من نظرات عيونه .. لخص القصه الكامنة فمكنونة ..
بلا حكي ..
نظرته تحاكينا ..
وتشرح مآسي غايسه ودفينا ..
لسان حاله يقول فرج الله علينا..
حتى الطفولة شيء مامصيونه..
عشر سنين مضو من عمرنا قضينا ..
وسط الغياهب اسرو حجزونا ..
غير امتا يامركب بترسى بينا ؟؟
ويرف الجناح وغصنها الزيتونه ..
(الشعر منقول.. واسفه جدا من الشاعر غيرت عام ونص ال10سنين🫣).
وقفت فم الباب وانا نشوف لصورة محمد مسكين ربي يرجعه لاهله سالم .. شفت لفتحي يلي يبان سارح والملامح وجهه حزينه ...
تنهدت عارفه ماتخطاش حزنه ولا قادر يحكي عنه ومعش جاب سيرة اهله نهائي من يوم جاني وحكا عنهم
قربت منه ولما انتبه عليا ابتسم
فتحي: شورهم لزوك من الحوش ع خاطر طلباتي جاي تعز ف ايديك
قلبي طاح : كيف!!،
فتحي: هههه خيرك مخلوع
تداركت الموقف بعد ماكنت بنقوله شن سمعتها ؟ وان شاء الله تكون كلمه عابرة مش حق سمع مريم مضايقة منه : هههه غير مش وقت طلباتك شوف شوف " مديتله النقال"
فتحي: وااك مش قلتلك مانبيش نقال خيرك انت
معاذ: واااك ع اساس لاقيه انا قبل باش نهديهولك
فتحي: امالا شن هذا
معاذ" قربت منه: غير شوف شوف "مديتله النقال"
فتحي" شاف لنقال : الله اكبــــــــــــر الحمد لله الحمد لله " خداني ف حظنه
ابتسمت: الحمد لله محمد حي
فتحي" بعد عني وشاف لنقال وقعد يقرا ف المنشور وردلي النقال: به هو تو ف مركز مزدة كيف بنوصلوله
معاذ: مش عارف الحق لكن يلي نفكر فيه هو وين منير مدام محمد لقوه وبعدين من الجنوب شن رفعه لمزده مسافه طويلة راه
فتحي: مش فاهم حتى انا لكن المهم لقيناه وحي
معاذ: الحمد لله الحمد لله .. شوي بس تو نوليلك "وليت للحوش ورجعت النقال لرنا وخديت صفرة النسكافي وطلعت قعمزت مع فتحي ونفكرو كيف نصلو لمحمد ونجيبوه هنا لطرابلس بعدها نمشو ندورو اهله ف صبراته : اسمع بنكلم ايوب بالك عنده معارف ف مزده ولا يعرف حد من غادي يديرلنا راي ويبعتوه هنا
فتحي: كويس المهم يوصلنا هنا وساهل تو ندورو اهله
معاذ: ان شاء الله ؛ تره اتصل بيه تو خلي يجينا
(جانا ايوب وحكيناله قصة محمد وقال انه عنده معارف ف مزده وهو بروحه بيمشي باش يستلمه لان ضروري الاستلام بحضور شخصي ويفتحو ملف انه استلمه .. بدات ان هو مريض ومرات مايعرفش اهله .. وروح بعد ماوعدنا انه م الفجر بيسري بكري ويسقد لمزده ... )
