ثنيان مظلوم يا سياف

البارت السابع عشر؛

يوم جديد على أبطالنا....
سوق الديره......
ثنيان إلى مشمر ثوبه جا له واحد من شياب الديره وقال له؛ ياولدي ياثنيان تعال عاوني....
فز ثنيان وراح وراه؛ ابشر يابو كمال....
ساعد ثنيان ابو كمال شايب من شياب الديره إلى أولاده توفو وماعندهم احد يساعدهم غير ربهم وشباب الديره......
خلص ثنيان من ابو كمال وجلس يتمشى بديره يسلم علي فلان ويسولف مع فلان.... بحكم ان اليوم جمعه وكانت من عاداته.....
وصل محل جده وناظر سلطان إلى مشتط من البضاعه ويهمس بعصبيه...... ضحك عليه ونطق؛ سليطين وش تهذري به.....
لف سلطان عليه ونطق؛ والله ان ماتذلف لا يدخلك السيف ذا.....
هز راسه بيأس منه وطلع من المحل راح عند خالد إلى ماشافه من اسبوع.............
.....................
عند خالد....
حمد تاكي بيده على الباب واليد الثانيه معه شاهي ويفضفض ل خالد.... انهار خالد منه ونطق بتوعد؛ والله والله والله ياذا الشاهي لا اطلعه من خشمك ابك انت ماتعرف تسكت هاه...؟
حمد؛ حشى غيرك طابور على سوالفي... يازيني بس....
خالد؛ حميدو اذلف عني.....
دخل ثنيان المحل على كلام خالد الأخير؛ واضح سلطان وخالد مكروفين....
حمد؛ قايل لك ياخالد اني اتخيل ناس تقول لي لا شوف الحين اتخيل ثنيان يكلمنا.....
وسع خالد عيونه ونطق؛ ابك ذا ثنيان يامروح.....
ضحك ثنيان عليهم بقوه.......لمس حمد كتف ثنيان يتأكد انه حقيقي ماهو جني..... وسع عيونه بصدمه ونطق؛ أرحب تراحيب المطر وبرق الوسام.... وسوا بيدينه حركه السلاح ونطق؛ طع طع طع طع....
ثنيان بوسط ضحكه؛ تكفى وربي لك فقده....
حمد؛ تعال تعال ارتمي في أحضان حمد......
حضنه ثنيان ووخر عنه يوم جته ضربه من خالد بوسط ضهره؛ وانا خير...؟ ولا نسيت ان لك صاحب.....
حضنه ثنيان وابتعد عنه وأخذ أحوالهم وامورهم...........
.............................................
البيت الجد سياف.....
سوير إلى كانت ف المطبخ وتحارش الريم......
دخل عليهم سعود وهو اشتاق وكثير ل الجواء ذي....شافته الريم ونطقت؛ تكفى ياسعودي تكفى تهز رجال تأخذها مني ناخيتك ياخوي... ...... ضرب سعود صدره ونطق؛ احتزمي والله لا أخذها وارميها برا....
شقهت سوير ومدت يدينها قدام سعود ك محاولة ل التجنب؛ افااا سعيدان افااا وخيتك مسكينه ترضى لها المذله...؟
سعود مسكها وشالها فوق كتفه وصرخ وهو طالع من المطبخ؛ الريم تناخي وما البي لها عز لنا فلحنا...
ضحكت الريم عليهم ودعت ربها يديم السعادة عليهم.....
عند سعود وسوير..... نزل سوير عند جلسه الحوش الصغيره وجلس معها ونطقت سوير؛ الحينه كيف الرياض يعني اوصف لي عجبتك ولا....
تنهد سعود ونطق؛ ياخوك وش تتوقعين إلى هنا هو هناك بس كل شي على الجوال وتضيع بين ذيك الشوارع مآني مثل سلطان وسياف إلى يدورون فيها...
ضحكت سوير؛ اعرفك بدوي وتحب صحاريك....
ضحك سعود معها وهز راسه ب اي....
...........................................................................
يرجع البيت بعد أيام واسابيع وشهور ومحد يعرف وين يروح.....
دخل صقر البيت وحالته حاله توجه ل غرفته وأخذ له شور سنه قدام ونزل تحت يشوف أهله...
شافته الريم إلى كانت طالعه من غرفتها ومشت له سحبته من يده وطلعته ل الحوش....
ونطقت بقهر؛ صقير وش عذرك الحين..؟
تنهد صقر وهو يعرف وش بتقول ونطق؛ وش عذاري...
الريم  انهارت وبدت تضرب صدره؛ يرضيك تغيب شهور وماتسال وين أمي..؟ يرضيك تغيب ايام واسابيع وماتقول عندي اخت اسأل عنها.... يرضيك تغيب وماتقول وين اهلي وش الي يصير فيهم وش الي ماصار ف العائله... يرضيك تغيب وماتعرف وش الي صار ف ثنيان وجدي.... يرضيك ياصقير تروح وتخلينا ومحد يعرف وين أرضك من سماك مايكفي ابوي إلى يهاوشك ويزعل عليك وماتفهم ليه ياصقير ليه....
مسكها صقر وضمها له؛ ياخوك لا تزعلين والله اني احبك واعزك..... بعدت عنه ونطقت بحرقه؛ وينه الحب ياصقير وينه المعزه وانا ما أشوفك الا بسنه حسنه... روح روح شوف امي إلى تبكي عليك ليل ونهار روح شوف جدي إلى تعب وهو يسال عنك روح شوف وين هزاع المروح الثاني وين طار خليك اخ كبير ياصقر ولو مره وحده بس....
استغرب من كلامها ونطق؛ وين هزاع...
صدت الريم بقهر؛ وش عرفني عنه له اسبوع مو موجود..... تقدم ل اخته وضمها لصدره  وشد عليها ونطق؛ ياريم لاتزعلين يا اختي والله زعلك ماهو عين لكن مو بيدي ياخوك مو بيدي....
بأس خدها مره ومرتين وثم بأس رأسها... ونطق؛ ها رضينا ولا نزيد.... ضحكت الريم عليه ونطقت؛ خلاص رضيت روح راضي اميَ..... هز راسه بتفهم وراح يدرو أمه ويراضيها..... هو صح يغيب عن البيت بس يحن على أهله ويبي رضاهم......
..................................................................................
نايف وسليمان...... ك عادته سليمان جالط ف اخوه وناشب له ف كل مكان وزمان.....
صرخ نايف عليه؛ ياخي ماتعرف انت هاه.....
سليمان؛ طيب ماعرفت له ساعدني.... نايف؛ هو انت ورع ماتعرف تبرمج....؟
سليمان؛ هاذا انت قلت ورع هيا قم وبرمجه لي.....
نايف ناظر الكمبيوتر إلى ف حضنه؛ أنسى مارح اجي...
سليمان؛ مو على كيفك تقوم غصب...... أخذ سليمان الكمبيوتر من حضن اخوه وحطه على الطاوله وثم سحب نايف من ثوبه وراه.... وسع نايف عيونه وصرخ؛ هيه منجدك انت....
سليمان؛ شايفني العب معك.....؟ اقول لك معرف ابرمجه تقول منجدي ....
نايف؛ فكني يابني والله ما ابرمجه... أشر سليمان على خشم اخوه ونطق؛ طرق عنه...
......................................................
عند الشباب... اتفق الكل يروحون الاسطبل بعد غياب شهرين عنه وترفيه ل ثنيان والأحداث إلى صارت لهم كلهم.....
مصعب؛ اقول يا عيال...
ناظر فيه سعود وثم أشر بيده عليه ونطق؛ ذا لو قال إلى بخاطره كدينا.....
ضحك حمد وخبط كتف سعود؛ يارجال لو شفته كيف كان بعدكم تفطس عليه.....
مصعب بقهر؛ أقول انت وياه على شحم ذا الى ناقصني والله.....
ثنيان؛ مصعبوه قول قول اسمعك انا مايحتاج الباقي....
فز مصعب وباس خشم ثنيان ونطق؛ كفو كفو والله.... اجل اسمعو العلم... نسوي سباق وإلى يفوز يختار عقوبتنا كلنا....
طير خالد عيونه؛ خير ياعمي وش الى كلنا نتعاقب..؟
سلطان؛ ماعليك واضح حاقد...
ضحك مصعب عليهم ونطق؛ لا والله بس غيرو شوي حشى كل يوم نفس الموال......
ربط ثنيان ثوبه على خصره ونطق؛ امشي والله لا نسويها واطيح بكم الأرض......
سعود ربط ثوبه على خصره برضو ونطق؛ افا وإنا ولد سياف والله لا اطيح بكم انا....
شاش رأس سلطان ونطق؛ والله محد يطيح بكم الا انا امشو بس....
ربط الكل ثيابهم على خصرهم ومشو مع بعض عند الخيول...... صرخ ثنيان ل خيله؛ يا الجامححح.... استجاب الخيل له وركض ل عنده..... ضحك ثنيان من قلبه ومن زمان ماضحك كذا ابد... مسح على خيله ونطق؛ ضروري نفوز عليهم ونكسر خشم سعود وسلطان.... صهل الجامح وكأنه فهم كلام ثنيان له وركب ثنيان على الخيل وانطلق بسرعه....
اما سعود صرخ؛ يا الهاجس ..... ونفس الحركه إلى سواها خيل ثنيان سواها الهاجس......
ركب سعود خيله وانطلق ورا ثنيان..... أما سلطان وخالد وحمد ومصعب توجهو كلهم ياخذون الخيول الثانيه..... ركب سلطان الجام وركب خيله وطلع به برا..... ناظر الشباب الى كانو كلهم صف واحد وثنيان وسعود معهم... مشي ل عندهم ونطق؛ هيه اصبرو كلنا تتسابق مين الحكم...؟
ضحك الشباب على غبائهم وعلى كلام ثنيان دخل أحمد الاسطبل وصرخ؛ رحبوو فيني يارجال...
التفت الكل له ونطقو بصوت واحد؛ أرحب تراحيب المطر....احمد المرحب يبقى افا تلعبون ومحد يقول لي... وناظر سلطان ونطق؛ اشكر سلطان إلى قال لي... وثم ناظر سعود بطرف عين؛ مو ابن خالتي إلى نساني.....
ضحك سعود عليه ونطق؛ اقول يانسيب اترك الهرج وخلك الحكم دامك جيت....
مشي أحمد ونطق؛ الشره مو عليك الشره على غصب احترمك لاتحرمني من اختك.....
ضحك الكل عليه وعلى هواش سعود له إلى نطق؛ هيه اسكت فضحتنا قدام العربان.....
صرخ أحمد؛ واحد.... اثنين..... ثلاث..... انطلق.......
انطلق الكل بعد عد أحمد وكان ثنيان ف المقدمه... وسعود خلفه.....
سلطان إلى كان ناشب له خالد صرخ؛ وخرر لا ادعسكك فيه...... حمد ومصعب إلى يتنافسون مع بعض وناسين العيال...... تقدم سلطان من ثنيان إلى تعداه سعود ومابقى غير من متر بينه وبين سعود.... استغرب سعود ثنيان إلى كان أول واحد فيهم صار آخر واحد فيهم لف راسه له وصرخ؛ ثنيان....
ثنيان إلى حس بدوخه فجأه والروئيه عنده صارت ضبابيه...... تراجع للخلف لكن صحي على صراخ سعود له ونطق بهمس؛ يارب ساعدني..... تقدم ثنيان بسرعه كبيره جداً وتعدا كل االشباب وصل عند احمد ونزل من خيله الجامح وطاح ثنيان على طوله...... فز أحمد يمسكه ويصرخ؛ ولد ثنيان تسمعني هيه.... ضرب خدوده أكثر من مره ولكن ثنيان مايستجيب له... صرخ أحمد علي الشباب الى وصلو بعد ثنيان بمده قليله؛ شغلو السياره بسرعه.....
ركض مصعب يشغل سيارته ودخلها داخل الاسطبل واخذو ثنيان فيها......
كان بسياره مصعب... سعود وأحمد وثنيان ومصعب....
لحقهم سلطان بسيارته.... ووراه السياره الثالثه خالد وحمد....
.....................................................................................................
بيت الجد سياف...... حاله استنفار كبيره عندهم...... تجهيزات ل زواج الريم وأحمد.....
مشت الجده أمنه طالعه من بيت الجد ورايحه بيت ولدها ابو صقر جسار دخلت المجلس وطلبت من محمد وجسار يكونو موجودين قبلها......
جسار بفضول؛ يمه وش بغيتي....
الجده أمنه بحرقه والدموع بعيونها ؛ اسمع يامحمد والكلام لك ياجسار... ثنيان ولد ضارب وكلنا ندري به.... آمنك ضارب عليه يامحمد وقال لك... ولدى ياخوي ف امانتك... ياولدي امانت اخوك لا تتركها لا تفرطون بها تعرفون انتم ثنيان وكيف انه يبي يجلس عندكم وانتم جرحتوه.... هو كبير وبالغ عقله يسوي إلى يبيه يامحمد لا تتحكم به يمه طلبتك يمه لا تتحكم به خله يسوي إلى يبيه يكفي انه مريض لا تزيده مرض يامحمد... وانت ياجسار لا تحسب معرف ب صقير وعلاقته مع ثنيان علم ولدك واضبطه وخله حبيب مع ولد عمه.... الديره ياعيالي لا تعرف بولد اخوكم والله لا يدفنونه وهو حي... سامحو ضارب حتى لو انه مخطي ولدي اعرفه ماهو مخطي لكن عجزت وانا اعلمكم انه كله كذب... تنهدت الجده أمنه وكملت كلامها؛ اني حاسه بموت بعد أيام ياعيالي ثنيان لا تزعلونه ولا تنهرون خاطره أن كان تبون رضاي عليكم ثنيان حطوه بعيونكم....
فز ابو ثنيان وابو صقر وباسو رأس امهم واختلف كلامهم مابين؛ بعيد الشر عنتس يمه بسم الله عليتس.. ابشري والله لا نحطه بعيوننا... انتي خليتس مرتاحه ولاتشيلي هم.....
صقر إلى كان ورا المجلس وسمع كل كلام جدته ضحك بصدمه منها ومن ثنيان كيف ولد عمه ضارب..... طلع من البيت والأفكار توديه وتجيبه......
................................................................................................
عند المستشفى.....
وصل الشباب وصرخ أحمد؛ ناقله.....جابو لن ناقله ونقلو ثنيان فيها ل الطوارئ....
شافهم الدكتور إلى كان مسؤول على حالة ثنيان الاوله وركض لهم ودخل معهم للغرفه.....
تنهد سعود بضيق كيف كل شوي يزف ولد اخوه للمستشفيات بتعب..... انهار سلطان وهو مو قادر يترك ثنيان ثانيه وحده راح لزاويه وتلطم ب شماغه..... علم خالد سياف أن ثنيان دخل المستشفى ***** جن جنون سياف إلى شايل علي ثنيان عتاب وزعل والحين يجيه خبر انه طريح فراش شغل سيارته طالع من عزبه جده ل المستشفى.....وصل سياف المستشفى وركض بسرعه لا عند الاستقبال وسأل عن اسم ثنيان.... مسك سعود كتف سياف ولف سياف بقوه تجاهه وناظر سعود بعجز وقهر.....يالله شعور موجوع شخص تحبه وتغليه وتعزه كل شوي يطيح عليكم ويدخل المستشفى.... طلع الدكتور لهم والغضب بوجهه صرخ على سعود؛ انت عمه صح...؟ قايل لي بتحمل المسؤوليه طلعه تكفى والحين يعجبك اقول لك انه لا ياخذ ادويته ولا ياكل مثل الناس...؟ يعجبك اقول لك انه مهمل نفسه لا آخر درجه........؟
انصدم سعود منه وكيف انه يصارخ عليه كذا وانصدم أكثر يوم عرف ان ثنيان ماياخد ادويته ونطق بصدمه؛ لحظه لحظه هو يشرب ادويته وقدامي بعد وش تقول انت... ضحك سعود ولف راسه ل سلطان؛ ذا وثنيان مايخلون شي الا واكلوه... ناظر الدكتور وصرخ؛ تستهبل معي انت هاه كل شي يسويه قدامنا كيف تجي وتقول مهمل ها..... وراه الدكتور الأوراق إلى بيده وكانت كلها دليل على أن ثنيان متوقف عن دواه وما ياكل له فتره........
انصدم سعود وصرخ؛ ياعيال تعالو شوفو شكلي معرف إقراء......
قرأ الشباب الأوراق وانصدمو كلهم نفس سعود........الدكتور معليش ياخوي رح يجلس هنا فتره الين يتعافى.......
..............................................................................................
رجع سياف وسلطان البيت وكان هدوء بما انهم ف اخر اليل........
فتح سلطان غرفه سعود وانسدح على فراشه دخل سياف وراه ونطق سلطان؛ سياف...
ناظره سياف بهدوء ونطق؛ علامك...
سلطان؛ ادري انك متضايق منا لكن والله مو بيدنا تعرف كيف ثنيان وكيف حالته إذا تضايق وزعل وشوف الحين وش صار عليه.....
سياف بسخريه؛ ايه بس مآني محمد عشان تخاف مني.....
سلطان بينه وبين نفسه؛ الا والله انك اخس) ونطق؛ ادري ياخوك سامحنا تكفى لا تحرق نفسك...
طبطب سياف على كتفه ونطق؛ على خير ياخوك على خير......
.....................................................
صباح يوم جديد على ال مطلق..... بيت الجد سياف....
الجدال إلى تركض والسفر بيدينها صرخت على الجده أمنه؛ وصمخ يصمخك ياجدالوه ساعه يا رفله....
الجدال ابتسمت بغباء ل جدتها؛ معليش ياجديده.....
سوير إلى تركض ومعها صحن البيض... والريم وبيدينها الفناجيل والشاي..... الجده أمنه؛ اني والله اعرفكم فلس.....
ضحك الكل على الجده أمنه وجاء ابو ثنيان والجد سياف.....وثم جاء لهم سلطان وسياف.. الجده أمنه؛ وينه ثنيان وسعود...
سياف بورطه؛ ا.. يمه ثنيان أمس طاح علينا و.... الجده أمنه؛ وش تقول وليه ماتقول من اول هاه.... قم ودني له...
سلطان إلى يعبي بطنه؛ ياجده الحين ممنوع اصبري للعصر......
الجده أمنه يقله حيله؛ تمام يمه تمام...
نطق الجد سياف كلامه وإلى كان؛ يلا كل واحد يشوف شغله وانت يامحمد تعال معي.....
توجهه سياف وسلطان ل العزبه حق جدهم يشوفون الإبل ومن ثم المحل......
.............................................
أحمد إلى يجي ويشوف خالته كل أسبوع جاء اليوم عندها....
دق الباب مرتين ومافي رد دق مره ثانيه وفتحت له الجده أمنه ونطقت؛ يالله تحيه يالله تحي الوجه السمح... بأس أحمد رأس خالته ونطق؛ يحيك يارب... الجده أمنه؛ اقلط اقلط..
دخل أحمد البيت وصرخت الجده أمنه بصوتها؛ يابنت جهزي القهوه..... سرير إلى كانت ف المطبخ هي والبنات يخترعون حلا جديد....
سوير؛لا ماهو كذا....
الريم بحلطمه؛ لتس ساعه تقولين ماهو كذا ها كيف نسوي كذا يعني.... أخذت الملعقه إلى فيها شوكلت وحطتها كلها داخل البسكويت.... صرخت سوير بوجه اختها؛ لا مو كذا ياغبيه...
توجهت الجدال تسوي القهوه ل أحمد... جت الجده وشافت سوير والريم يتصفقون ونطقت؛ ياتسبدي تسبداه عليكم وغدان انتم يوم تتصفقون....؟
ضحكت الجدال ونطقت؛ جده ماعليك منهم تراهم ورعان.... وهاذي القهوة حقت جديلك...
أخذت الجده أمنه من الجدال القهوه وناظرت بناتها من تحت لفوق؛ الله يلخف عليتس انتي وخيتس...
مشت الجده أمنه للمجلس وضيفت أحمد وتشاورو مع بعض عن الزواج......
.......................................................................
عند سعود...
صحى ثنيان من نومته وأول شي شافه كان سطح المستشفى كان بيقوم لكن ماقدر من يدينه استغرب أكثر وناظر يدينه إلى كانت مربوطه اليمين مربوطه بشماغ وفيها مغذي واليسار مربوطه بشماغ برضو....انصدم مين الي بيربطنه كذا وفجأة دخل عليه سعود إلى جاي ومعه أكياس فيها اكل لهم....
سعود؛ كان كملت نومتك ابرك...
ثنيان؛ ليه مربطني...؟
سعود؛ اعرفك ثور هائج بتقوم وترجع البيت.... جلس سعود وفتح الأكياس وطلع لهم الأكل ورفع السرير ل ثنيان ومد له الملعقه ونطق؛ ثنيان يلا معي افتح فمك....
ناطره ثنيان بسخريه وصد وجهه عنه... ضحك سعود بصدمه ونطق؛ حشى والله لا تأكل وطرق عن خشمك.... بعد مضاربات بين سعود وثنيان اكل ثنيان كل شي جابه سعود ودخل الدكتور المشرف على حاله ثنيان ونطق؛ المريض ثنيان ال مطلق ممكن تقول لي ليه مهمل نفسك ل ذي الدرجه....؟
ضحك ثنيان وسرح.. وش بيقول له... يقول له أنه مايبي الادويه.... ولا يقول انه نسيها....
الدكتور هز راسه؛ ماعلينا الحين الي فات مات الحين بوصي لك على ادويه ومارح تكون انت المشرف على نفسك أشر الدكتور علي سعود وكمل كلامه؛ سعود عمك بيكون المشرف عليك أن شاء الله.......
.............................................................
عند العزبه....
سياف متكتف ويناظر سلطان إلى طاح بين الطين وصار ثوبه الأبيض كله طين.... نطق؛ ايه عجبتك...؟
سلطان نزل راسه بغباء ونطق؛ لا اسمع في حفل نمل هنا...
سياف؛ مهبول انت ها...؟ قم قم بس...
سلطان؛ ياخي طير أعجبتني الحفله....
انصدم سياف منه وكلامه وسحبه بخفه ووقفه انصدم أكثر من خفت وزنه؛ ولد انت ماكنت تاكل...؟ شبلاك خفيف.....
سلطان؛ من قال لك تراني سمنت...اوريك عضلاتي.....
سياف؛ ابك لا اركد بس.....
مشي سياف وركب سيارته متوجهه للبيت ومعه سلطان؛... نزل سلطان وحرك سياف متوجهه ل المحل يفتحه وثم يلحقه اخوه....
عند سلطان......
نزل وفتح باب البيت الا يشوف وحده من بنات الديره وكان اسمها ( صفا) جالسه ب الحوش مع الريم وسوير.....
انصدم الكل من سلطان إلى جاء بغير وقته استحت صفا وغطت وجهها وصرخت الريم؛ شجابك هاه...؟
صد سلطان بنظره عنهم على طول ونطق؛ ماتشوفين شكلي كيف....؟
ناظرته الريم إلى توها تشوف شكله وشهقت؛ سليطين وش صار لك....
سلطان؛ بروح غرفتي...... مشي سلطان غرفته وأخذ له شور وغير ملابسه..... عند البنات...
الجدال إلى كانت جايه ومعها فصفص وشاهي ونطقت؛ شصار وش فيه..؟
الريم؛ شكله طاح علي الارض....
الجدال؛ مايصير سلطان إلا إذا جاب العيد
سوير بفشله؛ السموحه يا صفا...
صفا؛ لا عادي ماصار شي....... بعد دقائق صرخ سلطان؛ ياولد...
الريم؛ امشي امشي ولا تناظر.... مشي سلطان إلى كان لابس ثوب اسود ومشمر اكمامه بدون شماغ ولا غتره...... ركضت الجدال ونطقت؛ خذهم ل ثنيان.... ناظر سلطان الكيس وهز راسه بتفهم......
.................................................................................................................
هاي حبايبي اتمنى تكونو بخير مع الأجواء ذي.... كيف تقيمكم ل الروايه... تعليق ونجمه لو سمحتم الدعم جدآ سيء.... إلى يسأل عن الانستا لا ياروحي ماعندي انستا قفلت الحساب الرسمي والحسابات الثانيه وبرضو حساب الوتباد بقفله بس اذا خلصت الروايه كلها .....
انتبهو أنفسكم وتدفو زين احبكم سلام💓💓