In His Paradise (Completed)

Kabanata 9

Carried Away

"You are enrolled."

Inilahad ni Ms. Macasinag ang aking printed registration form, patunay na enrolled na ako para sa semester na ito.

Nagpasalamat ako at saka nilapitan sila Michiko, Mabel at Monette na nakaupo sa waiting area. Nauna silang natapos dahil mas mabilis ang proseso sa kanila kaysa sa tulad kong transferee.

"Patingin ng schedule!"

Nagsiksikan ang kanilang mga mukha upang makita ang naka print sa form.

"Hala! Magkaklase tayo rito! Atsaka ito! Tapos ito din!"

Pinagtuturo nila ang mga kaparehas naming klase. It turns out na hindi pala kami kaklase sa ibang subject dahil nakuha ko na ang mga ito noong nasa Maynila pa ako. Pero karamihan ay kaklase kami.

"Tara na! Kakain tayo?" Anyaya ni Mabel. Napatingin ako sa wrist watch ko na nagsasabing mag aalas dose na ng tanghali.

"Paano sila King, Toffy at kuya Jasper?" Tanong ni Monette.

Tumunog ang cellphone ko at nakita kong si Luke iyon. Binasa ko ito habang nagpapatuloy sila sa diskusyon kung paano ang set up.

Luke:

You done? Nasaan ka?

Nagtipa ako ng reply.

To Luke:

Yup, done. Waiting area sa Registrars Office.

Kinalabit ako ni Michiko. "Ano? Tara na? Sa may Kamayan tayo kakain. Nandoon na raw sila King."

Sandali akong nag isip ng idadahilan. Hindi ko pa nasabi sa kanila na may plano kami ni Luke ngayong araw. Paano ko sasabihin? Baka magulat sila dahil hindi naman nila alam na nagkita kami kahapon at nagkapalitan pa ng numero.

"Teka," sabi ko at binuksan ang message galing ulit kay Luke.

Luke:

Puntahan kita dyan. May kasama ka ba?

Nilingon ko saglit sila Michiko na nag aabang sa sagot ko sa anyaya nila.

To Luke:

Sila Michiko. Sasalubungin na lang kita. Magpapaalam ako sa kanila.

Nagsend ang message ko at hinarap ko sila Michiko.

"Ano.. Pwedeng kayo na lang muna ang mag lunch? May lalakarin pa ako. Itetext ko si Toffy para hindi mag alala," paliwanag ko at tahimik na nagdadasal na wag na silang mag usisa pa.

"Saan?" Kuryusong tanong ni Mabel.

Nag iwas ako ng tingin. Nakakaramdam ako ng guilt at hindi ko alam kung para saan iyon. Wala naman akong gagawing masama ah?

Ayoko lang talaga munang ipaalam sa kanila na may ganitong nangyayari sa pagitan namin ni Luke. Dahil hindi ko alam kung ano talagang meron sa pagitan namin. Like duh? Pang limang beses pa lang kaming nagkikita, considering I've just met him almost two months ago. And swear, kahit ako ay nabibigla sa bilis ng mga pangyayari.

"Basta. I'll go ahead. Bye bye!"

Kumaripas na ako ng lakad habang binabasa ang reply ni Luke.

Luke:

Malapit na ako.

Magttype pa sana ako ng reply nang masalubong ko na ito. Nakasuot ng masikip na black pants, maroon band tee at puting rubber shoes. Naroon at nakasuot sa leeg nito ang pamilyar na silver dogtag necklace. Katulad noon ay magulo ang brown nitong buhok.