Get Through the Night (ACATN Book 2)

Chapter 26

Chapter 26
"Moon"

Sa nanlalabong mga matang puno ng luha, dirediretso akong tumakbo paalis. Diretso ang tingin ko habang ang tanging iniisip ay ang makalayo at makatakas.

Pagtawid ko sa highway, marahas akong hinila at kinabig nang kung sino. Kasabay noon ang malakas na busina ng kotseng biglaang pumreno. Paglingon ko ay ang pinsan ko, si Von ang humila sa akin bago pa ako mahagip ng sasakyan.

"Shit, Polka! That was too close! Damn it!"

Hinila niya ako paalis sa gitna ng highway. He opened the door of his Navara. Pinasakay niya ako. Si Keyson ang may hawak ng manibela.

"Muntik ka na roon! Baliw ka ba?" angil ni Von.

"Von!" saway sa kanya ni Keyson. "Huwag na."

Hindi ko sila nakita kanina sa Court Yard. Siguro nasa restaurants lang sila.

Hinatid nila ako sa bahay. Magkasunod lang din kaming dumating nila Mommy.

"What kind of behavior was that, Polka?" galit na sabi ni Lola. "Naisip mo ba ang pinaggagawa mo?"

"Mama, huwag niyo na pong pagalitan," ani Daddy.

"How irresponsible of you!" Bakas ang dismaya sa mukha ni Lola pati na rin kay Mommy.

"I'm sorry, Lola," is all I can say.

"Alam mo ba gaano kalaking kahihiyan ang ginawa mo? Hindi lang sa ating pamilya, lalo na sa mga Montalba. What's gotten in your head?"

Yumuko ako at hindi makatingin sa kanila. I fully understand na magiging ganito ang reaksyon nila sa ginawa ko. Tanggap ko kung ano pa man ang mga susunod na matatangap ko.

"Ma, pagpahingahin na muna natin ang bata," muling pagkausap ni Daddy kay Lola. "Go to your room now, Polka. Take a rest."

Mommy shook her head. Inalalayan niyang maupo si Lola. Sunod sunod naman ang pagpaypay sa kanya ng abaniko ni Ate Donna.

"Sige na, umakyat ka na," ulit ni Daddy.

"Ma'am, Sir, nasa labas si Sir Ham," balita ni Boyboy na nagpalingon sa akin.

Natigilan ako at nararamdaman na naman ang mga luha sa sulok ng aking mga mata. What is he doing here? Nag-panic ako.

"Talk to Ham, Polka. Ayusin mo ito," matigas na utos ni Lola. Itinuro niya ang bandang pinto.

Paulit-ulit akong umiling.

"Hindi kita pinalaki para maging bastos."

"Ma, let's just let this for now," nagsalita na rin si Mommy. "I'm sure this is just a misunderstanding."

"You know Polka isn't a kid anymore. Hindi ito isang maliit na pagkakamaling kinukunsinti."

"Mama, please understand..." Lumapit si Daddy kay Lola habang sumesenyas sa aking alisin na ang sarili roon.

Hinawakan ako ni Ate Gemma, may awa sa kanyang mga mata nang tumingin sa akin. Inaakay niya na akong pumunta na sa itaas. Humakbang ako kahit pa nanglalambot ang mga tuhod. I am shaking inside from the overwhelming emotions.

"Papasukin ko po ba?" Narinig kong tanong ni Boyboy.

"Ako na kakausap kay, Ham," ani Daddy.

Umakyat kami at pumasok sa aking kuwarto. Isinara ni Ate Gemma ang pinto habang tuloy tuloy naman ako palapit sa aking kama. Parang babagsak na lang ako ano mang sandali, sa pagod at panghihina.

"Ano ba'ng nangyari sa'yo, Polka?" Makikita ang pag-aalala sa mukha ni Ate Gemm.

Nagpakawala lamang ako ng buntonghininga.