အခန်း ( ၄ )
"ဟဲလို "
"ကို "
"အင်း..မြတ်နိုး ၊ ပြောလေ "
"မြတ်နိုးတို့ လမ်းခွဲရအောင်...."
"ဘာ...ဘာလို့လဲ.. မြတ်နိုး ၊ ကိုယ် ဘာအမှားလုပ်မိလို့လဲ "
"ရှင်...မမှားပါဘူး ၊ ကျွန်မ မှားခဲ့တာ ၊ လမ်းခွဲရအောင်၊ ကျွန်မကို ဘယ်လို အကြောင်းမျိုးနဲ့မှ မဆက်သွယ်ပါနဲ့တော့ "
"မြတ်နိုး "
သူ ပြောဖို့ ပြင်နေပေမယ့် ဖုန်းချသွားပြန်ပြီ။
မြတ်မင်းမောင် ဖုန်း ဆက်တိုက်ခေါ်နေပေမယ့် ဖုန်းစက်ပိတ်ထားတယ် ။ သူ ခေါင်းအေးအေးထားပြီး သေချာပြန်စဉ်းစားမိတော့ ဒါဟာ မရိုးသားတော့ဘူး။ တစ်ခါလည်း မဟုတ်၊ နှစ်ခါလည်း မဟုတ် ၊ ခုဆို သုံးကြိမ်မြောက် လမ်းခွဲခံရတာ ၊ မြတ်နိုး နဲ့လည်း ဘာပြသနာမှမရှိခဲ့ဘဲ ။ မနေ့ကတောင် မြတ်နိုးနဲ့ အတူ လျှောက်လည်ခဲ့သေးတာပဲ ။ မနေ့ကထိ မြတ်နိုးက သူ့ကို ချစ်ချစ်ခင်ခင် ကြင်ကြင်နာနာပါပဲ ။ လမ်းခွဲချင်တဲ့ အရိပ်အယောင်နည်းနည်းမှ မတွေ့ခဲ့ပါဘူး ။ နောက်ပြီး သူတို့ဘက်က စပြီးလမ်းခွဲခံရအောင် သူ့မှာ ဘာမှပြောစရာမရှိအောင် ပြည့်စုံနေခဲ့တာပဲကို ။
ဒီကိစ္စကို သေချာ စုံစမ်းရမယ်။ ဒီတခေါက် ဒီတိုင်း ကျော်သွားလို့ မဖြစ်တော့ဘူး ဟု သူ အတွေးဝင်မိတယ် ။~~~~~~~~~~~~~~~
သူ မြတ်နိုးစာသင်တဲ့ ကွန်ပျူတာ သင်တန်းကျောင်းလေးကို ထွက်လာခဲ့တယ် ။ ဟိုရောက်တော့ မြတ်နိုး ခွင့်ယူထားတယ်တဲ့ ။ တစ်ပတ်လောက် နားမယ်လို့ပြောတယ်။ ထူးဆန်းလိုက်တာ ၊ မြတ်နိုးက ဘာကိစ္စရှိလို့များ တစ်ပတ်လောက်ထိ နားရတာလဲ ။ မြတ်နိုးမှာ အရေးကြီးကိစ္စရှိတယ်ဆိုရင်တောင် သူ့ကိုဖွင့်ပြောလို့ ရတာပဲလေ ။ ဘာကြောင့် လမ်းခွဲချင်ရတာလဲ ။
မြတ်နိုးရဲ့ သင်တန်းကျောင်းမှာ အိမ်လိပ်စာ မေးတော့လည်း မပြောပြပြန်ဘူး ။ မြတ်နိုးက သူ့ အိမ်လိပ်စာကို ဘယ်သူမှ မပြောဖို့ မှာထားတယ်တဲ့လေ ။ အမြဲ ရပ်ကွက်နားထိပဲ လိုက်ပို့ခိုင်းခဲ့တော့ မြတ်နိုးရဲ့ အိမ်လိပ်စာကို မြတ်မင်းမောင် အတိအကျ မသိပြန်ဘူး ။တစ်ခုခုတော့ ထူးဆန်းနေတာ အမှန် ။ ရုတ်တရက် လမ်းခွဲပြီး ပျောက်သွားတဲ့ အကြောင်းအရင်းက ဘာများလဲ ။
YOU ARE READING
သံသယများရဲ့ နောက်ကွယ် [ Completed ]
Romanceလက်ထပ်ဖို့ထိ ရည်ရွယ်ထားတဲ့ ချစ်သူ ရှိလျက်နဲ့ ရည်းစားများပြီး ပွေရှုပ်နေဆဲ ဖြစ်တဲ့ မြတ်မင်းမောင် ။ ချစ်သူက ရည်းစားများတဲ့အပြင် သူ တွဲတဲ့မိန်းကလေးတွေနဲ့ပါ မိတ်ဆက်ပေးခြင်းခံရတဲ့ မိုးမခ ။ နားလည်ပေးရင်း နဲ့ နာကျင်စွာ ရှေ့ဆက်နေရတဲ့အခါ ။ မိုးတစ်ယောက် ဘယ်လေ...