[COMPLETED] Untouchable B

Ika-siyam na Kabanata

Park Chanyeol.

Pangalawang araw na namin dito sa resort nila Suho hyung at uuwi na kami bukas ng umaga. Mabuti na lang dahil mabilis lang ang takbo ng oras, masyado kasing heavy ang atmosphere namin dito.

Lumipat na ng kwarto si Krystal, doon sa kwarto ni Suho hyung. Noong una nag-histerikal pa siya dahil ayaw niya lumipat pero wala na siyang nagawa noong sinigawan siya ni Suho hyung. Si Baekhyun naman, pinalipat ko sa kwarto ko, tutal nabakante na iyong isang kama doon. I'm serious when I said that when he's with me, his safety is rest assured. At saka ayaw ko ng dumagdag sa stress niya si Chen. Regularly, he's annoying but when there's a chaos, he's getting more annoying sa totoo lang.

Maaga akong nagising ngayon kaya naabutan kong mahimbing na natutulog si Baekhyun sa kabilang kama. Akala niya siguro tulog na ako kagabi pero hindi, magdamag akong gising dahil naririnig ko iyong mga paghikbi niya. Siguro mga one hour after niyang makatulog saka lang ako nakatulog. He cried himself to sleep.

"Baek," bahagya kong tinapik iyong pisngi niya at kinamot niya lang iyon. Cute talaga nito, hays. "Gising na po, Young Master Baekhyun."

Pero hindi talaga siya bumabangon. Nagbabawi siguro ng tulog at lakas. 4AM na ata siya natapos kakaiyak kagabi kaya hinayaan ko na lang siyang mahimbing na matulog doon. Wala rin naman akong balak na sumabay sa kanila sa breakfast, hindi ko pa ata kayang makita si Krystal dahil sa mga ginawa niya sa amin ni Baekhyun kahapon at mas lalong hindi ko kayang humarap kay Suho hyung dahil sa ginawa kong pagsuntok sa kanya. Kahit naman hinusgahan niya si Baekhyun, hindi pa rin nararapat na gantihan ko siya dahil una sa lahat, sa kanya kami nakadepende ngayon. Pangalawa, baka impulse lang iyon. Syempre may feelings siya kay Krystal kaya natural lang na ipagtanggol niya ito. Pangatlo, hyung ko siya.

Balak ko sanang magluto na lang ng breakfast namin ni Baekhyun sa kitchen at buong araw magkulong sa kwarto namin pero pagdaan ko sa dining area, bigla akong niyaya ni Suho hyung kumain. "Hyung, salamat. Pero sa kwarto na ako kakain. Hindi pa kasi gising si Baekhyun."

Nagulat kaming lahat nang biglang padabog na binagsak ni Krystal iyong hawak niyang kubyertos at nagmamadaling umalis. Napabuntong hininga na lang si Suho hyung at napakamot ng ulo. "Sige. Humingi ka na lang ng pagkain sa chef sa kitchen," tumayo siya at nag-excuse at susundan niya raw si Krystal, aamuhin na naman siguro. Ang swerte talaga ng magiging girlfriend at mapapangasawa nitong si Suho hyung. Bukod sa mayaman din siya, sobrang caring niya talaga.

"Chanyeol hyung! Okay na ba thi Baekhyun hyung?" Umiling ako. Halata naman kasing hindi siya okay eh. Matamlay kaya siya kahapon pagbalik namin dito sa resort tapos may crying session pa siya kagabi hanggang madaling araw diba? "Pupunta ako mamaya tha kwarto niyo! Makikipagbati na ako kay hyung!" Tumango na lang ako at nag-diretso sa kitchen.

Wala naman akong balak na ipakain iyong luto ng resident chef nila Suho hyung kay Baekhyun eh. Naisip ko na rin na ipagluto siya ng kahit anong edible dish to make him feel better. Feeling ko kasi matutuwa siya kapag ipinagluto ko siya kahit na hindi kasing sarap ng luto dito. It's the thought that counts diba? Pero sabi naman ng mga nakatikim na ng luto ko, masarap akong magluto. Hindi ko alam kung maiinsulto ako o ano kasi puro fried dishes lang naman niluluto ko. I ended up preparing the usual breakfast. Bacon, egg, fried rice, and hot chocolate. I even prepared a plating. Iyong egg ang nagsilbing mata while ginawa kong eyebrows iyong bacons, then yung fried rice iyong naging mouth. Halos mabaliw pa nga ako paano ko gagawing smiley face iyong plating eh.

Pagpasok ko sa kwarto namin naabutan kong gising na si Baekhyun at nakatayo siya sa veranda ng kwarto namin. Mukhang ninanamnam niya iyong hangin dito sa Cavite. Summer pero hindi naman kasi ganun kainit dito.