I Belong with you O•N•G•O•I•N•G🔥

Chapter 16

[CHAPTER 16]

[Athena’s POV]

“Baby?”

Maang akong napalingon kay Levi nang kunin niya ang atensiyon ko. Kung anu-ano kasi ang tumatakbo sa isipan ko kaya hindi ko napansin na nakahinto na pala sa parking ng hotel ‘yong kotseng sinasakyan namin. Pagkatapos nang aming kasal ay kumain kami kasama ang mga kaibigan ko, then after that ay nagsibalik na ang mga ito sa Manila at kaming dalawa na lang ni Levi ang naiwan sa Baguio.

“Ah, nandito na pala tayo.” Pagkuwa’y turan kong natatawa para pagtakpan ‘yong kabang nadarama ko. Ewan ko ba, pero ang OA talaga ng nararamdaman ko ng mga sandaling iyon. Talo ko pa ang bibitayin.

“You alright?” Nag-aalalang tanong niya.

“Yeah, of course. I am fine.” Tugon ko. Nang bumaba siya ng kotse ay bumaba na rin ako. Agad n’yang hinawakan ang kamay ko at sabay na kaming pumasok sa loob ng naturang hotel.

Nang makapasok na kami sa aming silid ay mas lalo akong kinabahan. Kung anu-ano ang mga naglalarong eksena sa isipan ko na sadya namang mas lalong ikina-nerbiyos ko. Athena, kalma. Relax. Nangingiting turan ko sa isip.

“Baby?”

“Yes?” Agad kong sinulyapan si Levi. Nakatayo siya sa gilid ng kama.

“You’re smiling.”

“Am I what?”

“Sabi ko ngumingiti ka.” Natatawa n’yang sabi bago siya humakbang palapit sa akin. “Ngumingiti kang mag-isa.”

“Ah, may naiisip lang kasi ako.” Turan ko at bahagya akong napaatras nang mas lumapit pa siya sa akin.

“So, paano pa ba ‘yan? Ikaw na ngayon si Mrs. Alejandro.” Tila nanunuksong turan niya habang nakangiti kaya napangiti rin ako bago niya ako hinapit sa bewang. “At wala ka nang kawala sa akin.” Dugtong niya pa bago niya inangkin ang aking mga labi. Tinugunan ko ang kanyang mga halik at bahagya akong napaungol nang maramdaman ko ang dila niya sa loob ng bibig ko habang malayang naglalakbay ang isang kamay niya sa loob ng damit ko.

“Uhm, Levi…” Hinuli ko ‘yong kamay n’yang nasa loob ng damit ko nang maramdaman kong kinakapa niya ang hook ng bra ko. “Can I take a shower first, please?”

“Okay, baby, sabay na tayo.”

“Ano?” Napakunot-noo ako. “Ayoko.”

“Ha?” Natatawa siya. “Faith, wala namang masama kung magsabay tayong maligo kasi po mag-asawa na tayo at normal iyon.”

“Basta, ayaw ko.” Giit ko habang kumukuha ako ng pamalit na damit sa loob ng bag ko. Narinig ko ang mahinang tawa niya. Nang lingunin ko siya ay nakahiga na siya sa kama ng pahalang.

“Ayaw mo talaga akong kasabay, baby?” Tila nakakalokong tanong niya nang papasok na ako sa banyo. Inirapan ko lamang siya.

Nang makapasok na ako ng banyo ay saka lang ako nakahinga ng maluwang. Aware naman ako sa posibleng mangyari lalo pa’t first night namin together as husband and wife, pero hindi ko pa rin maiwasang hindi kabahan lalo pa’t hindi ko alam kung anong gagawin ko at paano kaming magsisimula.

Halos dalawang oras din siguro ako sa loob ng banyo. Sinigurado ko talaga na malinis ako at mabango paglabas ko mula rito. Nakasuot na ako ng pajama bottom at t-shirt. Kasalukuyan kong tinutuyo ng towel ‘yong buhok ko nang magsalita si Levi.

“Akala ko, baby, sa banyo ka na matutulog. Ang tagal mo.” Turan n’yang tumayo mula sa pagkakahiga habang tumatawa. “Akala ko ayaw mo akong katabi, baby, eh.”