أمضغ المر لين الخايبه تحلالك
بلا مر كيف الحلو يتعدالك
فترة الحياة و تتعدى
حلوة ومره لين توفاء المده
سعات حتى الحلو مايتعده
ويحلاو طعم المر في مضغانك
ومرات حتى كأس العسل ترده
حنظل ومر طعمتا يبدالك .
نشوفله بخوف وقلبي يرجف هالنوع من الخوف ليا وقت ماحسيتش بيه من لما طلعت من الحبس تنهدت وسلمت امري لله شفتله هو مزال يشوفلي ومبتسم ع جنب ونفس نظرته ليا زمان : هو ماتوقعتش نشوفه هنا بالذات لكن خليني تو نسلم الامانة لاصحابها وبعدها نجي لعندك ودير يلي يعجلك فيا .. بس بنزيد نقولك راه كنا محبوسين 10سنين وماكناش ندرو ع شن صار ف البلاد و "قاطعني لما خداني ف حضنه وانا مصدووم "
هشام : واخيرا واخيرا لقيتك " بعدني عنه وانا مازلت مصدوم: والله الا حسيت انك بتجي هنا يوم م الايام ومش متخلي عن وصيته
معاذ" بصدمة : انت ولد سالم فهمني !!
هشام: غير بري جيب صاحبك جيبه هرب تو نلقوه وصل لطرابلس وهو يجري ههه
معاذ " لفيت وانا مصدوم ولقيت ايوب يشوفلي باستغراب ومش فاهم شي ومحمد كالعاده ساكت ومعانا ومش معانا ودرت بعيوني ع فتحي مالقيتاش .. رجعت شفت لهشام "
تكلم الامام يلي جابنا للحوش: تو نمشي ندوره
فتحي" جا رافع ايديه: ما ادورونيش هاهو جيتكم ..اسمع تبي تصدق كيفك ماتبيش انطح راسك امتع البغل ف الحيط مش مجبورين نقنعوك
معاذ" انصدمت بيطينها كالعاده : فتحي؟؟
فتحي: بالله اخطاني فكني ياراجل راه نفسيتي زفته وانت هييه بالك تحساب روحك بتخوفنا والله ماخايفينها من واحد زي اشكالك باه دير يلي يعجبك
هشام" ابتسم ع جنب: باين انك مش مريض نفسي
فتحي: والله ماغيركم المرضى النفسيين باه
معاذ: فتحي غير اصبر
فتحي" بعصبية : شن اصبر ما اصبر فكنا عاد صبرنا لين الصبر مل منا وانا مش خايف من اشكاله
معاذ: واك فتحي صكرفمك هشام ولد سالم
فتحي" فتح فمه بصدمة: ولد سالم!!!
هشام: من قالك اني ولده
معاذ" انصدمت : قصدك مش ولده!!!،
الراجل يلي جابنا للحوش : غير خشو نهدرزو الداخل
فتحي: بالله!! تو انت دار روحك شيخ وامام جامع وجايبنا كمين هنا باش يجو جماعتكم يكركرونا للحبوس
هشام" عصب: تي بالله اسكت تربح ماتخلينيش تو بالحق انادي جماعتي ونكركرك للحبوس
ايوب: فتحي اسكت وخلينا نفهمو القصه
