وإللي صبر يصبر الصبر الباهــــــــــــي..
ومهما الحال يضيق تفرج راهــــــــــــي..
.................................................
.....(علمتني الحياة).........
.
.
ماقدرتش نقاوم وشن بنقاوم وهما ماخلوليش فرصه للمقاومة وع طول هجمو عليا كلبشو ايديا خلفي وربطو عيوني وفمي وركبوني ف السيارة
كان مافيش صوت غير صوت انفاسهم بس والطريق كانت طويــــــــــــلة
ايييه يامعاذ معش بتخلس من الحبوس مكتوبلك الشقا ولا زعمه مكتوب نهايتك موت جيفه ف الحبس لا من يدفنك لا من يصلي عليه ؟!
حسبي الله ونعم الوكيــــــــــــل شن خلاه عايش هذا ياريت هداك اليوم محمود الله يرحمه كمل عليه وقتله بسلاح وارتحنا منه كان هذا راه حتى محمود ماماتش واضح انه هو يلي قتله وتو جا دوري ..
ياربي الصبر يارب عطيهولي يارب مانبي شي غير نصبر ع تعديبه
"حسيت برعشه تسري ف جسمي كله وانا ندكر انواع العذاب يلي شفتها ع ايده يارب عجل بموتي لو بيعدبني بنفس الطريقه يلي عذبني فيها المرة الاولى
...
بعد مسافه طويلة وقفت السيارة وسمعت صوت البيبان انفتحو ونزلو ونزلوني يكركرو فيا وانا مافي لساني غير يارب يــــــــــــارب ...
حطوني ع كرسي وربطوني من ايديا وكرعيا مش مربوطات
هذا كله وانا مغمض عيوني وهما ولا صوت وسمعت خطوات تبتعد وطلعو وخلوني بروحي
او زي ماكنت نظن اني بروحي لكن بعد دقائق حسيت بانفاس شخص قريبه مني قلت هذه نهايتي طول بيقتلني ولا زعمه يعذبني قبل!!
ياودي خالد مش م النوع يلي يقتل طول لازم يدير جو اكشن زي الافلام
اخ ياربي هونها عليا وعطيني الصبــــــــــــر
قرب مني وفتح ربطت عيوني وبعد عني وشافلي ببتسامه مستفــــــــــــزة
خالد: هلا هلا واخير لقيتك تصدق اني استاحشتك هلبا هلبا
معاذ" بهدوء: شن تبي مني !!
خالد: شيء مستاحشك ..ولا مش مصدقني
معاذ" سكتت مابيتش نرد عليه "
خالد" قعد يدور عليا: اممم صار هربك الكلب محمود وحاولتو تقتلوني تحسابني متت ها حتى لو متت فيه من ينتقم منكم
معاذ" بهدوء: محمود علاش قتلته
خالد" جا خلفي ونزل راسه جهه وذني: لانه خاني ويلي يخون يستاهل الموت
" بعد وجا قدامي : هربت مني تحسابني مانقدرش نطولك ها الغبي يحسابني مانقدرش نطولك قالي اقتلني المهم مش عاطيك اي معلومه ههههه ف النهاية عمره وتم قال ولا ماقالش نقدر نوصلك
معاذ" غمضت عيوني بالم ربي يرحمه يامحمود ويسامحك"
خالد: اممم واجعك اطمن اطمن ماكش مطول باش تمشيله
