ပြုံးစိစိနှင့်ဝင်လာသော တာရာ့ကိုမြင်သည်နှင့် ရဲရင့်အပြေးအလွှားအနားရောက်လာပြီး မေးလေတော့သည် ။
"တာရာ အခြေအနေဘယ်လိုလဲ
ဟိုငချေကောင်နဲ့ မင်းအဆင်ပြေရဲ့လား "တာရာသူ့ရဲ့ယုန်သွားလေးတွေပေါ်အောင်ပင် ပြုံးလိုက်မိသည်။ ငချေကောင်တဲ့လေ ဒါအဓိကကို ကွယ်ရာမှာခေါ်ကြတဲ့နာမည်ဖြစ်သည်။
"မင်းတို့ပြောနေသလောက်လဲ မဆိုးပါဘူးကွာ …ကလေးလေးပါ ဖြူစင်ပါတယ် "
"အေး အေး မင်းတစ်ယောက်ပဲ အဲ့ငချေကောင်ကို ကလေးလေးလိုဖြူစင်တယ်ပြောသေးတယ်၊ သူနဲ့ ဆက်ဆံဘူးတဲ့လူတိုင်းကတော့ သူ့ရဲ့တုတ်ထိုးအိုးပေါက်အပြောတွေကြောင့် အောင့်သက်သက် ခံစားခဲ့ရသူတွေ မနဲဘူး"
"အော် အဲ့တာ သူ့ကိုဘာတွေသွားမေး သွားပြောလို့လဲမှမသိတာ "
သူ ရေခဲသေတ္တာဆီလျှောက်သွားရင်း ရေတစ်ခွက်ငှဲ့သောက်ကာ ပြောလိုက်မိသည် ။
" ဟာ တာရာ မင်းကဒီကောင်နဲ့ဒီနေ့မှ တစ်ခါပဲတွေ့လာရသေးတယ် လေသံတွေက သူ့ဘက်ကပါလားကွ၊ ဘာလဲ မင်းကို တော့သူ ကောင်းကောင်းမွန်မွန် ဆက်ဆံလိုက်တယ်လား "
ရဲရင့်အမေးကြောင့် တာရာ့အာရုံထဲ ကလေးငယ်လေးသဖွယ် အော်ဟစ်ရယ်မောနေသည့် အဓိကပုံရိပ်လေးပေါ်လာသည် ။
" အင်း အဆင်ပြေပါတယ် မင်းတို့ပြောနေသလောက်လဲမဆိုးပါ....ကဲ ငါ နားတော့မယ် ဘိုးတော်ကတော့ ငါ့ကိုပွားတော့မှာပဲ သူ့ show ကြပ်တဲ့ ရာသီနဲ့ငါဒီကားမှာပါခွင့်ရသွားတာနဲ့ သူငါ့ကိုအနားတော့ပေးမယ်မထင်ဘူး မတတ်နိုင်ဘူးကွာ၊ ငါဒီကားကိုတော့ လက်လွတ်မခံနိုင်ဘူး၊ အဲ့တော့ ငါအချိန်လေးရှိတုန်းအားမွေးလိုက်အုံးမယ် "
ပြောရင်း သူ့ပခုံးကိုခပ်ဖွဖွပုတ်၍ ထွက်သွားသော တာရာ့ကျောပြင်ကိုကြည့်ရင်း ရဲရင့်တစ်ယောက်သက်ပြင်းဖွဖွချမိသည် ။
တာရာဆိုသောသူ့သူငယ်ချင်းလေးသည် အင်မတန် စိတ်သဘောထားကောင်းပြီး နူးညံ့သော အေးဆေးလွန်းသော
ကောင်လေးတစ်ယောက်ဖြစ်သည် ။ တစ်ခါတစ်ရံ စိတ်တိုဒေါသကြီးတတ်သည်ကလွဲပြီး အချိန်တော်တော်များများတွင် အနေအေးသော ကောင်လေးဖြစ်သည် ။
ဒါကြောင့်လဲ boss ကသူ့ကိုဆိုနိုင်စားနေတာ။
YOU ARE READING
အချစ်ဆိုသော ထိုအရာ (Complete)
Romanceကိုကို့ ကို ဘယ်အချိန်က စချစ်မိလဲ ကျွန်တော့ကို ကျွန်တော်လဲ မသိတော့ဘူး သေချာတာတော့ ကိုကို့ အပြုံးတစ်ချက်က ကျွန်တော့်ကို ရူးသွပ်စေနိုင်တဲ့ အထိ အစွမ်းထက်တယ် #အဓိက မင်းအတွက် အရာအားလုံး စွန့်လွှတ်ဖို့ ဝန်မလေးပေမဲ့ ငါ့အတွက်ကြောင့် မင်းကြိုးစားထားတဲ့အရာ...