အခန်း (၂၃)
လင်းမာန်ခ ဆိုင်ထဲကို ဝင်လာတော့ ကိုထင်လင်း ကပါ အနောက်က လိုက်ပါလာသည် ။
သူ ကိုထင်လင်း ကို စိတ်ဆိုးနေတာနှင့် ကိုကျော်ထိုက် ကို ကျေးဇူးတင်စကားပင် မပြောလိုက်ရ ။
အမှန်ဆို ကိုကျော်ထိုက်က သူ့ကို စိတ်ပူပြီးတောင် အိမ်လိုက်လာပြီး သတင်းမေးရှာသေးတာ မဟုတ်လား ။
နောက်နေ့တွေ့မှ ကိုကျော်ထိုက် ကို ကျေးဇူးတင်စကား ပြောလိုက်ဦးမည်ဟု လင်းမာန်ခ တွေးလိုက်သည် ။လင်းမာန်ခ ကိုထင်လင်း အခန်းထဲ ကို ဝင်လိုက်သည် ။
အရင်ရက်တွေက ကိုထင်လင်း က သူ့အခန်းထဲ ဝင်အိပ်ဖို့ ပြောထားသောကြောင့် သူ ကိုထင်လင်း ခုတင်အောက် ကြမ်းပြင်တွင် အိပ်ယာခင်း၍ အိပ်ခဲ့သည်မှာ လေးငါးရက် ရှိခဲ့ပြီ ဖြစ်သည် ။" မင်းက ငါ့အခန်းထဲ အိပ်မလို့လား... "
ကိုထင်လင်း က အနောက်က ပါလာရင်း သူ့ကိုမေးလာသည် ။
ကိုထင်လင်း အသံက သူ ဂေးမှန်းသိသွားပြီး သူ့ကို မအိပ်စေချင်သလိုလို ဘာလိုလိုနှင့် ။" ရူးနေလား .... ခင်ဗျားနဲ့ အိပ်မယ့်အစား ခွေးလေး ဂျက်ကီနဲ့ပဲ အိပ်လိုက်မယ်... "
ကိုထင်လင်း က သူ့စကားကြောင့် ပြုံးသွားသလို ဖြစ်သွားသည် ။
သို့သော် သူ့ဘာသာသူ ပြန်ထိန်းလိုက်ပုံနှင့် မျက်နှာကို တည်လိုက်ကာ ပြန်ပြောလာသည် ။" မင်း ညဘက်ကို ထူးထူးဆန်းဆန်း တွေ မလုပ်ဘဲ အေးအေးဆေးဆေး အိပ်မယ်ဆိုရင်တော့ ဒီမှာပဲ ဆက်အိပ်လို့ရပါတယ်... "
အံမယ်... ပြောသည့်ပုံကိုက မသိလျှင် သူကပဲ သိက္ခာမဲ့ အရှက်မဲ့သူ တစ်ယောက် ကျနေတာပဲ ။
သူ သူ့စောင်နှင့် ခေါင်းအုံးကို ဆွဲယူလိုက်သည် ။" ကျွန်တော်က အေးအေးဆေးဆေး မအိပ်တတ်ဘူး... ညဘက်အိပ်ရင် ယောင်ပြီး အပေါ်ကနေ တက်ခွတတ်တယ်... အဲ့တာကြောင့် အပြင်မှာပဲ အိပ်တာ ပိုအဆင်ပြေလိမ့်မယ်... "
လင်းမာန်ခ ရွဲ့ပြောလိုက်ပြီး အခန်းအပြင်ကို ထွက်လာကာ ခေါက်ဆွဲဆိုင်၏ စားပွဲများကို ဆက်ပြီး သူ့အတွက် ကုတင်လုပ်ကာ စောင်ခင်း၍ အိပ်လိုက်သည် ။
YOU ARE READING
အချိန်ခရီးသွားပြီး အဖေ့ကို လင်ပေးစားမယ်
Mystery / Thrillerဇာတ်လမ်း အကျဥ်းကတော့ ဝတ္ထုခေါင်းစဥ်အတိုင်းပါပဲ... လင်းမာန်ခက wormhole ကို ဖြတ်လာပြီး လွန်ခဲ့တဲ့ အနှစ် ၂၀ ကို ရောက်လာတယ် ။ သူ့အဖေက သူ ၂နှစ်သားထဲက ဆုံးသွားခဲ့ပြီဖြစ်တယ် ။ သူ့အဖေရဲ့ ဒိုင်ယာရီ အရ သူ့အဖေ ချစ်တဲ့သူက ယောကျ်ားလေးတစ်ယောက်ဆိုတာ သူ သိခဲ့တယ် ။ ...