غرغرينـــــــــة

الحلقة الرابعة والـتـــــلاتـــوטּ

فرﺱ ﻭ ﻣﺎﺗﺒﻲ ﺣﺮﺍﺱ .. ﻗﻮﻳﺔ ﺑﺎﺱ .. ﺍﺭﺑﺎﻳﺖ ﻓﺎﺭﺱ ﻣﻦ ﻻﺳــــــــــــﺎﺱ
ﻓﺘﺮﻭﻳﺾ ﻓﺮﺱ ﻣﻮﻋﺮﻫﺎ .. ﻣﺎﺗﻘﺪﺭﻫﺎ .. ﻛﻢ ﻭﺍﺣﺪ ﻗﺒﻠﻚ ﻋﺎﻓﺮﻫﺎ ..
ﺿﺎﻕ ﺃﺟﺮﻉ ﻣﺮ ﻋﺼﺮﻫﺎ .. ﺍﺑﻘﻲ ﻣﻨﻬﺎﺱ .. ﺍﻳﻬﺎﺗﻲ ﻳﻠﻌﺐ ﺑﻴﻪ ﺍﻟﻴﺎﺱ ..
ﻭﻛﺎﻧﺎ ﺟﻲ ﺍﻗﺮﺏ ﻣﻮﻛﺮﻫﺎ .. ﺍﺗﻌﺪ ﺭﺻﺎﺹ .. ﺍﺗﺤﻂ ﺍﻳﺪﻳﻬﺎ ﻉ ﺍﻟﺘﺮﺑﺎﺱ ..
ﺃﺗﻔﺮﻍ ﻃﻠﻘﻪ ﺍﻳﺒﺎﻥ ﺷﺮﺭﻫﺎ .. ﺍﺗﺠﻲ ﻓﺎﻟﺮﺍﺱ .. ﺍﻣﺪﺭﺑﻬﺎ ﻭﺍﺣﺪ ﺗﺮﺍﺱ ..
ﻭﺯﺍﻳﺪ ﻣﻮﻻﻧﺎ ﺍﻣﺼﻮﺭﻫﺎ ..ﺃﺑﻌﻴﻦ ﺍﻟﻤﺎﺱ .. ﺟﻤﺎﻝ ﻭﻋﻔﻪ ﺩﻭﻥ ﺍﻟﻨﺎﺱ ..
ﻭﺑﺎﻟﺤﻨﻪ ﻏﻄﺖ ﻣﺤﻮﺭﻫﺎ .. ﻭﺭﻕ ﻟﻤﺎﺱ .. ﺍﺗﻘﺎﺑﻞ ﺭﺳﻤﺘﻬﺎ ﺑﺴﻴﺎﺱ ..
ﻭ ﻏﻄﺎ ﻉ ﺍﻟﻀﺒﻨﻮﻥ ﺷﻌﺮﻫﺎ .. ﻃﺎﺡ ﺍﻛﺪﺍﺱ .. ﺍﻣﻌﺮﻡ ﺟﻲ ﻧﺎﺯﻝ ﻡ ﺍﻟﺮﺍﺱ ..
ﻭﺷﺎﻣﺦ ﻣﺮﺯﻱ ﺍﺑﺰﻳﻦ ﻧﻀﺮﻫﺎ .. ﻭﻋﻘﻼ ﺣﺎﺱ .. ﻣﺤﺎﺿﺮ ﻓﺎﺗﺤﻨﻬﻦ ﻭﺳﻮﺍﺱ ..
ﺍﻣﺴﻄﺮ ﻓﻴﻬﻦ ﻣﺎﺗﻘﺪﺭﻫﺎ .. ﻟﻴﻬﺎ ﺑﺎﺱ .. ﻓﻄﻴﻨﻪ ﻭﺍﻧﺖ ﺷﻴﺦ ﺍﻟﻴــــــــــــﺎﺱ

راقت لي

..
..
وصلت رسالة منها قعدت متوتر وانا نقرا فيها

[شفت تعليقك وقلتي تعرفي حد طلع من الحبس😊 ياريت تقوليلي من هو؟ وشن يقربلك؟ وتجاوبي ع اسئلتي الجاية لو تعرفي تفاصيل بعد طلعو م الحبس نبي نكون الرواية واقعية كاملة🥺 ...]

رقى الدم لراسي كيف تتجرأ وتبي تعرف تاني شن صار معانا حتى بعد طلعنا؟؟
لا ناقص اتابع حياتي كلها لين نموت وهي شاده القلم وتكتب ..
بديت نكتب ف رسالة وانا وصلت لمرحلة متقدمه من الغضب يلي اعماني

[اسمعي من لاخير انا معاذ اكيد تعرفيني صاحب المذكرة يلي قاعده تكتبي منها وتنشري ف قصته .. ف رجعي المذكرة احسنلك ولا قسم بالله تشوفي شي مايعجبكش
ووقفي هالمهزلة يلي اديري فيها احسن مانقربع الدنيا كلها عليك]

..... لا رد
.
.
قعدت هلبا نستنى ومافيش رد ...
حسيت اني زدت عصبت وبدون مانحسب حساب يلي نقول فيه  بعتت رساله اخرى
[هيي انت وين اتخدتي قلتلك رجعي المدكرة ووقفي هالرواية احسنلك ولا لني تو ماشي لخوتك ونقلهم عليك ..اكيد مايعرفوش انك خانبة المذكرة وقاعده تكتبي منها وتنشري ف قصتي شن قلت التربية هذه]
شفتها جاري الكتابة قعدت نستنى شن تكتب

[هييي هيييي احترم نفسك خيرلك 😡
اي صح غلطت لكن
ماتجبدش سيرة تربيتي ايوااا ومدكرتك تعال خودها ونقعها واشرب اميتها لكن قبلها رجع ساعة بابا الله يرحمه يلي حذفتوه ف الحبس بدون حتى ماتتكرمو وتدفنوه]

وجعني كلامها وقللت من قيمتي قدام نفسي وضغطت ع الجرح يلي ماباش يبرى يلي يخص دفن سالم الله يرحمه

[حاضر تو نرجعها لكن بوك الله يرحمه صاحبي واعز ومش قصدي نخليه بلا دفن لكن الروح غالية وان شاء الله حصل حد دفنه هده دعوتي من يوم طلعت.. ]

[ الله يرحمه معش ينفع تبريرك هذا💔 لو صاحبك حق راك بعد طلعت مشيت وتأكدت اندفن ولا كلوه الكلاب😭 ]