( ဇာတ်သိမ်းပိုင်း)မြတ်မင်းမောင် ကော်ဖီဆိုင်မှာ မိုးကို စောင့်နေမိတယ် ။ ချိန်းထားတဲ့အချိန်ထက် နာရီ၀က် နောက်ကျနေပြီ ။ ဘာပဲဖြစ်ဖြစ် မိုးရောက်လာတဲ့ထိ စောင့်မယ်လို့ သူ ဆုံးဖြတ်ထားတယ် ။ မြတ်မင်း အခုလို မိုးကို စောင်နေရတဲ့အချိန် အရင်က မိုး သူ့ကို အမြဲစောင့်နေခဲ့ရတာတွေအတွက် စိတ်မကောင်းဖြစ်မိတယ် ။
တကယ်တော့ သူ ဖြစ်ခဲ့တဲ့ပြသနာ တွေကြောင့် တော်တော်လေးစိတ်ညစ်ပြီး တခြားတစ်နေရာကို ခဏထွက်သွားခဲ့တာဖြစ်တယ် ။ အဲဒီအချိန်မှာ သူသေချာသိခဲ့တယ်။ မိုးလို သူ့ကိုချစ်နိုင်တဲ့သူ မရှိဘူးဆိုတာ ။ မိုး သူ့ကို ချစ်လွန်းလို့ဟန်ဆောင်ခဲ့တာ ၊ သူ့ကို ချစ်လို့ ဒီလိုလုပ်ရပ်တွေ လုပ်ခဲ့တာလို့ နားလည်လာတယ် ။အချိန်တော်ကြာ စဉ်းစားပြီးနောက်မှာတော့ သူ ခရီးကပြန်လာပြီး မိုးကို အရင်လိုပြန်တွဲဖို့ ဆုံးဖြတ်ခဲ့ခြင်းပင် ။ သူ ယခု စိတ်လှုပ်ရှားပြီး ရင်ခုန်နေမိတယ် ။ သူ အခုချိန်မှာ မိုးကို မသိစိတ်ထဲက ချစ်နေခဲ့တယ်ဆိုတာ သေချာသိလိုက်ပြီဖြစ်ပါတယ် ။
"မိုး....."
ဆိုင်ထဲကို ၀င်လာတဲ့မိုးက ဂျင်းဘောင်းဘီအပြာလေးဝတ်ထားပြီး အကျ်ီအဖြူရောင်လေးနဲ့ အရင်လို တည်တည်ငြိမ်ငြိမ်ပုံစံမဟုတ်ဘဲ ပေါ့ပေါ့ပါးပါးဟန်နဲ့ ချစ်စရာကောင်းနေတယ် ။ သူလက်ပြလိုက်တော့ မိုးက မြင်သွားပြီး စားပွဲကို လျှောက်လာတယ် ။
" ဘာကိစ္စရှိလို့လဲ..."
မိုးက တွေ့တွေ့ချင်း မေးခွန်းထုတ်လာတယ် ။
"အရင်ကအမှားတွေ အားလုံးအတွက် ကိုယ်တောင်းပန်ပါတယ်။ ကိုယ် မိုးကို ချစ်တယ်။ ကိုယ် ဒီတစ်ခါ တကယ် အတည်ပြောတာပါ မိုးရယ်"
"ကျွန်မ ကို ချစ်တယ်ဟုတ်လား။ ဒါဆို ဘာလို့ ကျွန်မအကြောင်းကိုသိတဲ့အချိန် ထားသွားခဲ့ရတာလဲ။ ဘာလို့ ခုမှပြန်ပေါ်လာရတာလဲ"
YOU ARE READING
သံသယများရဲ့ နောက်ကွယ် [ Completed ]
Romanceလက်ထပ်ဖို့ထိ ရည်ရွယ်ထားတဲ့ ချစ်သူ ရှိလျက်နဲ့ ရည်းစားများပြီး ပွေရှုပ်နေဆဲ ဖြစ်တဲ့ မြတ်မင်းမောင် ။ ချစ်သူက ရည်းစားများတဲ့အပြင် သူ တွဲတဲ့မိန်းကလေးတွေနဲ့ပါ မိတ်ဆက်ပေးခြင်းခံရတဲ့ မိုးမခ ။ နားလည်ပေးရင်း နဲ့ နာကျင်စွာ ရှေ့ဆက်နေရတဲ့အခါ ။ မိုးတစ်ယောက် ဘယ်လေ...