لااتشيل هم الوقت ولا تحكيبه
خليها ع الله ... هو عالم غيبه
....... ....... ......
لااتشيل هــم السيه ...!!!
ولاتقول دنيتى ضـاقت اليوم عليا
بعد.. تنعقد... تنحل طيه ... طيه
وياتى الفرج فى وقت ماتدريبه
راااقت لي 🌸
الرهبة يلي حسيت بيها من اتصال وليد خلتني نمشي جري للحوش وانا نتحمل وجع رجليا يلي مزال مضررات م الحادث ومتجاهل صوت فتحي يلي ينادى ورايا
وما ع لساني غير يارب يارب يارب
وصلت للحوش وع طول اتجهت للمربوعة بعد سمعت فيها اصوات وخشيت واانجلطت لما شفت مريم شادة ف ايدها المسدس ووليد قدامها
هـــــ هذا شن مريـــــــم هبلتي؟
مريم" تبكي : والله قلتهالك قلتهالك لما ننتحر كان وافقتو
وليد: تي دبر حل اختك بتقتل روحها واديرلنا العاار من بكري تتحزز
معاذ: مريم خيرك ماوفقناش والله ماوافقنا
مريم" تبكي: كذب كذاب تو كان هنا ووافقت اكيد وافقت
معاذ: لا لا والله رفضنا خلاص معش بنعطوك غير نزلي المسدس نزليه
مريم" تبكي: تكذب عليا عارفااتك تكذب هكا فادين مني تشوفو فيا بنديرلكم العار ديما شاكين فيا وديما متهميني بالباطل
معاذ: لا لا والله لا
مريم" تبكي: كذب كذب هاهو خوك اسأله كم مرة جا وضربني بلا سبب كان طلعت ولا كان شافني شادة نقال مشكك فيا ديما
معاذ: مش قصده عادي عادي الخوت كلهم هكا نسيتي شن كان يدير معز ف منيرة زمان ديما ف جرتها خلاص هدي بالله عليك هاتيه واستهدي بالله والله ماصاير منها الخطبة ولا عاطيينك لحد بكل
مريم" تبكي: تكذب نعرفك تكذب تو تاخده مني وتضربني
معاذ: ياودي مش ضاربك غير هاتيه هاتي " قربت منها وانا نحاول نهدي اعصابي مديت ايدي: هاتيه يامريم هاتي ووعد ماحد بيكلمك ع حاجه اسمها خطبة نهائي
" شديت ايدها يلي فيها المسدس وخديته منها بصعوبة وهي تبكي : خلاص اس خلاص
وليد" مشالها يجري بعصبية شدها: ياحمارة بتنتحري بتنتحري
معاذ" شديته وبعدته عنها وهي تبكي: تي حول عنها حول اقسم بالله تقرب منها نوريك
وليد: البهلوله رعشتنا شن هالهبال يلي ادير فيه
معاذ: خلاص خليها مادخلكش انت .. خشي الداخل برى توضي وصلي ومايصير شي بدون موافقتك "طلعت وطلعت وراها لقيتها واقفه : خيرك !
مريم" ع طول مشت خشت الداخل "
معاذ" شفت لقيت فتحي واقف وارتبك لما شافني"
فتحي: ااا معليش معليش والله ماقصدي خفت بوك صارله شي لحقتك سامحني سامحني " ولف ومشى بسرعة"
