🎶ဂျပ်ဆင်ထိပ်က လရိပ်ကလေးသာတယ်...လွမ်းမိတယ်...သူဘယ်ရောက်နေလဲမသိတော့ပြီပဲ...🎶
ရေဒီယိုကနေပြန့်လွင့်လာတဲ့ သီချင်းက အတိတ်တွေဆီ ကျွန်တော့်ကိုမျောပါသွားစေသည်။
.........
ညီက ဂျပ်ဆင်ထိပ်ကလရိပ်ပြာ ကိုခပ်တိုးတိုးညည်းရင်းကော်ဖီဖျော်နေရာမှ"အကို... ဒီသီချင်းတီးပြမလား"
"ကိုယ်မှ ဒီသီချင်းမရတာ ညီရဲ့..."
ခေါင်းတညိမ့်ညိမ့်နဲ့ သူ့အတွေးနဲ့သူ သီချင်းကို ညည်းနေပြန်သော ညီ။
🎶နွေကျောင်းပိတ်ရက်တွေလွန်ချိန်မှာ သူပြန်မလာနိုင်ပြီပဲ...ဘာကြောင့်လဲကိုယ်မသိခဲ့ပါ။ ဂျပ်ဆင်ထိပ်က လရိပ်ပြာရယ်...🎶🎵
ကျွန်တော်ကတော့ လိုင်းပေါ်ကနေ ထူးအိမ်သင်ရဲ့ ဂျပ်ဆင်ထိပ်ကလရိပ်ပြာသီချင်းရဲ့ chordတွေကိုအပြေးရှာမိသည်ပေါ့။
"ညီ...ဒီမှာလာထိုင်။ တီးပြမယ်"
ဖုန်းကိုခုံပေါ်ချရင်း ကျွန်တော့်ဘေးကနေရာလွတ်ကိုလက်ဖြင့်ပုတ်ပြရင်းခေါ်လိုက်သည်။
ညီက အလိုက်တသိပင်နံရံမှာကပ်ထောင်ထားတဲ့ ဂစ်တာကိုတစ်ဖက်ကကိုင်ကာ လက်တစ်ဖက်ကတော့ကော်ဖီခွက်ကိုကိုင်လျက်ကျွန်တော့်ဘေးနားရောက်လာသည်။ကြည့်လိုက်တီးလိုက်နှင့်သံစဉ်တွေက သိပ်တော့မလှပနေပါ။ ညီကတော့ ပြုံးလျက်နားထောင်ပေးရှာသည်။
"ပေးတော့...အကို ဒီသီချင်းတွေမရဘူး။ ကျွန်တော်တီးပြမယ်။ ဂျပ်ဆင်ထိပ်ကလရိပ်ပြာတော့မဟုတ်ဘူး။ ဗင်းဆင့်ဗန်ဂိုးတမ်းချင်း...နားမထောင်ဖူးဘူးမလား"
"အင်း...လုပ်ပါဦး"
"တီးလုံးပဲရမယ်...စာသားကမရတော့ဘူး😅"
ညီ့ရဲ့ခေါင်းလုံးလုံးကို လက်နဲ့တစ်ချက်ပုတ်လိုက်ပြီး စားပွဲပေါ်ချထားတဲ့ သူ့ရဲ့ကော်ဖီခွက်ကလေးကို ဆွဲယူလိုက်သည်။
ချစ်သူ ရဲ့ ဂစ်တာသံ...
သူဖျော်တဲ့ကော်ဖီခါးခါး...
YOU ARE READING
အရိပ္အေယာင္ အရိပ်အယောင်
Romanceအကို့ကို ဘာလို့ချစ်ရသလဲမေးကြတဲ့အခါ ကျွန်တော့်မှာဖြေစရာ အဖြေမရှိ။ အကိုက ကျွန်တော့်အတွက်အဖြေမရှိတဲ့ မေးခွန်းပဲ..... .................................. အကို႔ကို ဘာလို႔ခ်စ္ရသလဲေမးၾကတဲ့အခါ ကြၽန္ေတာ့္မွာ ေျဖစရာ အေျဖမ႐ွိ။ အကိုက ကြၽန္ေတ...