အပိုင်း ( ၁၉ )
မိုး အချိန်တော်တော်ကြာတဲ့အထိ မောင့်ကို ချစ်တဲ့စိတ်ကြောင့် နာကျင်ခံစားနေရတုန်းပင် ။ဆယ်ရက်ပြည့်တဲ့နေ့မှာတော့ မိုး ကိုယ့်ကိုယ်ကို ပြောင်းလဲဖို့ စတင်တော့တယ် ။ မိုး မောင့်ရှေ့မှာ ဟန်ဆောင်ခဲ့တဲ့ ယဉ်သေးသိမ်မွေ့တဲ့ ၀တ်စားဆင်ယင်မှု ၊ အပြောအဆိုတွေကို မေ့ပစ်လိုက်တယ် ။ မိုး အရင်ထဲကနေနေကျ ပုံစံအတိုင်း လွတ်လွတ်လပ်လပ်သာ ၀တ်ဆင်၊ ပြောဆိုနေထိုင်တော့တယ် ။ မိုး ဆက်ပြီး ဟန်ဆောင်နေစရာမှမလိုတော့တာ ။ ဟန်ဆောင်လိမ်ညာတာတွေ မရှိတော့တဲ့အခါ စိတ်က ပိုပြီးအေးချမ်းလာတယ် ။
မိုးရဲ့ ဆိုင်လေးကိုပဲ စိတ်နှစ်ထားပြီး မောင့်ကို မေ့ထားခဲ့တယ်။ တစ်ခါတလေ သတိရမိတာက လွဲရင် အဆင်ပြေပါတယ်လေ။ သူငယ်ချင်းတွေနဲ့ အရင်လို ပျော်ပျော်ပါးပါး မုန့်စားတယ် ၊ အတူတူ လျှောက်လည်ကြတယ်။ ခုမှ ပျော်ရွှင်မှုတွေ နည်းနည်းပြန်ခံစားလာရတယ်။
ထက်မြတ်က ပန်းဆိုင်ထဲကို ၀င်လာတယ် ။
"မိုး..."
"ပြောလေ၊ ထက်မြတ်"
"အေမီ နိုင်ငံခြားကို အပြီးပြန်သွားပြီ"
မိုး မဲ့ပြုံးပြုံးမိတယ် ။ အေမီက သူ့ဆန္ဒတွေပြည့်တော့ ပြန်ပြီပေါ့။
"မြတ်မင်းလည်း ခရီးထွက်သွားပြီလို့ သတင်းကြားတယ် "
"အင်း....."
မောင် မိုးကို နားလည်ပေးပြီး ပြန်ဆက်သွယ်မလားဆိုတဲ့ နောက်ဆုံးမျှော်လင့်ချက်လည်း ပျက်ဆီးသွားပြီ။
မောင် အားလုံးကို မေ့ပစ်ဖို့ ကြိုးစားနေပြီထင်တယ် ။ မိုး အကြောင်းတွေသိတော့ မိုးကို ထားခဲ့ပြီပေါ့ ။ မိုး မောင့်အပေါ် နားလည်ပေးခဲ့လို့သာ မောင်က တွဲနေခဲ့တာ။ ခုအားလုံးသိပြီဆိုတော့ ချန်ထားခဲ့ပြီပေါ့ ။မိုး လည်း မေ့နိုင်ဖို့ ကြိုးစားရတော့မှာပေါ့လေ။ တကယ်တမ်းတော့ နှလုံးသားထဲမှာ မောင့်ကို သတိရတဲ့စိတ်ကြောင့် နာကျင်နေရတုန်းပင် ။ မောင်များ ဖုန်းဆက်မလားလို့ အချိန်တိုင်း မျှော်နေမိဆဲပါပဲ ။
ESTÁ A LER
သံသယများရဲ့ နောက်ကွယ် [ Completed ]
Romanceလက်ထပ်ဖို့ထိ ရည်ရွယ်ထားတဲ့ ချစ်သူ ရှိလျက်နဲ့ ရည်းစားများပြီး ပွေရှုပ်နေဆဲ ဖြစ်တဲ့ မြတ်မင်းမောင် ။ ချစ်သူက ရည်းစားများတဲ့အပြင် သူ တွဲတဲ့မိန်းကလေးတွေနဲ့ပါ မိတ်ဆက်ပေးခြင်းခံရတဲ့ မိုးမခ ။ နားလည်ပေးရင်း နဲ့ နာကျင်စွာ ရှေ့ဆက်နေရတဲ့အခါ ။ မိုးတစ်ယောက် ဘယ်လေ...