Gazing the Clouds
(Unicode)
အပိုင်း နှစ်ဆယ့်ငါး
ကျွန်တော့်အပိုင်
"ဘာလုပ်နေတာလဲ"
ခပ်မာမာလေသံကြောင့် ရေချိုးခန်းရှေ့ရစ်သီရစ်သီ လုပ်နေရင်းကခြေလှမ်းတွေတုံ့ခနဲရပ်တန့်ကုန်၏။
"ဟို မင်းအရင်ချိုးမလားငါအရင်ချိုးရမလားမေးမလို့စောင့်နေတာ"
"ဟီးဆွန်းဟျောင်းကလဲဗျာ.. အဲ့ဒါလေးမေးဖို့ကိုရေချိုးခန်းရှေ့ရပ်စောင့်နေရလား"
"အာ ရေချိုးခန်းရှေ့စောင့်တာမင်းမကြိုက်ဘူးလား ဒါဆိုလဲနောက်ခါဟိုဘက်နားမှာပဲစောင့်မေးတော့မယ်"
"ရေချိုးခန်းရှေ့စောင့်တာမစောင့်တာထက် ဟျောင်းကအခုအပေါ်အင်္ကျီကျွတ်ကြီးနဲ့လေ စောင့်နေတာဆယ့်ငါးမိနစ်လောက်ရှိပြီဆိုရင် အအေးမိတော့မှာရော သိရဲ့လား"
"ဟင် အဲ့လောက်အတိအကျပါလို့လား"
"အအေးမိနိုင်ခြေများတယ်ပြောတာ ရေကဘယ်သူအရင်ချိုးချိုးရတာပဲ ကျွန်တော်ကတူတူချိုးဖို့စောင့်နေတာများလားလို့.."
စိတ်ဆိုးကာမျက်မှောင်ကြုတ်နေသော်လဲနဂို ခပ်တည်တည် မျက်နှာထားသည် ဆွဲဆောင်မှုရှိလွန်းနေသည်။ ရေချိုးခန်းတံခါးမှာမှီကာဆူငေါက်နေရုံလေးနဲ့တင် လူကိုခြေမခိုင်အောင်လုပ်နိုင်သည့်အစွမ်း ပတ်ဆောင်းဟွန်းတစ်ယောက်ထဲတွင်သာရှိသည်။
"အဟား.. ဘာကိုတူတူချိုးမှာလဲ မင်း မင်းပေါက်ကရတွေတအားပြောတာပဲ ဟားဟား ရေချိုးတော့မယ်နော်.."
မျက်နှာသုတ်ပုဝါကိုကပျာကယာယူကာရေချိုးခန်းထဲ ဝင်သွားသူအားကြည့်ကာပြုံးလိုက်မိသည်။ ထို့နောက် မီးဖိုချောင်ထဲညနေစာပြင်ဆင်ရန် ဝင်လာခဲ့၏။
"ကလေးလဲမဟုတ်ပဲအရှက်အကြောက်ကြီးလိုက်တာ.. လူကိုအသဲယားအောင်လို့"
ခပ်တိုးတိုးရေရွတ်ကာ ပြုံးစိစိလုပ်ရင်းအရင်ကချက်ခဲ့ဖူးသည်မို့ မီးဖိုချောင်နဲ့မစိမ်းလှသည့်သူက ညစာပြင်နေခဲ့သည်။
"ညစာလဲပြင်တတ်တာလား ဘယ်လိုဖြစ်တာလဲ ဆိုင်မှာဆိုရေနွေးတောင်မကြိုတတ်တာကြီးကို"
YOU ARE READING
Gazing the Clouds
Fanfictionချစ်ခြင်းတရားအစပြုရာနေရာသည်တိမ်စိုင်နှင့်ဆင်တူသော ဂျယ်ယွန်းသာဖြစ်ပါကြောင်း။ - ပတ်ဂျေး JayJake Fanfiction (Unicode,Zawgyi)
