Second Time Around • SB19 Ken [On-going]

CHAPTER 22

Chapter 22

Ken's POV

"Sige na, sakay na."

Ako ang naunang sumakay sa van dahil sa gawing gilid sa likod ako laging nauupo. Papunta pa lang kami sa venue ng SumFest para sa day 2. Pumunta na kami doon kaninang umaga para mag soundcheck pero bumalik din sa studio para mag ayos at magpahinga saglit. Gabi pa kasi kami mag peperform at sayang sa oras kung maghihintay lang kami doon.

Kasalukuyan silang sumasakay nang mag vibrate ang cellphone ko. Nag alala agad ako nang makita ang pangalan ni Kael sa caller's ID. It must be something important. Or did she just got drunk again?

Whatever, sinagot ko pa rin naman.

"Hello?"

[Ken, Ken, tulong.] Nanginginig ang boses niyang bumubulong.

Mula sa pagkakasandal ay dumiretso ang likod ko.

"Bakit? Anong meron? Asan ka?"

Sinulyapan ako ng mga kasama ko sa loob lalo na ang mga katabi ko dito sa likod na si Stell at Jah.

[May tao sa labas... Binubuksan niya yung pinto...] Sobrang hina ng boses niya at halata ang takot. [Ken, natatakot ako.] I could hear her almost crying.

"Wait, wait, kumalma ka. Wag mong papatayin ang tawag." Pinilit ko pa rin iyong sabihin kahit na sa totoo lang ay natatakot din ako.

Hinanap ko agad si ate Leah sa paligid. When I saw her approaching the van, I shouted to get her attention.

"Ate Leah!"

Hindi lang si ate Leah, kundi lahat ng kasama ko sa van ay lumingon sa 'kin na may pagtataka.

Nagmadali siya sa paglalakad. "Oh? Ano 'yon?" Tanong niya nang sumampa na siya sa van.

I didn't hide my panic and worry in my expression. Pinakita ko agad sa kaniya ang screen ng cellphone ko. She immediately understood it without any explanation.

She turned to kuya Yani. "Mauna na kayo, susunod ako."

"Sama ako," sabi ko agad.

"Wag na, ako na lang. May performance pa kayo."

"Kailangan ako do'n, hindi niyo alam kung saan yung pupuntahan." Pagpupumilit ko.

Habang nagpapalitan ng tingin si ate Leah at kuya Yani, wala namang kaide-ideya ang iba naming kasama, lalo na yung apat na mukhang gulong gulo na.

"Ano ba'ng nangyayari?" Tanong ni Pau.

"Sige na, pasamahin mo na." Ani kuya Yani kalaunan.

"Jah, Stell, padaanin niyo muna si Ken." Ani ate Leah na agad naman nilang sinunod.

"Saan kayo pupunta? Ate Leah? Si Ken?" Tanong ulit ni Pau, alam ko na bukod sa naguguluhan siya ay nag aalala rin siya para sa performance namin mamaya.

"Mamaya ko na ipapaliwanag." Nagmamadaling sabi ni ate. "Yani, pulis."

Tumango si kuya Yani at agad na kinuha ang cellphone.

Naglakad agad ako papunta sa kotse. "Hello? Kael?"

[Ken,] she whispered. [Pupunta ka na ba?]

"Oo, papunta na kami. Tumawag na din kami ng pulis."

[Shit, pinipilit na niyang buksan yung pinto.]

"Ate Leah!" Nang marinig niya ang sigaw ko ay mabilis siyang tumakbo papunta sa kotse.

I didn't hang up the call while driving. I turned on the loudspeaker to hear her.

"Hello? Kael, asan ka?"