အခန်း ( ၁၂ )
"ဘာဖြစ်လို့လဲ အေမီ"
"ဟင်..ဟင့်အင်း ၊ ငါ အရမ်းမုန်းတဲ့ မိန်းမတစ်ယောက် နာမည်နဲ့တူနေလို့ ။ ငါ လန့်သွားတာ ။ လောကမှာ လူတူမရှား နာမည်တူ မရှားမဟုတ်လား ။ နာမည်တူတာ နေမှာပါလေ "
"အင်း....ဟုတ်မှာပါ ။
နင်သိတဲ့ မိုးမခက ဘယ်လိုမျိုးလဲ။ ငါ့ရဲ့ မိုးက လူတစ်ဖက်သားအပေါ် နားလည်မှု ပေးတဲ့အပြင် စိတ်ထားလဲည်း သိပ်ကောင်းတယ် ။ နောက်ပြီး အေးဆေးတည်ငြိမ်တယ်တဲ့ မိန်းကလေး""ဟုတ်မှာပါ ၊ ငါ သိတဲ့မိုးမခက နင်ပြောတာနဲ့ ဆန့်ကျင်ဘက်ပဲ "
"အင်း....ဟုတ်လား ။ နင်က သူ့ကို ဘာလို့မုန်းရတာလဲ "
"ငါ့အစ်ကို သူကျောင်းတက်တုန်းက အဲ့ဒီမိန်းကလေးနဲ့ တွဲတယ် ။ ပထမတော့ တစ်ယောက်နဲ့ တစ်ယောက် အဆင်ပြေကြပါတယ် ။ ကိုကို က ငါနဲ့တောင် မိုးမခကို မိတ်ဆက်ပေးသေးတယ် ။ နောက်တော့ အဲ့ဒီမိန်းမက အရမ်းပြသနာရှာလွန်းတယ် ။ ကိုကိုက သူ့သူငယ်ချင်း မိန်းကလေးတွေနဲ့ စကားပြောဆိုတာတောင် အမျိုးမျိုးပြသနာရှာခဲ့တာ ။ ကိုကို နားလည်ပေးဖို့ လုပ်ပေမယ့် နောက်ပိုင်း ပြသနာဖြစ်ရင် ဒေါသတကြီးတုံ့ပြန်လာတယ် ။ ကြာတော့ ကိုကိုက သူ့ကို စိတ်ကုန်ပြီး လမ်းခွဲခဲ့တာ ။ မေမေတို့ သဘောတူတဲ့ မိန်းကလေးနဲ့ လက်ထပ်ဖို့ လုပ်တော့ မိုးမခက မရရအောင် လိုက်ဖျက်တယ် ။ မရတဲ့ အဆုံး လက်လျော့ပြီး ကြိမ်းဝါးခဲ့သေးတယ် ။ လက်ထပ်တဲ့နေ့က ကိုကို သေတဲ့နေ့လို ပြောခဲ့တယ် ။ အဲ့ဒီနေ့က ကိုကို့ကို ခြံရှေ့မှာ သူ ပြောခဲ့တာတွေ ငါအားလုံးကြားခဲ့တယ် ။ တကယ်ပဲ ကိုကို လက်ထပ်တဲ့နေ့မှာ ကိုကိုရော သူ့ဇနီးလောင်းရော နှစ်ယောက်လုံး ကားအက်စီးဒန့်နဲ့ ဆုံးခဲ့ရတယ် ။ ဒါ မတော်တဆ မဟုတ်ဘူး ။ ဒါ အဲ့ဒီမိန်းမ လက်ချက်ဆိုတာ သေချာတယ်"
" သူ့မှာ အပြစ်ရှိတာ အမှန်ဖြစ်ခဲ့ရင် ရဲတွေက မဖမ်းဘဲ နေမလား"
မြတ်မင်းမောင်က တွေးဆဆဖြင့် ပြောလိုက်တယ် ။
"ငါတော့ လုံး၀မယုံဘူး ။ မတော်တဆလို့ အားလုံးပြောကြပေမယ့် အဲ့ဒီမိန်းမကြောင့်ဆိုတာ သေချာတယ်"
YOU ARE READING
သံသယများရဲ့ နောက်ကွယ် [ Completed ]
Romanceလက်ထပ်ဖို့ထိ ရည်ရွယ်ထားတဲ့ ချစ်သူ ရှိလျက်နဲ့ ရည်းစားများပြီး ပွေရှုပ်နေဆဲ ဖြစ်တဲ့ မြတ်မင်းမောင် ။ ချစ်သူက ရည်းစားများတဲ့အပြင် သူ တွဲတဲ့မိန်းကလေးတွေနဲ့ပါ မိတ်ဆက်ပေးခြင်းခံရတဲ့ မိုးမခ ။ နားလည်ပေးရင်း နဲ့ နာကျင်စွာ ရှေ့ဆက်နေရတဲ့အခါ ။ မိုးတစ်ယောက် ဘယ်လေ...