمهم سعود........
..........
بعد المغرب تحديدا بيت الجد....
الجد سياف بعصبه؛ والله ثم والله يا محمد لا انت ولدي ولا اعرفك
محمد بنفس عصبيه ابوه؛ يبه عيالي محد له دخل فيهم انا ابوهم وادري في مصلحتهم
الجد سياف؛ عاني عاني وش سويت في المسكين يرضيك إلى تسويه يا محمد.؟
محمد وهي واصله معه؛ يبه اعزك واحترمك لأنك ابوي لكن أولادي لا تدخل فيهم يبه طالبك
الجد سياف صد بقهر؛ احفادي ومايرضيني إلى يصير فيهم تأكد يامحمد اني مب راضي على إلى تسويه في ثنيان ولا رح أرضى عليك لا تكرر غلطي يامحمد
.............
نرجع لي المستشفى.....
صحي سعود بي استغراب ووفز يوم تذكر السالفه وصقع رأسه بحديده السرير تمتم بألم من راسه وخرج من تحت السرير وشاف قدامه البشر ذولا؛
ثنيان منسدح علي سريره وسياف حاضنه من الجنب ونايم معه سلطان نايم فوق الكنب ومحد يعرف وي راسه من رجله متغطي بثوب سياف وثوبه.. انلخم سعود من المنضر إلى شافه وحلف يصورهم
صور سعود سياف وثنيان وارسله في القروب وكتب؛ ناقصين حنان الأم ههههههههه
القروب فيه؛.
الجدال وسوير وريم
وسلطان وسياف وثنيان وهزاع وسعود
...........
ردت الجدال؛ ابك ذولا مين.؟
ريم؛ ركزي في الوجهه
رد هزاع على الجدال؛ ابك ذولا اخوانك وين الهيبه....
ريم؛ هويزع تبي تنجلد واضح.
هزاع بخرشه؛ امزحح شفيك ولا لا سعودي
.............
قرب سعود من اذن سياف وصرخ؛ يابو متعببببببببببب افزععععععععععععععع
فز سياف بفجع من الصراخ؛ احتزمممممم من افزع له ها من هو
فز ثنيان معه وقال؛ ابشربي منهو
ضحك سعود على كلامهم وحول نظره لي سلطان الي رغم صراخهم نايم ونطق؛ توغو موري شعنده ماقام..؟ دخل المشرف عليهم ومعه الممرض... وبصدمه؛ اهيب عليكم من وين جيتم سكنهم في مساكنهم يارب العالمين.؟
انلخم الشباب من الي دخل عليهم فجأه وقال سعود؛ ااااا انتهت الزياره؟
تكتف المشرف ونطق؛ اقنعني انك ماتدري وانا مكلم ذا... اول أشر على سياف.....
تجاهل الممرض كلامهم وراح يشوف حاله ثنيان وجرحهه
سياف بورطه؛ اسمع اخوي  ما.. اقصد ندري انك جيت بس نبي مجلس معه لأنه صدق مجنون ورح يجنن فيكم والله.....
ابتسم الممرض؛ يفداه والله
........
يالله عسى الوقت يمضي على خير..
وكل الأمور اللي على البال تفرج...
وتشرق لنا شمس الأمل بالتباشير.....
ونلقى لنا من ضيقه الصدر مخرج...
........