الغاية في زوز براريد
وبر بعيد ... وناس عرب نور اماعيد
الغاية في نار وميعاد بناس اجواد
وجباد ايجاري جباد
وبراد محاذي براد ... هذاك العيد
بلا لايج لا لبس جديد
ومجراد ايشد لمجراد
ودق حديد وكف يلاطم كف الايد
الغاية في نار ومجلاس
وخيرة ناس
وشاهي طايب كاس بكاس
ومقعد ما فيه الوسواس
ولا تجبيد
سياسة وفراق وتنكيد
اتفرغ كانا فيك غشاش
وكان صهيد
فصدرك يرحل بالتوكيد الغاية ...!
.
.
.
.
بعد.مرور شهر بوي حاله افضل من قبل مع ان مزال باين عليه التعب .. وامي بدت افضل صح مزال تخمم وتتغشش طول لكن نقولو حالها بدا يتحسن ومزال مستمرة ف الحجامة والرقية وقطعنا عنها علاجات النفسيه والحمد لله ماكانش فيه اثار جانبية وكنا ف الصبح نخلو فيها نايضه ونهدرزو عليها باش ف الليل تنعس وترقد ..
كل ما اتم الرقية نمشي نجيبلهم ثاني نبهت ع مريم تستمر تعطيهم وماتقطعش بكل وهددتها ولان طبعها خوافه ماقطعتش بكل وقلتلها تشرب حتى هي وتعطي لوليد بالك تهدي اعصابه ومعز بالك يوليله عقله ويرجع مرته وصغاره يلي حذفهم ونساهم
والحمد لله بدت الاوضاع افضل م الشهور يلي فاتو
..
..
معاذ" بصوت عالي: مريم تي بسرعة وينه صندوق لعوالة بسرعة الجماعة يستنو فيا
مريم" طلعت م الكوجينه: وااك خيرك من بكري نقلك ف دار الخزين هوينه شن بيرقيني نجيبه ثقيل راه
معاذ: به شفتيه نضمتي اموره مافي شي ناقص
مريم: حطيتلك كل شي وبالزايد ولماعين نظاف وواتيات مافي شي ناقص غير الولاعه
معاذ: تمام تمام " مشيت رقيت لدار الخزين ونزلت الصندوق ونزلت : هاهو ماشي
بوي: ردو بالكم
معاذ: ان شاء الله ان شاء الله بسلامه
الام: ربي يحفظكم
معاذ" طلعت وانا مازلت نسمع ف دعوات امي وبويا .. الحمد لله هذه نعمه فقدها الكثيرين ... لقبت اصحابي برى واقفين محمد ومنير وفتحي وايوب ابتسمت وانا نشوف لمحمد يلي باين متحسن وكل فترة يفرق عن يلي قبلها تريت علته انه كاتم ومابحكيش وخايف وتو لما بدا يحكي بدا حاله باهي وتحسن مع الدكتور النفسي يلي ساعده يتخطئ العقدة
فتحي: تي هي عاد فات النهار والطريق طويلة
معاذ: ههه ع اساس زابطها الطريق انت
فتحي: اكيد بنزبطها انا يلي بنسوق بيك
معاذ" وانا نشوف لسيارة: ماساء الله هده تو شاريها
فتحي: اي بعت هديكا وشريت هده صحراوية ومليحه تنفع ف حمادتكم
معاذ: هههه اي اي كويس بكل شد شد الصندوق ركبه
(ركب الصندوق ف السيارة وركبت انا واياه
ومحمد ومنير مع ايوب ف سيارته وانطلقنا للحمادة
