In His Paradise (Completed)

Kabanata 5

Biniyayaan

There are things that come unexpectedly. Iyong tipong ni hindi mo alam kung kailan, para saan, at bakit ito dumating. Matatanto mo na lamang na heto na, nasa harap mo na, at hindi mo na matatakasan pa.

Napabuga ako ng hangin bago lumabas sa kusina upang bumalik kila Michiko. Naabutan ko ang mga ito na nakaupo at nagkakatuwaan habang may kanya-kanyang hawak na baso.

Nang mapansin ako ni King ay mabilis niya akong tinawag at tinapik ang bakanteng upuan sa pagitan niya at ni Monette.

"Lika dito, Empress! Tikman mo itong dalang lambanog ni Luke! Never miss it for the world!" Nagkatawanan dahil sa sinabi at inasta nito. Nahihiya akong lumapit sa mga ito at umupo sa inalok niyang upuan.

I can feel every eyes on me habang iniaabot ni King ang baso na may lamang lambanog. Tinanggap ko ito at nag-alinlangang tikman. Ano bang lasa nito? Baka naman kasing baduy ng mga stereotype na probinsyano?

"Tikman mo na, Manila girl. Safe yan," biglang sambit ni Luke at mabilis na dumapo ang paningin ko sa kanya.

Naroon at nakapaskil ang pilyong ngiti nito. Mabilis na gumapang ang init sa magkabilang pisngi ko dahil sa uri ng pagkakatitig nito sa akin.

"Walang lason iyan," may multo ng ngiti sa kanyang mga labi.

"I never said that," kibit balikat ko at bahagyang umirap. Tinukso nila si Luke dahil sa pambabara ko rito. Hindi naman ito mukhang pikon dahil panay pa rin ang tawa at ngisi nito sa akin.

"Taray naman ni Manila girl. Ganyan ba kayong mga tiga Maynila? Nakakatakot namang mapadpad roon kung ganoon," wika niya habang sumisimsim sa hawak na baso. Binigyan ko siya ng matalim na tingin ngunit ngumisi pa itong lalo.

Nakaramdam ako ng matinding pagkainis sa bawat reaksyon na ipinapakita nito. Damn this greek god! He's getting into my skin!

"Cheers!"

Nagsikampayan ang mga ito at wala akong nagawa kundi itaas rin ang baso ko at makikampay. Nang ibaba ko ang aking baso ay naabutan ko ang malalim na tingin ni Luke mula sa kabilang bahagi ng mesa. Gumapang ang init sa aking magkabilang pisngi. Naroon rin ang hindi maipaliwanag na kiliti sa aking kalooban..nanunukso at mabilis na kumalat sa bawat ugat ng katawan ko. I'm so uncomfortable! Napaiwas ako ng tingin at napatungga ako sa hawak kong lambanog.

Damn, it tastes good! Kakaiba ang lasa nito. Manamisnamis at may kaunting asim.

"Saan gawa ito?" Bulong ko kay Monette sa tabi ko habang inginunguso ang lambanog sa gitna ng mesa.

"Sa niyog. May pagawaan sila Luke niyan. Inaangkat din nila papunta sa karatig lugar. May malawak silang taniman ng niyog malapit sa Carayan na pupuntahan natin bukas. Madadaanan iyon."

Bago pa maubos ang lambanog na dala ni Luke ay nakaramdam na ako ng pagkahilo. Mukhang tinamaan na rin ang mga kasama namin dahil mas maingay na ang mga ito. Pagabi na at halos hindi ko na maaninag ang paligid. The darkness has started to envelope the place.

Damn, did I just get drunk over this weird liquid namely lambanog? Malakas ako uminom kapag nagbabar kami sa Maynila pero never pa akong tinamaan ng ganito. I can even drink ten shots of whiskey and margarita without getting shitly screwed up!

"Ilabas ang gitara!"

Maya-maya pa'y nagkatuksuhan na nang maglabas ng gitara si kuya Jasper. Mabilis nila itong pinagpasapasahan at nagsikanta sa himig ng mga katutubong awit. Madaling sabayan ang himig nito ngunit hindi ako makasabay dahil awkward ito sa aking pandinig at hindi ko alam ang lyrics.