ايصير ملاقى ..... ايدور الزمان اوجوهنا اتلاقى سيورها تبرم
سيورني لاقيك
وسيـورني يا نقابلك يا نجيك
ولايام تمشي كيف تبي بيك
وسيورها بعد الوسع في اضياقه
في اوقات ماهن خاطرات عليك
اتجيبك قدا اللي كنت ناوي افراقه
الدنيا غريبه اوقات حلوا اتجيك
كيف العســل في طعمهــا ومضاقه
واوقات تقسى ومرها تعطيك
حنضل امرار الطعم كي الترياقه
وسيورها تبرم ايصير املاقه
منقول ...
بتنا ليلة اخرى ف صبراته وقعدنا نحققو مع محمد ونحاولو قد مانقدرو نخلوه يدكر شي وين ساكنين بالزبط
وشن اسم خوته
ونعاود كل مرة نسالوه عن اسمه واسم بوه لكن هو مصر يقول محمد خليل ويسكت !،
ماجبناش فايده جديده بكل .. حتى لفينا بيه جميع انحاء صبراته بالك يذكر شي وهو يقول لا مانعرفش هالمكان
فتحي: تعرفو قصه والله كيف الراي تو
ايوب: والله ماغير تنزلو صورته ف النت وتقولو مفقود م2011 ولا اي شي
معاذ: خلاص امالا نعبو عليك لاني جو النت مانفهمش فيه
فتحي: خودله لقطه باهية باش تبين ملامحه راه عشر سنين يتغير لبنادم
خدا ايوب صورة لمحمد ونزل منشور عليه ف صفحات عامه وقلهم انشروها ع نطاق واسع
ايوب : نزلت حتى رقمي باش لو حد تعرف عليه يكلمني
فتحي: به تو شن نهفتو لين يجينا خبر ع اهله ولا كيف
معاذ: شن رايكم نمشو ندورو اهل منير.. لو ماعندك شي يا ايوب
ايوب : لا لا ماعندي شي .. هي امالا نكسبو النهار وننطلقو هو وين قلتو ساكن قبل
فتحي: بوسليم
" وانطلقنا من صبراته لطرابلس تحديدا بوسليم .. المسافة كانت مع الزحمه قريب ساعتين .. دليت ايوب وين قلنا محمد نلقو الحوش ولما ننسى شي يدكرني فتحي بالموقع بالزبط
وحمدت ربي ان الدنيا اطورت ونقدرو من اي مكان نستعملو ال جي بي اس ونوصلو للمكان يلي نبوه بالتحديد
وصلنا لشارع حسب ماوصفهولنا منير ...
فتحي: خلي ننزل للمحل هذا ونسال ع حوشكم بالزبط " نزل "
رن نقال ايوب : ايوا ... اي ... اي صح منزل منشور
شفتله وانا قلبي بدا يدق بقوة زعمه اهل محمد تعرفو عليه ؟
به شن اسمه ؟... لا لا تقولي شن اسمه قبل ولما تبي تستلمه لازم تجيني لمركز الشرطه ... تي كيف شن دخل المركز ... لازم اي ... ماعنديش مشكله تجي تشوفه بعينك ووين ماتبي نتفقو وتعال لكن الاستلام ف المركز... " بعصبية: حتى هو بنادم شن ياسبه نسلملك واحد زي حالته بدون ما ثتبت انك من اهله؟؟ وين عايشين احنا .... " صكر الخط : هههههه يا والله حاله
