غرغرينـــــــــة

الحلقة الثالثة والاربـعــــــــوטּ

حاسبين مكانا
بوقلب طيب كاسبين حنانا

من صغرنا عالباهيا ربانا
وللضيف ديما بوي فاتح بابه

حتا مريض وحالتا تعبانا
يفرج عليه الله كي ماصابا

دبما أدكار الله فوق لسانا
تشبح ايمينا قيلتا وكتابا

ولك عهد مني والعهود أمانه
أني نعاهدك مانتركك يابابا

مانتركك ياغالي
ياضحكتي ياونستي ودلالي

ياضي وسط الحوش ساطع عالي
ياعز مانحمل نهار غيابا

علي راحتي ياما شقيت ليالي
وفي شانا ذايق المر عذابا

ومن مرضتك راني تغير حالي
ذهبت الطريق وضعت وسط الغابا

مصعب عليا نوصفك فاأقوالي
شاعر  نشدني وقلتله الإجابه

نشدني عللي صار
وعلي والدك ماجبت قال أشعار

و أني نقوله بويا ثني وأفخار
وبويا ركيزة بيتنا وأطنابا

عاش وتربا في بيوت كبار
طبيعة حياتا فلان مايغتابا

وحتى يدياتا يدين عمار
كانا زرع معروف زرعه صابا

مانوصفا بأبيات فوق أسطار
شاعر نشد شاعر ورد جوابه

وكل من سمع شعري من الحضار
إدعو لوالدي يخفف الله أتعابا

حاسبين حسابه
فوق روسنا دايم جميل البابا
يبقا كبير  وحاسبيين حسابا

(علي العزيبي)
.
.
خشت رنا ب طاسه لمية وهي تبكي: ماناضش ماناضش

معز" خداها منه وبخ بويا بيها  بصوت عالي: معااذ بسرعة تحرك بيموت فيسع

معاذ" خفت هلبا ومشيت ع السريع نزلت وقعمزت قدام بوي : حوولو حوولو "رفعته بين ايديا وساعدني معز شوي لان بايد وحده والثانية مزال مجبسة ورفعته وانا نتحمل الوجع يلي مزاى مأثر عليا م الحادث .. وجريت بيه لسيارة وورايا امي تبكي وتقول يارب يارب .. ركبته ف السيارة ومشيت نجري للباب التاني ولعتها وركب جنبي معز وانطلقنا نجرو للعيادة اول ماوصلنا نزلت ناديت الاسعاف ومشيت نجري فتحت الباب جابو بريلا
ركبوه عليها وانطلقو يجرو بيه وانا ومعز وراهم وع طول دخلوه للاسعاف واستعدو الدكاترة .. اتكيت ع الحيط وانا فاشل مش قادر حتى نوقف كيف بنقعمز يطلع الدكتور ووراه الممرضين رافعين بوي مشيتلهم نجري: خير خير

الدكتور: للعناية للعناية تاعب المريض تاعب " ودخلوه بسرعة ف الاسنصير "

معز: تعال بسرعة نرقوله "اتجه للاسنصير الثاني وركبنا فيه واتجه بينا لدور الثاني وع طول اتجهنا لممر غرفة العناية ووقفنا قدامنا .. وبدت الحركه تكثر ممرضين ودكاترة وممرضات

معاذ" قعمزت ع الكرسي وحطيت ايدياا بين راسي : يارب يارب

معز" قعمز جنبي: ان شاء الله بسيكه يارب