Aquarius (SOON TO BE PUBLISHED)

Chapter 12: Drops of Fluid

THIRD PERSON

"Eve?" gulat ngunit mahinahon na bulalas ni Mrs. Hutton nang makita niya ang biglaang pagmulat ng mga mata ni Eve.

Dahan-dahan siyang tumayo saka pinunasan ang pisngi niyang natuyuan na ng luha. Tiningnan naman ni Mr. Hutton ang direksyon ng kamang hinihigaan ni Eve at gaya ng kanyang asawa ay gulat na gulat din siya nang makita niyang gising na ang kanilang anak.

Because of too much excitement, they walked slowly towards their daughter, hindi makapaniwala sa nasasaksihan nila ngayon. Nang makalapit sila at makita ng malapitan ang kanilang anak ay hindi na nila maiwasang mapaluha dahil sa galak.

"Our dear daughter..." Marahan na hinaplos ni Mrs. Hutton ang pisngi ni Eve. "Thank God you're awake. We missed you so much, sweetie."

Walang naging kibo si Eve sa lahat ng mga sinabi ng kanyang ina maging sa paghaplos nito sa kanyang pisngi. She's like a statue. Not moving, just staring blankly at the ceiling without even blinking her eyes.

Nagsimulang kabahan ang mag-asawa kaya hinintay nila itong mag-response man lang sa kanila. Paulit-ulit ding binabanggit ni Mrs. Hutton ang pangalan ni Eve pero parang hindi man lang ito naririnig ni Eve.

"Hon, call Dr. Aguillard... please."

"Okay. I'll be back." Mr. Hutton gave Mrs. Hutton a peck of kiss on her forehead.

Bago tuluyang lumabas ng kuwarto si Mr. Hutton ay tiningnan niya pa ng ilang segundo si Eve at ang kanyang asawa saka na patakbong tumungo sa opisina ni Dr. Aguillard. Mayamaya lang ay biglang bumukas ulit ang pinto at iniluwal nito ang hingal na hingal na si Mr. Hutton kasunod ang doktor na si Dr. Aguillard.

"Roe."

Agad nilapitan ni Mr. Hutton ang kanyang asawa saka hinawakan sa baywang. Hindi naman nakaimik si Mrs. Hutton at pagod niya lang tiningnan ang kanyang asawa.

"This is a good news. Genevieve is awake. Mas magiging madali na sa 'min ito."

Napatingin ang mag-asawa kay Dr. Aguillard nang bigla itong magsalita. Sinundan nila ito ng tingin hanggang sa suriin nito si Eve.

"She's still in shock. Normal lang ito sa mga pasyenteng matagal nakatulog. Hindi agad siya makaka-response o adapt sa kung ano man ang mga nangyayari sa kanyang paligid. Usually, hindi naman magiging matagal ang recovery niya. Only one or two days," si Dr. Aguillard.

Kaya pala kahit anong gawin at salita nila kanina ay hindi man lang kumikibo si Eve, nakatitig lang ito sa kawalan at 'yon ang labis na ikinabahala ng mag-asawang Hutton.

"But, Doc, she's going to be okay, right?" Nanginginig si Mrs. Hutton. Hinimas naman ni Mr. Hutton ang likod niya para matanggal man lang ng konti ang takot at pag-aalala nito sa kanilang anak.

"Of course, she is, ma'am. Now that she's already awake, we're going to monitor her every hour."

"Thank you, Doc," Mr. Hutton.

Tumango lang si Dr. Aguillard sa kanya at nagpaalam na itong umalis. Lumapit ang mag-asawa sa kamang hinihigaan ni Eve at pinagmasdan nila ito nang mabuti. Kung titingnan si Eve ay masyadong napakaamo ng mukha nito at parang walang problemang iniinda. Sobra-sobra na silang naaawa sa anak nila at wala man lang silang magawa para maibsan man lang ang nararamdaman nito. All that they could give is their time and presence to Eve.

Lumipas ang ilang oras ay hindi pa rin kumikibo si Eve. Sa bawat pagkurap ng kanyang dalawang mata ay katumbas ng hindi maipaliwanag na nararamdaman ng mag-asawa. Sinubukan din nila itong pakainin pero nang maabutan sila ng doktor ay agad silang pinatigil nito dahil hindi pa puwedeng pakainin ang pasyenteng nasa state pa ng shock. Tinuturukan na lang nila ito ng gamot para kahit papaano ay may nutrients pa rin na makuha si Eve.