အခန်း ( ၅ )
ထိုမိန်းကလေးက မိုး နဲ့တော်တော်တူနေတယ်။ ဘေးက လှမ်းမြင်လိုက်ရတာဆိုတော့ သိပ်တော့ မသေချာသေးဘူး ။ သူ ရှေ့ကို တစ်လှမ်းချင်း လှမ်းသွားမိတယ် ။ မိန်းကလေးကတော့ သူ့ကို သတိထားမိတဲ့ ပုံမပေါ် ။ ဆေးလိပ်ကိုသာ သောက်နေပြီး အတွေးထဲမှာ နစ်မြောနေပုံရတယ် ။ မြတ်မင်းမောင် အနား ရောက်ခါနီးမှာ...။
"မြတ်မင်း"
ခေါ်သံကြောင့် နောက်ကို လှည့်ကြည့်တော့ သူ့ရဲ့ သူငယ်ချင်း ထက်မြတ်ကို တွေ့လိုက်ရတယ် ။
"မင်း ဒီကို ဘယ်လို ရောက်လာတာလဲ ။ မင်း ခရီးသွားနေတုန်းဆို"
"ငါ ဒီနေ့ညနေပဲ ပြန်ရောက်တာ၊ ငါ ဒီမှာ ချိန်းထားတာရှိလို့ ရောက်လာတုန်း ။ခုန မင်းကို လှမ်းတွေ့လို့ နောက်က လိုက်လာတာ "
"ဪ..."
"မင်းက ဒီမှာ ဘာလုပ်နေတာလဲ"
ထက်မြတ်က စူးစမ်းသလို နဲ့ မေးတယ် ။
"ငါ အထဲမှာ မွန်းကျပ်နေလို့ အပြင်ခဏ ထွက်လာတာ၊ ဒါနဲ့ ငါမိုးကို တွေ့လိုက်သလိုပဲ "
မြတ်မင်းမောင်က ခုနတွေ့တဲ့ မိန်းကလေးကို သတိရပြီး ပြန်လှည့်ကြည့်တော့ နေရာမှာ မရှိတော့ပါ ။
"မင်း မူးနေပြီ ထင်တယ် မြတ်မင်း ။ မိုးက ဒီကို လာမလား"
"အင်း ၊ ငါလူမှားတာ နေမှာပါ။ မိုးလို မိန်းကလေးမျိုးက ဒီကို လာပါ့မလား...ဟား "
မြတ်မင်း ပြောပြီး ရယ်မောမိတယ် ။ ရေချိန်ကိုက်ပြီး သူ ထင်ယောင်ထင်မှား ဖြစ်သွားတဲ့ပုံပဲ ။
"လာ....ငါတို့ အထဲပြန်သွားရအောင်..."
"အင်း..."
သူ ခေါင်းညိတ်ပြီး ထက်မြတ် နဲ့ အတူ ထိုနေရာမှ ထွက်လာခဲ့တော့တယ်။
မြတ်မင်းမောင်တို့ ထွက်သွားပြီးနောက် နံရံအကွယ်က မိန်းကလေးတစ်ယောက်ထွက်လာခဲ့တယ် ။ မြတ်မင်းမောင်တို့ ထွက်သွားတာကို ခဏလောက် ရပ်ကြည့်နေပြီးနောက် သူလည်း ထိုနေရာမှ ထွက်သွားတော့တယ် ။
YOU ARE READING
သံသယများရဲ့ နောက်ကွယ် [ Completed ]
Romanceလက်ထပ်ဖို့ထိ ရည်ရွယ်ထားတဲ့ ချစ်သူ ရှိလျက်နဲ့ ရည်းစားများပြီး ပွေရှုပ်နေဆဲ ဖြစ်တဲ့ မြတ်မင်းမောင် ။ ချစ်သူက ရည်းစားများတဲ့အပြင် သူ တွဲတဲ့မိန်းကလေးတွေနဲ့ပါ မိတ်ဆက်ပေးခြင်းခံရတဲ့ မိုးမခ ။ နားလည်ပေးရင်း နဲ့ နာကျင်စွာ ရှေ့ဆက်နေရတဲ့အခါ ။ မိုးတစ်ယောက် ဘယ်လေ...