නසරාණියා

12

ඇහි පිහාටු එකටම ඇලිල වගේ,ඇස් දෙක කොච්චර අරින්න හැදුවත් මට දැනුනේ ඒ දෙක අලවලා වගේ.ඇස් වල බර ගතියත් එක්ක ඇස් ඇරගන්න බැරි වෙනකොට මගෙ ඇස් කෙවි වෙල කෙලවරින් කදුලු ගලන් මගේ කම්මුල් පිහගෙන යනකොට මට දැනුනේ මාරම අසරණකමක්.මට නැගිටින්න ඕනේ.මේ කලුවරට මම කැමතිම නැ.කලුවරත් එක්කම මගේ මනසේ ඇදෙන්න ගත්ත ඒ සිදුවීම් පෙලත් එක්ක මගේ ඇස් දෙක එක පාරටම ඇරුනත් මූන කෙලින්ම වැටිල තිබ්බ සුදු ලයිට් එක නිසා මගේ ඇස් ආයෙ පාරක් තදටම පියවුනා.ගොඩක් වෙලා ඇස් වහන් හිටපු නිසාද මන්දා එක පාර ලයිට් එලිය මූනට වැදුනට පස්සේ ඇස් දෙකත් එක්ක නිලංකාර වෙලා ගියා.මම එහෙම්මම ඇස් දෙක ටික වෙලාවක් වහන් ඉදල ඇදේ ඇලේට හැරිලා ඇස් දෙක ඇරියා.

සුදු නිලි තීරු පටි වලින් හැඩවුනු ජනෙල් තිර,සුදු රෙදි වලින් වටවෙච්ච ඇදවල්,ඇද ලගම තිබ්බ උස මේසේ ,නහය කඩන් එන එක එක බෙහෙත් සුවදවල් .මම ඉන්නේ සික් රූම් එකේ.මම මෙතන්ට කොයි වෙලාවෙද ආවේ?ඇගට පන නැති ගතියක් ලාවට තිබ්බත් උදේට වඩා ඔලුවේ බර ගතිය අඩුවෙලා ගිහින් තිබුනා.දකුනු අතේ වැලමිටෙන් ඇදට බරවෙලා වම් අත ඇදට තියලා නැගිට ගත්ත මම අමාරුවෙන් හරි ඇදට හේත්තු වෙන්න කියල වම් අතින් බර තියල පස්සට වුනත් මට හික් ගැවුනේ කට්ටකින් ඇග පසාරු කරගෙන යන කැක්කුමක් දැනෙද්දි.

එහෙම්මම වම් අත දිහා බලනකොට මම දැක්කේ අතට ගහල තිබ්බ කැනියුලා එක.ඒත් එක්කම මගේ ඇස් දෙක ගියේ ඇද ගාව රැක් එකේ එල්ලල තිබ්බ සේලයින් එක දිහාට.සේලයින් ඉවරවෙලා තිබ්බ නිසා ඒක ඇකිලිලාම ගිහින්.මම එහෙම්මම කැනියුලා එක ඇදල ගලවල ගත්තේ උකු ලේ දාරාවක් ගලාගෙන යනකොටමයි.සාක්කුවෙන් ගත්ත ලේන්සුවෙන් ලේ පාර මකල දැම්මම මම ඇදෙන් නැගිට්ටේ කකුල් දෙක ලාවට වෙවුලන ගතියකුත් දැනෙද්දි.

"මල්ලි"

සපත්තු දෙක දාන් නැගිට්ට ගමන් කොහෙදෝ ඉදල ආපු සික් රූම් එකේ අක්කා මගේ අතේ එල්ලෙද්දි මම ඒ දිහා බලන් හිටියා.ඇදල හිටපු ගවුමෙන් කයි වෙලේ පනීද කියල හිතාගන්න බැරි පපුවත් මගේ අතට තදකරන් ඇගට ඇතිල්ලෙද්දි මට ආවේ මාර අප්‍රසන්න ගතියක්.වෙන වෙලාවක නම් තල්ලු කරන්න තිබ්බ දැන් මට ඇගට පනත් නැ. මගේ ඇගට පන නැති ගතියත් එක්ක තව මේ ගැනි ඇගේ නගින්නත් එනවා.