Toledo ရဲ့ နာမည်ကြီး အထင်ကရ ပြတိုက်ဖြစ်သည့် Museo De Santa Cruz အရှေ့မှာ လူတန်း အရှည်ကြီး ရပ်စောင့်နေကြပြီ ဖြစ်၏။
Artist Kim ရဲ့ ပြပွဲဖြစ်သည်မို့ လက်မှတ်ကိုတောင် အလုအယက် ဝယ်ထားခဲ့ရပါသည်။ လက်မှတ်ဝယ်ခွင့် ပြုလိုက်ပြီး ကတည်းက ၂ ရက်အတွင်း အရောင်းကုန်သွားခဲ့ခြင်း ဖြစ်၏။
ပြတိုက်ဖွင့်တော့ လူတန်းကြီးက တအိအိနဲ့ ရွေ့လျားလာပြီး အထဲကို ဝင်လာကြတော့သည်။
Madrid, Segovia, Ávila, Cuenca စသည့် မြို့ကြီးတွေကလည်း Toledo ကနေ နာရီပိုင်းမျှသာ ဝေးသည်မို့ ပြတိုက်ကို အရောက်လာကြသူတွေလည်း များပါသည်။
Madrid တို့လို့ မြို့တော်ဖြစ်သည့် မြို့ကြီးတွေလောက်တော့ လူဦးရေ မထူထပ်ပေမယ့် Toledo မှာ ယနေ့တော့ လူတွေ စည်ကားလွန်းနေတော့သည်။
"ဒီနေ့ ပြပွဲက စပိန်နိုင်ငံမှာ ပထမဆုံး အကြိမ် ပြုလုပ်ဖူးတဲ့ ပွဲပါပဲ။ အခုလိုမျိုး အများကြီး ချီးမြှောက် ဂုဏ်ပြုပေးကြလို့ ကျေးဇူးတင်ပါတယ်"
Artist Kim က မိန့်ခွန်းပြောပြီးနောက် ပြပွဲကို ဖွင့်လှစ်လိုက်ပြီ ဖြစ်သည်။
ဒီလိုနဲ့ပဲ ပြတိုက် တစ်ခုလုံး လူတွေ ပြန့်သွားတော့သည်။
ပြတိုက်မှာက သမိုင်း အမွေအနှစ်တွေလည်း ရှိသေးသည်မို့ ပြပွဲအတွက် အခန်းတစ်နေရာစာသာ ငှားထားပြီး နှစ်ရက်သာ ကျင်းပသွားမည် ဖြစ်သည်။
နေ့လည်ပိုင်းကို ရောက်တော့ တဖြည်းဖြည်းနဲ့ လူတွေ ပိုများလာပါသည်။ ပန်းချီကားတချို့လည်း အရောင်းထွက်ပြီး Artist Kim ကတော့ လာရောက် နှုတ်ဆက်သူ ပရိသတ်တွေကြားမှာ အလုပ်များနေတော့သည်။
ပုံမှန်အားဖြင့် မီဒီယာတွေနဲ့ အတွေ့မခံသည်မို့ Artist Kim ကို မြင်ဖူးသည်က ပြပွဲကို လာရောက်သူတွေသာ ဖြစ်၏။
"Hola! Artist Kim"
"မင်္ဂလာပါ Artist Kim"မိန်းကလေး တစ်ယောက် လာရောက် နှုတ်ဆက်သည်မို့ ပန်းချီကားေတွ ကြည့်နေရင်းနဲ့ ကျွန်တော် လှည့်လိုက်မိသည်။
အထက်တန်း ကျောင်းသူ အရွယ်လောက်သာ ရှိပါသေးသည်။
"no puedo hablar inglés"
"အင်္ဂလိပ်စကား မပြောတတ်ပါဘူး"
YOU ARE READING
Kissing In The Moonlight [Completed]
Fanfictionလရောင်လဲ့လဲ့လေး အောက်မှာ မင်းကို အနမ်းတွေပေးမယ်။ ရေနတ်သမီးပန်းတွေ ပေးပြီး မင်းကို ကံကောင်းမှုတွေဆီ ခေါ်သွားပေးမယ်။ မသေချာတဲ့ အနာဂတ်ကို တမ်းတပြီး စိတ်ကူးယဉ်နေမှာထက် သေချာတဲ့ ပစ္စုပ္ပန်မှာ ပိုချစ်သွားပါ့မယ် start: October 15, 2023 end: January 18, 20...