ذهبلي الشيرة
بين المواجع و الشقا و الحيرة
و بين شي غابني...
بين اوجاعي
و بين شي ما عندي لذكره داعي
خبر ما تجيبه من طبيـب مساعي
ولا القيتله في نظـم من تدبيرة
مش صوب نطربلـه نجي مداعي
ولاهو شنا في شخص لا في غيره
نبي نسرده لو كان في استطاعي
هذا شي ما نقدر على تفسيره
هذا داسه في الجوف إلا واعي
لهاذي الدسه تجيبلي الجريرة
لاهو بمَـال يجـي لا بذراعي
كانش المولى يعالجه بتسخيره
.....
عاهة شينة
لا سببهـا حسـاد هالغبيـنة
لاهو مكوغط فالجناب رنينه
لاهي صغيرة لا نقول كبـيرة
الا شي عقلها و هاهي رهينة
نفسي اللي صارلتها تغتيرة
ما هو وجيعة منو فاقد عينه
ولا يعاني في عظام كسيره
ماهوش في راجل ثقل بدينه
لاهو على الدنيا و عالتدييرة
ولا عالحروب اللي ملت غاشينا
و حتى و هيـا تستحق ذكيرة
و ماهوش سية فالنفوس ضغينة
ولّا ف فارس نقصو تقديره
ولاهو خيانة من ولد لقرينه
ولّا حويجة في خصوص الجيرة
لاهو فمصالح جايبة تفتينة
بين القرايب سبب فالتقهيرة
.....
موش جسارة
ولا بالكلام نكيد فالفسارة
نبي نبينه لكن لقيت عسارة
هذا اللي ما لقيتلاش نظيره
أو القول كايني خطيت مساره
و طالب حوايج ما لها تبريرة
ني كديكتي عندي الرحى كسارة
تدشيش عالطحنة اليوم قصيرة
و الجهد ما يمشي تعب و خسارة
يعوض الخالق ننغمر في خيره
#و_سلامتكم
#البوسيفي
كانت المربوعة معبية رجالا عظمت لاجر وقعمزت جنب فتحي يلي كان جنبه يونس .
خش ولد صغير يبكي واتجه ليونس
يونس: خيرك اسلومه من ضربك
الولد" يبكي: خااالي نبي كيكه
يونس: تو نشريلك كيكه باه
الولد" يبكي: ماما طيحتها الكيكه وفسدت
شفلي فتحي برفعت حاجب وابتسامه معروف مغزاها .. تجاهلته وانتبهت للولد
الولد: لا لااا نبي كيكه نفس امتع ماما
يونس" وقف: تعال تعال نعطيك "وطلع"
فتحي" بهمس: اووو طلعت بنته المتزوجه
معاذ" بغيض : ضم فمك
فتحي: وبالك اختها الثانية خير
معاذ:، ف مجمع عزاء رانااا ضم فمك خيرلك
فتحي: ههه باه
السلام عليكم
فتحي" بغيض: كيف فرحت مالقيتاش شن جابه هدا
معاذ: بالله فكنا " وقفت لما قرب مني هشام وسلمنا ع بعض: عظم الله اجركم
هشام: اجرك حاصل ان شاء الله "وسلم ع فتحي ورد عليه وعظم لاجر فوق من خاطره بعدها قعمز جنبي "
معاذ: شن اخبارك واخبار خدمتك
هشام: هاهو تعب والحمد لله نحاولو نأمنو البلاد ونحافظو عليها
