မနက်စာစားရန်အတွက် သုံးယောက်လုံးထမင်းစားစားပွဲတွင်ထိုင်နေကြသည်။ မေဆူးခက်ရှိနေသည့်အတွက် မနက်စာကိုတော့အပြင်မှာစားရန်မလို။ သို့သော် စေလိုရာ၏အသည်းကျော်လေးက ကောက်နေသည်။
"မာမီ သားကအဲ့လူကြီးစားပြီးမှစားမယ်"
ထမင်းစားပွဲတွင်ထိုင်နေရာမှထပြီး စေလိုရာ့ကိုမျက်စောင်းထိုးပြီးထွက်သွားသည်။ မေဆူးခက်လည်းအခြေအနေကဘယ်လိုဖြစ်နေတာလဲဆိုတာသိချင်တာကြောင့် စေလိုရာ့ကိုအကြည့်တစ်ချက်နဲ့မေးလိုက်သည်။ သို့သော် စေလိုရာကခေါင်းကုတ်ပြီး အကောင်ပိစိလေးအနောက်ကိုပြေးလိုက်သွားသည်။
"ကလေး! ကလေး! ဦးကိုစိတ်ဆိုးနေတာလား"
"မဆိုးပါဘူး ... ဒီအတိုင်းပဲဘာမှမဖြစ်ဘူး"
"ဖြစ်နေပါတယ် ... ပြော ကိုယ်အမှားလုပ်မိထားတယ်မလား"
"သိချင်ရင် ဦးရဲ့ကောင်မလေးတွေကိုသွားမေးပါလား"
အခန်းတံခါးကြီးကိုဝုန်းခနဲပိတ်သွားပြီး အိပ်ရာပေါ်ပစ်လှဲပစ်လိုက်သည်။ စားပွဲပေါ်ရှိဖုန်းကိုလှမ်းယူလိုက်ပြီး နားကြပ်တပ်ကာသီချင်းဖွင့်လိုက်သည်။ ဖုန်းကိုဘောင်းဘီအိတ်ထဲထည့်လိုက်ပြီး စာအုပ်စင်လေးဆီလျှောက်သွားလိုက်သည်။ စာအုပ်စင်ပေါ်မှဖတ်ချင်သည့်စာအုပ်လေးတစ်အုပ်ကိုယူလိုက်ပြီး ပြတင်းပေါက်ဘောင်ပေါ်တွင်တက်ထိုင်လိုက်သည်။ စာအုပ်လေးကိုဖွင့်ကာစိတ်ဝင်တစားဖတ်နေသည်။ စေလိုရာကအကောင်ပိစိလေး၏အခန်းထဲသို့ဝင်လာသည်။ ပြတင်းပေါက်ဘောင်ပေါ်ကအကောင်ပိစိလေးကိုပွေ့ချီလိုက်သည်။
"ဟာ ဘာလုပ်တာလဲ ... ဒီမှာစာဖတ်နေတယ်လေ"
နားကြပ်ကလေးကိုဖြုတ်ကာ စေလိုရာကိုမော့ကြည့်ပြီး စူပုပ်ပုပ်လေးနဲ့စကားဆိုလာသည်။ စေလိုရာကဘာမှပြန်မပြောဘဲပွေ့ချီကာအောက်ထပ်သို့ဆင်းလာပြီး ထမင်းစားစားပွဲရှေ့တွင်ချပေးလိုက်သည်။
"အပြင်မှာပဲစားလိုက်တော့မယ် ... အဲ့ကလေးကိုသာသေချာကျွေး
လိုက် သွားပြီ"
အကောင်ပိစိလေးကသူရှိနေရင်မစားဘူးလို့ဆိုထားသောကြောင့် သူအပြင်မှာပဲစားလိုက်တော့မည်ဟုဆုံးဖြတ်လိုက်ခြင်းဖြစ်သည်။ တစ်သက်နဲ့တစ်ကိုယ်ဒီလောက်ချစ်တတ်တဲ့လူကိုမမြင်ဖူးလို့ မေဆူးခက်မျက်လုံးပြူးကာမော့ကြည့်မိသည်။
YOU ARE READING
သခင့်စေလိုရာ
Romanceစေလိုရာ 💚 သခင် (အရာအားလုံးကိုအချိန်တွေကကုစားသွားမှာပါလို့ပြောပေမဲ့ သူ့အတွက်တော့ ကလေးငယ်နှင့်ပတ်သက်သည့်အရာအားလုံးကို မည်သည့်အချိန်ကမှမကုစားနိုင်ပါ) Male Pregnant👶 ဇာတ်လမ်းအဖြစ်အပျက်၊ နေရာ၊ ဇာတ်ကောင်များအားလုံးသည် ဝင့်လွှာ၏စိတ်ကူးယဉ်မျှသာဖြစ်သည်။ ဝင...
