..خسرت ناس ما ودّي انّي نخسرهمْ
غير اجبــروني ، عالخـساره اجبار
انـكـبـّر و هـما فعلهم صـغّرهم
ما أحسبت المحبّه اتصير لعب اصغار
اعزاز قبل ما نيتي انّي نهجرهم
اللقيت هجرهم في صالحي مو ضار
سامحت ، حتى او طال فيْ ضررهم
اللقـيته سـموحي ، غير زيـدت نـار
خلاص سدهم من طيــبتـي ياسرهم
دم ولــحـم رانـي ، و موش احـجـار
#راقت
.
.
طلعت البرى وقعمزت ف مطراحي واتكيت وشفت لنجوم وانا حاس بشعور ملخبط فرحان ومضايق ف نفس الوقت
فرحان لان المها كل راجل يتمناها زين وعقل ورزانه وجمال جمالها لتو ساحرني
ومضايق لاني كبير عليها وشايب وخريج حبوس وعندي علل ومشاكل نفسية ماحد عالم بيها
وشي اخر مانبيش نفرح زمنير مزال ف الحبس
يارب فرجها عليه يارب
.
.
.
اليوم التالي
كلمني هشام وقالي الزيارة تاجلت لغدوة لان منير عنده لقاء اليوم مع المحامي
المحامي يلي يكون صاحب يونس محامي شاطر ومتمكن .. دعيت الله ان يكون ع ايده خلاص منير ويطلع براءة
كلمت فتحي وقلتله اني بنمشي معاه لجنزور عارض لكن حلفتله لو ماخلانيش نمشي بنزعل منه ومعش بنرضى
نعرف فتحي نقطه ضعفه اني نسيبه صح حقارة مني نستغل هالنقطه لكن عناده هو يلي يخلي فيا نستغلها ونهدد بيها .. ونبي نعرف لوين يبي يوصل بتصرفه مع خوه خدينا تاكسي ورفعتنا لمكان سكن خوه
نزلنا م السيارة ودار فتحي اتصال وماعرفتش من كلم وقاله وصلنا
بعدها وقفنا نستنو لين تقدمله راجلين لابسين لباس شرطة .. كانو ف سيارتهم العكسرية يلي مدرسة قدام الباب وسلمو عليه
شاب : تقدر تسلم حوشك
فتحي: طلعو
شاب الثاني:، تو طالعين بلغناهم من امس
فتحي" شاف للحوش : تمام خليكم هنا عندي كلام معاهم
وتقدم بخطوات ووقف
قربت منه وقعدت واقف جنبه ونشوف لحوش خوه قصدي يلي بدا حوشه شفت المرا والصغار طالعين م الحوش وشفت لفتحي يلي مبتسم بشماته وجا متقدم ناحيتهم وانا وقفت جامد ماقدرتش نوقفه
فتحي" قرب منهم وهو عيونه مابعدتش ع زوجة خوه يلي كانت يوم م الايام زوجته
[ياصاحبي خرفم
حتي اوهم ما ينظفو عارفم
كي ما اكسفوني ربنا يكسفم
اللي قبل في ما فات ما نحملهم
شايل ثاناهم فوق و امشرفم
وفوق من اكفوف الودودة شايلهم
ما ايشرفوش العين بتصرفم
ولا يشرفو حتي انظني. هلهم
يا صاحبي قوللهم]
قربت منه لما قعد واقف ويشوفلها وهي تبكي وتشوفله والصغار ماسكين امهم وخايفين ويشوفو لشرطة وجعني حالهم
