In His Paradise (Completed)

Kabanata 15

Just Him

Weeks had passed and everything's going fine between me and Luke. Madalas niya akong dalhin sa bahay nila at nakagaanan ko na rin ng loob si Tito Lucas at Tita Cynthia.

I was happy to know that rivalry between our families doesn't affect their perception of me. They never said anything offensive against us. Naisip ko nga na pamilya ko lang yata itong OA at ginagawang big deal ang lahat.

Sa Arnedo College ay ganoon pa rin ang mga tao, hindi pa rin makapag move on sa balitang kami na nga ni Luke officially. Wala rin akong ideya kung paano nakalabas ang balitang iyon. Maybe it was so obvious that they could quickly jump into the right conclusion, or it was all because of Violet. Dahil maliban sa news na kami na ni Luke ay may naririnig din akong hindi totoong impormasyon tungkol sa akin. But I was being used to that anyway.

It's another weekend and I was looking forward to being with Luke later. Pinangako niyang dadalhin niya ako sa hacienda nila at mangangabayo kami. I haven't tried horseback riding so I was quite interested when he told me that.

At ngayon ay narito pa ako sa kwarto, nakatitig sa bintana. Nag iisip kung paano ko palalambutin ang aking pamilya lalo na si Papa.

Hanggang ngayon ay naghihimutok pa rin ito sa balitang kami na ng batang Marquez. Dumalaw kasi rito ang mga pinsan ko at nabuksan ang topic na iyon since kalat sa school. And Papa accidentally overheard things. Ang ending ay lalo itong nagalit kahit ang mga tito ko.

And now I was left with no choice but to bear with their cold treatment toward me. My cousins feel sorry about me but that doesn't change anything.

Mabigat din sa loob ko na ganito ang pakikitungo nila sa akin. Si Mama ay walang magawa sa katigasan ng loob ni Papa.

Hindi pa nga ako lumalabas ng kwarto buong umaga dahil naroon sa baba ang mga tito at si Papa. Nag uusap usap.

But then I've realised that I haven't ate lunch yet and it's already past lunch time. Kaya nagdecide na akong tumayo para bumaba at makakain.

Halos kalahati na ang pagkakabukas ko sa pinto nang hindi sinasadyang marinig ko ang sinabi ni Tito Julio.

"Topher, mahina ang kita ng mais at palay dahil kulang sa estratehiya ng pagpapalago. Masyado nang luma ang strategyng ginagamit ni Carlos sa pagpapadami ng ani. Ang kailangan mo ngayon ay magandang estratehiya kung paano mas palalaguin at pararamihin ang mga bunga ng pananim habang binabantayan ang kaledad nito," aniya.

Nanatili ako sa hamba ng pintuan at kuryusong nakikinig sa usapan.Hindi ko matanto ngunit may nag uudyok sa aking makinig.

"Halos masolo na ng mga Marquez ang supply na iniluluwas. Ayoko mang aminin ngunit talagang madami at maganda ang mga ani nila," wika naman ni Tito Miguel.

Ngayong nabanggit na ang mga Marquez ay lalo akong nakinig.

"Kung hindi natin ito maagapan ay lalo pang lulubog ang negosyo ni Carlos. Ngayon ay kailangan mong umisip ng paraan upang mabawi ang lugi at ang dating porsyento ng supply na iniluluwas natin," si Tito Mark iyon.

Hindi ko narinig ang sagot ni Papa at nanaig ang katahimikan sa paligid. Ilang segundo rin iyon ngunit boses ni Tito Julio ang bumasag nito.

"Hindi ba't nobyo ni Empress ang ampon ni Don Lucas?"

Natigilan ako at napako sa kinatatayuan.

"Bakit hindi mo hayaang makipagrelasyon siya roon at gamitin mo iyon upang malaman ang estratehiya ng mga Marquez sa malalago nilang ani?" Pagpapatuloy ni Tito Julio.

Nanigas ako sa kinatatayuan. Did I hear it right? And did I get the right interpretation of it?

"Sinasabi mo bang gamitin ko ang anak ko, Julio?" Matigas na tanong ni Papa. Alam kong madumi kung maglaro ang Tito Julio ngunit hindi ko inaasahang ganito.